Pregnancy selfies ကိုယ်ဝန်ဆောင်ဓါတ်ပုံ

ဆရာ ကိုယ်ဝန်ဆောင်နေတုန်း ဓါတ်ပုံမရုိုက်ကောင်းဘူးလို့ လူကြီးတွေပြောတာ ကြားဖူးနေလို့ပါဆရာ။ ဓါတ်ပုံရုိုက်တာ ကလေးကို ဘာတွေထိခိုက်စေနိုင်ပါသလည်းဆရာ။

ဒီလိုမေးခွန်းကို အရင်ဆရာဝန်တွေကမဖြေရဘူးပါ။ ကင်မရာနဲ့တွဲထားတဲ့ဖုန်းတွေပေါ်လာမှာ ဒီအမေးပါပေါ်လာတယ်။ ဖုန်နဲ့အတူကင်မရာပေါ်တဲ့သမိုင်းက ၁၉၉ဝ ကျော်ကနေစတယ်။ (ကင်နွန်) ကနေ ၁၉၉၇ မှာစသုံးလာတယ်။ ကယ်လီဖိုးနီးယားမှာနေတဲ့ နည်းပညာတီထွင်သူပညာရှင် Philippe Kahn (ဖိလစ် ခန်း) ကနေ ၁၁-၆-၁၉၉၇ နေ့မှာ သူ့သမီးလေးမွေးလာတာကို ချက်ချင်းဖုန်းကင်မရာနဲ့ရိုက်ပြီး လူ ၂ဝဝဝ ကျော်ဆီကို ရှယ်လိုက်တယ်။

ကိုယ်ဝန်ဆောင်နေတုံးမှာ ဓါတ်ပုံရိုက်တာ စိုးရိမ်စရာမရှိပါ။ အရင်ပေါ်ကင်မရာတွေမှာ သဘာဝအလင်းရောင်သာ သုံးတယ်။ ဓါတ်ရောင်ခြည်မပါ၊ အသံလှိုင်းမပါ၊ လျှပ်စစ်မပါ။ ခေတ်ပေါ် ကင်မရာ၊ ဖုန်းနဲ့တွဲထားတဲ့ ကင်မရာတွေကလဲ ဒစ်ဂျယ်တယ်လ်နည်းသာသုံးတယ်။ အာလ်ထွာဆောင်းလည်း စိုးရိမ်စရာမရှိပါ။ ဓါတ်မှန်မဟုတ်ရင် ဘာမှမဖြစ်ပါ။

ဒေါက်တာတင့်ဆွေ
၂၉-၁၁-၂ဝ၁၄

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး