မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, January 10, 2017

Penorit ဆေးဆိုတာဘာလဲ

၁။ Penorit ဆေးကို ကိုယ်ဝန်ရှိတဲ့အချိန်သောက်ရင် ဘာဖြစ်တတ်ပါသလဲဆရာ။

မေးနည်း ပို့ပြီး။ အသက်-ကျား-မ မသိ။ ဘာဖြစ်နေ မသိ။ ဖြေမရ။ မပြောလိုသူ ဘလော့မှာ ဖတ်နိုင်။ အရင်မေးသူတွေ ကလည်း အချက်အလက်စုံ မပြောကြပါ။

၂။ ဆရာရှင့် သမီးက Ygn ကပါ။ သမီးတစ်နေ့က penorit ဆေးကို ၁ လုံး မနေ့ကတလုံး သောက်လိုက်ပါတယ်။ သောက်ပြီး ဖျားချင်သလိုဖြစ်နေပါတယ်။ ကိုယ်လည်းနည်းနည်းပူပါတယ်။ လူကအားမရှိသလိုဖြစ်နေပါတယ်။ ခေါင်းလည်းမူးပါတယ်။ အဲဆေး တခါမလည်းမသောက်ဖူးပါဘူး။ အဲဒါဘယ်လိုလုပ်သင့်ပါလဲဆရာရှင့်။ အဲလိုဘဲ ဖြစ်တတ်တာလား။ ကိုယ်ပူလို့အဖျားပျောက်ဆေးတွေ သောက်သင့်လား သိချင်လို့ပါရှင့်။ ကျေးဇူးတင်ပါတယ်ရှင့်။

၃။ ဆရာရှင့် Penorit (Norethisterone Acetate + Ethinyloestradiol) ဆိုတဲ့ ဆေးအကြောင်းနှင့် ကောင်းကျိုး၊ ဆိုးကျိုးများကို သိလိုပါသည်ရှင်။

Penorit ဆေးမှာ Norethisterone Acetate 10mg နဲ့ Ethinyloestradiol 0.02mg တွေပါတယ်။ မ-မျိုးဥ ထွက်မှာကို တားဆီးပေးတယ်။ နောက်ပြီး သားအိမ်အဝမှာရှိတဲ့ အကျိအချွဲကို စေးပြစ်စေတယ်။ ဒါ့ကြောင့် ကိုယ်ဝန်ရမှာကို တားပေးတယ်။ Penorit ဆေးကို ကိုယ်ဝန်မရှိ၊ ရာသီမလာသူတွေကိုပေးတယ်။ အနည်းဆုံး ၈ ပတ်ကြာ ရာသီ ထိန်နေသူကိုသာ ပေးသင့်တယ်။ ၂ ရက်ဆက်သောက်၊ ၃ ရက်ကနေ ၆ ရက်အကြာမှာ သွေးဆင်းမယ်။ တချို့ ၁၅ နေမှသာ ဆင်းတယ်။ ကိုယ်ဝန်ရှိနေသူကို မပေးရ၊ ကလေးနို့တိုက်နေရင် သတိနဲ့ပေးတယ်။ နို့ထွက်နည်းစေမယ်။

ဘေးထွက်ဆိုးကျိုးများ = ခေါင်းကိုက်၊ ဝမ်းပျက်၊ ကိုယ်အလေးချိန်ပြောင်းလဲ (ပိန်-ဝ)၊ ဆံပင်ပါး၊ ရင်သားတင်း၊ ဒါတွေက ဘေးထွက် ဆိုးကျိုးတွေဖြစ်တယ်။ တချို့သွေးဆင်းများမယ်၊ ဖျားမယ်၊ စိတ်အနေအထားပြောင်းမယ်၊ အအိပ်ပျက်မယ်၊ မွေးလမ်းပိုးဝင်ရင် ဆရာဝန်ပြပါ။

ရှားပြီးဆိုးဝါးတဲ့မကောင်းကျိုးတွေကတော့ Thrombophlebitis သွေးပြန်ကြောရောင်၊ Arterial thromboembolism သွေးလွှတ်ကြောပိတ်၊ Pulmonary embolism အဆုပ်သွားသွေးကြောပိတ်၊ Myocardial infarction နှလုံးသွေးကြောပိတ်၊ Cerebral hemorrhage ဦးနှောက်သွေးကြောသွေးယို၊ Cerebral thrombosis ဦးနှောက်သွေးကြောပိတ်၊ Hypertension သွေးတိုး၊ Gallbladder disease သည်းခြေအိတ်ရောဂါ၊ Carcinomas အသဲကင်ဆာ၊ Benign liver tumors အသည်းကင်ဆာမဟုတ်တဲ့အကျိတ်တွေ ဖြစ်တတ်တယ်။

သွေးခဲ့တာပြဿနာရှိသူ၊ ဦးနှောက်-သွေးကြောရောဂါရှိသူ၊ ရင်သားကင်ဆာရှိသူ၊ သားအိမ်အတွင်းလွှာကင်ဆာရှိသူ၊ အသည်းကင်ဆာရှိသူ၊ ဘာကြေင့်မှန်းမသိဘဲ သွေးဆင်းနေသူတွေကို မပေးရပါ။ Rifampin, Barbiturates, Phenylbutazone, Phenytoin sodium, Griseofulvin, Corticosteroids, Ampicillin and Tetracyclines ဆေးတွေနဲ့ တွဲပေးတာ သတိထားရတယ်။

Dr. တင့်ဆွေ
၂ဝ-၈-၂ဝ၁ဝ
၁ဝ-၁-၂ဝ၁၇

1 comment:

  1. penoritကကိုယ်ဝန်ရမှာကိုတားဆီးပေးနိင်ပါသလားခင်ဗျာ

    ReplyDelete

Note: Only a member of this blog may post a comment.