မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Friday, January 13, 2017

Myths of Pregnancy and Postpartum မီးတွင်းကျန်းမာရေး အယူအဆအမှားများ

၁။ မင်္ဂလာပါဆရာ ကလေးမီးဖွားထားသည့် မိခင်တွေက ဆပ်ပြာတလလောက်မသုံးရဘူးဆိုတာ ဟုတ်ပါသလား။ လူကြီးတွေက ဆပ်ပြာမသုံးရဘူး ပြောပြောနေလို့ပါ ရှင်းပြပေးစေလိုပါတယ်ရှင့် ကျေးဇူးပါဆရာ။

၂။ ဆရာ ကျွန်မအသက် ၃၂ နှစ်။ ဒုတိယကိုယ်ဝန် ၆ လရှိပါပြီ။ ကလေးမွေးပြီး ဘယ်နှစ်ရက်ကြာရင် ခေါင်းလျှော်လို့ ရပါလဲဆရာ။ ပထမကလေးမွေးပြီးတုံးကတော့ လူကြီးတွေက တလနေရမယ်ဆိုလို့ တော်တော့်ကို စိတ်ညစ်စွာ သည်းခံပြီးနေခဲ့ရပါတယ်။ ရေတော့ဆေးရုံကအိမ်ပြန်ရောက်တာနဲ့ပုံမှန်ချိုးပါတယ်ဆရာ။ ကျွန်မခွဲမွေးတာပါ။ ခုကိုယ်ဝန်လဲ ခွဲမွေးမှာပါ။ မီးတွင်းဘယ်နှစ်ရက်ဆို ခေါင်းလျှော်ဖို့သင့်တော်မလဲဆိုတာပြောပြပေးပါဆရာ။ ကျေးဇူးပါဆရာ။

၃။ မင်္ဂလာညချမ်းပါဆရာ။ သမီးသိချင်တာလေးမေးပါရစေ။ လူကြီးမိဘတွေကပြောတတ်ကြတဲ့ ကိုယ်ဝန်ဆောင် နေစောင်းရင်ရေမချိုးရဘူးဆိုတာ ဟုတ်ပါသလားဆရာ။ မီးဖွားရင်ရေပါတယ်ပြောပါတယ်။ အမှန်လားဆရာ။

၎။ ဆရာ မီးနေသည် ဝက်သားမစားရဘူးဆိုတာ ဟုတ်ပါသလားရှင်။ အိမ်ကလူကြီးတွေက မစားနဲ့ဆိုလို့ပါ။ ဘာများ ဘေးထွက်ဆိုးကျိုးဖြစ်နိုင်ပါသလည်းရှင်။

၅။ ဆရာရှင့် မြန်မာနည်းရှေးစွဲအရ ကိုယ်ဝန်ဆောင်မိခင်လောင်းတွေဟာ မမွေးခင် လေဆေးကို သောက်ကြပါတယ်။ သောက်ခိုင်းကြပါတယ်။ ကလေးလေပါရင် မိခင်များအနည်းငယ်ဒုက္ခရောက်ကြတယ်ပြောကြပါတယ်။ လေဆေး သောက်ခြင်း မသောက်ခြင်းသည် ကလေးတွင် လေပါခြင်း မပါခြင်းနဲ့ ဆက်စပ်ပါလားဆရာ။ ရိုးရိုးမွေးလျှင် သောက်ဖို့ လိုအပ်ပြီး ခွဲမွေးလျှင် မလိုအပ်ပါဆိုတာ ဟုတ်ပါသလားဆရာ။ လေဆေးသောက်ပါက ကလေးတွင် အသားဝါပါလာနိုင်ချေ များတယ်ဆိုတာ ဟုတ်ပါလားဆရာ။ ကျေးဇူးတင်ပါတယ် ဆရာရှင့်။

