One French Kiss Swaps 80 Million Bacteria

• ပြင်သစ်အနမ်းခေါ်တဲ့ ပါးစပ်နှုတ်ခမ်းချင်း နမ်းစုပ်တာကနေ ခံတွင်းမှာရှိတဲ့ ဗက်တီးရီးယားတွေ ကူးစက်စေတယ်။
၁ဝ စက္ကန့်ကြာနမ်းရင် ဗက်တီးရီးယားပေါင်း သန်း ၈ဝ ကူးစက်တယ်လို့ သုတေသနတခုက တွေ့ရှိလာပါတယ်။ သိပ်တော့မစိုးရိမ်ပါနဲ့တဲ့ ကြာရင်ခံတွင်းထဲမှာနေကြတဲ့ ဗက်တီးရီးယားတွေ အခြေအနေပြောင်းလာအောင်ဆိုရင် ပြင်သစ်နမ်းနည်း အကြိမ်ပေါင်းများစွာ လုပ်မှသာဖြစ်နိုင်ပါသတဲ့။
လူတွေရဲ့ သွားကြား၊ ပါးစောင်နဲ့ သွားဖုံးတွေမှာ ဗက်တီးရီးယား အမျိုးအစားပေါင်း ၇ဝဝ ရှိနေတာပါ။
စုံတွဲ ၂၁ တွဲတို့ရဲ့ တံတွေးနမူနာတွေကို ယူပါတယ်။ စုံတွဲတိုင်းမှာ ယောက်ျား၊ မိန်းမေတွေရဲ့ ရှိရင်းစွဲ ဗက်တီးရီးယားတွေရဲ့ ဆင်တူမှုကို အရင်စစ်ဆေးထားပါတယ်။
ဒိနောက်မှာ စုံတွဲတိုင်းထဲက တယောက်ကို probiotic yogurt ရောဂတ် လို့ခေါ်တဲ့ ဒိန်ဂျင်ရည်ကို သောက်စေပါတယ်။ အဲဒီစားစရာထဲမှာ Streptococcus thermophilus ဗက်တီးရီးယားတွေ့ပါတယ်။ ပြီးတော့ ၁ဝ စက္ကန့်ကြာ နမ်းကြစေပါတယ်။ ပြီးတော့ သူတို့ရဲ့သွားရည်နမူနာတွေ တခါထပ်ယူပါတယ်။
ဗက်တီးရီးယားတွေကိုရေတွက်ပြီး ဆန်းစစ်မှုလုပ်တဲ့အခါ ရောဂန်သောက်တဲ့သူဆီက ဗက်တီးရီးယားပေါင်း သန်း ၈ဝ ဟာ ရောဂတ်မသောက်သူဆီရောက်လာတာကိုတွေ့ရှိလိုက်ရပါတော့တယ်။
သုတေသနဆရာတွေက အတွဲတွေကို ပြီးခဲ့တဲ့နှစ်အတွင်း ပြင်သစ်နမ်းနည်း အကြိမ်ပေါင်း ဘယ်လောက် လုပ်ခဲ့ကြသလဲလို့မေးကြည့်ပါတယ်။
တနေ့မှာ ၉ ခါနမ်းတဲ့အတွဲနဲ့ ဒီလောက်ခဏခဏမနမ်းတဲ့အတွဲနဲ့ သိပ်မကွာတာတွေ့ရပါတယ်။ ဗက်တီးရီးယားတွေက အဆက်မပြတ် ပြောင်းလဲဖြစ်စဉ်မှာ ရှိနေကြတယ်။
ဒီတွေ့ရှိချက်ကို တနင်္လာနေ့ထုတ် Microbiome ဂျာနယ်မှာ ရေးသားထုတ်ပြန်လိုက်ပါတယ်။

ဒေါက်တာတင့်ဆွေ
၂၂-၁၁-၂ဝ၁၄

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး