Yogurt reduces diabetes risk (ရောဂတ်) စားခြင်းဖြင့် ဆီးချိုကို သက်သာစေနိုင်

• ၆-၂-၂ဝ၁၄ နေ့ကထွက်တဲ့ ကျန်းမာရေးနဲ့ ဆေးပညာ နိုင်ငံတကာ သတင်းခေါင်းစဉ် ဖြစ်ပါတယ်။
• အရင်က “ပန်းသီးတနေ့တလုံးစားရင် ဆရာဝန်နဲ့ ဝေးနိုင်တယ်” လို့ ဆောင်ပုဒ်ရှိထားခဲ့ရာကနေ အခုတခါ “ရောဂတ်စားရင်လဲ ဆရာဝန်နဲ့ ခပ်ဝေးဝေးနေနေနိုင်တယ်” လို့ ပြောရမလိုဖြစ်လာတဲ့သတင်းမျိုးပါ။
• ဒီအသစ်တွေ့ရှိချက်က ဗြိတိသျှသုတေသနလုပ်သူတွေကနေ Diabetologia ထဲမှာရေးလိုက်တာပါ။ ဆရာဝန်တွေက လူပေါင်း ၄ဝဝဝ လောက်ကိုစမ်းသပ်ခဲ့ပါတယ်။ တချို့ဆိုရင် ဆီးချို အမျိုးအစား (၂) ဖြစ်နေတာ ၁ဝ နှစ်ကျော်နေသူတွေ ဖြစ်ပါတယ်။ ရလဒ်ကနေ ဆီးချိုဖြစ်လာနိုင်ခြေ ၂၈% လျော့ချနိုင်တယ်။

• ရောဂတ်ဆိုတာ အဆီနည်းနည်းပါနွားနို့ကို အချဉ်ဖောက် (ကစော်ဖောက်) ထားတာဖြစ်ပါတယ်။
• Yogurt ကိုလုပ်ရာမှာ Lactobacillus delbrueckii subsp. bulgaricus နဲ့ Streptococcus thermophilus ဗက်တီးရီးယားပါတဲ့ (ကာလ်ချာ) ကိုသုံးပါတယ်။ ဒါ့အပြင် lactobacilli နဲ့ bifidobacteria တွေကိုလဲ ထပ်သုံးတယ်။ တချို့နိုင်ငံတွေမှာ colony-forming microorganisms ပိုးတွေကလဲသုံးပါတယ်။
• ရောဂတ်လိုဘဲ အဆီနည်းနည်းပါနွားနို့ကနေလုပ်ထားတဲ့ Cottage cheese အိမ်လုပ်ဒိန်ခဲ ကနေလဲ ၂၄% လျော့နည်းစေတာကိုပါ တွေ့ရပါတယ်။ ရောဂတ်ကို တပါတ်မှာ ၄ အောင်စ ရောဂတ် ၄-၅ ရက်စားကြပါတယ်။
• ဒီလိုအစားအသောက်ကနေဘာလို့ ဆီးချိုဖြစ်နိုင်ခြေနည်းစေသလဲဆိုတာတော့ မပြောနိုင်သေးပါ။ ရောဂတ်ထဲမှာ ဗီတာမင် (ကေ) ပါတာကြောင့်လားလဲ စဉ်းစားကြပါတယ်။ Probiotic bacteria (ပရိုဘိုင်အောတစ် ဗက်တီးရီးယား) ပါတာကြောင့်လားလဲ စဉ်းစာပါတယ်။
• ရောဂတ်ထဲမှာ ပါတဲ့ အာဟာရဓါတ်တွေကတော့ ပရိုတင်း၊ ကယ်လ်စီယမ်၊ ဗီတာမင် ဘီ ၂၊ ဘီ ၅၊ ဘီ ၁၂ တွေ ဖြစ်တယ်။ အဆီပါဝင်မှုကတော့ (ဝ) ကနေ (၄%) အထိ အမျိုမျိုးရှိတယ်။
• Yogurt (Yoghurt or Yoghourt) ရောဂတ်ကို နို့အမျိုးမျိုးကနေထုတ်ကြပါတယ်။ နို့ထဲမှာပါတဲ့ Casein (ကေဆင်း ပရိုတင်း) ကို (ဗက်တီးရီးယား) နဲ့တွေ့ပေးထားတာဖြစ်ပါတယ်။ အိန္ဒိယမှာ Da-hi (ဒါဟီး) လို့ ခေါ်တယ်။
• Lactose-intolerant နို့ထဲမှာပါတဲ့ (လက်တို့စ်) သကြားဓါတ်ကို ခံနိုင်ရည်မရှိသူတွေတချို့ဟာ ရောဂတ်တော့ စားနိုင်တာ တွေ့ရတယ်။
• လူကြီးတွေရော ကလေးတွေအတွက်ပါ အာဟာရဖြစ်စေတယ်။ အနံ့မွှေးအောင် စထောဘယ်ရီလို ထည့်ထားတာတွေလဲရှိတယ်။
• ရောဂတ်ကို (အင်တီဘိုင်အောတစ်) ဆေးသောက်လို့ဖြစ်တဲ့ ဝမ်းပျက်တာကို ပေးနိုင်ပါတယ်။
• ဒီလို ကျန်းမာရေးသတင်းမျိုးကို ခေါင်းစဉ်လေးဖတ်ပြီး တန်းမယုံသင့်ပါ။ ဆီးချိုရောဂါရဲ့ အခြေခံထဲမှာ လူဝတာ ပါတယ်။ ရောဂတ်စားလို့ များလာမဲ့ (ကယ်လိုရီ) ကိုလဲ ထည့်တွက်ရပါမယ်။ ကိုယ်လက်လေ့ကျင့်ခန်းလုပ်ဘို့ လိုတာလဲ မေ့လို့မရပါ။ အချိုမစားရတာကတော့ အဓိကအချက်ဖြစ်ပါတယ်။ မျိုးရိုးလိုက်တာကိုလဲ ပြင်မရနိုင်ပါ။

ဒေါက်တာတင့်ဆွေ

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး