မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, August 31, 2015

Minimum wage for placard holders အနည်းဆုံးလုပ်ခ

ဆရာ ကျန်းမာရေးမဟုတ်ပါ။ နိုင်ငံရေးပါ။ အမေစု့့။ ဗေဒင့့်။

မနေ့ကလည်း ကျမတို့နေပြည်တော် သပြေကုန်းဈေးနားမယ် အမေစုဟောပြောပွဲရှိတာ ဟောပြောပွဲမတိုင်ခင် ၁ နာရီအလိုမှာ အဖျက်လုပ်ရပ်လုပ်ပါတယ်။ အဲထဲမှာ ကျမတို့ဈေးက ကောင်မလေးတယောက်တောင် အဖျက်ဆိုင်းဘုတ်ကိုင်တာ ပိုက်ဆံရလို့ သွားကိုင်တာတွေ့တယ်ဆရာ။ ကျမပြောချင်တာလေးတွေပါ။

အသိပေးလို့ ကျေးဇူးတင်ပါတယ်။ လာမယ့်လွှတ်တော်မှာ အနည်းဆုံး ပိုစတာကိုင်ခ ဥပဒေတင်ရတယ်။

ဒေါက်တာတင့်ဆွေ
၃၁-၈-၂ဝ၁၅

1990 Memoir


၁၉၉ဝ ပါတီစုံဒီမိုကရေစီ အထွေထွေရွေးကောက်ပွဲကာလ မဲဆွယ်စည်းရုံးရေးခရီးစဉ် မှတ်တမ်းဓါတ်ပုံတွေကို ပုလဲမြို့နယ် ၁၉၉ဝ NLD အလုပ်အမှုဆောင်ကော်မတီဝင်တွေထဲက သတ္တိအကောင်းဆုံးတဦးဆီကနေ ၈-၂-၂ဝ၁၄ မှာ ရရှိပါတယ်။

ဒေါက်တာတင့်ဆွေ
ပုလဲမဲဆန္ဒနယ်မြေ အမှတ် (၂)

၁၉၉ဝ ရွေးကောက်ပွဲမတိုင်မီကာလ စည်းရုံးရေးခရီးအနေနဲ့ ပုလဲမြို့နယ်၊ အလယ်ဘုံရွာကိုရောက်စဉ်က၊ ကျွန်တော်နဲ့ ဇနီး ဒေါ်မြမြအေး။ ဓါတ်ပုံပို့ပေးတဲ့ အိမ်ရှင် မမျိုးဝင်းကို ကျေးဇူးတင်ပါတယ်။
ဒေါက်တာတင့်ဆွေ
ပုလဲမဲဆန္ဒနယ်မြေ အမှတ် (၂)

Essay စာစီစာကုံး

စစ်ကိုင်းတိုင်း ပုလဲနဲ့ နေ့ရောညပါ (အိပ်ချိန်ကလွဲရင်) အဆက်အသွယ်တွေ ရနေတယ်။ ကိုယ့်နယ်ကိုယ် နိုဝင်္ဘာအမီ အားပေးဝိုင်းကူဖို့ဖြစ်ပါတယ်။ မနေ့က တယောက်ကပြောတယ်။ မုံသွင်၊ ချင်ပြစ်မှာ ဆရာမတွေကနေ ကလေးတွေကို ခိုးနည်းကိုအားကျအောင်လုပ်ပေးပြီး၊ အနာဂတ်ကို ဖျက်ဆီးနေတယ်တဲ့။

ကျွန်တော်က ကျန်းမာရေးနဲ့ ပညာရေးဝန်ထမ်းတွေဖက်ကနေ အမြဲဘက်လိုက်တတ်လို့ ရှင်းအောင်ပြန်မေးရတယ်။
သည်လိုဆရာ့့ ပုလဲနယ်က ထင်ပေါ်ကြော်ကြားသူတဦးအကြောင်း စာစီစာကုံးရေးခိုင်းတယ်။ အဲတာ ဦးကျော်ဆန်း အကြောင်းတဲ့။

ကျွန်တော်တို့ပုလဲက တောမြို့လေးပါ။ ထင်ပေါ်လှတာမဟုတ်ပါ။ လွတ်လပ်ရေးရကာစမှာ သူပုန်တွေကြီးစိုးလို့ နာမည်ထွက်ပါတယ်။ အလံနီတွေလှုတ်ရှားခဲ့တယ်။ သခင်စိုးရဲ့အသံလွှင့်ရုံက ပုံတောင်ပေါ်မှာ ရှိခဲ့တယ်။ ဦးကျော်ဆန်း ဖခင်ကလည်း အလံနီပဲ။

မဆလခေတ်မှာတော့ သိပ်မထူးလှပါ။ စစ်အစိုးရရောက်တော့ နာမည်ပြန်ထွက်လာတယ်။ တက်လာတာတော့ မဟုတ်ပါ။ ပုလဲအနောက်ဖက် ၆ မိုင်ဝေးတဲ့ မင်းတိုင်ပင်ရွာဟာ ကင်းဝန်မင်းကြီးဦးကောင်းဇာတိ ဖြစ်တယ်။ ဦးကောင်းရဲ့မိခင် မယ်မင်းဆီအုတ်ဂူလည်းရှိတယ်။ ဦးကောင်းမွေးနေ့ နှစ် (၁၄ဝ) တုံးက ဦးလေးတယောက်ရဲ့ အစီအစဉ်နဲ့ မင်းတိုင်ပင်မှာ ပွဲတခုလုပ်ခဲ့ဘူးတယ်။ အဲဒီတုံးက ကျွန်တော်က ဆေးကျောင်းသားပဲရှိသေးတာ။

(နဝတ) ခေတ်မှာ ဗိုလ်ချုပ်ကျော်ဆန်း ဒုဝန်ကြီးဖြစ်လာတယ်။ ဗခက ခင်ညွန့်နဲ့အတူ မင်းတိုင်ပင်ကို ရောက်လာပြီး ရွာဦးကျောင်းမှာ အစဉ်အဆက်ထိန်းသိမ်းထားခဲ့တဲ့ ကင်းဝန်မင်းကြီးရဲ့ အမွေအနှစ်တွေကို သယ်သွားတယ်။ ဒိနောက် ဗခ ကျော်ဆန်းက ဝန်ကြီးဖြစ်လာတယ်။ စစ်ယူနီဖေါင်းချွတ်ပြီးတော့ ဦးကျော်ဆန်းက ဝန်ကြီး ထပ်ထပ်ဖြစ်တယ်။ သူ့ကြောင့် ပုလဲနယ်ဂုဏ်တက်တယ်လို့ထင်တဲ့သူလည်းရှိမယ်။ သဘောမတူသူတွေလည်းရှိတယ်။ သူနဲ့ကျွန်တော် အမျိုးမကင်းပါ။

ကျွန်တော် ငယ်ငယ်ကရေးခဲ့ရတဲ့စာစီစာကုံးကတော့ မကောင်းသူပယ် ကောင်းသူကယ်။

ဒေါက်တာတင့်ဆွေ
၃၁-၈-၂ဝ၁၅

Victory ပျော်ချင်လဲ ဆင်ခြင်ရတဲ့ခေတ်

၁၉၉ဝ ခုနှစ်၊ မေလ ၂၇ ရက်နေ့က ကျင်းပခဲ့တဲ့ ပါတီစုံဒီမိုကရေစီ အထွေထွေရွေးကောက်ပွဲမှာ စစ်ကိုင်းတိုင်း၊ ပုလဲ မဲဆန္ဒနယ်မြေ၊ အမှတ် (၁) ဦးသန်းစိန် (ကွယ်လွန်) နဲ့ အမှတ် (၂) ဒေါက်တာတင့်ဆွေတို့ တခဲနက်အနိုင်ရခဲ့ကြပါတယ်။

NLD စည်းရုံးရေးမှူးတွေအားလုံး ဝမ်းသာပျော်ရွှင်ကြပေမယ့် စစ်အစိုးရ အစိုးမရတာသိလို့ ရွေးကောက်ပွဲပြီးနောက် ရက်တွေကြာပြီးမှ မကွေးတိုင်း၊ ဂန့်ဂေါမြို့နယ်၊ ကျောရွာကိုသွားပြီး အောင်ပွဲခံခဲ့ကြရပါတယ်။
လာမယ့်ရွေးကောက်ပွဲအတွက် အောင်ပွဲနိမိတ်အဖြစ်ပြန်ပြီးတင်တာပါ။

ဒေါက်တာတင့်ဆွေ
၃ဝ-၈-၂ဝ၁၅

Khamauk ရာဇဝင်ထဲက ခမောက်

၁၉၉ဝ မှတ်တမ်းဓါတ်ပုံတွေထဲမှာ ကျွန်တော်ဝတ်ထားတဲ့ ဂန့်ဂေါလုံချည်ဟာ ခမောက်ဒီဇိုင်းဖြစ်ပါတယ်။

ကျွန်တော် အိန္ဒိယမှာ ၂၄ နှစ်ကြာနေခဲ့ရတုံးက (အာဆမ်) ခေါ် အာသန်ပြည်နယ်မြို့တော် (ဂဝါဟာတီ) ကို မကြာမကြာ သွားပြီး ဗမာပြည်အရေး ဟောပြောခဲ့ရတယ်။ အာသန်ဆိုတာ မြန်မာဘုရင်တွေ သွားတိုက်ခဲ့တဲ့နေရာပေါ့။ အာသန်လူမျိုးတွေရဲ့ သင်္ကေတက ခမောက်ဖြစ်တယ်။ လေးစားယုံကြည်သူကိုသာ ခမောက်ကို လက်ဆောင်အဖြစ် ပေးကြတယ်။

အစည်းအဝေးတွေကနေပေးလို့ အာသန်ခမောက် နှစ်လုံးရဘူးတယ်။ ဒေသပြောင်းလာရတော့ သယ်မလာနိုင်လို့ မမောက်တွေကို အသေအချာလက်လွှဲ ပေးထားခဲ့ရတယ်။ အာသန်လူမျိုးတွေက သူတို့ရဲ့အမြတ်တနိုးခမောက်ကို မရိုမသေလုပ်သူကို လိုက်သတ်တယ်တဲ့။

၁၉၉ဝ တုံးကလူထုဆန္ဒကို ကိုယ်စားပြုတဲ့ ခမောက်ကိုအသက်ဆုံးတဲ့အထိ ကာကွယ်သွားမယ်။ ခမောက်သင်္ကေတ ဘယ်ရောက်ရောက် လူထုဆန္ဒကတော့ ခိုင်မြဲတယ်။ ၁၉၉ဝ ကလိုပဲ ၂ဝ၁၅ မှာလည်း လူထုကပြသကြလိမ့်မယ်။

ဒေါက်တာတင့်ဆွေ
၃၁-၈-၂ဝ၁၅

Looking forward to မျှော်ကြည့်မိခြင်း

၁၉၉ဝ မှတ်တမ်းဓါတ်ပုံတွေထဲက ကျွန်တော့်ဓါတ်ပုံကိုကြည့်ပြီး အသက်မေးလို့ ၄၂ နှစ်လို့ဖြေပါတယ်။ မိတ်ဆွေတယောက်က နုပျိုခြင်းတွေ လေကြမ်းကြမ်း နေကြမ်းကြမ်းနဲ့ တိုက်စားသွားလို့ မှတ်ချက်ပေးလာတယ်။

မြို့သာမှာ တိုက်နယ်ဆရာဝန်လုပ်စဉ်က တောကျောင်းဆရာတော်က ကျွန်တော့်အသက်ကိုမေးတယ်။ အဲဒီတုံးက ကျွန်တော့်အသက်က ၃ဝ တောင်မပြည့်သေးပါ။ အသက် ၄ဝ ဆိုတာ လူ့သက်တမ်းမှာ အသန်စွမ်းဆုံးလို့မိန့်ပါတယ်။
အဲဒီအသန်စွမ်းဆုံးအချိန်မှာ ကျွန်တော်နိုင်ငံရေးထဲ စရောက်ပါတယ်။ စိတ်အားထက်သန်စွာနဲ့ အစွမ်းဆုံးလုပ်ခဲ့ပါတယ်။
လေကြမ်းကြမ်း နေကြမ်းကြမ်းဒဏ်တွေကို အန်တုနိုင်ပေမယ့် ဇာတာသက်က ဆက်သွားနေပါတယ်။

နေညိုချိန်လို့လည်း တွက်မနေပါ။ ခုနေမှာ အသန်စွမ်းဆုံးအရွယ်တွေအများကြီးက ဆက်လုပ်နေကြလို့ အိုကြီးအိုမတွေလည်း နူပျိုလန်းဆန်းရပါတယ်။
သူတို့တတွေပါ ကျွန်တော်လို့ စမြုံ့ပြန်နိုင်တဲ့ကာလမှာတော့ မြန်မာပြည်ဟာ သာယာနေမှာပေါ့လို့ မျှော်ကြည့်နေမိပါတော့တယ်။

ဒေါက်တာတင့်ဆွေ
၃၁-၈-၂ဝ၁၅

Amnesia အတိတ်မေ့ရောဂါ

ကျွန်တော့်ပို့စ်တခု = Khamauk ရာဇဝင်ထဲက ခမောက်

ကွန်မင့်တခု = Ye Thit ဥပါဒန်ကတယ်ကြီးသကိုး။ ၁၉၉ဝ ကသားမမွေးသေးဘူး အခုလူပျိဖြစ်နေဘီ။ အတိတ်ကို ထားလိုက်ပါ။ အနာဂါတ်ကို အကောင်းဆုံးဖြစ်အောင်လုပ်ရမယ်ထင်ပါ့ဗျာ။

Tint Swe မြန်မာပြည်လွတ်လပ်ရေးရတော့ ကျွန်တော် မမွေးသေးပါ။ ဒါပေမယ့် မေ့ထားလို့တော့မရပါ။ (အနာဂတ်) လို့ ရေးရပါတယ်။ အနာဂတ်ကို အပြုသဘောမြင်တာတော့ ကောင်းပါတယ်။

ဥပါဒါန်နဲ့ မေ့မထားတာ မတူပါ။
- ဥပါဒါ = မှီ၍၊ စွဲ၍၊ အကြောင်းပြု၍၊
- ဥပါဒါန = ကပ်ငြိခြင်း၊ မြဲစွာယူခြင်း၊ စွဲလမ်းခြင်း၊ ကပ်၍ယူခြင်း၊

သမိုင်းကြောင်းဆိုတာလည်း မမေ့စကောင်းပါ။

George Santayana (ဂျော့ စန်တာယာနာ) အမည်ရှိတဲ့ စပိန်လူမျိုးဖြစ်ပြီး အမေရိကမှာကြီးပြင်တဲ့ ဖီလော်ဆော်ဖါ၊ ကဗျာဆရာ၊ အက်ဆေးဆရာ၊ ဝတ္ထုရေးဆရာတဦးရှိတယ်။ သူ့ရဲ့အကြော်ကြားဆုံး အဆိုတခုကတော့ -
"Those who cannot remember the past are condemned to repeat it"
အတိတ်သမိုင်းကို သတိမရသူဟာ အဲတာကိုထပ်လုပ်မိဖို့ရာ ဒဏ်သင့်ခံထားရသူသာဖြစ်တယ်တဲ့။

ဒေါက်တာတင့်ဆွေ
၃၁-၈-၂ဝ၁၅

Way of the mundane world နိန္ဒာ ပသံသာ

ကွန်မင့်တခု = ရဲရဲ ရင့်ရင့် Friend SSW ရေ့့ တော်ရုံတန်ရုံပဲ ကောင်းပါတယ်ဗျာ။ အမေစုလည်း ဒီလိုနဲ့ သာယာ နစ်မျောသွားတယ်။

အဲလိုသတိပေးတာ ကောင်းတယ်။ ကျွန်တော်ကတော့ ကောင်းကောင်းနာလည်တယ်။ စိတ်တော့မပူပါ။
လူတွေထဲမှာ စိတ်လှုပ်ရှားမှု များတာ-သင့်တာ-နည်းတာတွေ အခွင့်အခါတိုင်းမှာရှိကြတယ်။

ကျွန်တော်က ဒေါ်စုမဟုတ်ပါ။ မဟုတ်ပါဆိုတာ ဒေါ်စုအဲလိုဖြစ်နေတယ်လို့ မထင်တာရယ်၊ ဂုဏ်ကြီး-နာမည်ကြီး မဟုတ်တာနဲ့ တာဝန်ရှိမှုအရ နှိုင်းမရတာကိုပြောတာဖြစ်ပါတယ်။

နောက်တချက်က ကျွန်တော်က မြေပြင်ပေါ်မှာသာချည်းနေရသူဖြစ်ပါတယ်။ တခါတခါ မြေကြီးအောက်တောင် ရောက်ရသူလည်းဖြစ်တယ်။ ချီးမွမ်း-ကဲ့ရဲ့ဆိုတဲ့လောကဓံကို ကောင်းကောင်း နောကျေလာနေပါပြီ။ သူများတွေကိုသာ လောကဓံတရားထဲက အနုတ်သဘောလေးခုကိုကြုံရင် စိတ်အားမငယ်ကြဘို့ရာ လောကဓံတရားအပေါင်းလေးခု ဖြစ်တာမှာလည်း စိတ်လှုပ်ရှားမှု မများဘို့ဆိုပြီး ပြောပြနေသူဖြစ်ကြာင်းပါဗျာ။ ကျေးဇူးအထူးတင်ပါတယ်။

ကျွန်တော်က ချီးမြှောက်စကားကိုသာယာပြီး လွတ်သွားသူမဟုတ်ပါ။ လွန်မြောက်သူလည်း တကယ်ကိုမဟုတ်ပါ။ လောကဓံကို ကြံ့ကြံ့ခံနေကြသူတွေထဲက တယောက်သာဖြစ်ပါတယ်။

ဒေါက်တာတင့်ဆွေ
၃၁-၈-၂ဝ၁၅

Saturday, August 29, 2015

Bridge game ကုလားဆိုတာဘာလည်း

ကွန်မင့်တခု = ကုလားမပါရင် ထောက်ခံတယ့့့့်။

ကုလားဆိုတာ ဘာကိုပြောသလည်း မသိပါ။

မြန်မာနိုင်ငံလူဦးရေ သန်း ၅ဝ ကျော်ထဲမှာ တခြားတိုင်းတပါးသွေးတွေအပြင် အိန္ဒိယသွေး (ပန်ချာ၊ တမီးလ်၊ မဒရပ်ဆီ၊ ဘီဟာရီ၊ ဘင်္ဂါလီ၊ ဇေတပါရီ)၊ မဏိပူသွေး (ကသည်း၊ ပုဏ္ဏား) အရှေ့ပါကစ္စတန်သွေး (ခေါ်တော၊ ဘင်္ဂါလီ)၊ နီပေါသွေး (ဂေါ်ရခါး) သွေးပါသူတွေ နိုင်ငံရေးပါတီကြီးတိုင်းမှာ ပါနေတယ်။ ပြည်ခိုင်းဖြိုးမှာ အမတ်တွေတောင်ပါတယ်။ တခြားပါတီတွေမှာ မပါပါ။

၂ဝ၁၂ ကြားဖြတ်ရွေးကောက်ပွဲမှာ အင်းတော်ကဦးစောလှိုင် (ကွယ်လွန်) ကို ပန်ချာသွေးပါတယ်ဆိုပြီး ပယ်ခံရလို့ NLD က ၄၄ ယောက်မှာ ၄၃ ယောက်သာ အနိုင်ရခဲ့ပါတယ်။ သူဟာ ၁၉၉ဝ မှာရွေးကောက်ခံခဲ့ရသူဖြစ်တယ်။

တရားဝင်နိုင်ငံသားဖြစ်ပြီးသူတိုင်း ဘယ်သွေးပါနေနေ၊ ဘယ်ဘာသာကိုးကွယ်နေနေ တန်းတူညီမျှမှုရှိကြပါတယ်။ အဲတာက စစ်အုပ်စုအလိုကျရေးထားတဲ့ ၂ဝဝ၈ ဖွဲ့စည်းပုံအရဖြစ်ပါတယ်။

Kala ကလား (ကုလား) ဆိုတာ အိန္ဒိယမှာ ကလေးနာမည်တခုဖြစ်တယ်။ အသားမည်းတယ်လို့ခေါ်တယ်။ ဗမာပြည်မှာ ကုလားကို အသားမည်းတယ်လို့ပြောကြပေမယ့် ပန်ချာသွေးပါတဲ့အမျိုးသမီးတွေဟာ အနောက်တိုင်းအဖြူမတွေလို အသားဖြူတယ်။

Kala ကလားဆိုတာ ဟင်ဒီလို အချိန်ရဲ့ဘုရားသခင်လို့ အဓိပ္ပါယ်ရတယ်။ နောက်အဓိပ္ပါယ်တခုက ကလားဆိုတာ အင်မတန်ချောမောလှပတဲ့အမျိုးသမီးဖြစ်တယ်။

Kala စာလုံးဟာ ဟာဝေယန်၊ အင်္ဂလိပ်၊ ပြင်သစ်၊ ဂျာမန်နဲ့ စကင်ဒီနေဗီးယားမှာလည်းရှိတယ်။ Sarah ဆာရာ ဆိုတာ ကလားဖြစ်တယ်။

၂ဝ၁၅ ရွေးကောက်ပွဲအတွက် ကုလားဖဲတချပ်ကို ဖဲသမားက မကစားမီကတည်းက လက်ထဲဝှက်ကိုင်ထားတာကို သိစေချင်ပါတယ်။

ဒေါက်တာတင့်ဆွေ
၃ဝ-၈-၂ဝ၁၅

Harvoni and Sovaldi အသည်းရောင် (စီ) ဆေးများ

Harvoni (sofosbuvir 400 mg + ledipasvir 90 mg) ဆေးဟာ HCV genotype 1 အသည်းရောင် (စီ) ဂျီနိုအမျိုးအစား (၁) အတွက် နောက်ဆုံးပေါ် ၉၄% - ၉၉% ထိရောက်တဲ့စားဆေးဖြစ်တယ်။ မူရင်း အမေရိကန်ဆေးကုမ္ပဏီ Gilead Sciences ရောင်းဈေးများလွန်းလို့ အိန္ဒိယအပါအဝင် တခြားတိုင်းပြည်တွေက ဆေးကုမ္ပဏီတွေကို ဈေးချုချိုနဲ့ ဆေးကို Generic name နာမည်ရင်းအတိုင်းထုတ်ဖို့အတွက် လိုင်စင်ပေးထားပါတယ်။

Harvoni ကို ယူအက်စ်မှာ ၂၈ လုံး (၄ ပါတ်စာ) ကို အနည်းဆုံး $32,138 ကုန်ကျတယ်။ ၁၂ ပါတ်အတွက် $94,500 ကနေ $96,414 အထိကုန်ကျပါတယ်။ အိန္ဒိယကနေ လာမယ့်နိုဝင်္ဘာနောက်ပိုင်းကစပြီး တရားဝင်ထုတ်ရောင်းနိုင်မယ်လို့ ၂၈-၇-၂ဝ၁၅ နေ့သတင်းကဆိုပါတယ်။ သတင်းအရတော့ ၁၂ ပါတ်စာ $2,500 ကုန်ကျမယ်လို့ပါရှိပါတယ်။

Harvoni side effects ဘေးထွက်ဆိုးကျိုးများ = အားယုတ် (17%)၊ ခေါင်းကိုက် (16%) နဲ့ ပျို့-အန်ချင်၊ ဝမ်းပျက်နဲ့ အိပ်မရတာတွေဖြစ်တယ်။

Hepatitis C genotypes 2 နဲ့ 3 တွေအတွက် Gilead Sciences ကနေထုတ်တဲ့ Sovaldi ဆေးကအကောင်းဆုံး ဖြစ်ပါတယ်။ ဒီဆေးကိုလည်း ယူအက်စ်မှာ တပြားကို $1,000 နဲ့ ၁၂ ပါတ်စာ $84,000 ပေးရပြီး ဈေးချိုတဲ့ဆီမှာ ၁၂ ပါတ်စာကို ဒေါ်လာ ၁ဝဝဝ ထက်မပေးရအောင်စီစဉ်နေတယ်လို့ သတင်းတွေကဆိုပါတယ်။

မှတ်ချက်။ မြန်မာပြည်မှာ ဆေးဈေးနဲ့ဝယ်ရမယ့်နေရာကို မသိပါ။ ဆောရီး။

ဒေါက်တာတင့်ဆွေ
၃ဝ-၈-၂ဝ၁၅

Three arrows မြားသုံးစင်း

Htein Linn လူတစ်ယောက် ဆန္ဒမဲ သုံးခုပေးရမယ်ဆိုတာကို သိတဲ့သူ အတော်နည်းနေတယ်ပြောရမယ်ဆရာ။ နယ်မြို့မို့လို့လားမသိဘူး။ စိတ်ဝင်စားမှု အားနည်းကြတယ်။

ဟုတ့့် အမျိုးသားလွှတ်တော်အတွက်တမဲ + ပြည်သူ့လွှတ်တော်အတွက်တမဲ + တိုင်းဒေသကြီး/ပြည်နယ်အတွက်တမဲ၊ မဲပေးခွင့်ရှိသူတိုင်းမှာ စုစုပေါင်း (၃) မဲစီပေးပိုင်ခွင့်ရှိကြပါတယ်။ မဲပုံး (၃) မျိုးရှိမယ်။ သက်ဆိုင်တဲ့မဲကို သက်ဆိုင်တဲ့ မဲပုံးထဲမှာ ကိုယ်တိုင်ထည့်ရပါမယ်။

သုံးမဲလုံးကို ပါတီတခုတည်းက ကိုယ်စားလှယ်လောင်းတွေကို ထည့်မှာလား၊ သုံးမဲကို သုံးပါတီ ခွဲပေးမှာလား။

ကလေးသုံးယောက်ကို မုန့်ဝေသလိုမလုပ်သင့်ပါ။ ပံ့သကူ အလှူလိုလည်းမလုပ်သင့်ပါ။ ယတိပြတ်ဆုံးဖြတ်ချက်ချပါ။ အကြိုက်ဆုံးပါတီမှာ ပုံအောလိုက်ပါ။

လက်ရှိနိုင်ငံရေး၊ စီးပွါးရေးစတာတွေကို အားရကျေနပ်တယ်ဆိုရင် အဟောင်းကိုသာပေးပါ။ ပိုကောင်းစေချင်တယ်ဆိုရင် အသစ်ကိုပေးပါ။ အသစ်ဆိုတာ တခါမှမကြားဖူးသေးတဲ့ပါတီ မဟုတ်ပါ။ ၁၉၉ဝ တုံးက မဲဆန္ဒနယ်ပေါင်း ၄၈၅ နေရာရှိတာ ၃၉၂ နေရာမှာ NLD ပါတီကိုသာမဲပေးခဲ့ကြတယ်။

အများက အားဖြစ်တယ်။ စုန်းမပြူးစေလိုပါ။ ဘီလူးသူရဲတွေလည်း မဲပေးတာကိုချောင်းကြည့်မနေပါ။ မြားသုံးစင်းလုံးကနေ ပစ်မှတ်ကိုထိမှန်ပါစေ။

ဒေါက်တာတင့်ဆွေ
၂၉-၈-၂ဝ၁၅

Treatment of HCV Genotype 1 အသည်းရောင် (စီ) ဂျီနိုအမျိုးအစား (၁) ကုသခြင်း

နောက်ဆုံးအပ်ဒိတ် ၂၃-၈-၂ဝ၁၅

အသည်းရောင် (စီ) ဂျီနိုအမျိုးအစား (၁) ဟာ ၇ဝ-၇၅% နဲ့အများဆုံးဖြစ်တယ်။ ဆေးကုသမှုလေ့လာမှုကိုလည်း အများဆုံး လုပ်ထားပြီးဖြစ်တယ်။ အစဉ်အလာအရ အကုရခက်ခဲ့ပေမယ့် နောက်ဆုံးပေါ်စားဆေးနည်းဟာ ၉ဝ% မက ထိရောက်မှု ရှိပါတယ်။

အသည်းရောင် (စီ) ဂျီနိုအမျိုးအစား (၁) အစပျိုးကုသခြင်းအတွက် ၁၉၉၈ ကနေ ၂ဝ၁၃ ခုနှစ်အထိတုံးက
- Interferon ထိုးဆေးတမျိုးတည်းနည်း၊
- Peginterferon ထိုးဆေးတမျိုးတည်းနည်း၊
- Peginterferon + Ribavirin ထိုးဆေး + စားဆေးနည်း၊
- Peginterferon + Ribavirin + a NS3A/4A protease inhibitor (Boceprevir or Telaprevir) ဆေး ၃ မျိုးတွဲနည်းကို သုံးခဲ့တယ်။

၂ဝ၁၃ ကနေ ၂ဝ၁၄ အတွင်းမှာ Peginterferon + Ribavirin + either Sofosbuvir or Simeprevir ဆေး ၃ မျိုးနည်းသစ်သုံးခဲ့တယ်။

၂ဝ၁၅ မှာတော့ daclatasvir, fixed-dose ledipasvir-sofosbuvir, fixed-dose ombitasvir-paritaprevir-ritonavir and dasabuvir, simeprevir, and sofosbuvir တွေကိုသုံးလာပါတယ်။ Daclatasvir ကိုတော့ FDA ကနေ အသိအမှတ် မပြုရသေးပါ။

ဘယ်လိုလူနာတွေအတွက်အကောင်းဆုံးလည်း = genotype subtype (1a or 1b) ဖြစ်ရမယ်။ အရင်ကလည်းကုဖူးမယ်နဲ့ အသည်းလည်းခြောက်နေမယ်။

အမေရိကန် AASLD/IDSA/IAS-USA လမ်းညွှန်ရ အသည်းရောင် (စီ) ဂျီနိုအမျိုးအစား (၁) အစပျိုးကုသနည်း
(က) ledipasvir-sofosbuvir နည်း၊
(ခ) ombitasvir-paritaprevir-ritonavir and dasabuvir, with or without ribavirin နည်း၊
(ဂ) sofosbuvir + simeprevir with or without ribavirin နည်း သို့မဟုတ်
(ဃ) daclatasvir + sofosbuvir, with or without ribavirin နည်းတွေဟာ ထိရောက်မှုတူညီတယ်။