ကိုယ်ဝန်ဆောင်နဲ့ မီးတွင်းမှာ ကျန်းမာရေးအယူအဆအမှားတွေ နေရာတိုင်းမှာရှိပါတယ်။ မေးခွန်းမှာပါတဲ့လေဆေးဆိုတာ ဘာလည်း။ ရောင်းနေတဲ့လေဆေးဆိုတာအားလုံးက တူကြပါသလား။ အဲလိုဆေး သူများတိုင်းပြည်မှာမရှိပါ။ မြန်မာပြည်က အမျိုးသမီးတွေသာ ကိုယ်ဝန်ဆောင်နေရတာမဟုတ်ပါ။

၁။ ကိုယ်ဝန်ရှိလာရင် အားအင်တွေတိုးလာတာဖြစ်တယ်လို့ ထင်မှတ်တယ်။ တကယ်တော့ အခက်အခဲတွေ အဆင့်ဆင့် ဖြတ်ကျော်ရပါမယ်။ တချို့မှာ အားအင် ဆုတ်ယုတ်ကြတယ်။ မောပန်းကြတယ်။ တချိန်လုံးပျို့အန်ချင်နေတတ်တယ်။

၂။ စိုးရိမ်စိတ်ကဲလွန်တတ်ကြတယ်။ စိုးရိမ်စရာရှိတော့ မှန်ပါတယ်။ ဒါပေမယ့် မလွန်ကဲသင့်ပါ။ တချို့ကို စနစ်တကျ ကိုယ်ဝန်အပ်တာ၊ စစ်ဆေးတာတွေ မလွဲမသွေ လိုအပ်ပါတယ်။ တချို့ကတော့ ဆရာဝန်မပြောနဲ့ သားဖွါးဆရာမနဲ့တောင် မတွေ့ရပဲ အကောင်းမွေးပါတယ်။

၃။ မွေးဖွါးလို့နာကျင်မှုဆိုတာ ဓမ္မတာမို့ ဘာမှအကူအညီလုပ်ပေးနေစရာမလိုဘူး ယူဆကြတယ်။ တကယ်တော့ အဲလိုမဟုတ်ပါ။ မွေးဖွါးတဲ့အခါ မနာစေအောင် Epidural ခေါ် ခါးထုံဆေးနည်းကို လိုချင်သူက တောင်းဆိုနိုင်ပါတယ်။

၎။ ကလေးကို သဘာဝနည်းအတိုင်းမွေးတာ မလျှော်ဘူးလို့ထင်ကြသူတွေရှိတယ်။ အဲလိုလုပ်တာ တောကျတယ်လို့ ပြောသူတွေလည်းရှိတယ်။ အမှန်က အနာသက်သာစေအောင်လိုချင်လိုမယ်။ အမွေးမြန်အောင် လိုချင်လိုမယ်။ ရိုးရိုးမွေးမရလို့ ဆန်းဆန်းမွေးရတာကလွဲရင် သဘာဝနည်းထက်ကောင်းတာ မရှိပါ။

၅။ မွေးပြီးတာနဲ့ ကလေးအမေဘဝရောက်တော့မယ်လို့ အကောင်းမြင်လွန်းသူတချို့လည်းရှိတယ်။ အဲလိုဘဝကို တန်းရောက်သူတွေရှိသလို အချိန်ယူပြီးမှသာ ကိုယ့်ကိုယ်ကို ကလေးအမေလို့သိလာသူတွေလည်းရှိတယ်။

၆။ ကိုယ့်ကိုယ်ကိုယုံကြည်မှုအပြည့်ရှိသူတိုင်း ဘယ်အရာမဆို ရင်ဆိုင်ကိုင်တွယ်ကျော်လွှားနိုင်မယ်လို့ မှတ်ထင်ထားတတ်ကြတယ်။ အမြဲတမ်းတော့ အဲလိုမရနိုင်ပါ။ ယဉ်ကျေးမှုတွေက မတူကြပါ။ လွန်ကဲတာတွေကို တဖြေးဖြေးပြင်ယူကြရတယ်။

