Medical check-up before marriage အိမ်ထောင်မပြုခင် ဆေးစစ်ချင်

၁။ ဆရာရှင့် သမီးတို့နှစ်ယောက်စလုံး အသက် (၃ဝ) ပါ။ လက်ထပ်တော့မှာမို့ နှစ်ယောက်စလုံး ဆေးစစ်ရင် ဘယ်လိုပြော စစ်ရမလဲ။ ဘာတွေစစ်သင့်လဲသိချင်လို့ ဖြေပေးပါဆရာ။ ကျေးဇူးတင်ပါတယ်ရှင့်။

၂။ အိမ်ထောင်မပြုခင် ဘာတွေဆေးစစ်ဖို့ လိုမလဲဆရာ။ ရုပ်ရှင်ပညာပေးကားတွေမှာ လက်မထပ်ခင် ဆေးစစ်ဖို့လိုတယ် ဆိုတာတွေ ကြားသိရပါတယ်။ ဘာရောဂါတွေကို စစ်ရမလဲ။

အိမ်ထောင်ကျလို့ လင်-မယားအတူနေတဲ့အခါ ဆက်ဆံရေးပြဿနာ မရှိအောင်၊ သူ့ရောဂါတွေ ကိုယ့်ဆီ၊ ကိုယ့်ရောဂါတွေ သူ့ဆီ မကူးစက်အောင်၊ ကိုယ်ဝန်ဆောင်ရင် အန္တရာယ်မရှိအောင်၊ မွေးလာမဲ့ သားသမီးတွေလဲ ကျန်းမာသန်စွမ်းအောင် ကြိုတင်ဆေးစစ်ထားဘို့ လိုအပ်ပါတယ်။

ဖြစ်လာမှ ကုရမယ်ဆိုတာထက် မဖြစ်ခင် ကြိုတင်ကာကွယ်တာကတော့ အကောင်းဆုံးဖြစ်တယ်။ သတိဆိုတာ ပိုတယ်မရှိ ဆိုတဲ့ ဥပဒေသကို လိုက်နာတာ ကောင်းပါတယ်။ ဒါပေမဲ့ လိုတာထက်တော့ မပိုသင့်ပါ။ စိတ်လှုတ်ရှားမှုထက် စိတ်ပူပင်သောကအထိတော့ မထားသင့်ပါ။ နှလုံးသားဆန္ဒကို ဦးနှောက်ကကျော်လွန်တာမျိုး ရှိပါတယ် အမြဲတမ်းတော့ မဟုတ်ပြန်ဘူး။ ဒီစာဖတ်ပြီး အကုန်လုံး မလုပ်နိုင်လို့လဲ စိတ်အားမငယ်သင့်ပါ။

အိမ်ထောင်ပြုမဲ့သူတိုင်း မလွဲမသွေ စစ်ဆေးဘို့လိုအပ်တဲ့ ဆေးစစ်နည်းတွေ သတ်မှတ်ထားတာတော့ မရှိပါ။ ဒါပေမဲ့ အကြံကောင်းတွေ ပေးပါမယ်။ အကြံဥာဏ်ဆိုတာ အမိန့်၊ စည်းမျဉ်းမဟုတ်လို့ လိုက်နာချင်သူများကသာ လိုက်နာကြတယ်။

• Anaemia သတို့သမီးလောင်းက သွေးအားနည်းမနေသင့်ပါ။ HB (ဟီမိုဂလိုဘင်) ပုံမှန်ရှိနေရမယ်။ သံဓါတ်အားဆေး သောက်နေတာနဲ့ ကောင်းပါမယ်။ သံဓါတ်ကြွယ်ဝတဲ့ အစာတွေလဲ ရွေးစားရမယ်။
• Thyroid လည်ပင်းကြီး ဟော်မုန်း မှန်နေသင့်တယ်။ များလဲမကောင်း၊ နည်းလဲ မကောင်းပါ။ ဆေးကုလို့ရပါတယ်။
• Sugar ဆီးချို ရှိ-မရှိ သိထားသင့်တယ်။
• Blood groups သွေးစစ်ရင် သွေးအုပ်စုဆိုတာ ၂ မျိုးသိဘို့လိုတယ်။ (အေ-ဘီ-အို-အေဘီ) အပြင် Rh အပေါင်းလား၊ အနုတ်လား။ အနုတ်ဖြစ်နေရင် သတိထားရမယ်။ ၁၅% မှာ အနုတ်ဖြစ်နေတယ်။ ကိုယ်ဝန်ဆောင်ရင် ထပ်စစ်ရမယ်။ Rh factor ခေါ်တယ်။ (ရေးထားတာရှိပါတယ်။)
• STDs လိင်ကတဆင့် ကူးစက်ရောဂါတွေ ဘယ်သူဆီမှာဖြစ်ဖြစ် ရှိနေရင် ကြိုတင် ဆေးကုပါ။
• HIV/AIDS (အေအိုင်ဒီအက်စ်) မလွဲမသွေစစ်ပါ။
• Hepatitis အသဲရောင် (ဘီ) နဲ့ (စီ) ပိုးစစ်ရမယ်။ (ဘီ) အတွက် ကာကွယ်ဆေးရှိတယ်။ ပိုးရှိနေတာသိထားရင် ကိုယ်ဝန်ကိုရော၊ မွေးလာမဲ့ကလေးအတွက်ပါ ကြိုတင်လုပ်စရာတွေ အချိန်မီသိမယ်။
• Pap smears test နဲ့ သားအိမ်ဝကင်ဆာ မရှိတာသေခြာအောင် စစ်သင့်တယ်။
• Thalassaemia gene (သာလာဆီးမီးယား) မျိုးဗီဇစစ်တဲ့အခါ နှစ်ယောက်က Silent carrier ဖြစ်နေရင် ကလေးကို ဒီရောဂါရစေဘို့ ၂၅% ရှိတယ်။ မွေးရာပါမျိုးဗီဇရောဂါတခု ဖြစ်တယ်။ မြေထဲပင်လယ်ဒေသနဲ့ ဆိုင်တယ်။ သွေးနီဥထဲက (ဟီမိုဂလိုဘင်) ဆိုတာမှာ ချို့ယွင်းချက်ရှိနေတာ။
• Sickle cell anaemia (ဆစ်ကယ်ဆဲလ်) သွေးအားနည်ရောဂါ မျိုးဗီဇတွေ စစ်ရမယ်။ Haemophilia, Celiac or Hemoglobinopathy ဆိုတာတွေလဲ စစ်နိုင်ရင် ကောင်းပါတယ်။

ဆေးစစ်တာတွေအပြင် ကျန်းမာရေးသုတတွေလဲ လိုပါအုံးမယ်။ ကိုယ်ဝန်တားနည်းတွေကိုလဲ ဖတ်-မှတ်၊ မေးမြန်း-စုံစမ်းထားသင့်တယ်။ တခါတည်း ကလေးယူတော့မှာလား။ စောင့်ချင်သေးလား။ ကလေး တယောက်ပြီး တယောက် ဆက်ယူမှာလား။ မိသားစုစီမံကိန်း ချထားသင့်တယ်။

သူများနိုင်ငံက မိန်းကလေးတွေသာမကပါ မြန်မာနိုင်ငံသူတွေလဲ ကျန်းမာရေးအသိ ပိုတိုးလာနေတာ သဘောကျဘို့ ကောင်းတယ်။ တနေ့ကဘဲ (ဟန်းနီးမွန်း) ရက်က ရာသီလာရက်နဲ့ တိုက်နေလို့ ဘယ်လိုလုပ်ရမလဲ မေးလာတယ်။ မှန်တယ် နေ့ရက်ကို ပြင်လို့ရတယ်။ ဒီအသိပညာကိုလဲ ရယူထားသင့်တယ်။