Ribavirin ဆေးပါပေးမလား မပေးဘူးလားဆိုတာ ဂျီနိုအမျိုးအစားခွဲနဲ့ အသည်းခြောက်တာအပေါ်မှာမူတည်တယ်။

ဂျီနိုအမျိုးအစားခွဲမသိဘူးဆိုရင် genotype 1a အနေနဲ့ကုသရမယ်။

အသည်းရောင် (စီ) ဂျီနိုအမျိုးအစား (၁) ကိုအရင်က peginterferon + ribavirin တွေနဲ့ ဆေးကုဘူးထားပြီး မရသေးရင်
(က) ledipasvir-sofosbuvir with or without ribavirin နည်း၊
(ခ) ombitasvir-paritaprevir-ritonavir and dasabuvir with or without ribavirin နည်း၊
(ဂ) sofosbuvir + simeprevir with or without ribavirin နည်း သို့မဟုတ်
(ဃ) daclatasvir + sofosbuvir, with or without ribavirin နည်းတွေဟာ ထိရောက်မှုတူညီတယ်။

Ribavirin ဆေးပါပေးမလား မပေးဘူးလားဆိုတာ ဂျီနိုအမျိုးအစားခွဲနဲ့ အသည်းခြောက်တာအပေါ်မှာမူတည်တယ်။

အသည်းခြောက်မနေရင် ledipasvir-sofosbuvir ဆေးကို ၁၂ ပါတ်ကြာပေးရမယ်။

အသည်းခြောက်နေရင် ledipasvir-sofosbuvir ဆေးကို ၂၄ ပါတ် သို့မဟုတ်
ledipasvir-sofosbuvir + ribavirin ၁၂ ပါတ်ကြာပေးရမယ်။

အဲဒီဆေးတွေက တိုက်ရိုက်သက်ရောက်မှုရှိတဲ့အမျိုးအစားဖြစ်တယ်။ ခက်နေသေးတာက ဈေးကြီးတာပဲ။ ယူအက်စ် AASLD/IDSA/IAS-USA လမ်းညွှန်အတိုင်းကုသရင် ကုန်ကျစရိတ်ဟာ $63,000 ကနေ $300,000 အထိရှိတယ်။

မှတ်ချက်။ မြန်မာပြည်မှာရပြီလား၊ ဘယ်မှာဝယ်ရမလည်း မသိပါ။ ဆောရီး။

ဒေါက်တာတင့်ဆွေ
၂၉-၈-၂ဝ၁၅

Facebook has a billion users in a single day

ဖေ့စ်ဘွတ်သုံးစွဲနေသူပေါင်း တနေရတည်းမှာ သန်းတထောင်အထိရောက်တယ်လို့ ဖေ့စ်ဘွတ် ကုမ္ပဏီတည်ထောင်သူ (မာ့ခ် ဇူကာဘဂ်) ကနေ ပြောလိုက်ပါတယ်။ ကမ္ဘာပေါ်မှာ လူသား ၇ ယောက်မှာ ၁ ယောက်နှုန်းက ဖေ့စ်ဘွတ်ကို သုံးနေကြပြီတဲ့။ သန်းပေါင်း ၁၅ဝဝဝ လောက်ဟာ တလမှာတခါအနည်းဆုံးဖေ့စ်ဘွတ်သုံးနေကြတယ်။ တရက်တည်းမှာ အများဆုံးသုံးကြတာက အခုကြာသပတေးနေ့ဖြစ်ပါတယ်။ ဖေ့စ်ဘွတ်ကုမ္ပဏီကို ဟားဗတ်ကျောင်းသား (မာ့ခ် ဇူကာဘဂ်) ကနေ ၂ဝဝ၄ မှာစပြီးထူထောင်ပါတယ်။

ဒီစာဖတ်နေသူဟာ အဲဒီနေ့က လူပေါင်း သန်းတထောင်ထဲကတယောက်ဖြစ်မှာပါ။ ကိုယ့်ဖေ့စ်ဘွတ်ကို ကိုယ်ပိုင်တယ်။ အကောင်းဆုံးဆိုတာကို တင်ခဲ့မယ်လို့သိတယ်။

လာမယ့် နိုဝင်္ဘာ (၈) ရက်နေ့မှာ လူကြီးမင်းဟာ မြန်မာပြည်က လူပေါင်း ၃၂ သန်းလောက်ထဲကတယောက်ဖြစ်မှာပါ။ ကိုယ့်မဲကို ကိုယ်ပိုင်တယ်။ အကျိုးအရှိဆုံး အသုံးချလိမ့်မယ်လို့လည်း တထစ်ချယုံကြည့်ပါတယ်။

ဒေါက်တာတင့်ဆွေ
၂၉-၈-၂ဝ၁၅

Ovarian dermoid cyst အပင်းလို့ခေါ်တဲ့ဟာ

ဆရာရေးတဲ့ ဆောင်းပါးလေးနဲ့ အသိပညာ share ချင်တာ ပြန်ရှာမရလို့ဆရာ ပြန်တင်ပေးပါဦးရှင့်။

တခါတုံးကသတင်းတခုကလည်း ဖေ့စ်ဘွတ်မှာလူကြည့်များတယ်။ ဓနုဖြူတွင် လူဥ ဥသည်တဲ့။ ကိုယ်ဝန်ဆောင် အမျိုးသမီးတစ်ဦး လူဥခွဲစိတ်မွေးဖွာ့း။ မနက်ဆယ်နာရီလောက်၊ ဓနုဖြူ၊ ကျွဲလမ်းကုန်းရွာက့့။ အဲဒါမဟုတ်ကြောင်း ရေးလိုက်ပါသေးတယ်။ မျိုးဥအိမ်အလုံးသာဖြစ်ပါတယ်။ ဒီတခါ မြိတ်မှာတဲ့။ အပင်းလို့ထင်ပါသတဲ့။

အမျိုးသမီးတိုင်းမှာ မျိုးဥအိမ်တစုံစီပါတယ်။ အဲတာကနေ အလုံး (အကျိတ်) ဖြစ်တာကို Ovarian cysts လို့ခေါ်တယ်။ သေးသေးလေးကနေ ကိုယ်ဝန်မွေးကာနီးအရွယ်အထိကြီးနိုင်တယ်။ အရွယ်ကောင်းတွေမှာ ဖြစ်တာများတယ်။ သွေးဆုံးပြီးသူတွေ ၁၅% သာဖြစ်နိုင်တယ်။

