Magnolia တတိုင်းမွှေးပန်း
ကျွန်တော် အခုနေရတဲ့ဒေသ ဒီအချိန်မှာ အများဆုံးနဲ့ အလှဆုံးပွင့်နေတဲ့ပန်းကို (မက်နိုလီယာ) ပန်းလို့ခေါ်တယ်။ ဝါရှင်တန် ဒီစီမှာတော့ ချယ်ရီပွဲတော်ကာလဖြစ်ပါတယ်။ မက်နိုလီယာပန်းဟာ အမေရိကားမှာတော့ မစ္စစ်စပိနဲ့ လူးဝစ္စယားနားမှာ ပြည်နယ်ပန်းလို့သတ်မှတ်ထားတယ်။ အမေရိကန်သမိုင်းမှာ တောင်ပိုင်းဒေသရဲ့ သင်္ကေတဖြစ်တယ်။ ရုက္ခဗေဒလို Magnolia grandiflora လို့ခေါ်တယ်။ မက်နိုလီယာမျိုးစိတ်ပေါင်း (၂၁ဝ) ရှိသတဲ့။
ရှေးအလွန်ကျတဲ့ပန်းဖြစ်တယ်။ ပန်းနဲ့ အခေါက်ကို တရုပ်တိုင်းရင်းဆေးမှာသုံးကြတယ်။ ဂျပန်မှာ အရွက်ကို ဟင်းချက်ရာမှာသုံးတယ်။ အစားအစာ ထုပ်ပိုးဘို့လည်းသုံးတယ်။ M. sieboldii ကတော့ မြောက်ကိုရီးယားရဲ့ အမျိုးသားပန်းဖြစ်တယ်။
မြန်မာလို တတိုင်းမွှေးပန်းလို့ခေါ်တယ်။ အပွင့်အရောင်က မျိုးစုံတယ်။ အဖြူရောင်၊ ပန်းရောင်၊ အဝါရောင်၊ ပန်းခရမ်းရောင်၊ အနီရောင်၊ ခရမ်းရောင်။ မက်နိုလီယာပန်းကို ရုပ်ရှင်၊ တေးဂီတနဲ့ စာပေမှာလည်းဖွဲနွဲ့ကြတယ်။ တဂိုးကဗျာထဲမှာလည်း ပါတယ်။ မြန်မာပြည်မှာ အရာရာ တတိုင်းမွှေးပန်းပါစေ။
ဒေါက်တာတင့်ဆွေ
၃၁-၃-၂ဝ၁၇
Comments
Post a Comment