မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, June 30, 2015

Breast Cancer Risk ရင်သားကင်ဆာ အန္တရာယ်များ

ဘယ်ကင်ဆာမဆို ဘာလို့ဖြစ်သလည်း အတိအကျမသိပါ။ ကင်ဆာဖြစ်နိုင်ချေရှိတာတွေကို ကင်ဆာအန္တရာယ်လို့ ခေါ်တယ်။ မလွဲမသွေအန္တရာယ်နဲ့ နှိုင်းရအန္တရာယ်လို့ခွဲထားတယ်။ ဆေးလိပ်သောက်တာနဲ့ မိသားစုရာဇဝင်က ထိပ်ကနေတယ်။ ဒါပေမယ့် တိုက်ရိုက်သက်ရောက်တာလို့တော့ ပြောမရပါ။ တချို့မှာ အဲဒီအုပ်စုထဲပါနေပေမယ့်မဖြစ်ပါ။  ကင်ဆာအမျိုးအစားမတူရင် အန္တရာယ်လည်းမတူကြပါ။ နေရာင်ပြင်းတာကနေ အရေပြားကင်ဆာကို၊ ဆေးလိပ်ကနေ အဆုပ်၊ ခံတွင်း၊ လည်ချောင်း၊ ဆီးအိမ်၊ ကျောက်ကပ်ကင်ဆာတွေကို ဖြစ်စေနိုင်တယ်။ အသက်ကြီးတာကလည်း အချက်တခုဖြစ်တယ်။ ကြွက်နို့ဗိုင်းရပ်စ်ရှိတာလည်းပါတယ်။ ဘင်ဇင်းဓါတ်နဲ့ ထိတွေ့ခြင်း၊ ခရမ်းလွန်ရောင်ခြည်၊ လူအဝလွန်ခြင်းတွေလည်း ပါတယ်။

ရင်သားကင်ဆာ အန္တရာယ်များ
အမျိုးသမီးတွေမှာ ယောက်ျားတွေထက် ရင်သားကင်ဆာ အဆ ၁ဝဝ ပိုဖြစ်တယ်။ ဆိုးတဲ့ရင်သားကင်ဆာ ၈ ယောက်မှာ ၁ ယောက်မှာသာ အသက် ၄၅ နှစ်အောက်မှာဖြစ်တယ်။ ၃ ယောက်မှာ ၂ယောက်က အသက် ၅၅ ကျော်မှာဖြစ်တယ်။

ရင်သားကင်ဆာထဲမှာ ၅% ကနေ ၁ဝ% အထိဟာ မျိုးဗီဇလိုက်တယ်။ BRCA1 နဲ့ BRCA2 တွေက အဖြစ်အများဆုံး မျိုးဗီဇခွဲတွေ ဖြစ်တယ်။ BRCA1 ထဲမှာ အများဆုံး ၈ဝ% အထိရှိပေမယ့် ပျမ်းမျှ ၅၅ to ၆၅% ရှိတယ်။ BRCA2 မှာ ၄၅% သာရှိတယ်။ အဲလိုအမျိုးသမီးတွေမှာ မျိုးဥအိမ်ကင်ဆာလည်းပိုဖြစ်ကြတယ်။ သွေးသားတော်စပ်သူတွေထဲမှာ ပိုဖြစ်တယ်။ အမေ-သမီး၊ ညီအမတွေကြား ၂ ဆဖြစ်တယ်။ ဘာလို့လည်းတော့ ပြောမရပါ။ တဦးချင်းမှာ ရင်သားတဖက်မှာ ကင်ဆာ ဖြစ်ထားရင် နောက်တဖက်မှာလည်းလာဖြစ်ဘို့ တခြားအမျိုးသမီးတွေထက် ၃-၄ ဆ များတယ်။

လူမျိုးမှာလည်းကွာတယ်။ အဖြူတွေက အသားမည်းအမျိုးသမီးတွေထက် ပိုဖြစ်ကြတယ်။ ဒါပေမယ့် အသက် ၄၅ အောက် ဆိုရင် အမည်းတွေကပိုများတယ်။ အာရှသူတွေနဲ့ စပိန်စကားပြောအမျိုးသမီးတွေက အဖြူတွေထက် သေဆုံးတာမှာ နည်းကြတယ်။

ရင်သားတစ်ရှူးသိပ်သည်းမှုကလည်း သက်ရောက်တယ်။ ရင်သားထဲမှာ အဆီတစ်ရှူး၊ အရွတ်တစ်ရှူး၊ နို့ထွက်အိတ် တစ်ရှူးတွေ ရှိတယ်။ မင်မိုဂရမ်ရိုက်ရင် သိပ်သည်းနေရင် အဆီတစ်ရှူးနည်းနေတာဖြစ်တယ်။ အဲလိုဆိုရင် ပုံမှန်တွေထက် ၁့၂ ဆကနေ ၂ ဆပိုဖြစ်နိုင်တယ်။

ကင်ဆာမဟုတ်တဲ့ရင်သားအကျိတ်များ
(က) Non-proliferative lesions သက်ရောက်မှုမရှိ။
• Fibrosis and/or simple cysts
• Mild hyperplasia
• Adenosis (non-sclerosing)
• Ductal ectasia
• Phyllodes tumor (benign)
• A single papilloma
• Fat necrosis
• Periductal fibrosis
• Squamous and apocrine metaplasia
• Epithelial-related calcifications
• lipoma, hamartoma, hemangioma, neurofibroma, adenomyoepthelioma
• Mastitis

(ခ) Proliferative lesions without atypia ၁့၅ ကနေ ၂ ဆပိုတယ်။
• Usual ductal hyperplasia without atypia
• Fibroadenoma
• Sclerosing adenosis
• papillomas
• Radial scar

(ဂ) Proliferative lesions with atypia ၃့၅ ကနေ ၅ ဆပိုတယ်။
• Atypical ductal hyperplasia (ADH)
• Atypical lobular hyperplasia (ALH)
• Women with a family history of breast cancer and either hyperplasia or atypical hyperplasia have an even higher risk of developing a breast cancer.

(ဃ) Lobular carcinoma in situ ၇ ကနေ ၁၁ ဆပိုတယ်။

လူနေမှုပုံစံ
• ရာသီစော (၁၂ နှစ်သမီးမှာ) ပေါ်သူတွေက ပုံမှန်မိန်းကလေးတွေထက် နည်းနည်းလေးပိုဖြစ်နိုင်ချေရှိတယ်။
• တက်စေ့ကင်ဆာကြောင့် ရင်ပတ်ကိုဓါတ်ကင်ရသူတွေမှာ ပိုဖြစ်စေနိုင်တယ်။ ကင်ဆာဆေးလည်းပေးရလို့ မျိုးဥအိမ်က ဟော်မုန်းမထုတ်ရသူဆိုရင်တော့ နည်းနည်းလေးအဖြစ်နည်းပြန်တယ်။ အသက်ကြီးမှ ဓါတ်ကင်ရရင်တော့ ထူးခြားမှုမရှိပါ။
• ၁၉၆ဝ ကျော်ကာလတွေမှာ ကိုယ်ဝန်မပျက်အောင် (DES) ဆေးပေးခဲ့တယ်။ သူတို့မှာ နည်းနည်းအဖြစ်ပိုတယ်။
• ကလေးမရှိသူတွေနဲ့ ပထမကလေးကို အသက် ၃ဝ မတိုင်ခင်ကမွေးခဲ့သူတွေမှာ နည်းနည်းလေးအဖြစ်ပိုတယ်။ ကလေးများများမွေးသူတွေကနည်းတယ်။
• ကိုယ်ဝန်တားဆေးသုံးတဲ့သူတွေမျာ နည်းနည်းပိုဖြစ်ကြတယ်။ ဆေးရပ်လိုက်ရင် ပုံမှန်ပြန်ဖြစ်တယ်။ Depo-Provera ၃ လခံထိုးဆေးထိုးထားသူတွေမှာ လေ့လာမှုတချို့သာရှိတယ်။ လက်ရှိဆေးထိုးနေသူတွေမှာ နည်းနည်းပိုတယ်။ ဒါပေမယ့် ၅ နှစ်တာထိုးထားသူတွေမှာ ပိုတာမတွေ့ရဘူး။
• သွေးဆုံးပြီးသူတွေကို ဟော်မုန်းဆေးပေးတတ်တယ်။ သားအိမ်ရှိသေးသူတွေကို အီစထိုဂျင် နဲ့ ပရိုဂျက်စတီရုန်းပါ တားဆေးမျိုးပေးတယ်။ သားအိမ်မရှိတော့သူတွေကို အီစထိုဂျင် တမျိုးတည်းသာပေးတယ်။ သူတို့မျာ ပိုတာမတွေ့ရပါ။ ဟော်မုန်း ၂ မျိုးတွဲပေးထားသူတွေမှာ ဖြစ်နိုင်ချေပိုတယ်။ သေဆုံးရမှုလည်းပိုတယ်။
• ကလေးကိုနို့တိုက်သူတွေမှာ (ကလေးအသက် ၁ နှစ်ခွဲ ၂ နှစ်အထိ) အဖြစ်နည်းနည်း နည်းတယ်။
• အရက်သောက်သူတွေမှာ အဖြစ်ပိုတယ်။ တနေ့မှာ ၂-၅ ခွက်သောက်သူတွေမှာ ၁ ဆ ခွဲပိုတယ်။
• အဝလွန်သူ ပိုဖြစ်ကြတယ်။
• ကိုယ်လက်လှုတ်ရှားမှု နည်းသူတွေမှာ ပိုဖြစ်ကြတယ်။ တပါတ်မှာ ၁့၂၅ ကနေ ၂့၅ နာရီအထိ လှုတ်ရှားမှု မလုပ်သူတွေမှာ ၁၈% ပိုဖြစ်တယ်။

ပလပ်စတစ်၊ အလှအပသုံးတွေ၊ တကိုယ်ရေသန့်ရှင်းရေး အသုံးအဆောင်တွေ၊ ပိုးသတ်ဆေး (DDE နဲ့ PCBs) တွေနဲ့ ထိတွေ့သူတွေမှာ သီအိုရီအရအဖြစ်ပိုတယ်။ လက်တွေ့မှာ ကိန်းဂဏန်းမရှိပါ။ သုတေသနတွေလိုသေးတယ်။ ဆေးလိပ်နဲ့ ရင်သားကင်ဆာနဲ့ဆက်စပ်မှု မတွေ့သေးပါ။ ညအလုပ်လုပ်သူတွေ ပိုများကောင်းများနိုင်တယ်။ အတိအကျပြောမရသေးပါ။ ချွေးထွက်သက်သာဆေး၊ ဘရာစီယာ၊ ကိုယ်ဝန်ဖျက်ခြင်းနဲ့ ရင်သားအတုတွေနဲ့ ရင်သားကင်ဆာဆက်စပ်မှုကို ငြင်းခုန်နေကြဆဲဖြစ်တယ်။

ကင်ဆာဆန်ခါတင်စစ်ခြင်းလုပ်တာ ကောင်းတယ်။ ရင်သားကင်ဆာအတွက် မင်မိုဂရမ်ရိုက်ခြင်း၊ အူမကြီးကင်ဆာအတွက် (ကိုလိုစကုပ်ပီ) စစ်ခြင်း။ အမေ ဒါမှမဟုတ် အမမှာ ရင်သားကင်ဆာရှိသူဟာ ဆန်ခါတင်စစ်တာကို သူများထက် ပိုလိုတယ်။ ရင်သားမှာဘာမှမတွေ့ပဲ ဖြတ်ထုတ်တာလုပ်သင့်ကြတယ်။ ၉၅% နည်းစေမယ်။ မျိုးဗီဇစစ်ဆေးနည်းလည်း လုပ်သင့်တယ်။

ဒေါက်တာတင့်ဆွေ
၃ဝ-၆-၂ဝ၁၅

Ovarian cysts မျိုးဥအိမ်အိတ်များ

(၁) ဆရာရှင့် ဆောင်းပါးတွေမှာ ဖတ်ဖူးတာတော့ အရွယ်အစားသိပ်မကြီးခင် 5 cm အောက်ရှိချိန်မှာ အစားသောက်ကို ဆင်ခြင်ရမယ်၊ အသားလျော့စားရမယ်၊ အသီးအရွက်များများစားရပါမယ်၊ အီစထရိုဂျင်ကိုလျော့ချမယ်၊ DIM ကိုပုံမှန် သုံးစွဲမယ်ဆိုရင် အရွယ်အစား ငယ်သွားနိုင်တယ်လို့ သိရပါတယ်။ ခက်တာက DIM (Diindolymethane) ကို ရန်ကုန်မှာ လုံးဝရှာလို့ မရပါဘူးရှင့်။ တကယ်တော့ အမျိုးသမီးအတော်များများမှာ ဒီလို case မျိုးကြုံတွေ့ နေရတယ်လို့သိရပါတယ်။ အမျိုးသမီးထုကြီးအားလုံးရဲ့ ကိုယ်စားအကြံကောင်းလေးလိုချင်ပါတယ်ဆရာ။ ကျေးဇူးတင်ပါတယ်ရှင့်။

(၂) ညီမမှာလည်း ရေအိတ်ရှိတယ်လို့ DR က ပြောတယ်။ အခုလ ရာသီလာတာလည်း ၂ ရက်ထဲ။ ဘယ်ဘက် သားအိမ်ရှိတဲ့ အခြမ်းကလည်း တင်းနေတယ်လို့ခံစားရတယ်။ အဲဒါ ကိုယ်ဝန်ရှိတယ်လို့သတ်မှတ်ရမလား။ ရေအိတ်ရောင်တယ်လို့ သတ်မှတ်ရမလားရှင့်။ ရေအိတ်ရောင်တယ်ဆို ဘာဆေးသောက်ရမလဲရှင့်။ ကလေးလဲ အရမ်းလိုချင်နေပါပြီ။

မေးတဲသူတွေ အသက်မသိပါ။ အမျိုးသမီးတွေဆိုတာတော့ သိပေမယ့် ရာသီ မသိပါ။ အိမ်ထောင်ရေး မသိပါ။ ဘာခံစားနေကြရသလည်း မသိပါ။ ဆေးစစ်သလား မသိပါ။ သားအိမ်နဲ့ မျိုးဥအိမ်ရောဂါအတော်များများ (အာလ်ထွာဆောင်း) ရိုက်မှသိတယ်။

Diindolylmethane (DIM) ကို ဆရာညွှန်ခဲ့ဘူသလားဆိုတာ မမှတ်မိပါ။ ဒီဓါတ်ကို ကြွက်နို့ဗိုင်းရပ်စ်ကနေဖြစ်စေတဲ့ ရှားတဲ့ (RRP) အသက်ရှူလမ်းကင်ဆာတမျိုးမှာသုံးတယ်။ ဒုတိယမေးခွန်းထဲက ရေအိတ်ရောင်တယ်ဆိုတာ ဆေးပညာမှာတော့ မရှိပါ။ ရောင်တယ်ဆိုတာ နာမယ်-ရောင်မယ်-ပူမယ်-နီမယ်-သူ့တာဝန်မလုပ်နိုင်ဖြစ်မယ်။ ဥပမာ သွားဖုံးရောင်နေတာမျိုး။

မေးခွန်းတွေမှာ ရေအိတ်လို့ရေးကြတာများတယ်။ အရပ်ခေါ်တွေက အတော်ဝေခွဲရခက်တယ်။ မေးရင် ဆေးစာရွက်ထဲက စာလုံးပေါင်းကိုသိချင်တယ်။ ရေအိတ်ဆိုတာထဲမှာ ရေ-အရည်သာမဟုတ် အမျိုးမျိုးရှိတယ်။ အရည်ကြည်၊ အရည်ပျစ်၊ သွေး၊ ချောကလက်၊ ဆံပင်-ကိုယ်မွှေး၊ အရိုး-သွား အကုန်ပါနေနိုင်တယ်။ မနေ့ကမေးတဲ့တယောက်ကတော့ ဗိုက်တနေရာ နာနေတာလို့ သူများတွေကရေအိတ်ပြောတာနဲ့ ဘယ်ကဆေးစာလည်းမသိ အဲတာပဲသိချင်လို့ လာမေးနေတယ်။ ကိုယ့်ရောဂါကို သိချင်ပျောက်ချင်တာမဟုတ်ပဲ ရေအိတ်ဆိုတာပဲစွဲလမ်းပြီး မေးနေတာ။

အမျိုးသမီးတိုင်းမှာ မျိုးဥအိမ်တစုံစီပါတယ်။ သူ့ထဲမှာ အလုံး (အကျိတ်) ဖြစ်တာကို Ovarian cysts လို့ခေါ်တယ်။ သေးသေးလေးကနေ ကိုယ်ဝန်မွေးကာနီးအရွယ်အထိကြီးနိုင်တယ်။ အရွယ်ကောင်းတွေမှာ ဖြစ်တာများတယ်။ သွေးဆုံးပြီးသူတွေ ၁၅% သာဖြစ်နိုင်တယ်။ မျိုးဥအိမ်ကနေထုတ်ပေးနေတဲ့ (FSH) နဲ့ (LH) ခေါ်တဲ့ ဟော်မုန်းတွေ အချိုးအစားမမျှလို့ ဖြစ်လာရတယ်။

မျိုးဥအိမ်အရည်အိတ်က အမျိုးမျိုးရှိပါတယ်။
- Graafian or follicular cysts အမျိုးမစားကသေးတယ်။ အလိုလိုပျောက်သွားနိုင်တယ်။ ဗိုက်စူးပြီးနာတတ်တယ်။ ၂၅% သောအမျိုးသမီးတွေမှာဖြစ်တယ်။ တဖက်ထဲမှာဖြစ်တာများတယ်။

- Corpus luteum cysts ဆိုတာ လစဉ်မျိုးဥထွက်အပြီးမှာဖြစ်တယ်။ LH ကြောင့်ဖြစ်ရတယ်။ အမှန်က ပုံမှန်ဖြစ်ရမယ့် (ဖေါ်လီကယ်) ဖြစ်တာပါ။ ဒီဟာကနေ (ပရိုဂျက်စတီရုန်း) ဟော်မုန်းထုတ်ပေးတယ်။ ကိုယ်ဝန်ဖြစ်မလာရင် ပျက်စီးသွားမယ်။ အဲတာမျိုးဖြစ်မလာရင် အလုံးလည်းမဖြစ် ဟော်မုန်းလည်းမထုတ်ပါ။ ဆက်ကြီးလာခဲ့ရင် ဗိုက်နာမယ်။ ပေါက်ထွက်ရင် စူးရှပြီးနာမယ်။ ဒီဟော်မုန်းက မျိုးဥထွက်ဘို့လုပ်ပေးတယ်။ (ကောပတ်းစ်လူတီယမ်) ဖြစ်ဘို့လုပ်ပေးတယ်။ အကျိတ်ဖြစ်ရင်တော့ ဆက်ကြီးပြီး အဲတာမျိုးမလုပ်နိုင်ပါ။

- Hemorrhagic cysts သွေးပြည့်နေတဲ့မျိုးဥအိမ်အကျိတ်
ပေါက်ထွက်ရင် ဗိုက်အောက်ပိုင်းကနာမယ်။ အကျိတ်ထဲမှာ သွေး အရည်ရောအခံပါရှိနိုင်တယ်။

- Dermoid cysts (ဒါးမွိုက်ဆစ်စ) ဆိုတာ ကင်ဆာမဟုတ်အလုံးတမျိုးဖြစ်တယ်။ သူ့ထဲမှာ အဆီ၊ အရိုး၊ အရိုးနု၊ အမွှေးစတာတွေ ပါနေနိုင်တယ်။ ၁၅ စင်တီမီတာလောက်အထိကြီးနိုင်တယ်။ ရောင်ရင်တော့ နာမယ်။ အပင်းလို့ခေါ်ကြတာမျိုး။

- Chocolate cysts ချောကလက်ဆစ်စ်ဆိုတာကို Endometrial cysts လို့လည်းခေါ်တယ်။ Endometriosis သားအိမ်ရောဂါ ရှိနေတဲ့အမျိုးသမီးတွေမှာဖြစ်တယ်။ သားအိမ် (တစ်ရှူး) တွေက သားအိမ်မဟုတ်တဲ့နေရာတွေမှာ ရောက်နေတဲ့ရောဂါ ဖြစ်တယ်။ ရာသီဖြစ်စဉ်မှာ ပထမလဝက်မှာ တက်လာတဲ့ (အီစထိုဂျင်) ကနေသက်ရောက်တယ်။ သွေးတွေက ကြာတော့ အရောင်ပြောင်းရာကနေ ချောကလက်ရောင်ဖြစ်လာတယ်။ ဗီတာမင် (ဒီ) နည်းသူတွေမှာ ဖြစ်တယ်။ (ပရိုဂျက်စတီရုန်း) နည်းနေမယ်။

- Cystadenoma အကျိတ်ကတမျိုးဖြစ်တယ်။ မျိုးဥအိမ်အပြင်လွှာကနေဖြစ်တယ်။ ၃ဝ စင်တီမီတာအထိကြီးနိုင်တယ်။

- Multiple cysts အကျိတ်တွေအများကြီးလည်းရှိနိုင်တယ်။ Polycystic ovaries လို့ခေါ်တယ်။ Polycystic Ovary Syndrome (PCOS) ရောဂါနဲ့ မတူပါ။

- Polycystic Ovary Syndrome (PCOS) ဆိုတာ မျိုးဥအိမ်မျာအလုံးအကျတ်လေးတွေအများကြီးရှိနေတာဖြစ်တယ်။ ရာသီမမှန်တာ နဲ့ ကျား-ဟော်မုန်းများနေတာ ၂ ခု ဖြစ်တယ်။ ကျား-ဟော်မုန်းများနေသူမှာ ဝက်ခြံပေါက်မယ်၊ အမွှေးပေါက် များမယ်၊ လူဝမယ်၊ အဆီပြန်မယ်၊ ကလေးမရဖြစ်မယ်။ မြန်မာအမျိုးသမီးတွေ အဖြစ်မနည်းပါ။ မကြာမကြာမေးကြတယ်။

- Ovarian cancer မျိုးဥအိမ်ကင်ဆာဆိုတာ အသက်ကြီးမှသာဖြစ်တယ်။ ပျမ်းမျှ ၆၃ နှစ်အရွယ်။ လူကဝရင်ပိုဖြစ်တယ်။ ကလေးမမွေးဘူးသူတွေမှာ ပိုဖြစ်တယ်။

မျိုးဥအိမ်အကျိတ်ရှိနေရင် ဒါတွေခံစားရနိုင်တယ်။ ဗိုက်အောက်ပိုင်း အနေရခက်တယ်။ အစာမကျေသလိုနေမယ်။ ဖိအားဖြစ်နေသလိုခံစားရမယ်။ ဖေါင်းနေတာစမ်းလို့သိ မြင်လို့ရမယ်။ အောင့်သက်သက်ကနေ စူးရှရှနာမယ်။ အတူနေချိန်မှာ မနာသင့်ပဲနာမယ်။ ရာသီလာရင်နာမယ်။ ရာသီမမှန်ဖြစ်မယ်။ ကလေးမရနိုင်ဖြစ်မယ်။ ဆီးခဏခဏ သွားချင်မယ်။ ဆီးကုန်ကာနီးနာမယ်။ ဝမ်းမမှန်ဖြစ်မယ်။ ပျို့ချင်မယ်။ အားယုတ်မယ်။ အစာမကျေဖြစ်မယ်။

ဘယ်လိုကုသမလည်း
တခုချင်းအတွက် ကုသနည်းတွေရှိတယ်။ တယောက်ချင်းအတွက်ကုသနည်းရွေးရတယ်။ တချို့ဆရာဝန်တွေက Vitamin D နဲ့ Antioxidants တွေလည်းပေးရတယ်။ ၃-၆ လနေရင် ပျောက်သွားနိုင်တယ်။ Progesterone 100-200mg/day ပေးလေ့ရှိတယ်။ Vitamin D 5000 IU အနည်းဆုံး ပေးတယ်။ Arginine 1600mg/day နဲ့ Cysteine 1200mg/day ကိုပါပေးတယ်။ ဒီဆေးတွေက Antioxidants (Amino acids) တွေဖြစ်တယ်။

အကောင်းဆုံးနည်းတွေ (၃) မျိုးရှိတယ်။ အသက်ကြည့်ရတယ်။ အမျိုးအစားကြည့်ရတယ်။ အရွယ်အစားကြည့်ရတယ်။ ခံစားနေရတာကြည့်ရတယ်။
(၁) Watchful waiting သိထားစောင်ကြည့်မယ်။ အလိုလိုပျောက်နိုင်တာရှိတယ်။
(၂) Birth control pills ကိုယ်ဝန်တားဟော်မုန်းပါဆေးပေးမယ်။
(၃) Surgery ခွဲထုတ်ပေးမယ်။ တချို့ကို (ဆစ်စ်) ကိုသာထုတ်နိုင်တယ်။ မျိုးဥိအမ်ကိုချန်ထားလို့ ဟော်မုန်းမနည်းစေဘူး။ ကလေးရစေမယ်။ သွေးဆုံးတာမဖြစ်စေဘူး။ ovarian cystectomy ခေါ်တယ်။ တချို့ကို မျိုးဥအိမ်ပါထုတ်ရတယ်။ oophorectomy ခေါ်တယ်။ ကင်ဆာလို့သိရင် မျိုးဥအိမ်နှစ်ုလုံး + သားအိမ် + သားအိမ်ပြွန် အကုန်ထုတ်မယ်။

ဆက်စပ်ဖတ်နိုင်တာတွေလည်း ရေးထားပါတယ်။
- Chocolate cyst ချောကလက် ဆစ် http://doctortintswe.blogspot.com/2014/11/chocolate-cyst.html
- Endometriosis (1) သားအိမ်ရောဂါ (၁) http://doctortintswe.blogspot.com/2014/11/endometriosis-1.html
- Endometriosis (2) သားအိမ်ရောဂါ (၂) http://doctortintswe.blogspot.com/2014/11/endometriosis-2.html
- Endometriosis (3) သားအိမ်ရောဂါ (၃) http://doctortintswe.blogspot.com/2015/03/endometriosis-3.html
- Ovarian cancer မျိုးဥအိမ်ကင်ဆာ http://doctortintswe.blogspot.com/2015/02/ovarian-cancer.html
- Ovarian Cyst ကိုယ်ဝန်မဟုတ်တဲ့ ဗိုက်ထဲကအလုံး http://doctortintswe.blogspot.com/2015/02/ovarian-cyst.html
- PCOS and Ovarian cyst http://doctortintswe.blogspot.com/2015/05/pcos-and-ovarian-cyst.html
- Polycystic Ovarian Syndrome (PCOS) ရာသီမမှန်ရင်ဖတ်ပါ http://doctortintswe.blogspot.com/2014/10/polycystic-ovarian-syndrome-pcos.html
- Water bag ရေအိတ်ကိုသာ သိချင်တာပါ http://doctortintswe.blogspot.com/2015/05/water-bag.html

ဒေါက်တာတင့်ဆွေ
၉-၅-၂ဝ၁၅

U-15 ယူ-၁၅ ဖလားပွဲ

Tint Swe Counterfeit politics နကိုယ်ရှိတဲ့တိုင်းပြည်
Swam Tee ဒီမိုကရေစီအတု ရွေးကောက်ပွဲအတုဖြစ်မှာကြောက်သည်

- ရွေးကောက်ပွဲလို့ခေါ်တဲ့အရာ ဖြစ်ပါမည်။
- ဒီမိုကရေစီလို့ခေါ်တဲ့ဟာလည်း အခုကိုဖြစ်နေပြီ။
- အဲတာနှစ်ခုအတွက်တော့ ဘဇာမျှ ကြောင့်ကျစရာမလိုပါ။
- ဘယ်အရာမှ ရာနှုန်းပြည့်မဟုတ်နိုင်တာလည်း လက်ခံရပါမည်။
- တတိယနေရာလုပွဲ အားခဲကြပါကုန်။

ဒေါက်တာတင့်ဆွေ
၃ဝ-၆-၂ဝ၁၅

Fainting မူးမေ့ခြင်း

သမီးအသက် ၂၃ ပါ။ သမီးမှာကျန်းမာရေးနဲ့ပတ်သက်လို့ အထူးအထွေ သိပ်မရှိပါဘူးရှင့်။ တော်ရုံတန်ရုံလောက်ဆို ဆေးတောင်သောက်စရာမလိုဘဲပြန်ကောင်းသွားခဲ့ပါတာပါရှင့်၊ ဒါပေမယ့် သမီးက ၄၊၅ လလောက်တစ်ခါ မျက်လုံးတွေ ပြာလာပြီး ချွေးစေးတွေထွက် အမြင်တွေမှုန်မှုန်လာပါတယ်။ နောက်မူးပြီး မေ့သွားပါတယ် (၁ မိနစ်လောက်တော့ မရှိပါဘူး)။ မေ့တော့မယ်ဆိုသိနေပါတယ် မျက်လုံးတွေပြာလာတာပါ ကိုယ့်ခန္ဓာကိုယ်ကို ပြန်မသယ်နိုင်တော့ဘဲ ဘာမှမသိတော့တာပါ။ သမီးအမေက အသက်၄၉ မှာဆုံးခဲ့ပါတယ်။ သူ့မှာသွေးတိုးနဲ့ လေဖြတ်တာတွေရှိခဲ့ပါတယ်။ သူဆုံးတုန်းကလည်း သွားနေရင်းနဲ့ မူးတယ်ဆိုပြီး ရုတ်တရတ် ဆုံးခဲ့တာပါရှင်။ လွန်ခဲ့တဲ့နှစ်တုန်းကလည်း သမီး ဆေးခန်းပြတော့ ဆေးခန်းကနယ်ဆေးခန်းဆိုတော့ ဆေးတွေ အစုံမရှိခဲ့ပါဘူး၊ သူတို့ပြောတာတော့ ရုတ်တရတ် ပရက်ရှာကျသွားတာလို့ပြောပြီး ဆေးတစ်လုံးထိုးပေးလိုက်ပါတယ်။ သမီးခု အော်ရာမင်းဂျီ အစိမ်းရောင်သောက်ပါတယ်။ ဒါပေမယ့်မနေ့ညနေက ဆေးဆိုင်က အကြောအားဆေးဆိုတဲ့ GISOMULT ကိုသောက်ခဲ့ပါတယ်။ ညဘက် ၂ နာရီ လောက်လဲရောက်ရော ဝမ်းတွေသွားပါတယ်။ သမီးလည်း ခေါင်းတွေကမူးနဲ့ လိုအပ်ရင်အကြောအားဆေးသွင်းသင့် မသွင်းသင့်မေးချင်လို့ပါ ဆရာရှင့်။ နောက်ဘယ်လိုဆေးမျိုးကို သောက်သုံးသင့်ပါသလဲရှင့်။

မေးတဲ့သူ ရာသီ၊ အိမ်ထောင်ရေး မသိပါ။ BP မသိပါ။
ဒီနှစ် မတ်လထဲတုံးက ဆန္ဒပြတဲ့မိန်းကလေးတယောက် မူးလဲတဲ့သတင်းဖတ်ရတယ်။ အဲလိုဖြစ်ပျက်တာမျိုးကို ဆေးပညာအလိုအရ Fainting မူးမေ့ခြင်းလို့ခေါ်ပါတယ်။ ဒိအရင်လွတ်လပ်ရေးနေ့ စစ်ရေးပြပွဲမှာ ချီတက်အလေးပြုရတဲ့ အမျိုးသမီးတချို့ မူးမေ့လဲကျတဲ့ သတင်းတွေကိုဖတ်ရစဉ်က စာတပုဒ်ရေးတင်ခဲ့ပါတယ်။ လူအကောင်းပကတိကနေ ရုတ်တရက်မူးပြီး သတိမေ့တာဟာ Shock ပါဘဲ။ (ရှော့ခ်) တွေက အမျိုးအစားများတယ်။ အဲဒီအချိန်မှာ နှလုံးနဲ့ သွေးကြောတွေက လိုသလောက် အလုပ်မလုပ်နိုင်တာကနေဖြစ်တယ်။ လူ့ကိုယ်ကအရေးပါတဲ့အင်္ဂါတွေတွက် မရှိမဖြစ်တဲ့ အောက်စီဂျင် မလုံလောက်လို့ ဖြစ်လာစေတယ်။ အသက်ဆုံးပါးတဲ့အထိ ဖြစ်နိုင်တယ်။

ဘာလိုတွေဖြစ်လာလည်း။
(၁) စိုးရိမ်စိတ်တွေဖြစ်လာ၊ ဂနာမငြိမ်ဖြစ်လာ၊ မူးလဲမယ်။
(၂) ပျို့ချင်-အန်ချင်လာမယ်။
(၃) ရေငတ်လာမယ်။
(၄) မျက်စိကဝေဝါး၊ သူငယ်အိမ် ကျယ်လာမယ်။
(၅) အသက်ရှူတာ တိမ်-မြန်-မမှန်ဖြစ်မယ်၊
(၆) အရေပြား အေးလာ၊ ဖြူရော်လာ၊ စိုထိုင်းလာမယ်၊
(၇) လက်ကောက်ဝတ် သွေးခုန်တာ မြန်မယ်၊ စမ်းမရဖြစ်မယ်။

ရုတ်တရက်မူးလဲခြင်းအမျိုးမျိုး
• Hypovolemic Shock သွေးထုထည် နည်းလို့ဖြစ်တဲ့ (ရှော့ခ်)၊ ထိခိုက်ဒဏ်ရာရလို့ အတွင်းထဲဖြစ်ဖြစ် အပြင်ကို ဖြစ်ဖြစ် သွေးယိုထွက်တာ၊ မီးလောင်လို့ အရည်တွေခမ်းခြောက်တာ၊ အန်လို့-ဝမ်းလျှောလို့ ရေနဲ့ဓါတ်ဆားတွေ နည်းတာကြောင့် ဖြစ်တယ်။

• Neurogenic Shock အာရုံကြောကြောင့်ဖြစ်တဲ့ (ရှော့ခ်)၊ သွေးကြောတွေ ပုံမှန်မဟုတ် ဖေါင်းလာလို့ သွေးတွေ လိုရာမရောက် ဖြစ်လာမယ်။ (အော်တိုနောမစ်) အာရုံကြောစနစ်ကို သက်ရောက်လို့ဖြစ်တယ်။ သွေးဖိအားကျမယ်၊ တခါတလေ နှလုံးခုန် နှေးတတ်တယ်။ ဦးနှောက်ကို သွေးပြန်ရောက်ရင် ပြန်ကောင်းမယ်။ ဦးနှောက်ထိခိုက်တာ၊ ခါးဆစ်ရိုးထဲက အာရုံကြောစနစ် ထိခိုက်တာတွေကြောင့်လဲဖြစ်တယ်။ အတွင်းအင်္ဂါတွေကို ထိခိုက်လာမယ်။

• Psychogenic Shock စိတ်ကြောင့် ဖြစ်တဲ့ (ရှော့ခ်)၊ ကြောက်စိတ်များ၊ အပျော်လွန်၊ ဒေါသကြီး၊ ပူပန်မှုလွန်ကဲရာကနေ ဖြစ်တယ်။ သွေးကြောတွေ ကျယ်လာတယ်။ ဦးနှောက်ကို သွေးအရောက်နည်းတယ်။ သွေးဖိအားကျမယ်၊ အရေပြား အေးစက်နေမယ်။ ချွေးပြန်မယ်။ နှလုံးခုန်မြန်မယ်။ သတိတဝက်တပျက်မရတာနဲ့ လုံးဝသတိမရတာဖြစ်မယ်။

• Anaphylactic Shock (အနာဖလက်တစ်-ရှော့ခ်)၊ မတည့်တာနဲ့ ထိတွေ့ရာကနေဖြစ်တယ်။ ယားယံလာမယ်၊ အနီပိန့်တွေထွက်မယ်၊ အသက်ရှူခက်လာမယ်၊ ဆီးသွားချင်-ဝမ်းသွားချင်ဖြစ်လာမယ်။ ပူလောင်လာသလို ခံစားရမယ်၊ အသံပျောက်မယ်။ ဆေး၊ အဆိပ်၊ အင်းဆက်၊ အမှုံအမွှား၊ အစားအသောက်၊ စတာတွေကနေ ဖြစ်စေတယ်။

Shock/Faint ဖြစ်ပြီဆိုရင်ဘာလုပ်မလဲ
ရုတ်တရက် ချက်ချင်းဖြစ်တာမို့ ရှေးဦးသူနာပြုလုပ်ဘို့ အလွန့်အလွန်အရေးကြီးပါတယ်။ အသက်ကို ကယ်နိုင်တယ်။ ဆရာဝန်တွေ၊ ဆေးရုံတွေဆီရောက်မှဆိုရင် နောက်ကျတတ်တယ်။ ပြုစုမဲ့သူက တည်ငြိမ်ရမယ်။ တတ်ထားရမယ်။

Hypoglycemia Symptoms သွေးထဲသကြားဓါတ်နည်းလို့မူးလဲတာဆိုရင် တုံတုံရီရီဖြစ်နေမယ်။ အေးစက်နေမယ်။ ရင်တုန်နေမယ်။ စိုးရိမ်စိတ်များနေမယ်။ ခွေျးထွက်နေမယ်။ အစာဆာနေမယ်။ စိတ်တိုနေမယ်။
ပိုဆိုးလာရင် စဉ်းစားရတာရှုတ်ထွေးလာမယ်။ စိတ်ထဲရောထွေးလာမယ်။ ခေါင်းကိုက်မယ်။ တက်မယ်။ သတိလစ်မယ်။

ဘာလုပ်ပေးရမလည်း
(၁) အသက်ရှူလမ်း စစ်ရ၊ ပြင်ရမယ်။ ပိတ်ဆို့နေတာ မရှိစေနဲ့။ လည်ပင်းဆန့်၊ မေးကိုပင့်ပါ။
(၂) သွေးယိုတဲ့နေရာကို သွေးမထွက်အောင်လုပ်ပါ။ ဖိထားပေးပါ။ မြှင့်ထားပေးပါ။ ပတ္တီး-ကြိုးနဲ့ စည်းထားပေးပါ။ Artery forceps သွေးကြောညှပ် ရှိရင်-လိုရင် သုံးပါ။
(၃) ခြေထောက်ပိုင်းကို ခေါင်းအထက်မှာ မြှင့်ထားပါ။ အန်နေရင် ခေါင်းတဖက် စောင်းထားပါ။ ခေါင်း-လည်ပင်း ကျိုးရင်-ကျိုးတယ် ထင်ရင် ပက်လက်အနေအထားမှာသာ ထားပါ။
(၄) အရိုးကျိုးရင် အမာတခုခုနဲ့ ကြပ်စည်းပါ။ ဆွဲမဆန့်ပါနဲ့။
(၅) သက်တောင့်သက်သာ နေပါစေ။ အေးနေရင် စောင်စတာနဲ့ နွေးအောင် ခြုံပေးပါ။ စို-အေး နေတာတွေ ဖယ်ရှားပါ။ သဘာဝမဟုတ်တဲ့ အနွေးပေးတာမျိုး မသုံးပါနဲ့။
(၆) လူနာကို စိတ်ငြိမ်အောင် အားပေးနှစ်သိမ့်ပါ။ သူ့အနာဒဏ်ရာကို မမြင်စေပါနဲ့။
(၇) အန်နေလျှင်၊ အဆိပ်စတာ မသေခြာလျှင် ပါးစပ်က ဘာမှမတိုက်ပါနဲ့။
(၈) လေသန့်ရပါစေ။ ခေါင်းကိုအောက်ချလိုက်ပါ။ အာခေါင်ခြောက်-ရေဆာရင် နှုတ်ခမ်းကိုသာ ရေဆွတ်ပေးပါ။ ဦးနှောက်ထဲသွေးရော်တာနဲ့ ပြန်ကောင်းမယ်။ အားနည်းနေလိမ့်မယ်။
(၉) ဆေးပညာတတ်ကျွမ်းသူ အကူအညီခေါ်ပါ။

အင်္ဂလန်မှာ (ဗီတိုရီးယား) ခေတ်တုံးက အမျိုးသမီးတွေ ဒီလိုဖြစ်ကြတာက Corsets ကိုယ်ကြပ် အဝတ်အစားတွေကြောင့် အသက်ရှူကြပ်တာလဲပါနိုင်တယ်။ မူယာမာယာလဲပါမယ်။ ခဏခဏမူးလဲကြလို့ Fainting game လို့ ခေါ်ရလောက်အောင် လူစည်စည်မှာ လှလှပပလေးလဲကြတာများတယ်။ အမေရိကားမှာဖြစ်ရင် Choking game လို့ ခေါ်တယ်။ မြန်မာပြည်မှာ အမျိုးသမီးစစ်ရေးပြရောဂါလို့ ခေါ်ရတော့မယ်။

၆၇ ကြိမ်မြောက် လွတ်လပ်ရေးနေ့ စစ်ရေးပြအခန်းအနားမှာ မူးလဲကျနေတဲ့ ယူနီဖေါင်းဝတ်အမျိုးသမီးလည်း ကိုယ့်နိုင်ငံသူပဲ၊ ဆန္ဒပြတဲ့မိန်းကလေးလည်း ကိုယ့်နိုင်ငံသူ၊ အတူတူပဲမဟုတ်ပါလား။
ဒေါက်တာတင့်ဆွေ
၎-၃-၂ဝ၁၅
၃ဝ-၆-၂ဝ၁၅

Monday, June 29, 2015

Flying abortion pills ကိုယ်ဝန်ဖျက်ဆေး မောင်းသူမဲ့လေယာဉ်နဲ့ပို့ပေး

၂၇-၆-၂ဝ၁၅ နေ့ကသတင်းဖြစ်ပါတယ်။ ပိုလန်နိုင်ငံမှာ ဥပဒေအရသာကိုယ်ဝန်ဖျက်ချခွင့်ရှိတယ်။ အိမ်နီးချင်း ဂျာမဏီနဲ့ နယ်သာလင်နိုင်ငံတွေမှာတော့ ကိုယ်ဝန်ဖျက်ဆေးကို ဆရာဝန်လက်မှတ်နဲ့ဝယ်လို့ရတယ်။ ဂျာမဏီ Women on Waves အဖွဲ့က အမျိုးသမီးတွေက စာနာစိတ်ထားပြီး (ဖရင့်ဖတ်) ကနေ ကိုယ်ဝန်ဖျက်ဆေးတွေကို မောင်းသူမပါတဲ့ (ဒရုန်း) လေယာဉ်လေးတွေနဲ့ ပိုလန်နိုင်ငံကို ပို့ကြတယ်။ (ဆလူဘိစ်) ရဲမေတွေကအဲတာတွေကို သိမ်းယူလိုက်ကြတယ်။

အရင်ကလည်း ဒတ်ခ်ျက ကင့်ပိန်းလုပ်သူအမျိုးသမီးတွေကလည်း အဲလိုလုပ်ခဲ့ကြပြီးဖြစ်ပါတယ်။ ဆေးပို့ပေးတယ် ဆိုတာထက် ပိုလန်နိုင်ငံရဲ့တင်းကြပ်တဲ့ ကိုယ်ဝန်ဖျက်ဥပဒေကို ဆန့်ကျင်ပြသတာဖြစ်ပါတယ်။

ပိုလန်မှာ ကွန်မြူနစ်ကာလတုံးက ကိုယ်ဝန်ကိုတရားဝင်ဖျက်လို့ရတယ်။ ၁၉၉၃ ရောက်တော့ ခရစ်ယန်ဘာသာလွှမ်းမိုးမှုနဲ့ ဥပဒေနဲ့တားမြစ်လိုက်ပါတယ်။ မုဒိန်းမှု၊ ဆွေးမျိုးချင်နီးကပ်သူချင်းကနေရတဲ့ကိုယ်ဝန်၊ အထဲကကလေးမှာ ဆိုးတဲ့မွေးရာပါ ချို့ယွင်းချက်ရှိနေရင်နဲ့ ကိုယ်ဝန်ဆက်ယူရင်မိခင်လောင်းမှာ အသက်အန္တရာယ်နီးတာမျိုးတွေအတွက်သာ ကိုယ်ဝန် ဖျက်ချခွင့် ပြုပါတယ်။

ဥရောပ ၂၆ နိုင်ငံဟာ Schengen ရှန်ဂန်သဘောတူညီချက်အရ နယ်နိမိတ်တွေကို ဖျက်ထားသလို ကူးလူး ဆက်ဆံနိုင်ကြပါတယ်။ ဆရာဝန်လက်မှတ်နဲ့သာရောင်းချတဲ့ ကိုယ်ဝန်ဖျက်ဆေးကို ဘယ်နိုင်ငံကဆရာဝန်ရေးရေး ပို့ပေးလို့ရတယ်။

အဲဒီအဖွဲ့ကအမျိုးသမီးတွေက ကိုယ်ဝန်ဖျက်ဆေးကို လှေလေးတွေနဲ့လည်း ပို့ပေးနေကြတယ်။ ကိုယ်ဝန်ဖျက်ခွင့် ကန့်သတ်ထားကြတဲ့ စပိန်၊ အိုင်ယာလန်နဲ့ ပိုလန်နိုင်ငံတွေမှာ အဲလိုလုပ်တာကို ဆန့်ကျင်ပါတယ်။ ကက်သလစ်သတင်း Nasz Dziennik ကအဲလိုလုပ်တာကို drone of death သေမင်းတမန်လေယာဉ်ပျံတွေလို့ ခေါ်လိုက်ပါတယ်။

ကိုယ်ဝန်ဖျက်ဆန့်ကျင်ရေးအမျိုးသမီးတွေကတော့ အဲလိုကန့်သတ်ထားခြင်းဟာ အန္တရယ်များတဲ့ ကိုယ်ဝန်ဖျက်နည်းကို ရွေးအောင်လုပ်တာလို့ အကြောင်းပြပါတယ်။

ဂျာမဏီနာဇီလက်ထက်တုံးက သိမ်းပိုက်ထားတဲ့ပိုလန်နိုင်ငံမှာ ကိုယ်ဝန်တားဆေးနဲ့ ကိုယ်ဝန်ဖျက်နည်းတွေသုံးပြီး ပိုလန်တွေကို မျိုးတုံးအောင်ကြံစီခဲ့သေးတယ်။

မနေ့ကပဲ ကော့သောင်ကလာတဲ့မေးခွန်းတခုမှာ ကိုယ်ဝန်ဖျက်ဆေး အဲဒီမှာဝယ်မရကြောင်းရေးလာတယ်။ (အာစီယန်) အုပ်စုအတွင်းမှာ (ရှန်ဂန်) လို ဗီဇာမလိုသဘောတူညီချက်ရလာရင် ထိုင်းဖက်ကနေ ကိုယ်ဝန်တားဆေးတွေ အလွယ်နဲ့ မြန်မာပြည်ကို ရောက်လာလိမ့်မယ်။ (ဒရုန်း) လေယာဉ်တော့မတတ်နိုင်လို့ လေတံခွန်နဲ့ ပို့ပေးနိုင်ကြပါလိမ့်မယ်။ မီးပုံပျံနဲ့လည်းရမယ်။

ဒေါက်တာတင့်ဆွေ
၂၉-၆-၂ဝ၁၅

Date of birth မွေးနေ့

- ပြည်တွင်းမှာက ဇွန်လ (၃ဝ) ရက်။
- ပြည်ပထွက်သူတွေက ဇန္နဝါရီ (၁) ရက်၊ အမှတ်ရလွယ်လို့တဲ့။
- ရက်ရာဇာမဟုတ်လည်း ရာဇာရက်ချည်းပဲ။ မင်းဘေးနဲမှည့်ကြတာကိုး။

ဒေါက်တာတင့်ဆွေ
၂၉-၆-၂ဝ၁၅

Psoriasis အရေပြားနာတမျိုး

ရောဂါဖြစ်သူက အသက် ၄ဝ အရွယ် အမျိုးသားပါဆရာ။ ဖြစ်တာ ၅ နှစ်နီးပါးရှိပါပြီ။ အိမ်ထောင်ရှိပါတယ်။ မြန်မာပြည်မှာပါ။ psoriasis ကိုဆိုလိုတာပါဆရာ။ မျိုးရိုးလိုက်တတ်ပါလားလဲ သိချင်တာပါဆရာ။ ဆေးသောက်လိုက် မသောက်လိုက်ဖြစ်နေပါတယ်ဆရာ။ ထိုင်းကထုတ်တဲ့ yong hein ဆိုတဲ့ဆေးကို သူများတွေညွှန်တော့ သောက်တာ ပိုဆိုးလာပါတယ်ဆရာ။ ထိုင်းကဆေးကတ ရုတ်တိုင်းရင်းဆေးတဲ့ဆရာ။ ပျောက်တာကတော့ ၉၆ ပါးလောက်နီးနီး ပြောတာဘဲဆရာ။

Psoriasis (ဆိုရီယက်စစ်) အရေပြားနာတမျိုးဆိုတာ နှင်းခူလိုလိုဆင်တယ်။ သူများကိုမကူးစေဘူး။ မျိုးရိုးလည်းမလိုက်ပါ။ အပေါ်ယံမှာခပ်ဖြူဖြူ ငွေရောင်ရှိတယ်။ ဦးရေခွံ၊ တတောင်ဆစ်၊ ဒူး၊ ခါးတွေမှာအဖြစ်များတယ်။ ဖြစ်လိုက်-ပျောက်လိုက် နေတယ်။ ဘာလို့ဖြစ်လဲ မပြောတတ်ဘူး။ လိမ်းဆေး၊ သောက်ဆေး၊ ထိုးဆေး၊ အလင်းရောင်သုံးကုသနည်းစသဖြင့် ကုနည်းအမျိုးမျိုးရှိတယ်။

Pityriasis Lichenoides အရေပြားနာတမျိုးဆိုတာ ဘာလို့ဖြစ်သလဲအတိအကျမသိပါ။ မျိုးရိုးမလိုက်ပါ။ ပျောက်ဘို့ရာလဲ ဆရာဝန်အားလုံးက သဘောတူလက်ခံထားပြီးသားကုထုံး မရှိသေးပါ။ (အင်တီဘိုင်အောတစ်) ပိုးသေဆး ၁ လပေးတာက ပိုးဝင်နေတာကိုတော့ သက်သာစေတယ်။

Special ultraviolet light lamps အထူးပြုလုပ်ထားတဲ့ ခရမ်းလွန်ရောင်ခြည်နဲ့ကုတာလဲတချို့မှာကောင်းစေတယ်။ Phototherapy အလင်းရောင်သုံးကုသနည်းလို့ ခေါ်တယ်။ လှိုင်းအလျားမတူတဲ့ UVB ဒါမှမဟုတ် UVA အလင်းရောင်သုံးတယ်။ Psoralens သောက်ဆေး + UVA တွဲသုံးတာလဲလုပ်တယ်။ Photochemotherapy လို့ ခေါ်တယ်။ ဘေးထွက်-ဆိုးကျိုးတော့ရှိမယ်။ Methotrexate tablets ကင်ဆာအတွက်သုံးတဲ့ဆေးကိုလည်း စမ်းသုံးနိုင်တယ်။

Phototherapy အလင်းရောင်သုံကုသနည်းက ယာယီသဘောသာ သက်သာစေနိုင်တယ်။ ဒီနည်းနဲ့ မရသေးရင် PUVA နည်းကိုသုံးတယ်။ ပိုမြင့်တယ်။ Fluorescent light bulbs မီးလုံးတွေကိုသုံးတယ်။ တပါတ်မှာ ၂-၅ ကြိမ်လုပ်တယ်။ စုစုပေါင်း ၁၅-၃ဝ အကြိမ်လုပ်တယ်။ အစပိုင်းမှာ ၁ မိနစ်တောင်မကြာဘူး။ နောက်မှာတိုးသွားစေတယ်။ မျက်စိကို မထိစေဘဲ ရောဂါအနာရှိတာတွေကို အလင်းရောင်ပေးတယ်။ ယောက်ျားလိင်အင်္ဂါဆိုလဲ အကာကွယ်ထားပေးရတယ်။ PUVA treatment နည်းမှာ Psoralen ဆေးပြားကို အလင်းရောင်မပေးခင် ၂ နာရီကြိုတင်သောက်စေတယ်။ ဒါမှမဟုတ် lotion or gel ဆေးရည်သုတ်လိမ်းပေးလို့လဲရတယ်။ ဒီဆေးသုံးသူတွေကသဘာဝနေရောင်ကာကွယ်ဘို့ ၂၄ နာရီကြာ နေကာမျက်မှန် တပ်ထားရတယ်။

ဆေးကုသရက်မှန် မလာနိုင်သူ၊ ၁ဝ မိနစ်အထိအချိန်မပေးနိုင်သူ၊ နေရောင်ကြောင့် အနာကပိုဆိုးတတ်သူ၊ xeroderma pigmentosum or lupus erythematosus အရေပြားရောဂါရှိနေသူ၊ skin cancer အရေပြားကင်ဆာရှိနေသူ၊ ciclosporin or methotrexate ဆေးတွေသောက်နေရသူတွေက ဒီကုသနည်းနဲ့ မတိုက်ဘူး။ ဆေးကုနေစဉ်မှာ Perfumed products ရေမွှေး မသုံးသေးဘဲနေသင့်တယ်။ အချဉ်သီး၊ မုံလာဥနီမစားဘဲ ရှောင်နေရမယ်။ ဆေးခန်းကသုံးတဲ့ အလှအပသုံး အရည်တွေကလွဲရင် Creams, ointments and lotions တွေကိုရှောင်ထားသင့်တယ်။ ဆံပင်တိုတာ ပိုအဆင်ပြေမယ်။

လိမ်းဆေးများ
• Topical corticosteroids စတီရွိုက်ဆေးပါလိမ်းဆေးများသုံးရင် ခံစားနေရတာ၊ မြင်နေရတာတွေသက်သာစေတယ်။ ရောဂါကိုအမြစ်ပြတ်အောင်တော့ လုပ်မပေးနိုင်ပါ။ အသင့်အတင့်သာဆိုးတာအွက်သုံးတယ်။ ပြင်းအားအမျိုးမျိုးရှိတယ်။ တာရှည်မသုံးသင့်ပါ။ သုံးလိုက် နားလိုက်လုပ်ရတယ်။
• Vitamin D analogues လိမ်းဆေးကနေ မူမမှန်ဆွဲလ်တွေဖြစ်လာမှာကို နှေးစေမယ်။ Calcipotriene (Dovonex) နဲ့ Calcitriol (Rocaltrol) ဆေး။
• Anthralin ဆေးက အနာဖေးတွေကိုကွာကျစေမယ်။
• Topical retinoids ဆေးတွေ ဥပမာ tazarotene (Tazorac, Avage) ရောင်ရမ်းတာကိုသက်သာစေမယ်။
• Calcineurin inhibitors ဆေး ဥပမာ tacrolimus (Prograf) နဲ့ pimecrolimus (Elidel) တွေက ရောင်နေတာကိုသက်သာစေမယ်။ တာရှည်မသုံးသင့်ပါ။
• Salicylic acid သေနေတဲ့ဆဲလ်တွေကိုကွာကျစေမယ်။
• Coal tar ခြောက်တာ၊ ယားတာ၊ ရောင်တာတွေကို သက်သာစေမယ်။
• Moisturizers ဆေးက အစိုဓါတ်ပေးမယ်။ အနေရခက်တာသက်သာစေမယ်။
• Light therapy (phototherapy) အလင်းရောင်ပေးကုသနည်းလည်းလုပ်တယ်။
• Sunlight. Ultraviolet (UV) နေရောင်နဲပလည်းကုသတယ်။
• UVB phototherapy ခရမ်းလွန်ရောင်ခြည်နည်းလည်းလုပ်တယ်။
• Narrow band UVB therapy နည်းလည်းလုပ်တယ်။
• Goeckerman therapy နည်းလည်းလုပ်တယ်။
• Excimer laser လေဆာနည်းလည်းလုပ်တယ်။

စားဆေး-ထိုးဆေးတွေလည်းသုံးတယ်။
• Retinoids ဆေး ဥပမာ acitretin (Soriatane) ဆေး။
• Methotrexate ဆေး။
• Cyclosporine ဆေး။
• immunomodulator drugs ဆေး ဥပမာ etanercept (Enbrel), infliximab (Remicade), adalimumab (Humira) and ustekinumab (Stelara) ဆေးတွေ။

ရေတိုမှာ နေလောက်ခံထားရသလိုနေမယ်။ အရေပြားခြောာက်သွေ့ပြီးယားမယ်။ အရေပြားအနီကွက်ဖြစ်မယ်။ Cold sores အနာတမျိုးပေါက်နိုင်တယ်။ ကိုယ့်အနာနေရာမှာ မီးလောင်ဖူးဖြစ်လာနိုင်တယ်။ ရေရှည်မှာ အရေပြားကပိုပြီးရင့်အိုမယ်။ အရေပြားကင်ဆာ ဖြစ်မလားမပြောနိုင်ဘူး။

ဒီလိုပျောက်နိုင်ခဲတဲ့အနာရောဂါတွေဆိုရင် ဆေးတွေကများတယ်။ ကြော်ငြာဆေးတွေကလည်းပေါတယ်။ တခုကိုမှ အာမမခံနိုင်ပါ။ ဆောရီး။

ဒေါက်တာတင့်ဆွေ
၂၉-၆-၂ဝ၁၅

My Good Friends ဟေ့ ငယ်ချင်းရေ့့

ဟဲလို ဆရာ သမီးနာမည်က့့ ပါ။ သမီးအမေက ဆရာနဲ့မုံရွာမှာသိခဲ့တဲ့ အတန်းသူတစ်ယောက်ပါ။ အမေက ဆရာနဲ့ ဆက်သွယ်ချင်လို့ဆိုပြီး မနေ့ကစာရေးပြီးပို့ပေးပါဆိုလို့ ပို့လိုက်ပါတယ်ဆရာ။ ဆရာအချိန်ရရင် ဖတ်ကြည့်ပေးပါနော်။ (စာတစောင်ဓါတ်ပုံ)

ဟေး မေဘယ်လ့့်။ ငါလည်းဝမ်းသာတယ်ဟေ့။ စတိတ်တူး ၅ တန်းလောက် ပြန်ရောက်သွားသလိုပဲ။ စာထဲက တို့သူငယ်ချင်းတွေအကုန် မှတ်မိတယ်။ ဒီကောင်တွေကိုလည်း ပြောလိုက်စမ်းပါ။ ခင်မောင်သန်း၊ မြင့်သိန်း၊ တင်မောင်အေး၊ ညွန့်အောင်၊ သောင်းတင့်၊ မောင်မြင့်၊ မသန်းဌေး၊ ခင်အေးရီ။

ငါ့မှာ စသင်ကျောင်းက ၃ ကျောင်းတည်းမှာသာနေခဲ့ရလို့ ငယ်သူငယ်ချင်းဆိုတာ တကယ့်အမျိုးတွေလိုပဲ။ မုံရွာ ထန်းလေးပင်မူလတန်းကျောင်းက သူငယ်ချင်းတွေတော့ ကြွက်နီ နာမည်ပဲမှတ်မိတယ်။

မုံရွာစတိတ်တူးက တချို့သူငယ်ချင်းတွေနဲ့ အဆက်ရတယ်။ ဆရာဦးမောင်မောင်က ဘုရားဖူးလာရင်း ငါ့ဆီကို ဖုန်းဆက်တယ်။ ဆရာဦးဘသောင်းကလည်း ငါ့ညီဆီကတဆင့် စာရေးတယ်။ ၇ တန်းသူငယ်ချင်း NLD က အေးကြူ  (မုံရွာအောင်ရှင်) နဲ့လည်း ဒေလီမှာပဲတွေ့ကြတယ်။ ကိုသောင်းစိန် (ပုလဲ) ကတော့ ခေတ်တိုင်းမှာ လူကြီးလုပ်နေလေရဲ့။ ငါနဲ့က လိုင်းမတူဘူး။ စိုးတင့်ဝင်းက ပုလဲကနေ ဖုန်းဆက်တယ်။ ဒီကောင်က ဓါတ်ပုံဟောင်း ပို့ပေးသေတယ်။ သူ့သမီးတောင် ဆရာဝန်ဖြစ်သွားပြီ။ ကိုသောင်းဌေးက ဖေ့စ်ဘွတ်ကနေရေးတယ်။ မျိုးသန့်ဦးရဲ့ညီနဲ့ နေ့တိုင်လို ဖေ့စ်ဘွတ်မှာတွေ့တယ်။ ဌေးသိန်းကိုလည်း တဆင့်သတင်းကြားရတယ်။ အမာ + ဖိုးနီ သတင်းလည်းကြားမိသေးတယ်။

မေဘယ်လ်တို့ မုံရွာမှာပဲလား။ ငါလည်းလာချင်တယ်။ ၂၅ နှစ်ရှိသွားပြီ။ စာရေးပါအုံး။ ပြန်ငယ်ရတာပေါ့။

ကိုဝင်းခင် ငါ ဒေလီမှာနေတုံးက ဘုရားဖူးလာရင်း ငါ့ကို လာတွေ့တယ်။ သိန်းအောင် နေမကောင်းတာကို သူ့သမီးဆီကနေ သိတယ်။ ငါပုလဲမှာနေတုံးက တင်းနစ်ရိုက်ဖက်။ ငါ့ဆေးခန်းလေးကို သူဆောက်ပေးတာ။ သူငယ်ချင်းတွေကို သတိရလို့ စာလေးတပုဒ်ရေးထားတာကို ပို့လိုက်တယ်။ စတိတ်တူးကဆို ကိုဝင်းခင်နဲ့ ဖိုးသိန်းအောင်ပါတယ်။ ကျန်တာတွေက ဆေးမန်းက သူငယ်ချင်းတွေပေါ့။ နောက်တခါဆို မေဘယ်လ်တို့နာမည်ပါ ထည့်မယ်။

• သူငယ်ချင်း မင်း အဲဒီနိုင်ငံသွား အလုပ်လုပ်နေရတာ သိရတယ်။ အေးကွာ ငါလဲ ဒီနိုင်ငံမှာ ကြာပြီဘဲကွ။
• သူငယ်ချင်း မင့်မှာလဲ မြေးတွေရပြီဆို။ အေးလေ ကလေးတွေတုံးကလဲ မင်းတယောက်ဆို ငါတယောက်။ မြေးတွေလဲ အတူလောက်နေမှာပေါ့။
• သူငယ်ချင်း မင်းမျက်စိတွေ မကောင်းတော့ဘူးဆို။ ငါလဲ ငါ့အိမ်ကလေးကို မမြင်နိုင်တာ ကြာလှပြီကွာ။
• သူငယ်ချင်း မင်းလေဖြတ်နေတယ်လို့ ကြားရတယ်။ မင်းဦးစီးဆောက်ပေးခဲ့တဲ့ ငါ့ဆေးခန်းလေးလဲ မလှုပ်နိုင်မယှက်နိုင် ဘဝတူပါဘဲကွာ။
• သူငယ်ချင်း မင်းဆုံးသွားတဲ့သတင်း ချက်ချင်းကြားတယ်။ ငါမရှိတုံး မင်းကြည့်ပေးခဲ့တဲ့ ငါ့အမေဆုံးတော့ ငါက လေးလလောက်နေမှ သိရတယ်ကွ။
• သူငယ်ချင်း မင့်သတင်း တစွန်းတစမှ ငါမကြားရပါလား။ အေးပေါ့ကွာ ငါ့ကိုလဲ သိတဲ့သူကသာ သိကြတယ် မဟုတ်လား။
• သူငယ်ချင်း မင့်သတင်းတွေ ငါနဲနဲကြားတယ်။ အောင်မြင်နေတာ အရမ်းဘဲတဲ့။ မင့်အကြောင်းကို မဲ့ရွဲ့ ပြောကြတာလဲ ငါကြားတာဘဲကွ။ အဲလိုဘဲ ငါလဲ ချီးမွမ်းခံရတာရော ကဲ့ရဲ့တာပါ ခံရတယ်ကွ။
• သူငယ်ချင်း မင့် ငါ့ဆီအရောက်လာတွေ့တာ ဘယ်လိုဝမ်းသာလဲ မပြောတတ်ဘူး။ မင့်အိမ်ထောင်ရေး ကံမကောင်းဘူးဆိုလို့ စိတ်မကောင်းဘူးကွာ။ ငါ့နိုင်ငံရေး ကံမကောင်းသေးတာအတွက်တော့ မင်း နေ့တိုင်း ဆုတောင်းပေးရမယ်နော်။
• သူငယ်ချင်း မင်းနဲ့ပြန်တွေ့ရတာ မင့်အကို မကျန်းမာလို့နော်။ အေးကွာ တိုင်းပြည်ကြီး မကျန်းမာတော့ ငါ့မှာ သူငယ်ချင်းတွေ အများကြီးရတယ်ကွ။
• သူငယ်ချင်း မင်းက ငါစာရေးတိုင်း လိုက်ခ်လုပ်တာ ငါကျေးဇူးတင်တယ်။ မင်းက ငါ့လို နိုင်ငံရေးပါတီထဲ မဝင်တာ ငါသိတယ်။ အတူတူပါဘဲကွာ ငါ့ပါတီတခုထဲအတွက် ငါလုပ်နေတာ မဟုတ်ဘူးကွ။

ဒေါက်တာတင့်ဆွေ
၁ဝ-၁-၂ဝ၁၄
၂၉-၆-၂ဝ၁၅

Sunday, June 28, 2015

Male contraception is coming ယောကျားသုံး ကိုယ်ဝန်တားဆေးလာတော့မည်

၁၈-၆-၂ဝ၁၅ နေ့ထုတ် တယ်လီဂရပ်ဖ်သတင်းစာထဲကဖြစ်ပါတယ်။ Vasalgel ဆေးလို့ခေါ်တယ်။ ဟော်မုန်းမပါဘူး။ သတိထားဘို့က အဲဒီသတင်းကိုကြည့်ရင် ခေါင်းစဉ်မှာ Pills ဆေးလုံးလို့ ရေးထားတာတချက်နဲ့ ဆေးလုံးပုံကိုပါ ပြထားတယ်။ အဲတာ ၂ ခုလုံးမမှန်ပါ။ စားဆေးမဟုတ်ပါ။ ဆေးလည်းမပေါ်သေးပါ။ Pills လို့ပြောရင် ဆေးလုံးဆိုတာထက် တားဆေးလို့ နားလည်နေကြတယ်။

Vasalgel ဟာ Polymer ပေါ်လီမာဖြစ်တယ်။ ယောက်ျားရဲ့ သုက်ပိုးသွာရာလမ်းကို ထုံဆေးသုံးပြီး ဆေးထိုးပေးရတယ်။ ဆေးကနေ သုက်ပိုးတွေကို တားဆီးပေးမယ်။ အဲတာကို ပျော်သွားစေမယ့်ဆေးထိုးတာနဲ့ နဂိုလိုပြန်ဖြစ်မယ်။ ၂ဝ၁၆ မှာ စမ်းသပ်မှုလုပ်ပြီးရင် ဘယ်လောက်အထိ တာရှည်ခံမလည်း သိလာမယ်။

Parsemus Foundation ကနေသုတေသနလုပ်ထာတဲ့ ယောက်ျားသုံး ကိုယ်ဝန်မရေစေတဲ့တားဆေးဖြစ်ပါတယ်။ FDA ကနေ ပထမအဆင့်ကို အသိအမှတ်ပြုလိုက်ပါတယ်။ အဲတာဟာ ကွန်ဒွမ်နောက်မှာ ယောက်ျားသုံးစရာဖြစ်လာပါတယ်။ သုတေသနလုပ်သူတွေက ယောက်ျားလူဦးရေတဝက်လောက်က သုံးကြလိမ့်မယ်လို့ဆိုပါတယ်။

Gendarussa ခေါ်တဲ့ စားဆေးကို အင်ဒိုနီးရှားမှာ စမ်းသပ်မှု တတိယအဆင့်ရောက်နေပါပြီ။

ယူအက်စ်မှာစမ်းနေတာကတော့ anti-Eppin agent ဖြစ်တယ်။ သုက်ပိုးတွေကို ကူးခပ်သွားလာမှု မလုပ်စေအောင် လုပ်ပေးမယ်။ စားဆေးပဲဖြစ်တယ်။

အမျိုးသမီးသုံးတားဆေးတွေကို တချို့ကဘေးထွက်ဆိုးကျိုးတွေကို စိုးရိမ်ကြတယ်။ ၂ ယောက်မှာ ၁ ယောက်က ဆေးသောက်ဖို့ မေ့တတ်ကြတယ်။

စိတ်ချရတဲ့တားဆေးတွေ ပေါ်လာမှာဖြစ်ပေမယ့် ကွန်ဒွမ်ကိုတော့ ကူးစက်ရောဂါတွေကနေကာကွယ်ဘို့ လက်လွှတ်လို့ မဖြစ်ပါ။ သတိထားဘို့က ကွန်ဒွမ်ကလည်း ရာနှုန်းပြည့်တော့ အာမမခံပါ။ နှစ်ပါတ်လည်လေ့လာမှုအရ အတိအကျ သုံးမယ်ဆိုရင် ၂% လောက်သာကိုယ်ဝန်ရစေနိုင်တယ်။ လက်တွေ့မှာတော့ ၁၈% ကိုယ်ဝန်ရနေကြတယ်။

ဒေါက်တာတင့်ဆွေ
၂၉-၅-၂ဝ၁၅

Homo အတူတူကို စိတ်ဝင်စားခြင်း

ကျေးဇူးပြုပြီး မေးပါရစေ။ အမေရိကမှာ လိင်တူချင်းလက်ထပ်ခွင့်ပေးလိုက်တဲ့အပေါ် အမြင်လေး share ပေးပါ။

ကနေ့ပဲ စောစောက အမျိုးသမီးလို့ထင်ရသူတယောက်ကလည်း မေးသေးတယ်။ သည်အတိုင်းလိုလိုပါပဲ။ သူ့ကိုတော့ ဖြေလိုက်တယ်။ လူမှုရေးအရ အမြင်တွေတူကြပါ။ ဘာသာရေးမှာလည်း ကွဲပြားခြားနားတယ်။ ဥပဒေပိုင်းမှာလည်း ဆန့်ကျင်ဖက်တွေများတယ်။ ဆရာဝန့်အမြင်ကတော့ ခြားနားလှမယ်မထင်ပါ။ ကျွန်တော့် ကိုယ်ပိုင်အမြင်ရေးပြီးသားကို တင်ပါမယ်။

လိင်တူအကြောင်းကို ခရေစေ့တွင်းကျ မရေးလိုပါ။ အကျိုးရှိနိုင်တာသာရေးပါမယ်။ ဒီတော့ ဒီစာတိုမှာ လိုတာတွေရှိပါမယ်။

Gay ဆိုတဲ့စကားလုံးကို အပူအပင်ကင်းသူ၊ ပျော်ပျော်နေသူ၊ ထက်မြက်သူ၊ စတဲ့အဓိပ္ပါယ်တွေနဲ့ အရင်ကသုံးခဲ့ပါတယ်။ (ဂေး) ကို လိင်တူသမားလို့သာ သုံးလာကြတာက ၂ဝ ရာစု ရောက်ခါနီးမှပါ။ လိင်တူဆိုတာတောင် (ကျား-ကျား)၊ (မ-မ) နှစ်မျိုးလုံးနဲ့ဆိုင်ပေမယ့် ၂၁ ရာစုထဲမှာ (မ) တွေအတွက် Lesbian (လက်စဘီယန်) စကားလုံးကိုပေးပြီး၊ Gay (ဂေး) ကို ယောက်ျားတွေက အပိုင်သိမ်းလာကြတယ်။ ဗန်းစကားတွေကများတယ်။ ဒါပေမယ့် ခုခေတ်မှာ အဲလိုခေါ်ဘို့မပြောနဲ့ စာထဲမှာ အဲလိုရေးရင် ကလော်တုပ်တာခံရမယ်။ သူတို့က စွာကြတာကိုး။

ပုံမှန်တွေကို Straight အဖြောင့်သမားလို့သုံးလာရတယ်။ (ဟိုမိုဆက်ကျူရယ်လတီ) လိင်တူစိတ်ဝင်စားမှုရဲ့ သဘောဟာ အလွန်မတန်ရှုတ်ထွေးတယ်။ မိသားစု၊ ပါတ်ဝန်းကျင်၊ အကျင့်စရိုက်၊ အကုန်ဆိုင်နေတယ်။ အတော်များများမှာ မသိစိတ်ကနေ ရွေးချယ်ပေးနေတယ်။ တချို့မှာ ကလေးဘဝကတည်းက မိဘတွေကလိုအပ်တာမို့ ဖြစ်ကြရတယ်။ ပြောပါရစေ မျိုးဗီဇလို့ သက်သေမပြနိုင်သေးပါ။

Eunuch (ယူနုခ်ျ) ခေါ်တဲ့ သင်းကွပ်ယောက်ျားတွေက တမျိုးဖြစ်ပါတယ်။ မြန်မာရာဇဝင်ထက် တရုပ်နဲ့ အိန္ဒိယသမိုင်းထဲမှာ ထင်းရှားခဲ့တာတွေရှိတယ်။ သင်းကွပ်တယ်ဆိုတာ ယောက်ျားအစိကို ထုတ်ပေးထားတာ ဖြစ်ပါတယ်။ (တက်စတိုစတီရုန်း) ကျားဟော်မုန်းမထုတ်နိုင်တော့လို့ လိင်ဆိုင်ရာတွေမှာ ယောက်ျားလိုမဖြစ်တော့ပါ။ ခုခေတ်မှာတော့ အဲဒီသူတွေကို တကယ်ပဲသင်းကွပ်ထား မထားပြောမရပါ။ အိန္ဒိယမှာတော့ သူတို့ဟာ ယဉ်ကျေးမှုရဲ့ အစိတ်အပိုင်းတခု ဖြစ်တယ်။ စီးပွါးရေးလုပ်ငန်းတခုလည်း ဖြစ်ပါတယ်။

တချို့နေရာတွေမှာ ဘာမဆိုပွင့်လင်းရမယ်၊ ချုပ်တည်းမှုတွေမလိုဘူး၊ နောင်ဘဝဆိုတာ မယုံဘူး၊ အခုသာယာနေတာ၊ ချမ်းသာတာတွေကအဓိကစတဲ့ အယူအဆေတွေကြောင့် ကမ္ဘာ့တခြားနေရာတွေထက် အကောင်းလို့ပြောနိုင်တာတွေရော အဆိုးအစစ်တွေပါ လွန်ကဲနေတယ်။ အမေရိကန်စစ်မှုထမ်းဥပဒေအသစ်အရ စစ်ထဲဝင်မယ့်သူကို (ကျား) လား၊ (မ) လား၊ (ဂေး) လား၊ (လက်စဘီယန်) လား၊ မေးလဲမမေးနဲ့၊ မေးလဲဖြေစရာမလိုဘူးတဲ့။ (ကျွန်တော့်ကို ကျန်းမာရေးမေးသူတွေက အဲတာထည့်မပြောကြရင် မဖြေနိုင်ပါ။)

မျက်မှောက်ကမ္ဘာမှာ လူတိုင်းဟာ ဦးနှောက်ဆေးခံနေကြရတယ်။ ရေဒီယိုနားထောင်၊ ရုပ်ရှင်-ပြဇာတ်-တီဗွီ-ဗွီစီဒီ ကြည့်၊ ကြော်ညာတွေမြင်၊ သတင်းစာကအစ ဖြစ်စေချင်တာ၊ ဖတ်စေချင်တာတွေနဲ့ သည်းခြေကြိုက်တွေကိုသာ (၂၄ x ၇) မဖတ်ချင်၊ မကြားချင်၊ မမြင်ချင်အဆုံး။ ဒီအထဲမှာ လိင်တူစိတ်ဝင်စားမှုလည်းပါတယ်။ ၂ဝဝ၉ တုံးက မောင်မစ္စကပြိုင်ပွဲကြီး ရန်ကုန်မှာ ခမ်းနားစွာကျင်းပလို့ ဖတ်လိုက်ရတယ်။

ဒီအကြောင်းအရာကို ဦးဆုံးစက်တင်ပုံနှိပ်ခဲ့တာ ၁၈၆၉ မှာ (ကားလ်-မာရီယာ ရကာ့ဘင်နီ) ရဲ့ ဝတ္ထုဖြစ်ပေမဲ့ အမည် မဖေါ်လိုသူတဦးဆိုပြီးသာ ရေးခဲ့ရတာပါ။ လိင်တူစိတ်ဝင်စားမှုကို စိတ်ပညာအရ စလေ့လာတုံးက စိတ်ရောဂါတမျိုးလို့ သတ်မှတ်ခဲ့တယ်။ နောက်တော့ ပြန်ပြင်လာရတယ်။ ၁၉၇ဝ ကျော်တော့ လိင်စိတ်တိမ်းညွှတ်မှု ပြောင်းလဲတတ်တဲ့ သဘာဝဖြစ်စဉ်လို့ဆိုလာကြတယ်။ အမေရိကားနဲ့ အနောက်နိုင်ငံတွေမှာ ဒီလိုဖြစ်နေသူ ၂-၁၃% ရှိတယ်။ တိုးနေအုံးမှာပါ။

သဘာဝအရ ယောက်ျားကိုယ်ရှိသူဟာ မိန်းမကိုယ်ခန္ဓာကိုယ်ရှိသူကို နှစ်သက်တယ်။ အပြန်အလှန်ပေါ့။ အမြဲမှန်တာတော့ မဟုတ်ပြန်ဘူး။ တချို့ ပြောင်းပြန်ဖြစ်နေတာတွေရှိတယ်။ လိင်တူစိတ်ဝင်စားမှုဆိုတိုင်း လိင်အင်္ဂါတွေသုံးပြီးဆက်ဆံတာ မဟုတ်ပါ။ စိတ်ကစားတာ၊ အမူအယာပြုတာ၊ အပြောအဆို၊ ဝတ်စားတာ၊ စွဲလမ်းမှုဖြစ်တာတွေလဲပါတယ်။ ခုတလော ရေဒီယိုတွေကနေ အသံကြားတာနဲ့ ဘာလည်းကို မှန်းလို့ရတယ်။

ဘာလို့ လိင်တူဖြစ်လာသလည်း။ ၁၉၄ဝ-၁၉၇ဝ လိင်တူအကြောင်းလေ့လာမှုတခုအရ -
- ၂၂% မှာ လိင်တူအတွေ့အကြုံ ငယ်စဉ်ကရှိခဲ့ခြင်း။
- ၁၆% မှာ လိင်တူအတွေ့အကြုံ ငယ်စဉ်ကသာမကရှိခဲ့ခြင်း။
- ၁၅% မှာ မိခင်နဲ့ အဆင်မပြေဖြစ်ခဲ့ခြင်း။
- ၁၅% မှာ သူများနဲ့ကွဲပြားတဲ့အခြေအနေရှိခြင်း၊ (အနုပညာဆန်ခြင်း၊ ပျက်စီးခြင်း၊ လိင်ကျန်းမာရေးအသိနည်းခြင်း)။
- ၁၄% ဖခင်နဲ့ ဆက်ဆံရေးအဆင်မပြေဖြစ်ခြင်း။
- ၁၂% အနီးအနားမှာ လိင်တူသမားရှိနေခြင်း။
- ၉% လူမှုရေးအသိုင်းအဝိုင်း အားနည်းချို့တဲ့ခြင်း။
- ၉% မွေးကတည်းကလိုဖြစ်နေခြင်း။

မူးယစ်ဆေးသုံးစွဲသူတွေထဲမှာ အတွေ့အကြုံများသူတွေကနေ လူသစ်တန်းကို မွေးကြတယ်။ အသက်အရွယ်ကြီးတဲ့ လိင်တူသမားတွေက ငယ်ရွယ်သူတွေကို အမိဖမ်းကြတယ်။ အသက်ငယ်စဉ်တုံးက လိင်တူအတွေ့အကြုံကနေ ကြီးလာတဲ့အခါ လိင်အမူအယာကို လွှမ်းမိုးစေတယ်။ လိင်တူဖြစ်လာတဲ့သဘောဟာ နဂိုကတည်းကမဟုတ်ပဲ နောက်မှ ပြောင်းလာကြတာများတယ်။ အကုန်မပြောင်းကြပါ။ ဆန်းစစ်မှုတခုမှာ ၈၈% လက်စဘီယန်တွေနဲ့ ၇၃% ဂေးတွေဟာ ငယ်စဉ်တုံးကတော့ ဆန့်ကျင်ဖက်လိင်ကိုသာ စိတ်ဝင်စားခဲ့ပါတယ်လို့ ဝန်ခံတယ်။ အခုတော့ ဟိုမိုတွေဖြစ်နေပေမယ့် ဆန့်ကျင်ဖက်လိင်ကိုလည်း စိတ်ဝင်စားတယ်လို့ လက်စဘီယန်ထဲက ၈၅% နဲ့ ဂေးထဲက ၅၄% ကဝန်ခံတယ်။