မျိုးဥအိမ်အိတ်တွေက အမျိုးမျိုးအစားစားရှိတယ်။ အိတ်ထဲမှာရှိနေတာက အမျိုးမျိုး။ အများအားဖြင့် ခပ်ဝါဝါအရည်။ ချွေးထွက်အိတ်ထဲက အရည်မျိုးပါရင် ခပ်မြစ်ပြစ် ဖြစ်မယ်။၊ အဆီတွေပါနိုင်တယ်။ တချို့ကြ ထူးဆန်းတာတွေ ပါနေတတ်တယ်။ ဆံပင်လို အမွှေး၊ အရိုးလို၊ သွားလို၊ အရိုးနုလိုစတာတွေပါနေမယ်။ Dermoid cyst ဒါးမွိုက်-ဆစ် ခေါ်တယ်။ အမှန်က လူ့ကိုယ်ခန္ဓာမှာရှိနေတဲ့ (တစ်ရှူး) အမျိုးအားလုံးက ပါနေနိုင်တယ်။ မျိုးဥအိတ်သာ မဟုတ်ပါ အရေပြားမှာလည်း ဒါမျိုးဖြစ်တတ်တယ်။ မျက်နှာ၊ လည်ပင်းနဲ့ နောက်ကျော။

မျိုးဥအိမ်အရည်အိတ်အမျိုးမျိုး
- Graafian or follicular cysts အမျိုးမစားကသေးတယ်။ အလိုလိုပျောက်သွားနိုင်တယ်။ ဗိုက်စူးပြီးနာတတ်တယ်။ ၂၅% သောအမျိုးသမီးတွေမှာဖြစ်တယ်။ တဖက်ထဲမှာဖြစ်တာများတယ်။

- Corpus luteum cysts ဆိုတာ လစဉ်မျိုးဥထွက်အပြီးမှာဖြစ်တယ်။ LH ကြောင့်ဖြစ်ရတယ်။ အမှန်က ပုံမှန်ဖြစ်ရမယ့် (ဖေါ်လီကယ်) ဖြစ်တာပါ။ ဒီဟာကနေ (ပရိုဂျက်စတီရုန်း) ဟော်မုန်းထုတ်ပေးတယ်။ ကိုယ်ဝန်ဖြစ်မလာရင် ပျက်စီးသွားမယ်။ အဲတာမျိုးဖြစ်မလာရင် အလုံးလည်းမဖြစ် ဟော်မုန်းလည်းမထုတ်ပါ။ ဆက်ကြီးလာခဲ့ရင် ဗိုက်နာမယ်။ ပေါက်ထွက်ရင် စူးရှပြီးနာမယ်။ ဒီဟော်မုန်းက မျိုးဥထွက်ဘို့လုပ်ပေးတယ်။ (ကောပတ်းစ်လူတီယမ်) ဖြစ်ဘို့လုပ်ပေးတယ်။ အကျိတ်ဖြစ်ရင်တော့ ဆက်ကြီးပြီး အဲတာမျိုးမလုပ်နိုင်ပါ။

- Hemorrhagic cysts သွေးပြည့်နေတဲ့မျိုးဥအိမ်အကျိတ်
ပေါက်ထွက်ရင် ဗိုက်အောက်ပိုင်းကနာမယ်။ အကျိတ်ထဲမှာ သွေး အရည်ရောအခံပါရှိနိုင်တယ်။

- Chocolate cysts ချောကလက်ဆစ်စ်ဆိုတာကို Endometrial cysts လို့လည်းခေါ်တယ်။ Endometriosis သားအိမ်ရောဂါ ရှိနေတဲ့အမျိုးသမီးတွေမှာဖြစ်တယ်။ သားအိမ် (တစ်ရှူး) တွေက သားအိမ်မဟုတ်တဲ့နေရာတွေမှာ ရောက်နေတဲ့ရောဂါ ဖြစ်တယ်။ ရာသီဖြစ်စဉ်မှာ ပထမလဝက်မှာ တက်လာတဲ့ (အီစထိုဂျင်) ကနေသက်ရောက်တယ်။ သွေးတွေက ကြာတော့ အရောင်ပြောင်းရာကနေ ချောကလက်ရောင်ဖြစ်လာတယ်။ ဗီတာမင် (ဒီ) နည်းသူတွေမှာ ဖြစ်တယ်။ (ပရိုဂျက်စတီရုန်း) နည်းနေမယ်။

- Cystadenoma အကျိတ်ကတမျိုးဖြစ်တယ်။ မျိုးဥအိမ်အပြင်လွှာကနေဖြစ်တယ်။ ၃ဝ စင်တီမီတာအထိကြီးနိုင်တယ်။

- Multiple cysts အကျိတ်တွေအများကြီးလည်းရှိနိုင်တယ်။ Polycystic ovaries လို့ခေါ်တယ်။ Polycystic Ovary Syndrome (PCOS) ရောဂါနဲ့ မတူပါ။

- Polycystic Ovary Syndrome (PCOS) ဆိုတာ မျိုးဥအိမ်မှာအလုံးအကျိတ်လေးတွေ အများကြီးရှိနေတာဖြစ်တယ်။ ရာသီမမှန်တာနဲ့ ကျား-ဟော်မုန်းများနေတာ ၂ ခု ဖြစ်တယ်။ ကျား-ဟော်မုန်းများနေသူမှာ ဝက်ခြံပေါက်မယ်၊ အမွှေးပေါက် များမယ်၊ လူဝမယ်၊ အဆီပြန်မယ်၊ ကလေးမရဖြစ်မယ်။ မြန်မာအမျိုးသမီးတွေ အဖြစ်မနည်းပါ။ မကြာမကြာမေးကြတယ်။

- Ovarian cancer မျိုးဥအိမ်ကင်ဆာဆိုတာ အသက်ကြီးမှသာဖြစ်တယ်။ ပျမ်းမျှ ၆၃ နှစ်အရွယ်။ လူကဝရင်ပိုဖြစ်တယ်။ ကလေးမမွေးဘူးသူတွေမှာ ပိုဖြစ်တယ်။

