မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Thursday, December 15, 2016

Multiple myeloma မာလတီပယ်မိုင်လိုမား

0
အမည် ဒေါ့်၊ အသက် ၆၀၊ အိမ်ထောင်သည်၊ သားနှစ်ယောက်ရှိပါတယ်။ လွန်ခဲ့တဲ့ ၁ နှစ်ကျော်ထဲက စတွေ့ခဲ့ပါတယ်။ ခုမန္တလေးမှာနေပါတယ်။ သွေးအထူးကုဆရာဝန့့် နဲ့ကုနေပါတယ်။ ထိုင်းနိုင်ငံကိုလည်းသွားခဲ့ပါတယ်။ သွေးဆရာဝန်နဲ့ ပြပေမယ့် သွေးကင်ဆာလို့လည်းမပြောဘူး။ နောက်ပြောတာက မာတီဘယ်မိုင်လိုးမားလို့ပြောပါတယ်။ နားလည်းအောင် မပြောပြလို့ပါ။ ဆရာကူညီပါအုံး၊ ဘာရောဂါဆိုတာကိုပါ။ တစ်ချို့က ချဉ်ဆီ အားနည်းတာလို့ ပြောတယ်။

ဆေးစစ်ချက် မှတ်ချက် (ရောဂါအမည်) ဆေးစာလုံး သိပါသလား။

မာတီဘယ်မိုင်လိုးမားလို့ပြောပါတယ်ဆရာ။ အင်္ဂလိပ်လို့တော့ မပေါင်းတတ်ပါဘူးဆရာ။ သောက်ဆေးတွေတော့ အမည်ကို မေးကြည့်ပါအုံးမယ်ဆရာ။ လေးစားလျက်ပါ။

မေးခွန်းပါ သတ်ပုံတချို့ပြင်လိုက်ပါတယ်။ ပင်မဲ့ = ပေမယ့်၊ မပေါင်းတက် = မပေါင်းတတ်။ ဆောရီး။

မာလတီပယ်မိုင်လိုမားဆိုတာ သွေးဖြူဥ (ပလာစအာဆဲလ်) ကင်ဆာတမျိုးဖြစ်တယ်။ ရိုးတဆွင်းခြင်ဆီမှာစုနေတယ်။ ခုခံအားနည်းစေတယ်။ ကျောက်ပ်ါကိုထိခိုက်မယ့် ပရိုတင်းတွေထုနေမယ်။

ဖြစ်နေတိုင်းဆေးကုဘို့မလိုတတ်ပါ။ ခံစားနေရတာရှိလာရင်တော့ ဆေးကုသရမယ်။ အရိုးတွေနာမယ်။ ခါးရိုးနဲ့ ရင်ပတ်မှာအဖြစ်များတယ်။ ပျို့မယ်။ ဝမ်းချုပ်မယ်။ အစားပျက်မယ်။ စိတ်ရှုတ်ထွေးမယ်။ အားယုတ်မယ်။ ရောဂါပိုးဝင်လွယ်မယ်။ အလေးချိန်ကျလာမယ်။ ခြေထောက်တွေ ထုံပြီး အားမရှိသလိုနေမယ်။ ရေငတ်မယ်။

Monoclonal gammopathy of undetermined significance (MGUS) ခေါ်တဲ့ မဆိုးတဲ့ရောဂါနဲ့ဆက်စပ်နေတယ်။ အသက် ၅ဝ ကျော်သူတွေထဲမှာ ၃% လေယက်မယ် အဲတာဖြစ်တာတွေ့ရတယ်။ ၁% လောက်က ကင်ဆာအဆင့် ရောက်လာတယ်။ အသက်ရလေဖြစ်နိုင်လေ။ ယောက်ျားတွေမှာပိုဖြစ်တယ်။

နောက်ဆက်တွဲဖြစ်နိုင်တာတွေရှိတယ်။ ကူးစက်ရောဂါပိုးဝင်လွယ်တယ်။ အရိုးနာမယ်။ ပါးလာမယ်။ ကျိုးမယ်။ ကျောက်ကပ်အလုပ်နည်းလာမယ်။ သွေးနီဥပါနည်းမယ်။

ကုသနည်းတွေကို လိုအပ်သူတွေကိုပေးမယ်။
• Targeted therapy ပစ်မှတ်ထားဆေးပေးနည်းမှာ Bortezomib (Velcade) နဲ့ carfilzomib (Kyprolis) ဆေးတွေသုံးတယ်။
• Biological therapy ဇီဝကုသနည်းမှာ thalidomide (Thalomid), lenalidomide (Revlimid) နဲ့ pomalidomide (Pomalyst) ဆေးတွေကနေ ခုခံအားကိုတိုးတက်စေမယ်။
• Chemotherapy ကင်ဆာဆေးလည်းပေးတယ်။
• Corticosteroids စတီရွိုက်ဆေးလည်းသုံးတယ်။
• Stem cell transplantation စတမ်ဆဲလ်အစားထိုးနည်းလည်းလုပ်တယ်။
• Radiation therapy ဓါတ်ကင်တာလည်းလုပ်နိုင်တယ်။
• Treating complications နောက်ဆက်တွဲဖြစ်လာတာတွေကိုလည်း ကုသပေးရတယ်။ အရိုးနာတာ၊ ကျောက်ကပ်ထိခိုက်တာနဲ့ ရောဂါပိုးဝင်တာတွေအတွက်ဖြစ်တယ်။ သွေးအားနည်းတာလည်းပါတယ်။ အရိုးပါးတာကို pamidronate (Aredia) or zoledronic acid (Zometa) ဆေးတွေပေးတယ်။

ဒေါက်တာတင့်ဆွေ
၁၅-၁၂-၂ဝ၁၆

No comments:

Post a Comment

Note: Only a member of this blog may post a comment.