လိင်မှုလုပ်ဆောင်ချက်ကို လူမှုရေး (အထူးသဖြင့် ဘာသာရေး) ကနေအများကြီးလွှမ်းမိုးတယ်။ ဘာသာရေးကို အလေးအနက်ထားသူတွေထဲမှာ အဖြစ်နည်းတယ်။ လေ့လာမှုတခုအရ ဘယ်ဘာသာကိုမှ မကိုးကွယ်သူတွေထဲမှာ ဟိုမိုဖြစ်တာ ၄ ဆ ပိုများတာတွေ့ရတယ်။ ရိုမန်ကက်သလစ်က (ပိုနိုဂရပ်ဖီ) လိင်ဆိုင်ရာပုံတွေကို အကုသိုလ်လို့ သတ်မှတ်တယ်။ ဗုဒ္ဓဘာသာအဆိုအရ အပြစ်ဆိုတာ စိတ်၊ နုတ်နဲ့ ကိုယ် ကံသုံးပါလုံးမှာ ကျူးလွန်နိုင်တယ်။ စိတ်က အဓိကကျတယ်။ စိတ်ထဲမှာကျန်နေနေ၊ နုတ်နဲ့ ရုပ်မပါစေနဲ့၊ ကာယကံမြောက်မဖြစ်စေနဲ့။

AIDS လေ့လာမှုအရ အသားဖြူလူတွေထက် အသားမည်းသူတွေထဲမှ ဟိုမို ၂ ဆ ပိုဖြစ်တာ တွေ့ရတယ်။ လိင်နှစ်မျိုးလုံး တိမ်းညွတ်သူတွေထဲမှာ အသားမည်းက အသားဖြူသူတွေထက် ၄ ဆ ပိုဖြစ်တယ်။ အသားမည်း ကလေးတွေဟာ ဖခင်မရှိပဲမွေးတာ ၃၇%၊ အဖြူတွေမှာ ၁၇% ရှိတာနဲ့ ဆက်စပ်စဉ်းစားနိုင်တယ်။ အဲလို ကွာခြားချက်ဟာ မျိုးဗီဇလို့တော့ ယူဆလို့မရပါ။

လိင်တူဆိုတာ သင်ယူလို့တတ်လာတယ်လို့ ယူဆကြတယ်။ ဘာလို့အဲလိုဖြစ်လာသလည်း။ ၁၉၄ဝ ကျော်တုံးက လိင်တူ ၁၇ဝဝ ယောက်နဲ့ လေ့လာမှုအကြီးစားတခုလုပ်တယ်။ ၁၉၇ဝ ကျော်မှာ ၉၇၉ ယောက်ကိုလုပ်တယ်။ အများစုကြီးရဲ့ အဖြေကတော့ ဆိုရှယ်နဲ့ ပတ်ဝန်းကျင်လွှမ်းမိုးမှုကနေ လိင်တူတွေဖြစ်လာပါသတဲ့။

ဘာလို့ လိင်တူသမားဖြစ်သလည်း
၁။ လိင်တူအတွေ့အကြုံရှိဘူးလိုက်ခြင်း။

၂။ မိသားစု ပုံမှန်မဟုတ်ဖြင်း
(က) မိခင်ရဲ့ လွှမ်းမိုးမှုရှိခြင်း၊ ပိုင်ဆိုင်မှုများခြင်း၊ လက်မခံမှုရှိခြင်း။
(ခ) ဖခင်မရှိခြင်း၊ အဆက်ဝေးခြင်း၊ လက်မခံမှုရှိခြင်း၊
(ဂ) မိဖတဦးဦးကနေ လိင်တူဆန်ဆန်ပြုမှုတာခံရခြင်း။
(ဃ) မောင်နှမတွေထဲမှာ လိင်တူဖြစ်နေသူရှိခြင်း။
(င) အိမ်တွင်းမှာ ဘာသာရေးအဆုံးအမနည်းခြင်း။
(စ) လင်မယားကွာရှင်းမှုရှိခြင်း။
(ဆ) မိဘတွေကနေ အစဉ်အလာမဟုတ်တဲ့လိင်မှုကို ပုံစံပြနေခြင်း။
(ဇ) လိင်တူလူနေမှုဘဝကို တရားသဖြင့်ဖြစ်တယ်လို့ သတ်မှတ်ပေးထားခြင်။ သူငယ်ချင်းတွေ၊ အသိုင်းအဝိုင်းတွေကို လက်သင့်ခံကြိုဆိုနေခြင်း။

၃။ အစဉ်အလာမဟုတ်တဲ့ လိင်အတွေ့အကြုံ အထူးသဖြင့် ငယ်စဉ်ကကြုံတွေ့ဘူးခြင်း။
(က) ငယ်ငယ်လေးနဲ့ (မာစတာဘေးရှင်း) ဖါသာအာသောဖြေခြင်း။
(ခ) အပြာ စာ-စာအုပ်-ဗီဒီယိုတွေနဲ့ ငယ်ငယ်ကတည်းကတွေ့ကြုံရဘူးခြင်း။
(ဂ) အစဉ်အလာမဟုတ်လိင်မှု (အုပ်စုလိုက်လိင်ဆက်ဆံခြင်း၊ တိရစ္ဆာန်နဲ့လိင်ဆက်ဆံခြင်း) ကိုမြင်ဘူးခြင်း။
(ဃ) မိန်းကလေးငယ်ငယ်မှာ အရွယ်ကြီးယောက်ျားနဲ့ လိင်မှုတမျိုးမျိုးရှိခြင်း။

၎။ ယဉ်ကျေးမှုလွှမ်းမိုးခြင်း
(က) လိင်တူအရေးကို ဆိုရှယ်ဘဝမှာ ကြည့်မြင်နေရခြင်း။
(ခ) လိင်တူအသားပေး ပညာပေးထာခံရခြင်း။
(ဂ) လွှမ်းမိုးသူ ဥပမာ ကျောင်းဆရာ-ဆရာမ၊ အားကစားဆရာ-ဆရာမက လိင်တူသမားဖြစ်နေခြင်း။
(ဃ) လူမှုအသိုင်းအဝိင်းနဲ့ ဥပဒေကြောင်းအရ လိင်တူကို ခွင့်လွှတ်လက်ခံထားခြင်း။
(င) လိင်တူဟာ ပုံမှန်သဘာဝပါလို့ ရုပ်ပုံ၊ ကြောညာတွေရှိနေခြင်း။

လိင်တူစိတ်ဖြစ်နေတာကို စောစောပြင်ရင် ဆက်မတိုးစေနိုင်ပါ။ တချို့က မပြင်ချင်ကြဘူး။ ပြင်ဘို့လိုကောင်းမှန်းတောင် မရှိစေအောင်၊ နက်သထက် နက်တဲ့တွင်းထဲ ပို့ချ-ဖိချနေတဲ့ လူမှုအသိုင်းအဝိုင်းမှာနေကြရတယ်။ ပြင်ချင်တဲ့သူတွေကို အားပေးကြဘို့ တိုင်တွန်းပါတယ်။ HIV ပိုးရှိသူတွေကိုလိုပဲ ဒီလိုလိင်တူတွေကို နှိမ်နင်းဘို့၊ နှိမ့်ချဘို့၊ ဝိုင်းပယ်ဘို့တော့ မလုပ်သင့်ပါ။ နားလည်မှုပေးပြီး၊ ဖေးမပြုပြင်ရမယ်။

၁၉၈၃ မှာ မိသားစုသုတေသနအင်စတီကျုကနေ လိင်တူ ၁၄၇ ယောက်ကိုလေ့လာတယ်။ ၃၅ ယောက်က မွေးရာပါ ဒီအတတ်ကိုတတ်ကြတာလို့ပြောတယ်။ ဒါပေမယ့် လိင်နှစ်မျိုးလုံးကို စိတ်ဝင်စားသူ ၃၄ဝဝ ထဲက ၈ဝ% ကတော့ သူတို့ဟာ လေ့လာသင်ယူရာကနေ တတ်မြောက်လာတာလို့ ပြောပါတယ်။ ဘယ်သုတေသနကမှ မျိုးဗီဇကွာခြားချက် ရှိတာကို ဖေါ်ထုတ်လို့မရပါ။ ဒါကြောင့် လိင်တူဟာမွေးရာပါလို့ပြောမရပါ။

လူတယောက်မှာ တသက်လုံး (ဂေး) ဖြစ်နေတော့မယ်ဆိုတာ မမှန်ဘူး။ ပြောင်းလဲစေနိုင်တယ်။ ငယ်တုံးကအကောင်း ကြီးမှပြောင်းတာလည်းရှိတယ်။ (အိုရီယန်တေးရှင်း) တိမ်းညွှတ်မှုဟာ (ဖလူယွတ်ဒတီ) အရည်သဘောမျှသာဖြစ်တယ်လို့ ခေါ်တယ်။ (ဂေး) တွေရော (လက်စဘီယန်) တွေပါ ဘဝအဆင့်တခုမှာ အမြင်မှန်ပြန်ရလာမျိုးဖြစ်နိုင်တယ်။ အဆင့် ၃ ဆင့်ရှိတယ်။ (၁) ကိုယ့်ကိုယ်ကို သိသွားခြင်း၊ (၂) သဘောပေါက်လာခြင်းနဲ့ (၃) ဆုံးဖြတ်ချက်ချနိုင်သွားခြင်း။

စိတ်ကုသနည်းနဲ့ လိင်တိမ်းညွှတ်မှုဆိုတာ ပြောင်းလို့ရနိုင်တယ်၊ နည်းအောင်လုပ်နိုင်တယ်။ ဒါပေမဲ့ ရာနှုန်းပြည့်မရသေးပါ။ အရုပ်၊ အသံ၊ ဗီဒီယိုတွေက စိတ်ကို ကြွစေတာမို့ ဆင်ခြင်နိုင်လေ မလိုလားအပ်တဲ့ စိတ်ဆန္ဒတွေ မပေါ်လေဘဲ။ ပေါင်းသင်းတာလဲ ရွေးသင့်တယ်။ ကျောင်းပြောင်း၊ အလုပ်ပြောင်းဘို့လိုရင် သတ္တိရှိရှိဆုံးဖြတ်သင့်တယ်။ မိဘတွေလဲ ကလေးအတွက် အချိန်ပိုပေးသင့်ကြတယ်။

လိင်တူဖြစ်နေတာကို ပြောင်းလို့ရလို့ လိင်တူဟောင်းများအသင်းတွေရှိတယ်။ စိတ်ပညာပြုပြင်ရေးနဲ့ ပျောက်ကင်းနှုန်း ၃ဝ% ရှိတယ်။ ဆီးချိုရှိနေလို့ အချိုမစားရဘူးဆိုပြီး ဆရာဝန်ကမှာထားတယ်။ လိုက်နာစောင့်ထိန်းသူတွေက လိုက်နာတော့ အသက်ရှည်တယ်။ ဆရာဝန်စကား မြေဝယ်မကျနားထောင်ထားလို့ ပြောချင်တာတော့ မဟုတ်ပါ။ ဆီးချိုသမား အချိုမစားတာ အချိုကို မကြိုက်တော့တာ မဟုတ်ပါ။

လိင်တူကနေ AIDS ရောဂါကိုစသိခဲ့တယ်။ အဲဒီကာလတွေမှာ (ဂေး) ရောဂါလို့ ခေါ်ခဲ့ကြတယ်။ HIV ပိုးတွေ့သူ ၇၈၄၇ဝ၁ ယောက်ထဲမှာ ယောက်ျားလိင်တူသမား ၃၉၆၈၁ဝ (၅၁%) ပါတယ်။ (ဂေး) နဲ့ (ဟက်ထရိုဆက်ကျူရယ်) နှစ်ဖက်ချွန် ခေါ်ကြတဲ့ လိင်တူရောဆန့်ကျင်ဖက်လိင်နဲ့ပါ အတူနေတဲ့ယောက်ျားတွေဟာ တခြားလူတွေထွက် HIV ကူးစက်တာ သိသိသာသာများတယ်။ ၂ဝဝ၈ ကနေ ၂ဝ၁ဝ အတွင်း အဲလိုများတာ ၂ဝ% တိုးလာခဲ့တယ်။

HIV ကူးစက်ခံရသူတွေထဲမှာ လိင်နှစ်မျိုးသမားတွေနဲ့ မူးယစ်ဆေးထိုးသူတွေဟာ ဆက်ပြီးများနေတယ်။ HIV ကပ်ရောဂါ ဖြစ်ကတည်းကဆိုရင် လိင်နှစ်မျိုးသမားပေါင်း ၉၂၆၁၃ ယောက်ပါတယ်။ HIV အသစ်ကူးစက်ခံရတဲ့ အမျိုးသမီးတွေဟာ လိင်နှစ်မျိုးသမားနဲ့ အတူနေမိလို့ကအဓိကဖြစ်တယ်။ ၂ဝ၁ဝ ခုနှစ်ထဲမှာ ၈၄% ရှိခဲ့တယ်။ မူးယစ်ဆေးထိုးလို့ကူးစက်သူက ၁၆% ရှိတယ်။ ၂ဝ၁ဝ မှာ အမျိုးသမီးတွေကိုကူးစက်တာက ၂ဝ% ရှိတယ်။ ၂ဝ၁၁ မှာ ၂၃% ရှိတယ်။ အမျိုးသမီးတွေမှာ လိင်နှစ်မျိုးသမားနဲ့ အတူနေမိရင် ယောက်ျားတွေထက် HIV ကူးစက်ခံရနိုင်ခြေ ၂ ဆ များတယ်။ လိင်တူယောက်ျားတွေက HIV ကူးစက်ဖို့ အဆ ၂ဝ များတယ်။

အမေရိကမှာ လိင်တူချင်းလက်ထပ်ခွင့်ပြုလိုက်တဲ့နောက် ဘယ်လိုကျန်းမာရေးနောက်ဆက်တွဲတွေ ရှိလာမလည်းဆိုတာ မကြာခင်မှာ သိလာရပါတော့မယ်။

ဒေါက်တာတင့်ဆွေ
၂၈-၆-၂ဝ၁၅

Shocked country ရှော့ခ်ဖြစ်နေတဲ့တိုင်းပြည်

မေလထဲတုံးက ပခုက္ကူဆေးရုံမှာ ဆေးမတည့်လို့ လူနာတယောက်သေဆုံးသတင်းနဲ့ နောက်ဆက်တွဲ သတင်းတွေ ဖတ်လိုက်ရပါတယ်။

ကျန်းမာရေးဝန်ထမ်းတွေဟာ တခြားအစိုးရဌာနဝန်ထမ်းတွေလိုပဲ တာဝန်နဲ့ လစာရတာ ခြားနားမှုမရှိပါ။ ဒါပေမယ့် အစိုးရကိုသာကာကွယ်ဘို့တာဝန်ရှိတဲ့ (လက်နက်ကိုင်အဖွဲ့တွေ + အစိုးရပါတီဝင်) ဝန်ထမ်းတွေကနေ အဲလို မဟုတ်တဲ့ (ကျန်းမာရေးဝန်ထမ်းတွေအပါအဝင်) ဝန်ထမ်းတွေကို ခွဲခြားဆက်ဆံနေကြတယ်။ အပြစ်ပေးအရေးယူတာ ခံနေရတယ်။ သွားပုပ်လေလွှင့် ပြောတာ ခံနေရတယ်။ ဆန္ဒပြတာအထိ ခံနေရတယ်။

ပုံမှာပါတဲ့ EpiPen ခေါ်တဲ့ ဆေးမတည့်လို့ဖြစ်တဲ့ ရှော့ခ်ခေါ်တဲ့ (အနာဖလက်ဆစ်)  အရေးပေါ် ထိုးဆေး မြန်မာပြည်က အစိုးရဆေးရုံဘယ်နှစ်ခုမှာ အစိုးရက ဖြည့်တင်းပေးထားပါသလည်း။ Epinephrine autoinjector လို့ခေါ်တယ်။ ဆေးကို ဆေးထိုးအပ်နဲ့ အဆင်သင့်လုပ်ထားပြီးသား။ တိုးတက်တဲ့နိုင်ငံတွေမှာ အဲလိုအရေးပေါ်အတွက် အဆင်သင့် လုပ်ထားပေးတာတောင်မှ သေဆုံးမှုတွေရှိတယ်။

ယူကေနိုင်ငံက တော်ဝင်ဆေးပညာအသင်း ဂျာနယ်မှာ ၁-၃-၂ဝဝ၈ နေ့ထုတ်ထဲမှာ သုတေသနတခုရှိပါတယ်။ အင်္ဂလန်နိုင်ငံမှာ (အနာဖလက်ဆစ်) ခေါ်တဲ့ဓါတ်မတည့်မှု (ရှော့ခ်ဖြစ်မှု) တမျိုးသားလုံးဖြစ်နှုန်းနဲ့ (အဒရီနယ်လင်) ဆေးသုံးခြင်းကို လေ့လာမှုပြုထားတာ ဖြစ်ပါတယ်။ စုဆောင်းရယူခဲ့တဲ့ ၂ဝဝ၁ ကနေ ၂ဝဝ၅ အတွင်းက မှတ်တမ်းပေါင်း ၉ သန်းရှိတယ်။ အသက်-လိင်ခွဲခြားထုတ်ယူတယ်။

ရလဒ်
• Age-sex standardized incidence of anaphylaxis ၂ဝဝ၁ မှာ လူနာ တသိန်းမှာ ဖြစ်နှုန်း ၆့၇ ယောက်။
• Lifetime age-sex standardized prevalence ဖြစ်ပွါးနှုန်း ၂ဝဝ၁ မှာ လူနာ တသိန်းမှာ ဖြစ်နှုန်း ၅ဝ ယောက်။
• Age-sex standardized incidence of anaphylaxis ၂ဝဝ၅ မှာ လူနာ တသိန်းမှာ ဖြစ်နှုန်း ၇့၉ ယောက်။
• အဖြစ်တိုးလာမှု ၁၉% ရှိတယ်။
• Lifetime age-sex standardized prevalence ဖြစ်ပွါးနှုန်း ၂ဝဝ၅ မှာ လူနာ တသိန်းမှာ ဖြစ်နှုန်း ၇၅့၅ ယောက်။
• အဖြစ်တိုးလာမှု ၅၁% ရှိတယ်။
• ၂ဝဝ၅ ခုနှစ်အကုန်မှာ ဘဝတသက်တာမှာ (အနာဖလက်ဆစ်) ဖြစ်ဘူးသူပေါင်း ၃၇၈ဝဝ ယောက်ရှိခဲ့တယ်။
• Adrenaline (အဒရီနယ်လင်) ဆေးသုံးစွဲမှု ၉၇% တိုးလာတယ်။ လူနာ ၁၃၃၃ ယောက်မှာ ၁ ယောက်ကျဖြစ်တယ်။

NEMJ Journal Watch အမေရိကန်ပြည်ထောင်စု ဂျာနယ်ထဲမှာ ၂၂-၄-၂ဝ၁၄ နေ့က ရေးထားလည်းရှိပါတယ်။
ဆေးရုံတင်ရတဲ့ အသက်ကြီးသူတွေကို အန္တရာယ်ဖြစ်မှုနဲ့ သေဆုံးမှုကို လေ့လာတာဖြစ်တယ်။ (ယူအက်စ်) မှာ (အနာဖလက်ဆစ်) ဖြစ်ပွားမှု တိုးနေတယ်လို့ ဆိုပါတယ်။ ယူအက်စ်နဲ့ ဖွံ့ဖြိုးပြီးနိုင်ငံတွေမှာ (အနာဖလက်ဆစ်) ဖြစ်ပွါးမှုတိုးလာတယ်။ Case-fatality rates and mortality သေဆုံးမှုကို ဆန်းစစ်ချက်လုပ်ထားတယ်။

• ၁၉၉၉ ကနေ ၂ဝဝ၉ အထိ နှစ်စဉ် (အနာဖလက်ဆစ်) ကြောင့်ဆေးရုံတက်ရသူအရေအတွက် ၅၇ဝဝ ကနေ ၇၇ဝဝ အထိများလာတယ်။
• ဒီကာလအတွင်းမှာ သေဆုံးမှု ၆ဝ ရှိခဲ့တယ်။ ပထမ ၅ နှစ်အတွင်းတုံးက ၁% သေဆုံးတယ်။ ဒုတိယ ၅ နှစ်အတွင်း နည်းနည်းလျော့လာခဲ့တယ်။
• ၂ဝဝ၆ ကနေ ၂ဝဝ၉ အတွင်း နှစ်စဉ် လူနာ ၂၅ဝဝဝ ကနေ ၃ဝဝဝဝ အထိတိုးလာတယ်။ တနှစ်မှာ လူနာ ၈ဝ သေဆုံးတယ်။ Case-fatality rate ဝ့၃% သေဆုံးတယ်။
• အသက် ၇၅ နှစ်ကနေ ၈၄ နှစ်မှာ အများဆုံးသေဆုံးရတယ်။
• Drugs ဆေးဝါးက ပထမအများဆုံးဖြစ်တယ်။ အဆိပ်ကြောင့်ဖြစ်တာက ဒုတိယလိုက်တယ်။
• ခြုံလိုက်ရင် စုစုပေါင်း လူနာ ၂ဝဝ လောက်နှစ်စဉ် (အနာဖလက်ဆစ်) ကြောင့်သေဆုံးတယ်။

မသေတဲ့ဆေးသမား မရှိပါ။ မဆင်းချင်တဲ့အာဏာရှင်သာရှိတယ်။

ဒေါက်တာတင့်ဆွေ
၁၈-၅-၂ဝ၁၅
၂၈-၆-၂ဝ၁၅

G6PD links

Jun 28th, 5:09am ဆရာရှင့် ခုဒီတစ်ခေါက်ကတော့ ဆရာ့ကိုကျေးဇူးတင်ကြောင်းပြောမလို့ပါ။့့ Facebook မှာ ကိုယ်ဝန်ဆောင်မိခင်များ စကားဝိုင်းဆိုပြီး Group လေးရှိပါတယ်။ အဲ့ဒီမှာ ကိုယ်ဝန်ရှိဖို့ကြိုးစားနေသူတွေ ကိုယ်ဝန်ဆောင်သူတွေနဲ့ မိခင်တွေအတွေ့အကြုံ ဗဟုသုတတွေဖလှယ်ကြပါတယ်။့့ သားလေးက G6PD ပါဆရာ။ ကိုယ်ဝန်ဆောင်စဉ်ကတည်းက ဆရာရေးထားတာကိုဖတ်ဖူးပါတယ်။ ကိုယ်တိုင်မွေးလာတော့လဲ ဒီလိုဖြစ်လာတော့  တခြားသူတွေထက် ပိုစိတ်ပူမိပါတယ်။ မိဘတွေ အဒေါ်တွေကတော့ ဒီရောဂါအကြောင်း မသိကြတော့့ ကို ပိုတယ်လို့တောင်ထင်ပါတယ်။ ထင်လဲထင်ချင်စရာပါ။့့ သားလေးကို မွေးတော့စိတ်ချရအောင် အပြင်ဆေးရုံမှာ မမွေးဘဲ ဗဟိုအမျိုးသမီးဆေးရုံမှာမွေးတာပါ။ ကြားထဲက လိုအပ်ချက်တွေတော့ မပြောတော့ပါဘူး။ ကလေးမှာ ဒီလို တွေ့ရတယ်ဆိုတာကို ဆရာဝန်ကအခန်းထဲဝင်လာပြီး ရော့နင်ဒါတွေသိသင့်တယ်ဆိုပြီး မိတ္တူစာရွက်တရွက်ရယ် လက်ကမ်းစာစောင်တခုရယ် ပေးလိုက်ပါတယ်။ မိတ္တူစာရွက်မှာ G6PD အတွက်ရှောင်ရန်နဲနဲပါးပါးရေးထားတယ်။ လက်ကမ်းစာစောင်က အသားဝါအကြောင်းသိကောင်းစရာပါ။ မိတ္တူစာရွက်ကိုတွေ့တော့ ဆရာဝန်ကို မေးတော့မှ အေး နင့်ကလေး အဲ့ဒါဖြစ်နေတာ၊ အဲဒါကြောင့်လာပေးတာဆိုပြီး ပြန်သွားတယ်။့့ မှာ အဲ့ဒီနေ့က လက်မှိုင်ချပဲဆရာ။  လူနာစောင့်တွေကတော့ ဘေးကနေ ပိုနေတယ်လို့ပဲထင်တာပေါ့။ အခု့ တို့ စကားဝိုင်းမှာလဲ့့ လို မိခင်တွေ အများကြီးပါ။ ဒါပေမဲ့ စသိတဲ့မိခင်တွေက့့လိုပဲ ကြုံခဲ့ရလို့နဲ့တူတယ်၊ ရောဂါအကြောင်း ဂဃနဏမသိကြပါဘူး။ သူတို့မှာ စိုးရိမ်စိတ်အ့နဲ့မေးကြပါတယ်။့့ လဲတတ်နိုင်သလောက်ရှင်းပြပါတယ်။ မိခင်လောင်းတွေကလဲ စိတ်ပူကြပါတယ်။ မေးတာအရမ်းများလာတဲ့အခါ့့ မှာ ဆရာရေးထားတာလေးကို share ရတာခဏခဏပါပဲ။ အဲဒိအတွက်ရော ဗဟုသုတတွေပေးတဲ့အတွက်ရော ကျေးဇူးပါဆရာ။ ဆရာ့ကိုအမြဲလေးစားလျက်ပါ။

1. Chances of passing G6PD on to kids http://doctortintswe.blogspot.com/2015/05/chances-of-passing-g6pd-on-to-kids_26.html
2. G6PD and Blood groups နဲ့ သွေးအုပ်စု http://doctortintswe.blogspot.com/2015/06/g6pd-and-blood-groups.html
3. G6PD Deficiency Support Group http://doctortintswe.blogspot.com/2015/05/g6pd-deficiency-support-group.html
4. G6PD Low-risk Drugs မွေးရာပါချို့ယွင်းချက်နဲ့ ဆေး http://doctortintswe.blogspot.com/2015/05/g6pd-low-risk-drugs.html
5. G6PD မွေးရာပါရောဂါ http://doctortintswe.blogspot.com/2014/11/g6pd.html

ဒေါက်တာတင့်ဆွေ
၂၈-၆-၂ဝ၁၅

Saturday, June 27, 2015

Dizziness အမူးရောဂါ

ကျွန်တော့့် သတင်းစာက သတင်းအယ်ဒီတာ တစ်ယောက်ဖြစ်ပါတယ်။ သတင်းအတွက် မေးမြန်းခြင်းမဟုတ်ပါ။ ကျွန်တော့ ကျန်းမာရေးအတွက် မေးမြန်းခြင်းဖြစ်ပါသည်ခင်ဗျာ။ ကျွန်တော့အသက် ၃၇ ပြည့်ပါတော့မည်။ ရန်ကုန်ကပါ။ ကျွန်တော်ဖြစ်နေတာက မနက်အိပ်ရာထတဲ့အချိန်မှာ မူးနောက်နောက် ရီးဝေဝေ ဖြစ်နေတာကနေ အခု ထိုင်နေရင်း လှုပ်ရှားမှု တစ်ခုခု ပြုလိုက်တိုင်း ရီဝေဝေဖြစ်လာပါတယ်။ သတိထားမိတာ တစ်ပတ်တိတိ ရှိပါပြီခင်ဗျာ။

Dizziness အမူးရောဂါဆိုတာကို တိတိကျကျ ဖေါ်ပြရရင် ခေါင်းထဲ ပေါ့နေတာ၊ Vertigo ခေါင်းထဲမှာ ဝိုင်းခြာလည်နေတာ၊ Nystagmus မျက်လုံးက စိတ်ကလုပ်တာမလုပ်ဘဲနဲ့ အချက်ကျကျ မြန်မြန်လှုတ်နေတာ၊ Syncope သတိလက်လွတ် ဖြစ်တာတွေနဲ့ တွဲနေတယ်။ ဒီလက္ခဏာတွေ မပါဘဲ ခေါင်းမူးတာက စိုးရိမ်းစရာမရှိပါ။

Dizziness ခေါ်တဲ့ ခံစားရမှုကိုဖြစ်စေတဲ့ အကြောင်းခံတွေ များတယ်။ ဦးနှောက်ကို အောက်စီဂျင် လုံလောက်အောင် မရလို့ ဖြစ်တာများတယ်။ နှလုံးခုန်မမှန်တာကနေလဲ ဖြစ်နိုင်တယ်။ ထိုင်ရာကနေ ရုတ်တရက် ထလိုက်ချိန်မျိုးမှာ ဖြစ်တာက သွေးဖိအား ယာယီကျသွားလို့ပါ။ သွေးအားနည်းနေသူ (ဟီမိုဂလိုဘင်) နည်းနေသူ၊ နောက်ပြီး အအေးမိပျောက်ဆေး၊ စိတ်မကျဆေး၊ သွေးဖိအားကျဆေး၊ (အင်တီဟစ်တမင်း) ဆေး နဲ့ ဆီးသွားဆေးတွေ သောက်နေရင်လဲ ဖြစ်စေနိုင်တယ်။ ဝမ်းပျက်-ချွေးထွက်များသူတွေလဲ သွေး-အရည်ထုထည်ကျနေလို့ ဖြစ်နိုင်တယ်။

တကယ်လို့ ခေါင်းထဲမှာပေါ့နေပြီး သတိလစ်ချင်တာနဲ့တွဲနေရင် နှလုံး-သွေးကြောရောဂါ ရှိ-မရှိ စစ်ဆေး-ကုသရမယ်။ ဆီးချို၊ (မာလ်တီပယ်-စကယ်လ်ရိုးဆစ်) ရောဂါ နဲ့ (ပါကင်ဆန်) ရောဂါနဲ့လဲ တွဲနေတတ်တယ်။

နားအတွင်းဆုံးထဲက ကိုယ်ခန္ဓာမျှခြေကိ်ုထိန်းပေးနေတဲ့ အင်္ဂါတွေမှာ ရောဂါရရင် ဥပမာ Labyrinthitis ရောဂါ၊ Ménière's disease နားအတွင်းဖုံးလွှာရောင်ရောဂါ၊ Vestibular neuronitis နားအာရုံကြောရောဂါ၊ Tinnitus နားထဲမည်နေတဲ့ရောဂါ တွေမှာလဲ ဖြစ်နိုင်တယ်။ ဒါ့အပြင် နားစည်ပေါက်ခြင်း၊ နားအလည်ခန်း ရောင်ခြင်းဖြစ်ရင်လဲ မူးနိုင်သေးတယ်။ Vertigo ကို ဖတ်ပါ။

အရုပ်၂ ခု မြင်နေတာနဲ့တွဲနေရင် ဦးနှောက်-ပင်စည်နေရာမှာ ရောဂါရနေသလား စစ်ဆေးရမယ်။ မူးတာက စကားပြော သိပ်နှေးလာတာနဲ့တွဲနေရင် Stroke ဦးနှောက်လေဖြတ်တာနဲ့ Brain tumor ဦးနှောက်-အကျိတ် ဖြစ်နိုင်တယ်။

တခြားအကြောင်းခံတွေကတော့ စိုးရိမ်စိတ်ကဲ၊ စိတ်ဖိအားများ၊ အားကုန်၊ အပြင်းဖျား၊ ချောင်း အတင်းဆိုးတာ၊ ဆီးသွား-ဝမ်းသွားတာမှာ အားစိုက်ထုတ်ရတာ၊ အစာအိမ်ရောင်၊ အအေးမိ၊ လည်ပင်းမှာ ဖိအားသက်ရောက်ခံနေရတာ၊ ပတ်ခြာလည်စရာကိုစီးတာ၊ သွေးဖိအားကျတာ၊ သိပ်နာကျင်တာ၊ ကြောက်စိတ်ကြီးတာ၊ သတိဆွဲပြီး အကြာကြီး ရပ်နေရတာ၊ အရက်သောက်များတာ၊ မူးယစ်ဆေး၊ အသက်ရှူ အလွန်မြန်တာ၊ သွေးထဲသကြားဓါတ်နည်းတာ၊ (ဟစ်တီးရီးယား) အတက်ရောဂါတမျိုးတွေဖြစ်တယ်။

အသက် ၄ဝ ကျော်သူတွေမှာ ၄ဝ% ဖြစ်နိုင်ခြေရှိတယ်။ မိန်းမတွေက ယောက်ျားတွေထက် ၂ ဆ နည်းပါး ပိုဖြစ်တယ်။ (မိုင်ဂရင်း) ရောဂါရှိသူထဲက ၄ ယောက်မှာ ၁ ယောက်၊ Multiple sclerosis ရောဂါရှိသူတွေထဲက ၃ ယောက် ၁ ယောက်၊ အမူးရောဂါ ခံစားနေရသူတွေထဲမှာ ၂၅-၄ဝ% ဟာ Benign paroxysmal positional vertigo (BPPV) ဆိုတာ ဖြစ်နိုင်တယ်။ ဒီရောဂါအကြောင်း သပ်သပ်ရေးထားပါတယ်။

• BPPV အရက်မသောက်ဘဲ မူးတဲ့ရောဂါ http://dts-medicaleducation.blogspot.com/2011/04/bppv.html
• Vertigo အမူးရောဂါ (အရက်ကြောင့် မဟုတ်ပါ) http://dts-medicaleducation.blogspot.com/2011/01/vertigo.html
• Dizziness အမူးရောဂါ http://doctortintswe.blogspot.com/2015/05/dizziness.html

Dr. တင့်ဆွေ
၂၈-၆-၂ဝ၁၅

Fournier gangrene ဖေါင်းနီးယား ဂင်ဂရင်း

ဆရာခင်ဗျား Fournier's gangrene ရောဂါက ဘယ်လိုကြောင့် လိင်အင်္ဂါနေရာမှာဖြစ်ရတာပါလဲခင်ဗျာ။

(ဖေါင်းနီးယား ဂင်ဂရင်း) ကို ရောဂါဗေဒလို ကျား-မ အပြင်ပိုင်း လိင်အင်္ဂါတွေမှာ အရွတ်လွှာသွေးမရလို့ တစ်ရှူးတွေ ပျက်စီးပြီး သေသွားတာမျိုးဖြစ်တယ်။ ဆီးချိုလိုခုခံအားနည်းနေသူတွေမျာ ပိုဖြစ်တတ်တယ်။ ထိခိုက်မိရာကနေလည်း ဖြစ်တယ်။ ပိုးဝင်လာလို့ပိုဆိုးလာတယ်။ အပေါ်ယံမှာ ပိုးဝင်ရာကနေ ပန်းတံနဲ့ ကပ်ပယ်အိပ်ဆီပြန့်လာနိုင်တယ်။ ဝမ်းဗိုက် ရှေ့ပိုင်းဆီလည်းရောက်သလို အဲလိုဖြစ်စဉ်ပြောင်းပြန်လည်း ဖြစ်နိုင်တယ်။ ကျားအစေ့ထိရောက်တာက ရှားတယ်။ ပိုးပြင်းတာနဲ့ ခုခံအားနည်းတာတွေကနေ ဆိုးတာ သိပ်မဆိုးတာကိုဖြစ်စေတယ်။

၇၅-၉၅% မှာ အကြောင်းရှာလို့သိတယ်။ စအိုနဲ့အစာဟောင်းအိမ်လမ်း၊ ဆီး-လိင်လမ်းနဲ့ အရေပြားလမ်းတွေကနေ ဝင်တယ်။

မတော်ဆနည်းလမ်းတွေများတယ်။
ယောက်ျားတွေမှာ ခွဲစိတ်ခြင်း၊ ထိခိုက်မိခြင်း၊ လိင်အင်္ဂါကိုကွင်းတပ်ခြင်း၊ လိင်တံထဲကိုကိန်းဆေးထိုးခြင်း၊ ဆီးပိုက်ထည့်ခြင်း၊ လိင်အင်္ဂါအတုတပ်ခြင်း၊ ဆေးထိုးခြင်း၊ စတီရွိုက်ဆေး စအိုကနေသွင်းခြင်း၊ စအိုထဲ အခြားပစ္စည်း ဝင်ခြင်းတွေကနေ ဖြစ်စေနိုင်တယ်။

မိန်းမတွေမှာ ကိုယ်ဝန်ပျက်ရာပိုးဝင်ခြင်း၊ မိန်းမကိုယ်၊ ဘာသိုလင်ဂလင်းပြည်တည်ခြင်း၊ သားအိမ်ထုတ်ခြင်း၊ မွေးလမ်း ချဲ့ခြင်းတွေကနေဖြစ်စေနိုင်တယ်။

ကလေးတွေမှာ ပန်းအဖျားဖြတ်ခြင်း၊ ဟာနီယာဖြစ်ရာကနေအူပိတ်ခြင်း၊ ချက်ရောင်ခြင်း၊ အင်းဆက်ကိုက်ခြင်း၊ ထိခိုက်မိခြင်း၊ ဆီးလမ်းကိရိယာထည့်ခြင်း၊ တင်ပါးနေရာပြည်တည်နာ၊ အထွေထွေရောဂါပိုးဝင်ခြင်းတွေကနေဖြစ်စေတယ်။

Streptococcal species ဆထွက်ပ်ပိုး၊ Staphylococcal species စတက်ဖ်ပိုး၊ Enterobacteriaceae အင်တရိုပိုး၊ Anaerobic organisms လေမကြိုက်ပိုးနဲ့ Fungi မှိုပိုးတွေဝင်နိုင်တယ်။ Escherichia coli, Bacteroides, Proteus, Enterococcus, Pseudomonas, Klebsiella နဲ့ Clostridium ပိုးတွေကနေဖြစ်စေတယ်။

အခံရောဂါများ
• ဆီးချို (၆ဝ%)၊
• အလွန်ဝခြင်း၊
• အရက်စွဲခြင်း၊
• အသည်းခြောက်ခြင်း၊
• အသက်ကြီးလွန်း ငယ်လွန်းခြင်း၊
• သွေားကြောရောဂါ တင်ပါးပိုင်းမှာရှိခြင်း၊
• ကင်ဆာ (လူကီးမီးယား)
• SLE
• ခရုမ်းရောဂါ၊
• HIV infection
• အာဟာရချို့တဲ့ခြင်း၊

ပိုးသေဆေးများ
• ပိုးအများကြီးကိုနိုင်မယ့်ဆေးရွေးပေးရတယ်။ Ciprofloxacin နဲ့ Clindamycin တွေသုံးတယ်။
• တခြားသုံးနိုင်တဲ့ဆေးတွေကတော့ ampicillin/sulbactam, ticarcillin/clavulanate, or piperacillin/tazobactam + aminoglycoside and metronidazole or clindamycin တွေဖြစ်ကြတယ်။
• Vancomycin ကို (MRSA) အတွက်သုံးတယ်။
• intravenous immunoglobulin (IVIG) ကိုလည်းပေးရတတ်တယ်။
• fungi မှိုအတွက်ဆိုရင် amphotericin B or caspofungin တွေပေးမယ်။

Surgical Diagnosis and Debridement ခွဲစိတ်နည်းနဲ့ ပျက်စီးသေနေတာတွေကို ရှင်းထုတ်ပေးရတယ်။ Reconstruction အစားထိုးလုပ်ပေးရာတတွေရှိနိုင်တယ်။ Hyperbaric Oxygen Therapy အောက်စီဂျင်ကုသနည်းလည်းလိုတတ်တယ်။

အဖြစ်မများပါ။ ၁၉၉၆ တုံးက တကမ္ဘာလုံးမှာ စုစုပေါင်း လူနာ ၆ဝဝ ရှိခဲ့တယ်။ ယောက်ျား ၁ဝ ယောက်မှာ မိန်းမ ၁ ယောက်ဖြစ်တယ်။ ဂေးတွေမှာပိုဖြစ်တယ်။ ဆေးယဉ်ပိုးတွေရှိနေတယ်။ အသက် ၃ဝ-၆ဝ မှာများတယ်။ ၇၅% အထိ သေဆုံးနိုင်တယ်။ ဆီးချိုနဲ့ HIV ရှိသူတွေက သေဆုံးမှုများတဲ့စာရင်းထဲမှာ မပါတာ အံ့သြစရာကောင်းတယ်။

ဒေါက်တာတင့်ဆွေ
၂၈-၆-၂ဝ၁၅

Thyroid Cancer သိုင်းရွိုက်ကင်ဆာ

ကျမအသက် ၄၄ နှစ်ပါ။ လက်ရှိအိမ်ထောင်နှင့် သားသမီးနှစ်ယောက်ရှိပါတယ်။ ရာသီသွေးလည်း မဆုံးသေးပါ။ လည်ပင်းမှာ အကျိတ်ထွက်လို့ ခွဲစိတ်မှုနှစ်ကြိမ်ခံယူပြီးပါပြီ။ အခုအဏုမြူရောင်ခြည်ဖြင့် ရောဂါရှာဖွေကုသရေဌာန ရန်ကုန်ဆေးရုံကြီးမှာ ကုသမှု ခံယူနေပါတယ်။ မနက်စော Thyrox ဆေးတစ်လုံး အစာနဲ့ တစ်နာရီခြားပြီး သောက်ရပါတယ်။ လိုအပ်တဲ့ဆေးစစ်ချက်တွေနဲ့ Thyroid Scan ရိုက်ရပါတယ်။ အဖြေက Functioning remnant thyroid tissue in right lobe ဆိုပြီးဖြစ်ပါတယ်။ မသိလို့မေးပါရစေဆရာ right ဘက်မှာ အကျိတ်ဖြစ်စေတဲ့ ကင်ဆာဆဲလ်တွေ ကျန်သေးတာလားရှင်။ thyroid နှစ်ဖက်လုံးထုတ်ထားတာလည်း ကင်ဆာဖြစ်နိုင်ခြေ ရှိသေးပါသလားရှင်။ ရောင်ခြည်ဆေး သောက်ရတဲ့ပမာဏက Iodide 131(15)m Ci THERAPV No.(7/15) ဖြစ်ပါတယ်ရှင်။ တစ်သက်လုံးကတော့Thyrox ဆေးကတော့နေ့စဉ်သောက်ရမယ်လို့ပြောပါတယ်။ အခုထပ်ပြီး သွေးစစ်ရထာတဲ့အဖြေက Normal serum T3, T4, and THS levels. Euthyroid ဖြစ်ပါတယ်။ နောက်ခြောက်လကြာရင် သွေးတစ်မျိုး ထပ်စစ်မယ်ပြောပါတယ်။ လည်ပင်းကိုမကြာခဏစမ်းပေးပါ အကျိတ်တွေ့ရင် ပြန်လာပါလို့ ပြောပါတယ်။ ကျမရဲ့ ဆေးစစ်ချက် အဖြေများနှင့် ရောဂါအခြေအနေနှင့် ဆောင်ရန်ရှောင်ရန်အချက်များကို ကျေးဇူးပြုပြီး ဖြေကြားပေးပါရှင့်။

သိုင်းရွိုက်ကင်ဆာ ခေါ် လည်ပင်းကြီးအကျိတ်ကင်ဆာဆိုတာ အသက်၊ ကျား-မနဲ့ ဓါတ်ရောင်ခြည်သင့်တာတွေနဲ့ ဆက်စပ်နေတယ်။ Medullary thyroid cancer အမျိုးအစားကတော့ မိဘဆီကနေရတဲ့ မျိုးဗီဇပြောင်းလို့ဖြစ်ရတယ်။

အမျိုးအစား (၄) မျိုးရှိတယ်။
၁။ Papillary thyroid cancer အများဆုံးဖြစ်တယ်။
၂။ Follicular thyroid cancer
၃။ Medullary thyroid cancer
၎။ Anaplastic thyroid cancer

အသက် ၂၅ နဲ့ ၆၅ ကြားအဖြစ်များတယ်။ အမျိုးသမီးအဖြစ်များတယ်။ ရိုးရိုးလည်ပင်းကြီးကနေ ကင်ဆာ ပြောင်းတာတာလည်း ရှိတတ်တယ်။ မိသားစုထဲမှာ တယောက်မကဖြစ်တတ်တယ်။ အာရှတိုက်မှာ ပိုဖြစ်တယ်။

လည်ပင်းမှာ မြင်လို့ စမ်းလို့ရတဲ့အကျိတ်ကနေစတယ်။ အသက်ရှူရခက်တတ်တယ်။ မျိုချရတာခက်တတ်တယ်။ အသံသြလာတတ်တယ်။

• Laryngoscopy ကရိယာနဲ့စစ်ဆေးရတယ်။
• Blood hormone studies သွေးထဲကဟော်မုန်းစစ်ဆေးရတယ်။ များနေနိုင်သလို နည်းနေနိုင်သေးတယ်။
• Calcium ကယ်လ်စီယမ် နည်းတာ များတာရှိနေနိုင်တယ်။
• Ultrasound exam အာလ်ထွာဆောင်းရိုက်မယ်။
• CT scan (CAT scan) ရိုကမယ်။
• Fine-needle aspiration biopsy အပ်နဲ့စုပ်ယူပြီး အသားစထုတ်ယူစစ်ဆေးမယ်။
• Surgical biopsy ခွဲပြီး အသားစထုတ်ယူစစ်ဆေးမယ်။
• Chest x-ray ရင်ပတ်ဓါတ်မှန်ရိုက်မယ်။

အနားရှိတစ်ရှူးတွေဆီ၊ သွေးကနေတခြားနေရာတွေနဲ့ သွေးပြန်ရည်ကနေတဆင့် ဘေးကိုပြန့်တယ်။

အဆင့်တွေခွဲထားတယ်။ ဆရာဝန်တွေသာလိုမှာမို့ မရေးတော့ပါ။

ကုသနည်း အမျိုးမျိုးရှိတယ်။
၁။ Surgery ခွဲစိတ်နည်း
၂။ Radiation therapy ဓါတ်ရောင်ခြည်ပေးနည်း
၃။ Radioactive iodine therapy အနုမြူဆေးပေးနည်း၊
၎။ Chemotherapy ကင်ဆာဆေးပေးနည်း
၅။ Thyroid hormone therapy ဟော်မုန်းပေးနည်း
၆။ Targeted therapy ပြစ်မှတ်ထားကုသနည်း

Surgery ခွဲစိတ်နည်းကို အများဆုံးလုပ်ရတယ်။ Lobectomy, Near-total thyroidectomy, Total thyroidectomy နဲ့ Lymphadenectomy နည်းတွေလုပ်နိုင်တယ်။

Targeted therapy ပြစ်မှတ်ထားကုသနည်းမှာ Tyrosine kinase inhibitor ဆေးကိုသုံးတယ်။ Vandetanib နဲ့ Sorafenib ဆေးတွေဖြစ်တယ်။

Nuclear Medicine အနုမြူဆေးပညာ http://doctortintswe.blogspot.com/2014/12/nuclear-medicine.html ကို သပ်သပ်ရေးထားပါတယ်။ အဲတာမှာ ဆောင်ရန်ရှောင်ရန်တွေ တိတိကျကျပါတယ်။ စနစ်တကျ ကုသဘို့ကလွဲရင် ဆောင်စရာ ရှောင်စရာမရှိပါ။

ဒေါက်တာတင့်ဆွေ
၂၇-၆-၂ဝ၁၅

UTI in children ကလေးတွေဆီးလမ်းပိုးဝင်ခြင်း

ဆရာရှင့် ကျွန်မသားလေး ဒီနေ့ပဲ အသက်တနစ်နဲ့နှစ်လပြည့်ပါတယ်။ လွန်ခဲ့တဲ့တပတ်လောက်ကစပြီး သားလေး ဆီးနည်းနည်းကို အကြိမ်များများသွားပြီး ဆီးသွားဝမ်းသွားတိုင်း ကျင်သလိုတုန်ခါသွားတတ်ပါတယ်။ ကောင်းသွားမှာပါ ဆိုပြီး စောင့်ကြည့်တာ အခုထိမသက်သာသေးတာမို့ ကလေးအထူးကုဆီသွားလိုက်ပါတယ်။ ဆရာဝန်မကြီးက ဆီးလမ်းကြောင်းပိုးဝင်တာလို့ပြောပြီး သောက်ဆေးတမျိုးပေးလာပါတယ်။ 5 ml တရက် နစ်ကြိမ် တပါတ်တိုက်တဲ့။ ကျွန်မသိချင်တာက ဒီအရွယ်ကလေးငယ်တွေ ဆီးလမ်းကြောင်းပိုးဝင်တတ်ပါသလား။ ဘာကြောင့် ဖြစ်တတ်ပါသလဲ။ ဘယ်လိုသတိထားရှောင်ရပါမလဲ။ diaper သုံးခြင်းနဲ့လဲသက်ဆိုင်ပါသလား။ ကျွန်မသားလေးကို ညတိုင်းသုံးပေးပါတယ်။ ပေါင်ဒါ ပေါင်ကြား ဖြူးပေးတာကလဲဖြစ်တတ်ပါသလား။ ဆရာအချိန်ရရင် ဗဟုသုတအနေနဲ့ မှတ်သားထားချင်လို့ ပြန်ဖြေပေးပါနော်။ ကလေးအထူးကုသမားတော်ကို ဘာလို့ဒီမေးခွန်းတွေ မမေးလဲလို့ ဆရာ တွေးနေမိမယ်ထင်ပါတယ်။ ဆရာမကြီးက ကလေးတယောက်ကို ငါးမိနစ်ပဲအချိန်ပေးပါတယ်ရှင်။ ဆရာ့ကို အမြဲရိုသေလေးစားလျက်ပါ။

ကလေးတွေမှာ ဆီးလမ်းကြောင်းပိုးဝင်တာ ခပ်သင့်သင့်အဖြစ်များတယ်။ ဗက်တီးရီးယားကနေဖြစ်စေတယ်။ သုံးနေကြ ပိုးသေဆေးနဲ့ရတယ်။ ထပ်ထပ်ဖြစ်တာဆိုရင်တော့ ဆီးလမ်းမှာချို့ယွင်းချက်ရှိနေသလား စစ်ရမယ်။ ဆီးလမ်းပိုးဝင်ရင် နာမယ်၊ ဆီးခဏခဏသွားမယ်၊ သွားချင်ရင်အမြန်သွားချမယ်။ ကိုယ်ပူနိုင်တယ်၊ ဆီးစပ်နေရာနာနိုင်တယ်။ အန်နိုင်တယ်။

ဆီးလမ်းကြောင်းဆိုတာ အထက်ဆုံးကနေစရင် ကျောက်ကပ်၊ ဆီးဆင်းပြွန်၊ ဆီးအိမ်နဲ့ ဆီးထွက်ပြွန်ဖြစ်တယ်။ နေရာတိုင်းမှာ ပိုးဝင်နိုင်တယ်။ အများအားဖြင့် အောက်ဆုံးထွက်ပေါက်ကနေ အထက်တက်လာတယ်။ ဆီးအိမ်မှာ ဖြစ်တာက အများဆုံး။ အသက် ၅ နှစ်ကလေး မိန်းကလေးတွေမှာ ၈% နဲ့ ယောက်ျားလေးတွေမှာ ၁-၂% ဖြစ်တယ်။ မိန်းကလေးတွေမှာ ဆီးထွက်ပေါက်နဲ့ ဆီးအိမ်ကြားလမ်းကတိုလို့ဖြစ်ရတယ်။

ဆီးလမ်းမှာ မွေးရာပါချို့ယွင်းချက်ရှိသူ၊ အညစ်အကြေးစွန်းတာမှာလိုအပ်ချက်ရှိသူ၊ မိသားစုရာဇဝင်ရှိသူ၊ သုံးတဲ့ဆပ်ပြာ စတာမှာ အဆင်မပြေတာပါနေသူတွေမှာ ပိုဖြစ်နိုင်တယ်။ ယောက်ျားလေးတွေဆိုရင် ပန်းငုံနေသလားကြည့်ပါ။ ပန်းအဖျားထိပ်ကလေးကို အရေပြားက လုံးလုံးဖုံးမနေရပါ။ ဆီးကောင်းကောင်းသွားနိုင်အောင် ပွင့်နေရမယ်။ ဆီးသွားလို့ ကလေးငိုရင်စစ်ပါ။ ခွဲသင့်တဲ့အချိန်မှာခွဲရမယ်။ စာသပ်သပ်ရေးထားပါတယ်။

ဒိုင်ယာပါကို အကြိမ်ရေများလဲပေးသင့်တယ်။ အရွယ်အရ ကလေးတွေ ကိုယ့်ကိုယ်ကို ဂရုစိုက်တတ်အောင်သင့်ပေးပါ။ မိန်းကလေးတွေ ဆီးသွားပြီးတိုင်းရေဆေးစေပါ။ အဲလိုနေရာကို သန့်ရှင်းရေးလုပ်ရင် လူကြီးရော ကလေးပါ လက်ကို ရှေ့ကနေ နောက်ဖက်ဆီကိုသာ တလမ်းသွးလုပ်ပါစေ။ ဆပ်ပြာစတာတွေကို အရိုးရှင်းဆုံးသာသုံးပါ။ စိုနေတာကို အဝတ်မဝတ်မီ ခြောက်သွေ့စေပါ။ အတွင်းခံကို သဘာဝထွက်ခြည်အမျိုးမစားသာသုံးပါ။ ဆီးကိုကုန်အောင်သွားစေပါ။

ကလေးငယ်လေးတွေက မပြောတတ်လို့ ဒါတွေဖြစ်နေရင် သတိပြုပါ။ ဘာလို့မှန်မသိဘဲ ကိုယ်ပူမယ်၊ ဆီးအနံ့ မကောင်းဖြစ်မယ်၊ အစားပျက်မယ်၊ အန်မယ်၊ အမူအယာ တမျိုးဖြစ်မယ်။ ၁၁ နှစ်သမီးတွေ ၃% နဲ့ ၁၁ နှစ်သားတွေ ၁% မှာ ဆီးလမ်း ပိုးဝင်တယ်။ အိမ်သာထဲမှာ ကြာနေရင် သတိထားကြည့်ပါ။ တချို့ကလေးတွေမျာ မွေးရာပါ ဆီးလမ်း အားနည်းချက် ရှိနေနိုင်တယ်။ ရေအိမ်သွားနည်း သင်ထားပေးပါ။ ရေ-အရည်များများသောက်ပါ။ ဆီးသွားချင်ရင် အောင့်မထားပါနဲ့။

ပဋိဇီဝဆေးနဲ့ပျောက်တယ်။ ဆေးတမျိုးမျိုးကို ၃ ရက် ပေးပါ။ ပြန်ပြန်ဖြစ်နေရင် ပဋိဇီဝဆေးနည်းနည်းကို ကြာရှည်သောက်ပါ။
၁။ Amoxicillin/clavulanate (Augmentin) 25 to 45 mg per kg per day တနေ့ ၂ ကြိမ်။ ဘေးထွက်ဆိုးကျိုး = ဝမ်းပျက်၊ ပျို့-အန်၊ အနီုပြင်ထွက်၊
၂။ Cefixime (Suprax) 8 mg per kg တနေ့ ၁-၂ ကြိမ်။ ဘေးထွက်ဆိုးကျိုး = ဝမ်းပျက်၊ ဗိုက်အောင့်၊ အနီုပြင်ထွက်၊
၃။ Cefpodoxime 10 mg per kg per day တနေ့ ၁ ကြိမ်။ ဘေးထွက်ဆိုးကျိုး = ဝမ်းပျက်၊ ဗိုက်အောင့်၊ အနီုပြင်ထွက်၊ ပျို့၊
၎။ Cefprozil (Cefzil) 30 mg per kg per day တနေ့ ၂ ကြိမ်။ ဘေးထွက်ဆိုးကျိုး = ဝမ်းပျက်၊ ဗိုက်အောင့်၊ အနီုပြင်ထွက်၊ ပျို့၊
၅။ Cephalexin (Keflex) 25 to 50 mg per kg per day တနေ့ ၂-၄ ကြိမ်ခွဲတိုက်။ ဘေးထွက်ဆိုးကျိုး = ဝမ်းပျက်၊ ဗိုက်အောင့်၊ အနီုပြင်ထွက်၊ ပျို့၊
၆။ Trimethoprim/sulfamethoxazole (Bactrim, Septra) 8 to 10 mg per kg per day တနေ့ ၂ ကြိမ်။ ဘေးထွက်ဆိုးကျိုး = ဝမ်းပျက်၊ ဗိုက်အောင့်၊ အနီုပြင်ထွက်၊ ပျို့၊

Dr. တင့်ဆွေ
၂၇-၆-၂ဝ၁၅

Gangrene (ဂင်ဂရင်း) အသားသေသွားခြင်း

Gangrene (ဂင်ဂရင်း) ဘာကြောင့်ဖြစ်ရသလည်း
သွေးကအဓိကဖြစ်တယ်။ သက်ရှိဆဲလ်တိုင်းက သွေးမရလို့မဖြစ်ပါ။ သွေးထဲမှာ အာဟာရဓါတ်တွေပါတယ်။ ခုခံအားတွေ ပါတယ်။ သွေးမရရင် အဲလိုဟာတွေမရတော့ပဲ ဆဲလ်တွေသေမယ်။

ဒီရောဂါရှိသူတွေမှာ ဂင်ဂရင်းဖြစ်လာတတ်တယ်။
- Diabetes ဆီးချိုရောဂါ၊
- Atherosclerosis သွေးကြောကျဉ်းရောဂဂါ၊
- Peripheral arterial disease အဖျားအနားသွေးကြောရောဂါ၊
- Smoking ဆေးလိပ်သောက်သူ၊
- Trauma or serious injury ဖိခိုက်ဒဏ်ရာရခြင်း၊
- Obesity အဝလွန်ခြင်းနဲ့
- Raynaud's phenomenon ရောဂါ။

အမျိုးအစားများ
၁။ Dry gangrene အခြောက်အမျိုးအစား
ဆီးချိုရှိသူတွေနဲ့ အော်တိုအင်မြူးရောဂါခေါ် ခုခံအားကမောက်ကမဖြစ်တာရှိသူတွေမှာဖြစ်တယ်။ ပိုးဝင်လာရာကနေ အစိုမျိုးပြောင်းသွားတာလည်းရှိတယ်။

၂။ Wet gangrene အစိုမျိုး
ပိုးဝင်လို့ဖြစ်ရတယ်။ မီးလောင်နာ၊ ထိခိုက်မိတာကနေ ခုခံအားနည်းပြီး ပိုးဝင်လို့ဖြစ်ရတယ်။ ရောင်လာမယ်။ အပူဖူး ပေါက်လာမယ်။ ပြန့်လာမယ်။ အသက်ကိုရန်ရှာနိုင်တယ်။

အစိုမျိုးထဲမှာ မျိုးခွဲတွေရှိသေးတယ်။
(က) Internal gangrene အတွင်းစိုမျိုး
ကိုယ်အတွင်းထဲမှာ သွေးမရလို့ဖြစ်တယ်။ ဥပမာ အူအတက်၊ အူမကြီး။

(ခ) Gas gangrene
ဓါတ်ငွေ့ထက်အမျိုးအစား
ကိုယ်အတွင်းခပ်နက်နက်နေရာမှာဖြစ်တယ်။ အတွင်းကကြွက်သား၊ အင်္ဂါအစိတ်အပိုင်းမှာ ထိခိုက်မိရာကနေဖြစ်တယ်။ clostridia (ကလော်စထွိုက်ဒီးယား) ဗက်တီးရီးယားကနေ ဓါတ်ငွေ့ထွက်စေတယ်။ အဆိပ်ငွေ့ဖြစ်တယ်။ အလွန်နံတယ်။ အရေပြားအရောင် ဖျော့လာမယ်။ ဖိကြည့်ရင် အောက်မှာလေရှိတာသိတယ်။ အရေးပေါ်ဖြစ်တယ်။ ၄၈ နာရီအတွင်း အသက်ကိုရန်ရှာနိုင်တယ်။

(ဂ) Fournier's gangrene ဖိုးနီးယားအမျိုး
ရှားတယ်။ လိင်အင်္ဂါနေရာမှာဖြစ်တယ်။ ယောက်ျားတွေမှာပိုဖြစ်တယ်။ သွေးထဲရောက်ရင် အသက်ကိုရန်ရှာမယ်။

ဘယ်လိုသိမလည်း
အရေပြားအရောင်ပြောင်းလာမယ်။ ခြောက်နေမယ်။ ပြာရာကနေ မည်းနက်လာမယ်။ ကွာကျမယ်။ အေးစက်နေမယ်။ နာချင်မှနာမယ်။ အစိုမျိုးဆိုရင် ရောင်နေပြီး နာမယ်။ အရောင်က ညိုရာက မည်းနက်လာမယ်။ မန်းရည်နဲ့ ပြည်ထွက်မယ်။ ဖျားမယ်။ ဖိကြည့်ရင် အောက်မှာလေရှိနေတာ သိမယ်။ ကိုယ်တွင်းပိုင်းမှာဖြစ်တာဆိုရင် ဖြစ်တဲ့နေရာမှာနာမယ်။ ဆိုင်ရာ ရောဂါလက္ခဏာတွေပါ တွဲရှိတယ်။

သတိထားရမယ့်အခြေအနေ
သွေးဖိအား BP ကျလာမယ်။ နှလုံးခုန်မြန်လာမယ်။ အသက်ရှူတိုလာမယ်။ ကိုယ်အပူချိန်ပြောင်းလာမယ်။ ခေါင်းထဲ ပေါ့နေမယ်။ ကိုယ်တွေနာမယ်။ အနီပြင်ထွက်နိုင်တယ်။ စိတ်ရှုတ်ထွေးလာမယ်။ အရေပြားအေးစက်နေမယ်။ ဖြော့တော့နေမယ်။

ဘယ်လိုကုသမလည်း
သေသွားတဲ့ တစ်ရှူးတွေကို ဖယ်ထုတ်ရမယ်။ ရောဂါပိုးမပြန့်အောင် ပိုးသေဆေးပေးရမယ်။ ဖြစ်စေတဲ့ အကြောင်းခံကို ကုသပေးရမယ်။ မြန်လေကောင်းလေ။ ဖြတ်ပြစ်သင့်ရင်ဖြတ်ရမယ်။ လောက်ကောင်တက်နေတာရှိရင် ကုသရမယ်။ အောက်စီဂျင်လိုနိုင်တယ်။

ဒေါက်တာတင့်ဆွေ
၂၇-၆-၂ဝ၁၅

Milk of Magnesia (MoM)

MOM လည်းခေါ်တယ်။ Cream of Magnesia လို့လည်းခေါ်တယ်။ Magnesium hydroxide (မက်ဂနီဆီယမ် ဟိုက်ဒရောဆိုက်) ဝမ်းပျော့ဆေးဖြစ်တယ်။ အသုံးများတယ်။ တလွဲသုံးနေသူတွေကို သတိပေးချင်လို့ သည်စာကိုရေးပါတယ်။ တခြားအသုံးတွေကိုလည်းသိစေချင်လို့။

(အော့စ်မောတစ်) အမျိုးအစားဝမ်းနုပ်ဆေးဖြစ်တယ်။ (အော့စ်မောတစ်) ဖိအားသဘောအရ ကိုယ်ထဲကရေကို အူမကြီးထဲကို စုပ်ယူပေးတယ်။ ဆေးရည်ရှိတယ်။ ဆေးပြားရှိတယ်။ ဆေးသောက်ပြီး နာရီဝက်ကနေ ၆ နာရီမှာ ဝမ်းသွားစေမယ်။

သတိပေးချက် = ရေတိုအတွက်သာသုံးပါ။ ကြာကြာသုံးရင် အူမကြီးအလုပ်ကိုထိခိုက်မယ်။ ဝမ်းချုပ်တာဖြစ်လာစေမယ်။ ကျောက်ကပ်မကောင်းသူ မသင့်ပါ။

ဘေးထွက်ဆိုးကျိုးများ = ဗိုက်နာ၊ ဗိုက်အနေရခက်၊ အန်၊ ဝမ်းလျော၊ Dasatinib (Sprycel), Delavirdine (Rescriptor), Digoxin (Digox, Lanoxin), Phosphate supplements နဲ့ Some antibiotics တချို့ပိုးသေဆေးတွေနဲ့ ဓါတ်ပြုနိုင်တယ်။

ဆေးဘယ်လောက်ပေးမလည်း
လူကြီး (၁၂ နှစ်အထက်) = ဟင်းစားဇွန်း ၁-၂ ဇွန်းညအိပ်ယာဝင်၊ ရေတဖန်ခွက်နဲ့သောက်ပါ။
၆-၁၁ နှစ် လူကြီးထက် တဝက်သောက်ပါ။ ၆ နှစ်အောက် ဆရာဝန်ပြောပြီးမှသောက်ပါ။

Antacid အက်စစ်ပျယ်ဆေးအနေနဲ့လည်းသုံးတယ်။ ဝက်ခြံမှာလည်း ပိုးသေဆေးသောက်ပြီး ဒီဆေးရည်လိမ်းရတယ်။ အဆီပျံအရေပြားအတွက်လည်း လိမ်းဆေးအဖြစ်သုံးတယ်။

Deodorant အနံ့ပျောက်ဆေးအနေနဲ့လည်းသုံးကြတယ်။ ချိုင်းမှာနည်းနည်းလိမ်းပေးရတယ်။ ခြောက်သွားမှ အဝတ်အစား ဝတ်ပါ။ နောက်တနည်းက Roll-on deodorant အခွံထဲကို ဒီဆေးရည်ထည့်သုံးရတယ်။

ဒေါက်တာတင့်ဆွေ
၂၇-၆-၂ဝ၁၅

Friday, June 26, 2015

CPR for newborn babies မွေးကာစကလေး CPR လုပ်ပေးနည်း

CPR ခေါ်တဲ့ နှလုံး-အဆုပ် ပြန်လည်အလုပ်လုပ်စေရန်ပြုစုနည်းတင်တော့ ဖတ်တဲ့သူမနည်းတာတွေ့ရတယ်။ လူကြီးတွေကိုလုပ်ပေးနည်းနဲ့ တနှစ်အောက်ကလေးတွေလုပ်ပေးနည်း ၂ မျိုးလုံးရေးထားပါတယ်။ မွေးမွေးချင်း အသက်မရှူတဲ့ကလေးမျိုးရှိတတ်တယ်။ ပြာနှမ်းနေလို့ Blue baby ခေါ်တယ်။ အဲတာဆို ဘယ်လုပ်ပေးမလည်း။

နယူးဒေလီမှာ ယမုန်နာဆေးခန်းလေးဖွင့်ပြီး မြန်မာဒုက္ခသည်တွေကျန်းမာရေး လုပ်ပေးနိုင်တာလေးတွေ လုပ်ပေးခဲ့တော့ ကိုယ်ဝန်ဆောင်တွေက မနည်းပါ။ အိန္ဒိယကနေထွက်လာတဲ့အထိ ကလေးပေါင်း ၃၄၉ ယောက်ကို မွေးပေးနိုင်ခဲ့တယ်။ မွေးစာရင်းကို ပြန်ကြည့်တော့ မွေးမွေးချင်း မငို၊ အသက်မရှူ၊ နှလုံးမခုန်တဲ့ကလေးပေါင်း (၇) ယောက်တွေ့ပါတယ်။

မွေးလူနာနံပါတ်၊ မိခင်အမည်၊ မိခင်အသက်၊ မွေးဖွါးနေ့စွဲ၊ မွေးဖွါးချိန်၊ ကျား-မ၊ မှတ်ချက်။
45. Ma Hla Ni, 32 F, 22-7-08, 2:10 PM, F, Breech + Blue Baby
54. Sui Tin Sung, 30 F, 9-11-08, 00:50 AM, F, Oxytocin; Blue Baby
65. Ciin San Deih, 18 F, 9-3-09, 5:00 PM, M, Oxytocin, Tear + Repair, Blue baby
189. Zai I, 19 F, 16-6-11, 05:52 AM, M, Oxytocin, EPI, Blue baby
256. Esther Lily Pari, 23 F, 6-8-12, 04:10 AM, F, Oxytocin, Blue baby
264. Sui Men, 30 F, 20-9-12, 04:00 PM, F, Normal labor (Blue baby)
300. Vung Pal, 20 F, 13-5-13, 10:15 AM, F, Normal labor, EPI, Blue baby

ကလေး (၇) ယောက်လုံးကို အသက်ရှူလာအောင်နဲ့ နှလုံးပြန်ခုန်လာအောင် လုပ်ပေးခဲ့ရတယ်။ တချို့ကလေးတွေက နှလုံးခုန်သံကြားရလို့ တော်သေးတယ်။ တချို့ကလေးက နှလုံးလည်းမခုန်၊ အသက်လည်းမရှူ၊ ပြာနှမ်းပြီး၊ ကလေးကို ကိုင်ရတာ ပျော့ဖတ်နေတယ်။ ရေမြွာရည်ကနောက်နေတော့ ချက်ကြိုးအရောင်လည်း ခပ်ဝါဝါစိမ်းစိမ်းဖြစ်နေပြီ။

သည်လိုကလေးမျိုးကို CPR လုပ်ရတာက တနည်းလို့ပြောရမယ်။ မွေးမွေးချင်း ကလေးကိုဇောက်ထိုးကိုင်ပြီး ကျောပုတ် ပေးတာကတော့ မွေးလာတဲ့ကလေးတိုင်းကို လုပ်ရပါတယ်။ သည်လိုပြာနေတဲ့ကလေးကြ ကလေးကို စားပွဲခုံမှာတင်ထား။ တယောက်ကို နှာခေါင်းစည်းဖြုတ်ပေးခိုင်းပြီး နားထဲကို နားကြပ်အတပ်ခိုင်းရတယ်။ နှလုံးခုန်သံ နားထောင်ဘို့။

နားကြပ်အဝိုင်းမျက်နှာပြင်ကိုသာ ကလေးရင်ပတ်ကို ဖိစရာလုပ်ရတယ်။ နားကြပ်အဝိုင်းနဲ့ကအံကျ။ လိုသေးရင် ဘယ်ဖက် လက်ဝါးထဲမှာ ကလေးအပေါ်ပိုင်းကို ထည့်ကိုင်ထားပြီး ကလေးရင်ခေါင်းပိုင်းအောက်က ကိုယ့်လက်ချောင်း ၄ ချောင်း၊ အထက်မှာ လက်မထားပြီး ကလေးနံရိုးအိမ်ကို ဖိလိုက်လျှော့လိုက်လုပ်ရတယ်။ ဘာဖက်လက်မှာက နားကြပ်၊ နှလုံးနေရာနဲ့ ရင်ညွန့်ရိုးပေါ်တင်ထားပြီး ဖိချပေးရတယ်။

ကြားထဲအချိန်မှာ နှလုံးခုန်သံပေါ်လာပြီလားဆိုတာ နားထောင်နေရတယ်။ ၅ ကြိမ်လောက် ဖိတာလျှော့တာလုပ်ပြီးရင် ကလေးပါးစပ်ကို ကိုယ့်ပါးစပ်နဲ့ လေမှုတ်သွင်းပေးရတယ်။ လူကြီးတွေလို လူနာရဲ့ကို လက်တဖက်နဲ့ပိတ်ပြီး၊ ပါးစပ်ချင်း တေ့မှုတ်လို့မရပါ။ ကလေးပါးစပ်ရော နှာခေါင်းကိုပါ ကိုယ့်ပါးစပ်နဲ့ငုံပြီး လေမှုတ်သွင်းရတယ်။ ဒါကြောင့် ကိုယ့်နှာခေါင်းစည်းကို အရင်ဖြုတ်ခိုင်းထားရတာ။

ကလေးက မိခင်မွေးလမ်းကထွက်လာတာ စက္ကန့်ပိုင်းလေးသာရှိသေးတယ်။ သန့်ရှင်းရေးဘာမှ မလုပ်ရသေးပါ။ ဆရာမတယောက်က ဖြစ်နိုင်သလောက် ကလေးကိုရော ဆရာဝန်ကိုပါ ဂွမ်းစ၊ အဝတ်စနဲ့ သန့်ရှင်းရေး ဘေးကနေ လုပ်ပေးနေရသေးတယ်။

ခဏနေတခါ ကလေးကို ဇောက်ထိုးထားနေချိန်မှာ ကျောကို ပုတ်ပေးရတယ်။ နားကြပ်ကလည်း ကလေးရင်ပတ်ကနေ မခွါရပါ။ ခဏနေတော့ အောက်ပြန်ချ၊ ပါးစပ်မှုတ်တာနဲ့ နှလုံးနေရာ ဖိပေးတာကို လေမှုတ်တာ ၅ ခါ၊ နှလုံးဖိတာ ၁ ခါ၊ ဖေါ်မြူလာအရ ဆက်လုပ်ရတယ်။ ကလေးလည်ပင်းလေးက ပျော့စိနေလို့ ဇောက်ထိုင်းကိုင်ချိန်နဲ့ ပြန်ချချိန်တွေမှာ သတိထားရတယ်။

အရင်ဆုံးက နှလုံးခုန်လာမယ်။ အဲတာဆို အားရစရာဖြစ်လာပြီ။ အသက်ရှူလာဘို့ကတော့ ဇောက်ထိုးထားပြီး ကျောပုပ်တာနဲ့ လေမှုတ်သွင်းတာဖြစ်တယ်။ တပြိုင်တည်းမှာ ခြေနင်းချွဲစုပ်စရာနဲ့ မပြတ်ချွဲစုပ်ပေးနေရတယ်။

နှလုံးခုန်မလာတာ အချိန်နည်းနည်းကြာလာရင်တော့ Adrenaline ထိုးဆေးလိုလာပြီ။ ကလေးချက်ကြိုးကနေ ထိုးပေးရတယ်။ အဲလိုကလေးမျိုးမှာ ချက်ကြိုးက သွေးကြောရှာဘို့ခက်တယ်။ ရတဲ့နေရာမှာထိုးရတယ်။ နောက်ဆုံး ကလေးနှလုံးထဲ တည့်တည့်ထိုးပေးရတယ်။

ကလေးက တချက်တချက် ရှိုက်လာရင် အသက်ရှူတော့မယ်။ ဆက်လုပ်။ ကလေးကို နွေးထွေးအောင်လုပ်ပေးလို့ရပြီ။ အသက်ရှူသံ တိုးတက်လာတာနဲ့ ကလေးအသားရောင်ကလည်း ပန်းရောင်ဖက်လဲလာမယ်။ ကလေးငိုသံကြာရတာနဲ့ ကလေးအမေထက် ဆရာဝန် ဆရာမတွေကို ပိုဝမ်းသာကြတယ်လို့ပြောတာ မလွန်ပါ။ ကလေးအမေက သူ့ကလေး အဲလောက်ဆိုးခဲ့တာကို မသိရှာကြတာကများတယ်။

ဆရာဝန် ပါးစပ်ဆေး၊ နားကြပ်ဆေးလုပ်တဲ့အချိန်ဟာ ကလေးကို သူ့အမေ့လက်ထဲအပ်ချိန်ပါ။

ဒေါက်တာတင့်ဆွေ
၂၆-၆-၂ဝ၁၅
Photo: Baby # 189 and Zai I, 19 F, 16-6-11, 05:52 AM, M, Oxytocin, EPI, Blue baby

Surgery for chronic low back pain နာတာရှည်ခါးနာခြင်းနဲ့ ခွဲစိတ်ခြင်း

Wai Tun ခွဲစိပ်မူက အောင်မြင်မူလွယ်လားဒေါက်တာ။ ခွဲစိပ်မူကြောင့် တစုံတရာ ပိုပြီးထိခိုက်နိုင်ပါသလား။

Lumbar spondylosis ကို Spinal arthritis နဲ့ Spinal osteoarthritis လို့လည်းခေါ်တယ်။ အမှန်က ဇရာဖြစ်စဉ်ပါ။ ဇရာဆိုတာ သိတဲ့အတိုင်း အန်တုရတာ အင်မတန်ခက်ခဲတယ်။ အသက်ရလို့ဖြစ်တာနဲ့ အသုံးများလို့ဖြစ်တာ ဆိုပြီး ၂ မျိုးကနေဖြစ်တယ်။ ဒါကြောင့် အသက်သိပ်မကြီးသေးသူတွေမှာလာဖြစ်တယ်။ အရွတ်၊ အဆစ်နဲ့ ခါးရိုးတွေကြား အရွတ်တွေမှာ ပြောင်းလဲဖြစ်စဉ်တွေရှိတယ်။ နောက်ဆက်တွဲတွေထဲကတခုက အာရုံကြောပေါ်ကို သက်ရောက်တာ ဖြစ်တယ်။ Cervical spine လည်ပင်းပိုင်း၊ Thoracic spine ရင်ခေါင်းပိုင်းနဲ့ Lumbar spine ခါးပိုင်း (၃) နေရာလုံးမှာ ဖြစ်နိုင်တယ်။

နာတာရှည်ခါးနာသူတွေကို ခွဲစိတ်ကုသပေးရတာက ငြင်းခုန်းစရာတခုဖြစ်ပါတယ်။ တိုးတက်ကောင်းမွန်လာသလား၊ နာတာတွေသက်သာသလား၊ ဒုက္ခိတဖြစ်နေတာ ကောင်းလာသလား လေ့လာမှုတွေလုပ်နေရပါတယ်။ ဒါကြောင့် Physical therapy ဖီဇီယိုကုသနည်းနဲ့ Pain management နာတာကုသနည်းကိုသာအားကိုးစေရတာများတယ်။ ခွဲဘို့မလုပ်ပါနဲ့လို့ ပြောတာတော့မဟုတ်ပါ။ လိုအပ်တာနည်းပါတယ်။ ဖြစ်နေတာ ရက်မကြာသေးသူတွေ၊ အာရုံကြောထိခိုက်မှု မဆိုးသူတွေက ခွဲစိတ်ဘို့မသင့်ပါ။

Acute sciatica ခေါ်တဲ့ ပေါင်နောက်ဖက်က အာရုံကြောကြီးကနေနာတာမျိုးကြောင့် အာရုံကြောအားနည်းလာရင်၊ တခြားကုသနည်းနဲ့သက်သာမှုမရရင်၊ Cauda equina syndrome ခေါ်တဲ့ ခါးရိုးမကြီးထဲက အာရုံကြောအခြေကို ကျွံထွက်လာတဲ့ ခါးရိုးဆစ်အရိုးနုကနေ ဖိခံထားရရင်၊ Mass အလုံးအကျိတ်ကနေအာရုံကြောကိုဖိနေရင်လည်း ခွဲရမယ်။ Bowel or bladder dysfunction ဆီးအိမ်နဲ့ အစာဟောင်းအိမ်ဆီသွားတဲ့ အာရုံကြောတွေ ထိခိုက်နေရင် ခွဲသင့်တယ်။ Neurologic dysfunctions အာရုံကြော ထိခိုက်မှုကြောင့် ခြေထောက်ပိုင်းအားနည်းနေတာ၊ ထုံ-ကျင်နေတာတွေ ဖြစ်လာရင်လည်း ခွဲစိတ်နည်းစဉ်းစားနိုင်တယ်။

ခွဲစိတ်နည်းကို Spinal decompression surgery ခေါ်တယ်။ နည်းနာတွေအမျိုးမျိုးလည်းရှိသေးတယ်။ Spinal stenosis,  အာရုံကြောသွားလမ်းကျဉ်းနေတာ၊ Herniated intervertebral discs ခါးစစ်ရိုးကျွံတာ၊ Foraminal stenosis အရိုးစွန်းကြောင့် (ဖေးဆက်) အဆစ်တွေကျဉ်းတာကိုလည်း ဒီခွဲစိတ်ကုသနည်းလုပ်ရတယ်။

