မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, January 24, 2017

It was such fun ရိုင်းစိုင်းတယ်ဆိုတာ ပျော်စရာတဲ့

ဖေ့စ်ဘွတ်မှာ ဆဲရေးတိုင်းထွာနေကြတာ နေ့စဉ်လိုလိုဖတ်ရတယ်။ မထူးသလိုပဲ။ ဒါပေမဲ့ ဘုန်းကြီးကဆဲတော့ ကုလသမဂ္ဂအထိ ရောက်သွားရတယ်။ တချို့ပုဂ္ဂိုလ်တွေ၊ တချို့အသက်မွေးမှုပြုသူတွေဟာ သူများတွေထက် ဆင်ခြင်ကြရတယ်။ အမတ်မင်းတွေ စကားမလိမ်မာရင် အမျိုးသမီးဆိုရင် ငါးစိမ်းသည်နဲ့၊ အမျိုးသားဆိုရင် ကြေးစားမနဲ့ နှိုင်းခံရတယ်။

ဆိုဗီယက်ယူနီယံခေါင်းဆောင် နီကီတာ ခရူးရှက်ဖ်ဟာ ၁၉၆ဝ ကမ္ဘာ့ကုလသမဂ္ဂ အထွေထွေညီလာခံမှာ မိန့်ခွန်း ပြောနေရင်း ဖိလစ်ပိုင်ကိုယ်စားလှယ်ရဲ့ စကားကို ဒေါသထွက်ရာကနေ စကားပြောစင်မြင့်ကို သူ့ဖိနပ်နဲ့ထုရိုက်ခဲ့တယ်။ ခရူးရှက်ဖ်ဟာ လက်သီးဆုပ်နှစ်ဖက်နဲ့ စားပွဲကိုအရင်ထုပါတယ်။ နောက်မှ ညာဖက်ရှူးကို ချွတ်ယူ၊ လေထဲဝှေ့ရမ်းပြီးမှ စကားပြောခုံမျက်နှာပြင်ကို ထုနှက်ပါတယ်။ အဲလိုလုပ်ပြီးနောက် ခရူးရှက်ဖ်ဟာ ဘယ်လောက် ပျော်စရာကောင်းသလဲလို့ ဆိုလိုက်ပါသေးတယ်။ ၁၂-၁ဝ-၁၉၆ဝ နေ့က တကယ့်အဖြစ်အပျက်ပါ။

ဒေါက်တာတင့်ဆွေ
၂၄-၁-၂ဝ၁၅
၂၄-၁-၂ဝ၁၇

No comments:

Post a Comment

Note: Only a member of this blog may post a comment.