Gynecology exams မီးယပ်ဆေးစစ်တာ လုပ်နိုင်ရင်ကောင်းတယ်။ တကယ်လို့ တင်ပါဆုံတွင်းအင်္ဂါတွေ ရောင်ဘူးရင်၊ ရောင်နေရင် ကြိုတင် ဆေးကုထားရမယ်။ ကလေးရနိုင်ခြေလဲ ကြိုသိလို့ လုပ်သင့်တာတွေ လုပ်ထားနိုင်တယ်။ ယောက်ျားကလဲ Semen Analysis သုက်ပိုးစစ်ဆေးတာ လုပ်နိုင်ရင် ကောင်းတယ်။

၂ဝဝ၄ ခုနှစ် မကုန်ခင် တရုတ်နိုင်ငံမှာ လက်မထပ်ခင် ဆေးစစ်တာတွေကို အခမဲ့ လုပ်ပေးမယ်လို့ ကြေညာတယ်။ ဒေသဆိုင်ရာ အစိုးရတွေက အကုန်အကျခံမယ်။ ဥပမာ (လိုရှန်) ခရိုင်အစိုးရကနေ ဒီအစီအမံအတွက် တနှစ်မှာ ယွမ် ၂ သိန်းခွဲ သုံးစွဲမယ်။ အရင်ကတော့ အိမ်ထောင်ပြုမဲ့သူတိုင်း မလုပ်မနေရ ဆေးစစ်တာ လုပ်ကြရတယ်။ အမိန့်သာထုတ်တယ် ၂% ကသာ လိုက်နာတာတွေ့ရလို့ အခုလိုပြင်လိုက်ရတာ ဖြစ်တယ်။ မွေးရာပါ ရောဂါတွေ၊ ကူးစက်ရောဂါတွေ၊ နှလုံးရောဂါ၊ စိတ်ရောဂါတွေကို စစ်ဆေးမယ်။ အရင်က ပူပူနွေးနွေးလက်ထပ်တဲ့ မြို့နေ စုံတွဲတွေထဲက ၁ဝ% မှာ ပြောခဲ့တဲ့ရောဂါတွေ တွေ့ရှိရတယ်လို့ ကျန်းမာရေးဌာနမှတ်တမ်းတွေအရ သိရတယ်။ တောနယ်တွေမှာ ၁၃-၁၅% ရှိတယ်။ မြန်မာနိုင်ငံမှာ ဘယ်လောက်ရှိပြီး ဘယ်တော့ အဲလို အစိုးရကနေ ကူမလဲ မသိပါ။

အချုပ်ပြောရရင် ကျန်းမာရေးအသိရှိတာ အလွန်ကောင်းတယ်။ ဖြစ်နိုင်ရင် အသေးစိတ်၊ မဟုတ်ရင် အခြေခံကျတာတွေ စစ်ဆေးထားသင့်တယ်။ လိုအပ်တာ ကုသထားရမယ်။ အိမ်ထောင်မပြုခင်ဆိုရင် ပိုပြီးသတိထားသင့်ကြတယ်ဆိုတာကိုလဲ သတိပေးပါရစေ။

- Blood group matching before marriage လက်မထပ်ခင် သွေးအုပ်စုစစ်ဘို့ အရေးကြီးသလား http://dts-medicaleducation-adult.blogspot.in/2012/05/blood-group-matching-before-marriage.html
- Marriage Advice (1) သီတင်းမကျွတ်ခင် ဖတ်စေချင် (၁) http://doctortintswe.blogspot.com/2014/11/marriage-advice-1.html
- Marriage Advice (2) သီတင်းကျွတ်ရင် ဖတ်စေချင် (၂) http://doctortintswe.blogspot.com/2014/11/marriage-advice-2.html
- Medical check-up before marriage အိမ်ထောင်မပြုခင် ဆေးစစ်ချင် http://doctortintswe.blogspot.com/2015/10/medical-check-up-before-marriage.html

Dr. တင့်ဆွေ
၎-၅-၂ဝ၁၂
၂၄-၄-၂ဝ၁၅