ခွဲစိတ်နည်း
၁။ Laminectomy စပိုင်နယ်လှိုင်ပေါ်ကိုခုံးခုံးလေးဖုံးထားတဲ့အရိုးလွာကိုဖြတ်နည်းကနေ ကျဉ်းနေတာကိုသက်သာစေမယ်။ အာရုံကြောကိုဖိတာ သက်သာစေမယ်။
၂။ Discectomy ခါးရိုးဆစ်အစိတ်အပိုင်းတခုကို ဖယ်ထုတ်ပေးတယ်။ သူကနေ အာရုံကြောကို ဖိနေတာသက်သာစေမယ်။
၃။ Foraminotomy (foraminectomy) နည်းဆိုတာ အာရုံကြောအခြေနေရာ အပေါက်ကိုချဲ့ပေးမယ်။
၎။ Osteophyte removal ဆိုတာ အပိုဖြစ်လာတဲ့အရိုးစွန်းလေးတွေကို ဖယ်ထုတ်ပေးတယ်။ အဲတာတွေကနေ အာရုံကြောကိုဖိနေတာ သက်သာစေမယ်။
၅။ Corpectomy ဆိုတာ ခါးရိုးတစ် အရိုးဖြစ်ဖြစ် အရိုးနုဖြစ်ဖြစ် ခွဲထုတ်တယ်။
၆။ Fusion of the vertebrae ခါးရိုးတွေတခုနဲ့တခု ပေါင်းသွားတာအတွက် အဲဒီခွဲနည်း တခုမကတွဲလုပ်ရတယ်။

Risks Associated with Spondylosis Surgery ခွဲစိတ်လို့ဆက်တွဲဖြစ်လာနိုင်တာတွေ
၁။ Injury to the spinal cord or nerves ခါးရိုးမကြီးထဲက အာရုံကြောကြီးကိုထိခိုက်မတာ။
၂။ Non-healing of the bony fusion (Pseudoarthrosis) အရိုးချင်းဆက်မလာတာ။
၃။ Failure to improve ပိုကောင်းမလာတာ။
၎။ Infection and/or bone graft site pain ရောဂါပိုးဝင်တာ။
၅။ Pain and swelling in the leg veins (Phlebitis) အောက်ပိုင်း သွေးပြန်ကြောတွေရောင်တာ။
၆။ Urinary problems ဆီးအသွားရခက်တာ။

ဒေါက်တာတင့်ဆွေ
၂၆-၆-၂ဝ၁၅

Raining ဘာမိုးလည်း

အင်ဒီယာနာပိုးလစ်မှာ မိုးရွာနေလို့ သမီးက မိုးရွာလိုက်တော့ ပိုစိမ်းလာတဲ့ သစ်ရွက်လေးတွေကို ပန်းလေးတွေနဲ့ တွဲပေးလိုက်ပါတယ်တဲ့။

ဒေလီမှာလည်း မိုးရွာနေသတဲ့။ ကျွန်တော့်ရုံးမှာအလုပ်လုပ်ခဲ့သူနေ တင်တယ်။ ခုချိန်ဆို တို့လယ်တောမှာ မိုးရေတွေလည်း ဖွေးနေတော့မလေ လွမ်းထှာတဲ့။

ကျွန်တော့်စိတ်ထဲမှာလည်း တောရွာတရွာမှာ မိုးရွာခဲ့တာကို အမှတ်ရနေတယ်။ အိမ်ပေါ်ရောက်လာကတည်းက ဘာအလုပ်မှ မယ်မယ်ရရမလုပ်တဲ့ သားမက်ကနေ တညမှာ အဘရာ ကျုပ်ကို မိုးရွာရင်နိုးဗျာ။ မိုးလည်းကျလာတော့ နိုးလိုက်တယ်။ ဖါးထွက်ရိုက်မလို့လား အားကိုးထားတယ်။ ဘယ်ဟုတ်မလည်း မိုးတစိမ်စိမ့်နဲ့ ဆံစက်မြိတ်မှာ ဆေးလိပ် ထိုင်သောက်ရတာ ဇိမ်ကျသတဲ့။

မြန်မာပြည်မှာတော့ ဒေါသမိုးတွေရွာနေတယ်။ ဖါးသာထွက်ရိုက်ကြပေတော့ဗျာ။

ဒေါက်တာတင့်ဆွေ
၂၆-၆-၂ဝ၁၅

Ankylosing spondylitis အင်ကိုင်လိုဇင်း စပွန်ဒိုင်လိုက်တစ်

၁။ ဒေါက်တာခင်များ Ankylosing Spondylitis အကြောင်းသေချာလေးသိချင်လို့ပါ။ ကုသလို့ပျောက်မပျောက်၊ ဘယ်လို ကာကွယ်ရမယ်၊ သက်သာအောင် ဘယ်လိုလုပ်ရမယ် စသဖြင့် အစုံအလင် သိချင်ပါတယ်ခင်များ။ အဆင်ပြေရင် ဖြေကြားပေးပါ။

၂။ ဆရာ အချိန်ရရင် Ankylosing Spondylitis အကြောင်း ဆောင်ရန်ရှေားင်ရန်နှင့်ဘယ်လိုကုသလို့ရပါသလဲ သိချင်လို့ပါ ကျေးဇူးတင်ပါတယ်ခင်ဗျာ။

မေးခွန်း ၂ ခုလုံးမှာ ဖြစ်တဲ့သူ ကျား-မ-အသက် မသိပါ။ ဘာတွေခံစားနေရ မသိပါ။ ဆေးစစ်တာတွေ မသိပါ။

ခါးရိုးတွေ ရောထွေးသွာတဲ့ရောဂါဖြစ်ပါတယ်။ အဲလိုဖြစ်လာရင် ခါးရိုးမကြီးဟာ ပုံမှန်လိုလှုပ်ရှားလို့မရတော့ပါ။ လူအနေထားကိုက ပြောင်းလာမယ်။ hunched-forward posture ခေါ်တယ်။ ခါးကုန်းကြီးခေါ်တာမျိုးနဲ့ ပြောင်းပြန်။ အသက်ရှူရတာလဲ ခက်ခဲလာနိုင်တယ်။

ယောက်ျားတွေမှာပိုဖြစ်တယ်။ ကိုယ်ရဲ့တခြားနေရာတွေကိုထိခိုက်လာနိုင်တယ်။ ပျောက်အောင်လုပ်လို့ မရသေးပါ။ ဖြစ်နေသူတွေ စိတ်တော့မပျက်စေချင်ပါ။ ဆေးကုသမှုခံယူနေရင် ခံစားနေရတာတွေ အများကြီး သက်သာပါမယ်။ ခံစားရမှာတွေက နာမယ်။ တင်းကြပ်နေမယ်။ ခါးအောက်ပိုင်းနဲ့ တင်ပါး။ မနက်ထနဲ့ မလှုပ်မရှားနေတာ ကြာအပြီးမှာ ဆိုးတယ်။ ဆိုးလိုက် သက်သာလိုက်ဖြစ်မယ်။ ကြာတော့ ပိုဆိုးတယ်။

ဘာလို့ဖြစ်ရသလဲ မရှင်းပါ။ မျိုးဗီဇကိုစဉ်းစားရတယ်။ gene HLA-B27 ရှိနေသူတွေမှာ ဖြစ်လာနိုင်တယ်။
ဆိုးတဲ့ရောဂါဖြစ်နေရင် အမာရွတ်ဖြစ်စဉ်သဘောအရ အရိုးသစ်ဖြစ်လာတတ်တယ်။ တခုနဲ့တခုဆက်စပ်ပြီး ရောထွေးလာမယ်။ အဲလိုဖြစ်တာက နံရိုးဆိုရင် အသက်ရှူရခက်လာမယ်။

နောက်ဆက်တွဲဖြစ်နိုင်တာတွေရှိတယ်။ ဖြစ်တာကြာလာရင် အနာကျက်ဖြစ်စဉ်အရ အရိုးသစ်လေးတွေ ဖြစ်တာတယ်။ သူတို့ကနေ တံတားကူးပေးသလိုဖြစ်လာတယ်။ အဲတာတွေက ခါးရိုးဆစ်တခုနဲ့တခု ပေါင်းစပ်သွားစေမယ်။ တင်းမာနေမယ်။ အကွေးအဆန့်လုပ်မရဖြစ်လာမယ်။ ဆက်စပ်နေတဲ့ ရင်ခေါင်းပိုင်း နံရိုးအိမ်ကိုပါသက်ရောက်မယ်။ Uveitis မျက်စိနာမယ်။ နာတာခံစားရမယ်။ ကြည့်မကောင်းဘူး။ အလင်းရောင် မခံနိုင်ဘူး။ ဖိအားကြောင့်အရိုးကျိုးတာ ဖြစ်လာနိုင်တယ်။ အစောပိုင်းမှာ အရိုးကပါးနေရာကနေ ဆက်ဖြစ်တာ ဖြစ်တယ်။ နှလုံးကိုသက်ရောက်လာနိုင်တယ်။ သွေးလွှတ်ကြောမကြီးကိုသက်ရောက်မယ်။

X-rays နဲ့ Magnetic resonance imaging (MRI) ရိုက်မယ်။

ဆေးကုပေးရတာရဲ့ ရည်မှန်းချက်ကတော့ နာတာနဲ့ တင်းကြပ်နေတာသက်သာဘို့ဖြစ်တယ်။ (NSAIDs) အနာသက်သာဆေးအမျိုးအစားတွေဖြစ်တဲ့ naproxen (Naprosyn) နဲ့ indomethacin (Indocin) ပေးတယ်။ မရသေးသူတွေကို tumor necrosis factor (TNF) blockers ထိုးဆေးပေးမယ်။ Adalimumab (Humira), Etanercept (Enbrel), Golimumab (Simponi) နဲ့ Infliximab (Remicade) တွေဖြစ်တယ်။ ဘေးထွက် ဆိုးကျိုးတွေသတိထားရမယ်။ ဥပမာ ငုပ်နေတဲ့ တီဘီ ပေါ်လာမယ်။

Physical therapy ဖီဇစ်ကယ်သာရာပီလည်း လုပ်နိုင်တယ်။ လိုအပ်ရင်ခွဲစိတ်ကုသပေးမယ်။ ဆေးလိပ် မသောက်ပါနဲ့လို့ ဆရာဝန်ကတားမယ်။

ဒေါက်တာတင့်ဆွေ
၃ဝ-၁ဝ-၂ဝ၁၄
၁၆-၄-၂ဝ၁၆

Ankylosis အဆစ်ရောဂါ

ကျွန်တော် အသက် ၄ဝ ရှိပါပြီ။ ကျွန်တော်မှာ Anchylosis ရောဂါဖြစ်နေပါတယ်။ ဆရာဝန်တွေက ကုလို့မရဘူးလို့ ပြောပါတယ်။ အမှန်ဘဲလားဆိုတာ သိချင်ပါတယ်ဆရာ။

Ankylosis ဆိုတာ အဆစ်ကပုံမှန်မလုပ်နိုင်တာကိုခေါ်တယ်။ လုံးဝဖြစ်တာနဲ့ တစိတ်တိုင်းဖြစ်တာရှိတယ်။ ဒဏ်ရာကြောင့်နဲ့ ရောဂါကြောင့်ဖြစ်ရတယ်။ Ankylosing spondylitis လို့လဲခေါ်တာရှိတယ်။ ခါးရိုးဆစ်တွေမှာဖြစ်တယ်။ အဆစ်တွေခိုင်နေလို့ ပုံမှန် လှုပ်မရဖြစ်မယ်။

Ankylosing Spondylitis ဘာလို့ဖြစ်တယ်ဆိုတာ တိတိကျကျမသိရပါ။ မျိုးဗီဇလိုက်တဲ့တချက်တော့ သိတယ်။ သူ့ဆီမှာ HLA-B27 ခေါ်တဲ့ ပရိုတင်း ရှိနေနိုင်တယ်။ ဒါ့ပြင် ဗက်တီးရီားကိုလဲ သံသယရှိတယ်။

Treatment ကုသနည်းတွေရှိပါတယ်။
• Medication ဆေးပေးနည်း
• NSAIDs ဆေးအုပ်စုထဲက ibuprofen, phenylbutazone, diclofenac, indomethacin, naproxen နဲ့ COX-2 inhibitors တွေကိုပေးတယ်။
• Opioid analgesics ပိုဆိုးရင် ဘိန်း (မူးယစ်) ဆေးပါတဲ့အနာသက်သာဆေးတွေသုံးတယ်။
• DMARDs ဆေးအုပ်စုထဲက cyclosporin, methotrexate, sulfasalazine နဲ့ corticosteroids ဆေးတွေလဲသုံးတယ်။
• Tumor necrosis factor-alpha blockers ဆေးအုပ်စုဝင် biologics etanercept, infliximab, golimumab နဲ့ adalimumab ဆေးတွေသုံးတာလဲရှိတယ်။ ဈေးကြီးတယ်။
• Anti-interleukin-6 inhibitors ဆေးအုပ်စုဝင်ဆေး Tocilizumab နဲ့ rituximab ဆေးတွေလဲသုံးတယ်။

Surgery ခွဲစိတ်နည်းကို ဒူးနဲ့ ပေါင်ရိုးမှာဖြစ်ရင် အဆစ်လဲပေးတာလုပ်နိုင်တယ်။

Physical therapy (ဖီဇီယို) ကုသနည်းမှာ Physical therapy/chiropractic/physiotherapy/osteopathy နည်းတွေရှိတယ်။ Swimming ရေကူးနည်းကလဲ အကျိုးရှိတယ်။ Yoga, climbing, t'ai chi, Pilates method စတဲ့နည်းတွေလဲ စမ်းသပ်နိုင်တယ်။ Jogging နည်းက မသင့်ပါ။

Prognosis အလားအလာ။ ခပ်သင့်သင့်ဆိုးတာကနေ တိုးတိုးလာတဲ့ရောဂါဖြစ်တယ်။ ဆိုးတဲ့အချိန်ကြားမှာ သက်သာနေတာရှိပါတယ်။ ပျောက်ပါမယ်လို့ အာမခံနိုင်တဲ့ ကုသနည်းမပေါ်သေးပါ။

ဒေါက်တာတင့်ဆွေ

Genital warts in women အမျိုးသမီး လိင်လမ်းကြွက်နို့

ကန်တော့ပါ။ ခဏခဏမေးတာတွေ လာတယ်။ မေးခွန်းတွေကို မထည့်တော့ပါ။

အမျိုးသမီးတွေမှာ လိင်လမ်းကြွက်နို့ဖြစ်ကြတာ မနည်းလှပါ။ အတွဲတခုမှာ တယောက်မှာ ရောဂါရနေရင်၊ ပြနေရင် ကျန်တယောက်မှာလဲ ဘာမှလက္ခဏာမပြလည်း ပိုးရှိနေပြီ။ ဒါပေမဲ့ တယောက်မှာ အဲလိုတွေ့တိုင်း ဖေါက်ပြန်သူဆိုပြီး စွပ်စွဲလို့ မရသေးပါ။ တယောက်မှာ လိင်လမ်းကြွက်နို့ရှိနေရင် သူ့အဖေါ်ကိုပါ ဆေးစစ်ရမယ်။

အမျိုးသမီးမှာ ဖြစ်နေတာဆိုရင် Pap smears သားအိမ်ဝကင်ဆာ ရှိ-မရှိ စစ်ဆေးတာကို အနည်းဆုံး တနှစ်တခါ လုပ်သင့်တယ်။ ကြွက်နို့က သားအိမ်ဝမှာ ဖြစ်နေသူဆိုရင် ၃-၆ လတခါလုပ်ရမယ်။ (ကွန်ဒွန်) က HIV အတွက်သာမက လိင်အင်္ဂါကြွက်နို့နဲ့ သားအိမ်အဝကင်ဆာ အတွက်ပါ ကာကွယ်ရာကျတယ်။ ဒါပေမဲ့ ကြွက်နို့ပေါက်ရာနေရာကို (ကွန်ဒွန်) က ဖုံးမထားနိုင်ရင် ကြွက်နို့မှန်သမျှကို ကာကွယ်မှုမပေးနိုင်ပါ။ အတူနေအဖေါ်ဆိုတာ သတ်သတ်မှတ်မှတ် ရှိသင့်တယ်။ ကိုယ့်အဖေါ်၊ ဇနီး၊ ခင်ပွန်းကို သစ္စာရှိပါလေ။

ကြွက်နို့ရှိနေပေမဲ့ ကလေးမရတာမဖြစ်စေပါ။ ကိုယ်ဝန်ကို မထိခိုက်ပါ။ ကိုယ်ဝန်ဆောင်နေစဉ်ဖြစ်တဲ့ လိင်လမ်း ကြွက်နို့အတွက် Imiquimod, Sinecatechins, Podophyllin နဲ့ Podofilox တွေကို မသုံးပါနဲ့။ ခွဲစိတ်တာ လုပ်ချင် လုပ်နိုင်တယ်။ (ဗဂျိုင်းနား) ကြွက်နို့ကို Liquid nitrogen နဲ့ Cryotherapy လုပ်ရတယ်။ Cryoprobe မသုံးသင့်ပါ။ TCA or BCA 80%–90% ပါးပါးလေး လိမ်းနိုင်တယ်။ ခြောက်သွေ့ပါစေ။ ဆေးများသွားရင် Sodium bicarbonate, Liquid soap နဲ့ဆေးပါ။ တပတ်တခါ။

Urethral Meatus Warts ဆီးသွားပေါက်ကြွက်နို့ကို Cryotherapy with liquid nitrogen နည်း၊ ဒါမှမဟုတ် Podophyllin 10%–25% in compound tincture of Benzoin သုံးပါ။ ဆေးမလိမ်ခင် နေရာကို ခြောက်သွေ့နေပါစေ။ တပတ်ခါ။

စအိုကြွက်နို့ကို Cryotherapy with liquid nitrogen သုံးပါ။ ဒါမှမဟုတ် TCA or BCA 80%–90% ပါးပါးလေးသုံးပါ။ ခြောက်သွားပါစေ။ များတာကို talc, sodium bicarbonate, or liquid soap နဲ့ ဓါတ်ပျယ်စေနိုင်တယ်။ ဒါမှမဟုတ် ခွဲစိတ်ကုသပါ။ စအိုထဲကြွက်နို့ အထူးကုနဲ့ကုသပါ။

1. Podophyllin ဆေးကနေ ကြွက်နို့ (တစ်ရှူး) တွေကို ဖျက်ဆီးမယ်။ အနာပေါ်မှာသာလိမ်းရမယ်။ ဆေးလိမ်းပြီးနောက် ၁-၄ နာရီကြာရင် ဆေးကြောနိုင်တယ်။ တပတ်မှ တခါနဲ့ ၄-၆ ပတ်ကြာနိုင်တယ်။ လိုသေးရင် ဆက်သုံးပါ။ ဆေးလိမ်းတဲ့ နေရာမှာ အနေရခက်မယ်။ နာမယ်။ အနာသစ်ဖြစ်နိုင်တယ်။ ကိုယ်ဝန်ဆောင်နေရင် မသုံးရပါ။

2. Podofilox (Condylox) ဆေးကို ဂွမ်းစလေးသုံးပြီး ကိုယ်တိုင်လိမ်းနိုင်တယ်။ တနေ့ ၂ ကြိမ်၊ ၃ ရက် ဆက်တိုက် လိမ်းပါ။ ၄ ရက်နားပါ။ နောက်အဲဒီအတိုင်း ၄ ခါလည်အောင် လုပ်နိုင်တယ်။ ကိုယ်ဝန်ဆောင်နေရင် မသုံးရပါ။ ဆေးလိမ်းတဲ့နေရာမှာ အရေခက်မယ်။ နာမယ်။ အနာသစ်ဖြစ်နိုင်တယ်။

3. Bichloroacetic acid (BCA) နဲ့ Trichloroacetic acid (TCA) အက်စစ် ၂ မျိုးဆေးကနေ ကြွက်နို့ တစ်ရှူးတွေကို ဖျက်ဆီးပြစ်မယ်။ ဆရာဝန်-ဆရာမကနေထည့်ပေးနိုင်ရင် ကောင်းတယ်။ တပတ် ၁ ခါသာ ထည့်ရတယ်။ ၄-၆ ခါ ကြာနိုင်တယ်။ ဆေးထည့်ရာနေရာမှာ ပူလောင်တာ နာတာရှိမယ်။ ကိုယ်ဝန်ရှိလည်း သုံးနိုင်တယ်။

4. Imiquimod (Aldara) (ခရင်မ်) ဖြစ်တယ်။ ခုခံအားကို သက်ရောက်စေတယ်။ ညအချိန် အနာပေါ်လိမ်းရတယ်။ ၆-၁ဝ နာရီကြာရင် ဆေးပါ။ တပတ်မှာ ၃ ရက်၊ ၁၆ ပတ်အထိ လိမ်းနိုင်တယ်။ ကိုယ်ဝန်ရှိချိန်မသုံးရပါ။

5. Interferon (အင်တာဖရွန်) ဆေးကိုလဲသုံးတယ်။ ခုခံအားဆေး အမျိုးအစားဖြစ်တယ်။ ထိုးဆေးနဲ့ လိမ်းဆေးရှိတယ်။ ကြွက်နို့နေရာမှာ ထိုးတာက ပိုထိရောက်တယ်။ ဘေးထွက်ဆိုးကျိုးက တုပ်ကွေးလိုခံစားရမယ်။ တခြားဆေးနည်းတွေနဲ့ မရမှသာသုံးပါ။ ဆေးနည်းနဲ့ ခွဲစိတ်နည်းတို့နဲ့ တွဲသုံးတယ်။ ကိုယ်ဝန်ဆောင်နေစဉ် မသုံးရပါ။

6. Sinecatechins (Veregen) သစ်ပင်ကထွက်တဲ့ဆေး ကိုယ်တိုင် သုံးနိုင်တယ်။ တနေ့ ၃ ကြိမ်၊ ၁၆ ပတ် ကြာနိုင်တယ်။ ဗဂျိုင်းနား၊ စအိုနေရာမှာလဲ သုံးနိုင်တယ်။ HIV ရှိသေူ၊ ရေယုံရှိနေသူတွေလဲ သုံးနိုင်တယ်။ အတူမနေခင် ဆေးပြစ်ရမယ်။ ကွန်ဒွမ်ကို အားနည်းစေနိုင်တယ်။ ဆေးထိရာမှာ နီရဲပြီး ယားမယ်။ ပူလောင်မယ်။

HIV ရှိနေသူ လိင်လမ်းကြွက်နို့ အဖြစ်များတယ်။ ဆေးကုရလည်းခက်တယ်။ Squamous Cell Carcinoma in Situ ကင်ဆာကနဦးဖြစ်နေသူ အထူးကုနဲ့ကုသပါ။ Cervical Warts သားအိမ်ဝကြွက်နို့ကို Biopsy evaluation လုပ်ရမယ်။ အထူးကုသမှု လုပ်ရမယ်။

လိင်လမ်းမှာ ကြွက်နို့ရှိနေသူနဲ့ လိင်ဆက်ဆံမှုရှောင်ရင် ကူးစက်တာ မဖြစ်စေပါ။ ရှိနေမှန်းမသိရင် ခက်တယ်။ (ကွန်ဒွမ်) က ကြွက်နို့ကို မဖုံးနိုင်ရင်လဲ ကာကွယ်မှုမပေးပါ။ တယောက်ကိုတယောက် ရိုးသားပါ။ Vulva HPV မိန်းကိုယ်မှာရှိတာကို စမ်းသပ်နည်းမရှိပါ။ Cervix HPV သားအိမ်ဝ(ခေါင်း) မှာရှိတာကိုတော့ စမ်းလို့ရတယ်။

HPV vaccine ကာကွယ်ဆေး Gardasil နဲ့ Cervarix ၂ မျိုးရှိနေပြီ။ Cervarix က 70% of cervical cancers ဖြစ်စေတဲ့ (types 16 and 18) ကို ကာကွယ်မယ်။ Gardasil ကာကွယ်ဆေးက 90% of genital warts ဖြစ်စေတဲ့ (types 6 and 11) ကို ကာကွယ်မယ်။ လိင်မဆက်ဆံမီအရွယ်မှာ ထိုးနိုင်တာကောင်းတယ်။ ယောက်ျားတွေအတွက် (Gardasil) ဟာ လိင်အင်္ဂါကြွက်နို့ကို ကာကွယ်တယ်။ မိန်းကလေး ၉ နှစ်သမီးကနေ ၂၆ နှစ်သမီးအထိ ထိုးပေးသင့်တယ်။ ကြွက်နို့ ပေါက်နေသူ ထိုးဘို့မလိုပါ။ HPV ကြောင့်ဖြစ်တဲ့ လိင်လမ်းကြွက်နို့ဖြစ်မှာကို ကာကွယ်နိုင်တယ်။ Gardasil ဆေးကို ၆ လ အတွင်းမှာ ၃ ခါထိုးရတယ်။ ဘေးထွက်ဆိုးကျိုး ဆိုးဝါးတာမရှိပါ။

Podophyllin ဆေးနဲ့ ကိုယ်ဝန်
သောက်ဆေးကနေ ဆေးများရင်တော့ ကလေးကိုသက်ရောက်နိုင်တယ်လို့သိထားတယ်။ လိမ်းဆေးကနေ ဖြစ်နိုင်တာအတွက် ဆေးသုတေသန မစုံလင်သေးပါ။

- Warts ကြွက်နို့ http://doctortintswe.blogspot.com/2014/11/warts.html
- Genital warts လိင်လမ်းကြွက်နို့ http://doctortintswe.blogspot.com/2014/11/genital-warts.html
- Genital warts in women အမျိုးသမီး လိင်လမ်းကြွက်နို့ http://doctortintswe.blogspot.com/2014/11/genital-warts-in-women.html

Dr. တင့်ဆွေ

Thursday, June 25, 2015

Polygamy and Health (2) မယား များများယူရင် (၂)

အရင်ကဆိုရင် မွတ်ဆလင်တိုင်းပြည်တွေမှာ ဘာသာရေးဓလေ့ထုံးစံတွေကြောင့် HIV/AIDS ရောဂါကာကွယ်မှု ရစေတယ်လို့ ထင်မှတ်ခဲ့ကြတယ်။ ဥပမာ ယောက်ျားလေးမှန်သမျှ ပန်းအဖျားလှီးဖြတ်စေတာမျိုးဟာ HIV/AIDS ကို ကာကွယ်နိုင်တယ်လို့ သုတေသနတချို့က ထောက်ခံလာတယ်။ WHO တောင်ပါတယ်။

ကျွန်တော့်အမြင်က သဘောမတူချင်ပါ။ သုတေသနလုပ်တာတွေ နည်းသေးတယ်။ ရလဒ်တွေဖတ်တာ အချိန် သိပ်စောသေးတယ်လို့ ထင်ပါတယ်။ ကျန်းမာရေးမှာ နိုင်ငံရေးတွေသိပ်များနေသလား သံသယရှိတယ်။ HIV/AIDS ရောဂါကို ထိရောက်တဲ့ တခြားနည်းသုံးပြီး ကာကွယ်စေဘို့မလိုတော့ဘူးလို့ ထင်သွားစေနိုင်တယ်။