၇။ နို့အလိုလိုထွက်လာမယ်။ အများစုမှာမှန်ပေမယ့် လူတိုင်းတော့ အဲလိုမဟုတ်ပါ။ ကလေးကို ချက်ချင်းနို့မတိုက်နိုင်တဲ့ အခြေအနေမှာ နို့ထွက်တာနောက်ကျမယ်။ အတော်ကြိုးစားယူရတာရှိတတ်တယ်။ လက်လျှော့လိုက်ရာအထိ ရှိတတ်တယ်။

၈။ Postpartum mood disorder မီးတွင်းကာလစိတ်မူပြောင်းကာ ကလေးကိုထိခိုက်မယ်။ ထင်တတ်တယ်။ အမြဲမမှန်ပါ။

၉။ မွေးပြီးရင် အိပ်ရေးပျက်မယ်။ လူတိုင်းမှာ အဲလိုမဟုတ်ပါ။

၁ဝ။ ကိုယ့်ကလေးကိုချစ်တဲ့မိခင်တိုင်းဟာ ချစ်ရမယ့်တာဝန်ကိုလည်းချစ်တယ်။ လူတိုင်းမှာအဲလိုမရှိပါ။

၁၁။ ဘယ်သူကမှ ငါ့ကိုနားမလည်ကြဘူး။ အဲလိုထင်သူရှိတယ်။ အဲတာ အမြဲမမှန်ပါ။

၁၂။ Baby Blues ဝမ်းနည်းစိတ်ဖြစ်ခြင်းနဲ့ Postpartum Depression မီးတွင်းစိတ်ဓါတ်ကျခြင်း။ ဒီနှစ်မျိုးကမတူပါ။ ကလေးမွေးပြီးစ ဝမ်းနည်းစိတ်က ယာယီသာဖြစ်တယ်။ ၈၅% ဖြစ်တတ်တယ်။ ၂-၃ ပါတ်နေရင်ပုံမှန်ရောက်တယ်။ မီးတွင်းစိတ်ဓါတ်ကျတာက ၁၅-၂ဝ% ဖြစ်တယ်။ ကြာနေနိုင်တယ်။ ဆေးကုသမှုလိုမယ်။

ဒီအချက်တွေက သူများတိုင်းပြည်တွေမှာရှိတဲ့ အယူအဆအလွဲတွေဖြစ်ပါတယ်။ မြန်မာပြည်မှာရှိတာတွေက ပိုများတယ်။ ဆပ်ပြာမသုံးရဆိုတာ မြန်မာပြည်မှာသာ ပြောကြတယ်။ သူများနိုင်ငံတွေမှာ တကိုယ်ရေသန့်ရှင်းရေး အရေးကြီးတယ်လို့ ပြောပါတယ်။ ကိုယ်ဝန်နဲ့ မွေးပြီးစမှာ အစားအသောက်စားတာ အပျိုတုန်းကနဲ့ ကွာခြားတာ မရှိသလောက်ပါ။ ပိုစားရတာတွေ ရှိလာမယ်။ အပူအစပ်လို့ပြောတာတော့ ရှောင်နိုင်ရှောင်ပေါ့။ အသား-ငါး-ဥ ရှောင်ရတာ မရှိပါ။ အသီးအရွက်၊ အသီးအနှံတွေကို ပိုတောင်စားပေးရတယ်။ ရှေးလူကြီးမှာ အဲလိုအလွဲတွေရှိသလို ခေတ်လူတွေ ပြောတာတွေထဲမှာလည်း မလုပ်သင့်တာတွေ ရှိတယ်။ ကိုယ်ဝန်ဆောင်အတွက်ကောင်းပါတယ်ဆိုတဲ့ ဆေးကြော်ငြာတွေ ဖြစ်တယ်။ ကျန်းမာရေးဟာ နိုင်ငံရေးလိုပဲ အင်မတန်ငွေအတွက်လုပ်ကြတာ အလွန်များတယ်။

အသအေချာသိလိုရင် ANC ကိုယ်ဝန်ဆောင် စောင့်ရှောက်ခြင်း http://doctortintswe.blogspot.com/2014/11/anc.html ကိုဖတ်ပါ။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.