မွတ်ဆလင်နိုင်ငံတွေမှာ အိမ်ထောင်မပြုခင်လိင်ဆက်ဆံတာ၊ အိမ်ထောင်ရေးဖေါက်ပြားတာ၊ ကိုယ်ခန္ဓာရောင်းစားတာ၊ လိင်တူဆက်ဆံတာနဲ့ မူးယစ်ဆေးထိုးတာတွေ နည်းပါးတယ်။ ဒါပေမဲ့ တချို့ ဘာသာရေးအခြေခံ ခေါင်းဆောင်တွေက HIV/AIDS (ဆီမီနာ) လုပ်တာကို သပိတ်မှောက်ကြတယ်။ ၁၉၉၅ မှာ အင်ဒိုနီးရှား Ulemas ဘာသာရေးကောင်စီက (ကွန်ဒွမ်) ကို လက်ထပ်လင်မယားတွေကိုသာ ဆရာဝန်လက်မှတ်နဲ့ ရောင်းရမယ်လို့ လုပ်ခဲ့တယ်။ အိမ်ထောင်မဟုတ်ဘဲ လိင်ဆက်ဆံတာကို ဘာသာရေးတင်းကြပ်မှုနဲ့ တားနိုင်တယ်လို့ ယူဆတာမို့ လုပ်တယ်လို့ဆိုပါတယ်။

ကမ္ဘာမှာ မွတ်ဆလင်ဦးရေ ၁့၃ ဘီလျန်ရှိတယ်။ ဒါပေမဲ့ HIV/AIDS ရောဂါနဲ့ပတ်သက်ရင် ဆွေးနွေးကြတာလဲ နည်းတယ်။ စာရင်းဇယားရတာလဲ မလုံလောက်ဘူး။ ရတာတွေကလဲ မယုံလောက်ဘူး။ UNAIDS ကနေ ခန့်မှန်းတာက မြောက်ပိုင်း အာဖရိက၊ အရှေ့အလယ်ပိုင်းဒေသနဲ့ မွတ်ဆလင်များရာ အာရှဒေသတွေမှာ HIV ရှိသူ လူ ၁ သန်းရှိနိုင်တယ်။ ဒါတောင် အာဖကန်နစ္စတန်၊ တူရကီနဲ့ ဆိုမာလီမှာ စာရင်းဇယားမရှိကြဘူး။ စမ်းသပ်မှုနှုန်းလည်း နည်းလွန်းတယ်။

နောက်ဆုံးရ UNAIDS သတင်းတွေမှာ မွတ်ဆလင်နိုင်ငံတွေကနေ စာရင်းမရတာ ဆက်တွေ့နေရသေးတယ်။ ဘယ်သာသာယူတဲ့ ဘယ်ဒေသတွေမှာဖြစ်ဖြစ် HIV/AIDS တိုက်ဖျက်ရေးဆိုတာ အမျိုးသမီးအများစုနဲ့ သိပ်ဆိုင်နေတယ်။ အမျိုးသမီး အခွင့်အရေး နိမ့်ကျနေရင် ရောဂါတိုက်ဖျက်ရေး မအောင်မြင်နိုင်ဘူး။ မိန်းမက ယောက်ျားကို ဘာမှအတွန့် မတက်ရတဲ့ ဘာသာရေး-လူမှုရေး အလေ့အထတွေကလဲ အဟန့်အတား ဖြစ်စေတယ်။

မွတ်ဆလင်ဦးရေထူထပ်တဲ့ ဆာဟာရအောက်ပိုင်းဒေသတွေမှာ ဘာသာရေးကနေ ရောဂါကို တားမရတာ၊ HIV/AIDS အန္ကရာယ်ရှိနေတာ တွေ့နေရပြီ။ နိုက်ဂျီးရီယား မှာ ၆-၁ဝ%၊ အီသီယိုပီးယားမှာ ၁ဝ-၁၈% HIV-positive ဖြစ်နေကြတယ်။ ဒါပေမဲ့ အဲဒီနိုင်ငံတွေမှာ ရောဂါက ကပ်ရောဂါလို ဖြစ်လာနေတာတောင်မှ ပေါ်လစီချသူတွေက လိင်မဆက်ဆံဘဲ နေကြဘို့၊ မူးယစ်ဆေးဝါးမသုံးကြဘို့နဲ့ တရားမဝင်လိင်မဆက်ဆံဘို့ကိုသာ အာရုံစိုက်နေကြသေးတယ်။ ၂ဝဝ၅ လောက်က မွတ်ဆလင် တချို့နေရာတွေမှာ ၆ဝ% HIV ပိုးရှိနေတယ်။ ပိုးတွေ့ပြီး တနှစ်နေရင် သေဆုံးသွားတယ်။ မွတ်ဆလင်တွေ နေတဲ့ ဖိလစ်ပိုင်နဲ့ မော်ရိုကိုတွေမှာလည်း ပြဿနာမသေးဘူး။

ခုနောက်ပိုင်းမှာ အီရန်လိုနိုင်ငံမှာတောင် တိုးတက်တာတွေ ရှိလာပြီ။ ပညာပေးတာတွေ ရှိလာတယ်။ ဟောပြောတာတွေ လုပ်နိုင်လာတယ်။ အရင်က အီရန်မှာ ပိုးတွေ့ရင် အလုပ်ကထုတ်ပြစ်ခဲ့တယ်။ ဆေးရုံတွေမှာ ဆရာဝန်တွေက ဆေးကုမပေးဘို့ ငြင်းဆိုခွင့် ရှိခဲ့တယ်။ အခု တိုက်ဖျက်ရေးကို တရားဝင်လုပ်လာတယ်။ မလုပ်လို့လဲ မရတော့ဘူး။ လိင်နဲ့ အသက်မွေး မိန်းမပေါင်း ၃ သောင်း ကနေ ၃ သိန်းရှိမယ်။ ဘယ်လောက်များများ ပိုးရှိနေတယ်ဆိုတာ အစိုးရလဲ မသိဘူး။

၁၂-၇-၂ဝ၁ဝ သတင်းတပုဒ်အရ ကင်ညာနိုင်ငံမှာ မယားအများယူလို့ HIV ဖြစ်တာ ပိုများတယ်လို့ ပါရှိခဲ့တယ်။ သူတို့ဆီမှာ အိမ်ထောင်ကျ မိန်းမ ၁ဝဝ မှာ ၁၃ ယောက်ဟာ မိန်းမတယောက်မက ယူထားတဲ့ ယောက်ျားတွေနဲ့ ရနေသူတွေ ဖြစ်ကြတယ်။ ဒါတောင် ၂ဝဝ၃ တုံးက ၁၆ ယောက်ရှိရာကနေ လျှော့လာတာပါ။ ဒီ မယားအများယူတဲ့ အလေ့အကျင့် ကနေ HIS/AIDS ဖြစ်တာပိုများစေတယ်လို့ ပညာရှင်တွေက ယူဆကြတယ်။

(ဆွာဇီလန်) မှာလည်း Polygamy မိန်းမများတာ နဲ့ Promiscuity လိင်ဆက်ဆံအဖေါ် အများကြီး ရှိသူတွေကြောင့် HIV/AIDS ဖြစ်ရတယ်လို့ ယူဆနိုင်တယ်။ (ဆွာဇီလန်) သက်ဦးဆံပိုင် ဘုရင်ကြီး King Mswati III မှာ မိဖုရား ၁၃ ပါးရှိတယ်။ သူ့တိုင်းပြည်မှာ HIV ၄ဝ% နီးနီး ကူးစက်နေတယ်။

ဒီမိုကရေစီမရှိ-မကျတဲ့ အစိုးရတွေက HIV/AIDS ရောဂါ ကာကွယ်ရေးနဲ့ ကုသရေး လုပ်တာတွေမှာ အဟန့်အတား လုပ်တတ်ကြတယ် ပုပ်ရဟန်းမင်းကြီးက (ကွန်ဒွမ်) ကို လက်ခံတာ သိပ်မကြာသေးဘူး။ ၂ဝ၁ဝ မေလထဲ ရောက်မှ တံခါးဖွင့်ပေးခဲ့တယ်။

လက်ထပ်မယားများတာ၊ မုဆိုးမကိုယူလိုက်တာ၊ ဆက်ဆံဘက် မိန်းမများတာ၊ လက်မထပ်ဘဲ ဆက်ဆံတာတွေဟာ အသိုင်းအဝိုင်းကို အထောက်အကူ ရစေမယ်လို့ ထင်မှတ် လက်ခံခဲ့ကြတယ်။ အခု အဲဒါမျိုးတွေက HIV/AIDS ပြန့်စေဘို့ ဖြစ်တယ်ဆိုတာ သိလာရတယ်။ UNDP အစီရင်ခံစာအရ လိင်ဆက်ဆံဘက်များတာ၊ ငယ်ငယ်လေးနဲ့ အပျိုရည်ပျက်တာ၊ အရွယ် သိပ်ကွာသူချင်း လိင်ဆက်ဆံတာ၊ (ကွန်ဒွမ်) ကို စနစ်တကျမသုံးတာတွေကြောင့် HIV/AIDS ပိုဖြစ်စေတယ်။ လိင်ခွဲခြားဆက်ဆံတာ၊ လိင်အကြမ်းဖက်တာ၊ လိင်ကတဆင့်ကူးစက်ရောဂါအဖြစ်များတာ၊ ပန်းငုံတာကို မဖြတ်ပဲ နေတာတွေနဲ့ ယဉ်ကျေးမှုတွေကြောင့်လည်း ရောဂါကူးစေဘို့ အားပေးရာကျတယ်။

ဘယ်လိုလုပ်သင့်လည်းဆိုတာအတွက် ထိုင်းနိုင်ငံနဲ့ တောင်အာဖရိကကို ယှဉ်ကြည့်ရင် သိသာတာတွေ့ရမယ်။ ၁၉၉ဝ ကျော်လောက်က နှစ်နိုင်ငံလုံးမှာ HIV ၂-၃% ဖြစ်နေခဲ့တယ်။ ထိုင်းမှာ ကာကွယ်ရေးကို အပြင်းအထံကြိုးစားလုပ်တယ်။ ဖြစ်နှုန်း တိုးမလာတော့ဘူး။ တောင်အာဖရိကမှာတော့ အဲလိုမလုပ်လို့ ၂၅% ပိုးတွေ့နေတယ်။ ဒါ့ကြောင့် မွတ်ဆလင် နိုင်ငံတွေကို HIV နှိမ်နင်းချင်ရင် ဒီဥပမာ ၂ ခုကို ယူနိုင်တယ်။

မယားများရင် ရောဂါလဲများမယ်။ ရောဂါတိုင်းကို ဘုရားကု ကုဘို့မကြိုးစားသင့်ပါ။

Dr. တင့်ဆွေ
၇-၁၁-၂ဝ၁၁

Polygamy and Health (1) မယားများများယူရင် (၁)

မိန်းမတယောက်မကယူတာကို Polygamy (ပိုလီဂမီ) ခေါ်ပါတယ်။ ယောက်ျားတယောက်မက ယူတာကို Polyandry (ပိုလီအန်ဒရီ) လို့ခေါ်တယ်။ မိန်းမတယောက်ကနေ ညီအစ်တွေကို ယူတာကြတော့ Fraternal polyandry ခေါ်တယ်။

ဟိန္ဒူဘာသာဝင်တွေမှာ (ပိုလီဂမီ) ရှိတယ်။ (မဟာဘာရတ) ထဲက (ဒရာအူပါဒီ) ဟာ (ပန်ဒါဘာ) ညီအကို ၅ ယောက်ကို ယူထားတယ်။ ရာမယနထဲက ရာမဘုရင်မှာ မိဖုရား ၃ ပါးရှိတယ်။ (လော့-ခရစ်ရှနာ) မှာ မိန်းမပေါင်း ၁၆၁ဝ၈ ယောက် ယူထားတယ်။ ခုခေတ်မှာတော့ ဟိန္ဒူတွေက တလင်တမယားမဟုတ်ရင် အပြစ်ဖြစ်တယ်လို့ လက်ခံလာကြတယ်။

ဗုဒ္ဓဘာသာမှာ ရဟန်းဝတ်ရင်၊ ဥပုသ်စောင့်ရင် အိမ်ထောင်သားမွေးကိစ္စ လုံးဝရှောင်ကျဉ်ရတယ်။ ဂျပန် ဗုဒ္ဓဘာသာ ကတော့ ဓမ္မကထိကတွေနဲ့ ဘုန်းကြီးတွေက မိန်းမယူနိုင်ကြတယ်။ ထေရဝါဒဗုဒ္ဓဘာသာအများစုရှိတဲ့ ထိုင်း၊ သိရိလင်္ကာနဲ့ မြန်မာနိုင်ငံတွေမှာ မိန်းမတယောက်မကယူတာကို ဥပဒေအရတော့ ခွင့်ပြုထားတယ်။ ယေဘုယျပြောရရင် ဗုဒ္ဓဘာသာမှာ လူမှုရေးအရလက်ခံတာရှိပေမဲ့ အားမပေးဘူး။ အတန်းအစားခွဲခြားခံရမယ်။ တရုတ်နိုင်ငံမှာ ဗုဒ္ဓစာပေတွေကို ဘာသာပြန်တော့ အမြှောင်မယားတွေကို သရော်တဲ့သဘောရေးထားတယ်။ တိဘက်မှာတော့ သိပ်မနှိမ်ဘူး။ ဖအေနဲ့ သားတို့က မယားတယောက်ထဲကို အတူယူထားတာမျိုးပါရှိတယ်။

(ဂျူဒဇင်) မှာ မိန်းမတယောက်မက ယူတာကို လက်တွေ့သဘောဆောင်တဲ့ ထွက်ပေါက်နည်းလမ်းသဘော ယူဆတယ်။ သဘာဝကပ်ဘေး ဆိုက်နေချိန်၊ မိန်းမက ကလေးမရနိုင်တာ၊ မုဆိုးမဖြစ်သွားတဲ့ မရီး-ခယ်မကို ယူတယ်။ ဒီခေတ်မှာတော့ (ပိုလီဂမီ) ကို အစ္စရေးလ်မှာ တရားဥပဒေနဲ့တားမြစ်ထားတယ်။

နာဇီခေတ်က ဂျာမနီမှာ ယောက်ျားတွေအများကြီး စစ်ထဲဝင်ကြရ၊ သေဆုံးရလို့ ဂျာမန်မတွေ ၃-၄ သန်း အိမ်ထောင် ဖက်ရှာမရကြဘူး။ အဲဒါနဲ့ ကလေးလိုချင်တဲ့ မိန်းမတွေက သင်တော်မဲ့ယောက်ျားကို လျှောက်လွှာတင်ဘို့ စီမံမှုတွေ လုပ်ပေးရတယ်။ မိန်းမရှိပြီးသူတွေလဲ မိန်းမထပ်ယူစေတယ်။ မိန်းမကြီးကိုတော့ Domina ဘွဲ့နဲ့ ဦစားပေးတယ်။ စစ်တိုက်ကောင်းတဲ့စစ်သားဟာ မိန်းမချောနဲ့ထိုက်တန်တယ်လို့လည်း သတ်မှတ်သေးတယ်။

(အစ္စလမ်) ဘာသာမှာ မယား ၄ ယောက်အထိ ယူခွင့်ရှိတဲ့ (ပိုလီဂမီ) ကို ခွင့်ပြုတယ်။ အားပေးတယ်။ လိုက်နာကြတယ်။ နိုက်ဂျီးရီးယားမှာ (မဟာမက် ဘယ်လို အဘူဘာကာ) ဆိုသူမှာ မယားပေါင်း ၈၆ ယောက်၊ ကလေးပေါင်း ၁၇ဝ ယောက် ရှိနေတာကို (ရှာရီယာ) ဥပဒေအရ၊ ပိုနေတဲ့ မယား ၈၂ ယောက်ကို မကွာရှင်းရင် သေဒဏ်ပေးမယ်ဆိုတဲ့သတင်း ၂ဝဝ၈ ခုနှစ် သြဂုတ်လထဲမှာ ဘီဘီစီကထုတ်လွှင့်ဘူးတယ်။

၂ဝ၁၁ နိုဝင်္ဘာ ၄ ရက်နေ့သတင်းတခုမှာ မလေးရှားအာဏာပိုင်တွေကနေ အစ္စလမ်နည်းကျ လိင်ဆက်ဆံကြ။ အစ္စလမ် လိင်မှုရေးရာ ကမ္ဘာမှာပြန်လာနိုင်အောင် ဂျူးတွေကိုတိုက်ကြလော့ဆိုတဲ့ စာမျက်နှာ ၁၁၅ ပါစာအုပ်ကိုတားမြစ်လိုက်တယ်။ ဒီစာအုပ်က မိန်းမတွေအများကြီးယူတာကိုအားပေးတဲ့ နာခံကျိုးနွံသော မိန်းမများကလပ်ကနေ ထုတ်ဝေတာဖြစ်ပါတယ်။ ငယ်ရွယ်တဲ့ဇနီးလောင်းမိန်းကလေးတွေဟာ သူတို့ယောက်ျားတွေ အိပ်ခန်းထဲမှာကျေနပ်မှုရစေအောင် ကိုယ့်ကိုယ်ကို ဘယ်လိုပျိုးထောင်မလဲဆိုတဲ့ လမ်းညွှန်ချက်တွေပါတယ်။ မိန်းမအများစုဟာ ကိုယ်ခန္ဓာတစိတ်တပိုင်းကိုသာ အသုံးချပြီး၊ သူတို့ ယောက်ျားတွေအတွက် လိင်ပိုင်းဆိုင်ရာမှာ ၁ဝ% လောက်သာ ကျေနပ်မှုပေးနေကြတယ်။ ယောက်ျားတွေမှာ ဝိဥာဉ်ပိုင်းဆိုင်ရာမှာ အဆင့်တခုရဘို့ဆိုရင် မိန်းမတွေ အများကြီးကို တပြိုင်နက်တည်းယူရမယ်။ ဒီလို အစ္စလမ်လိင်မှုဟာ သန့်ရှင်းစင်ကြယ်တယ်။ အချစ်ကိုအခြေခံတယ်။ ဒါဟာ ဂျူးဝါဒကို တိုက်နိုင်စွမ်းရှိတဲ့ လက်နက်ကောင်းတခုလဲ ဖြစ်တယ်။ ဒါ့ကြောင့် ကမ္ဘာကိုအောင်နိုင်ဘို့ လိင်လွတ်လပ်မှု ပြုကြလော့။

ဒီစာအုပ်ကိုရော အဖွဲ့ကိုပါ မလေးလူမျိုးအတော်များများက ရှုံ့ချကြတယ်။ မလေးရှားနဲ့ အင်ဒိုနီးရှားမှာ ၂ဝ၁၁ နှစ်ထဲမှာ စစ်တမ်းကောက်တော့ မယားအများအပြားယူတာကို ဆန့်ကျင်ကြတယ်။ တိုးတက်တဲ့အမြင်ရှိတဲ့ နိုင်ငံဖြစ်ချင်ကြတဲ့ အလတ်တန်းစား မွတ်ဆလင်တွေက အဲလိုမြင်ကြတာပါ။ ဒါ့ကြောင့် အစိုးရက စာအုပ်ကို ပြန်ဆန်းစစ်ပြီး တရားမဝင်အဖြစ် သတ်မှတ်လိုက်ရတာဖြစ်တယ်။ တရားမဝင်လုပ်လိုက်တာမို့ အဲဒီစာအုပ်ငယ်ကို လက်ဝယ်တွေ့ရင် ဒေါ်လာ ၁၆ဝဝ ဒဏ်ရိုက်ခံရပါလိမ့်မယ်။

ခရစ်ယာန်တွေမှာလဲ အယူအဆ မတူကြဘူး။ (ရိုမန်ကက်သလစ်-ချပ်ခ်ျ) က ရှုံ့ချတယ်။ ကျန်းမာရေးစာဖြစ်လို့ ဘာသာရေးဥပမာတွေကို အနည်းအကျဉ်းသာရေးတာမို့ ငြင်းစရာတွေရှိမှာကို ဝန်ခံပါတယ်။

ဆေးသုတေသနတွေအရ အိမ်ထောင်ပြုသူတွေဟာ အိမ်ထောင်မရှိသူတွေထက် ပိုပြီးအသက်ရှည်ကြတယ်။ ဒါပေမယ့် အိမ်ထောင်ဖက်များလေ ကောင်းလေဆိုတာတော့ မဟုတ်ပါ။ မိန်းမတယောက်တည်းယူထားသူတွေက ပိုပြီးစိတ်ချရတယ်။ မိန်မအရေအတွက် များလေလေ နှလုံးအတွက်ဆိုးလေလေလို့ တွေ့ရတယ်။

ဆောဒီအာရေးဗီးယားနဲ့ ယူအေအီးနိုင်ငံတွေက လူနာ ၆၈၇ ယောက်ကို လေ့လာခဲ့တယ်။ ဆေးရုံ ၅ ခုမှာ coronary angiography စစ်ဆေးဘို့လာသူ အသက်ပျမ်းမျှ ၅၉ နှစ်အရွယ်ရှိသူတွေထဲက ၆၈% မှာ မိန်းမ တယောက်သာရှိပြီး ၁၉% မှာ ၂ ယောက်၊ ၁ဝ% မှာ ၃ ယောက်နဲ့ ၃% မှာ ၄ ယောက်ယူထားတယ်။ CAD ကိုရိုနရီသွေးလွှတ်ကြောရောဂါ၊ LMD ဘယ်ဖက်သွား သွေးလွှတ်ကြောရောဂါနဲ့ MVD သွေးကြောအများရောဂါ (၃) မျိုးနဲ့ ဆပ်စပ်မှုကို လေ့လာတယ်။ CAD ဖြစ်တာမှာ ၄့၅ ဆ၊ LMD မှာ ၃့၅ ဆ နဲ့ MVD မှာ ၂့၆ ဆ ပိုဖြစ်တာတွေ့ရတယ်။

Dr. တင့်ဆွေ
၆-၁၁-၂ဝ၁၁

First cousins marriage မောင်နှမတဝမ်းကွဲ လက်ထပ်ခြင်း

မောင်နှမ တဝမ်းကွဲတွေ လက်ထပ်ပေါင်းသင်းလို့ ကျန်းမာရေးအရ စိုးရိမ်စရာတွေဟာ ပြောကြသလောက်မဆိုးပါလို့ ၄-၄-၂ဝ၁၂ နေ့ထုတ် နယူးယောက်တိုင်းမ်သတင်းစာမှာ ရေးထားတယ်။ မောင်နှမတဝမ်းကွဲလက်ထပ်လို့ မွေးလာကြမယ့် ကလေးတွေမှာ မျိုးဗီဇချို့ယွင်းမှုတွေရှိမယ်ဆိုတာ သိပ္ပံနည်းကျပြောရရင် အများထင်ကြသလောက်မဟုတ်ဘူးလို့ သိလာရပါတယ်။ ဒါကြောင့် မောင်နှမတဝမ်းကွဲ လက်မထပ်သင့်လို့ ဇီဝဗေဒ အကြောင်းပြချက် မခိုင်လုံးဘူလို့ ကောက်ချက်ချနိုင်ပါမယ်။

မောင်နှမတဝမ်းကွဲတွေမှာ ဆိုးဝါးတဲ့မွေးရာပါချို့ယွင်းချက်တွေ၊ ဉာဏ်ရည်နိမ့်ကျတာတွေ၊ မျိုးဗီဇရောဂါတွေ ရစေနိုင်တာ ကတော့ အမျိုးမတော်တဲ့စုံတွဲတွေထက်တော့ ဖြစ်နိုင်ချေပိုတာမှန်တယ်။ ထင်ထားတာထက်တော့ နည်းပါတယ်။

လူဦးရေတခုလုံးမှာ မွေးလာတဲ့ကလေးမှာ spina bifida ခါးရိုးဆစ်အပေါက်ပါတာတို့ cystic fibrosis ဆစ်စတစ် ဖိုက်ဘရိုးဆစ်ရောဂါတို့နဲ့ မွေးလာနိုင်ချေဟာ ၃% ကနေ ၄% ရှိပါတယ်။ မောင်နှမတဝမ်းကွဲကနေဆိုရင် ၁့၇% ကနေ ၂့၈% ပိုတာတွေ့ရတယ်။ ၂ ဆနီးပါးပိုတာဖြစ်ပေမယ့် ဒီလိုဖြစ်တာဟာ အဲလိုမယူကြနဲ့လို့ပြောဘို့အထိတော့ မလုံလောက်ဘူးလို့ ဝါရှင်တန်တက္ကသိုလ်က ပါမေက္ခ Dr. Arno Motulsky ကဆိုပါတယ်။ ပေါင်းလိုက်ရင် ၇% ဖြစ်နိုင်ချေ ဖြစ်ပေမယ့် ၉၃% က မဖြစ်နိုင်ချေပါ။

အမေရိကမှာ ပြည်နယ်ပေါင်း ၂၂ ခုမှာ တဝမ်းကွဲမောင်နှမ မယူရလို့ ဥပဒေထုတ်ထားပါတယ်။ ၇ ပြည်နယ်မှာ genetic သိပ္ပံနည်းကျပြောရရင် counseling မျိုးဗီဇစစ်ဆေးတာလုပ်ရမယ်လို့ ပြဋ္ဌာန်းထားပါတယ်။ ဒါပေမယ့် ဥရောပမှာ အဲလိုလုပ်မထားပါ။ အာရှနဲ့ အာဖရိကမှာလည်း တားမြစ်မထားပါ။ ကမ္ဘာ့တချို့နေရာတွေမှာ ၂ဝ% ကနေ ၆ဝ% အထိ အမျိုးနီးစပ်လက်ထပ်ကြတာရှိတယ်။ အမေရိကမှာ ဝ့၁% ဝ့၅% သာရှိတယ်။ တဝမ်းကွဲအတူနေတွေ ဘယ်လောက် ရှိလည်းတော့ မသိနိုင်ပါ။

သုတေသနကို ၁၉၆၅ ကနေ ၂ဝဝဝ ခုနှစ်သြဂုတ်လအထိ ထောင်နဲ့ချည်တဲ့မွေးဖွါးလာမှုတွေကို လေ့လာခဲ့ကြတာ ဖြစ်တယ်။

မျိုးဗီဇချို့ယွင်းသူတွေ အိမ်ထောင်မပြုရလို့လည်း ဘယ်သူကမှတားပိုင်ခွင့်မရှိပါ။ Huntington's disease ခေါ်တဲ့ ဆိုးတဲ့ အာရုံကြောရောဂါရှိသူတွေဟာ သူတို့ကနေမွေးလာမယ့်ကလေး ၂ ယောက်မှာ ၁ ယောက် အဲလိုဖြစ်နိုင်တယ်။ ဒါပေမယ့် သူတို့ကို ကလေးမမွေးကြနဲ့လို့ မပြောအပ်ပါ။

ဒေါက်တာတင့်ဆွေ
၂၅-၆-၂ဝ၁၅