- Dermoid cysts (ဒါးမွိုက်ဆစ်စ်) ဆိုတာ မွေးကတည်းကပါလာတာဖြစ်တယ်။ သနေသားဖြစ်စဉ်မှာ အရေပြားက တခြားနေရာထဲမှာ ပိတ်မိနေခဲ့လို့ ဖြစ်ရတယ်။ တဖြေးဖြေးကြီးကြီးလာတယ်။ ၁၅ စင်တီမီတာလောက်အထိ ကြီးနိုင်တယ်။ ရောင်ရင်တော့နာမယ်။ အထဲမှာ အသေအချာစစ်ကြည့်ရင် ဆံပင်၊ အမွှေး၊ အရည်၊ သွား၊ အရိုး၊ အရေပြား၊ အာရုံကြော၊ ချွေးထွက်အိတ်စတာတွေ ပါနေနိုင်တယ်။ ဖြေးဖြေးချင်းကြီးလာတယ်။ အပင်းလို့ ခေါ်ကြတယ်။ ၄ နေရာမှာ ဖြစ်တယ်။

(က) Dermoid cysts in the brain ဦးနှောက်မှာဖြစ်တယ်။ အဖြစ်တော့ မများပါ။
(ခ) Dermoid cysts in the nasal sinuses နှာခေါင်း-ဆိုင်းနပ်စ်မှာဖြစ်မယ်။ ခွဲထုတ်ရတာ ခက်တယ်။ ရှားတယ်။
(ဂ) Dermoid cysts of the spinal cord ခါးရိုးဆစ်ထဲက အာရုံကြောမှာဖြစ်တာ။ ပိုးဝင်တတ်တယ်။
(ဃ) Ovarian dermoid cysts မျိုးဥအိမ်မှာ ဖြစ်တယ်။ မျိုးပွါးနိုင်တဲ့အရွယ်တွေမှာဖြစ်တယ်။ အညာနေရာလိမ်လို့နာနိုင်တယ်။ ပိုးဝင်လို့ရောင်နိုင်တယ်။ ပေါက်ထွက်နိုင်တယ်။ ခွဲထုတ်ရမယ်။ ချက်ချင်းခွဲရတတ်တယ်။ ဒီရောဂါကို ခွဲထုတ်လို့ အထဲကဟာတွေကြည့်ပြီး အပင်းလို့ ဗမာတွေကပြောကြတယ်။ ရှားရှားပါးပါး ကင်ဆာဖြစ်နိုင်တယ်။

ဒေါက်တာတင့်ဆွေ

၂၉-၈-၂ဝ၁၅

Good omens အတိတ်ကောက်

- ငုနဲ့ပိတောက် နွေမှာလှိုင်သည်။ စုနဲ့ ခမောက် မေမှာနိုင်မည်။
- ဆောင်းအဝင် ဒေါင်းကြယ်စင်၊ ကောင်းကင်တမွတ် အောင်ပန်းဆွတ်။

ဒေါက်တာတင့်ဆွေ
၂၉-၈-၂ဝ၁၅

Selection and Election ရွေးတတ်ကြရမည်

• လူပြောသူပြော ဘယ်လိုခံနေရနေရ  စစ်အုပ်စုမဟုတ်တဲ့နိုင်ငံရေးပါတီများသည် ဒီမိုကရေစီဖက်ကဖြစ်ကြ၏။
• လူပြောခံရနေမယ့် မဲပေးရမှာဆိုရင်တော့ အဲလိုပါတီကိုသာပေးရမည်။
• နိုင်ငံရေးမှာ ဝင်လုပ် (ဝင်ရှုတ်) နေနေ ဘုန်းကြီးသည် သံဃာသာဖြစ်၏။
• သင်္ကန်းကပ် အလှူပေးရင်တော့ ကျောင်းရွေးကြရသည်။
• အဝတ်အစားဘယ်လိုပြောင်းထာထား စစ်တပ်ကိုသာအားထားသူများသည် စစ်အုပ်အုပ်စုသာဖြစ်၏။
• လူထုကိုအားမကိုးသူများအား မဲပေးရင်တော့မှားကြမည်။

ဒေါက်တာတင့်ဆွေ
၂၉-၈-၂ဝ၁၅

Friday, August 28, 2015

The great physician သမားတော်ကြီး

အခုလေးတင် ဖေ့စ်ဘွတ်မှာတွေ့ပါတယ်။ ဆရာဝန်အလုပ်ဟာ စိတ်ထားကောင်းမွန်ပါက ကုသိုလ် ၅ မျိုးရနိုင်တယ်တဲ့။ မေတ္တာဘာဝနာကုသိုလ်၊ ကရုဏာဘာဝနာကုသိုလ်၊ မုဒိတာဘာဝနာကုသိုလ်၊ ဥပေက္ခာဘာဝနာကုသိုလ်နဲ့ ဒါနကုသိုလ်။

ဘာသာရေး ရေးထားတာမို့ လူငယ်လူရွယ်တွေက စိတ်ဝင်စားနည်းကြမှာပါ။ ကျွန်တော်လို အရွယ်အိုသူတောင်မှ လုံးစေ့ပတ်စေ့ မဖတ်ဖြစ်ပါ။

အဲလိုစာမျိုး မဖတ်ဖူးလည်း စိတ်ထားကောင်းတဲ့ဆရာဝန်တွေ (နိုင်ငံခြားသားတွေအပါအဝင်) ဒုနဲ့ဒေးရှိပါတယ်။ ဒါလုပ်တာ ကောင်းတယ်လို့ ဆရာတွေက သင်ပေးထားတိုင်းလည်း၊ စာကောင်းပေမွန်တွေကနေဖတ်ထားတိုင်းလည်း ကောင်းတာကို လိုက်နာတဲ့သူက မများလှပါ။

ကောင်း-မကောင်းဖြစ်ဖို့ရာ စာ-ပညာက အခယာတော့ကျပါတယ်။ ဗီဇ-ဝါသနာလည်းလိုတယ်။ ကံတရားလည်းရှိမှ ဖြစ်မယ်။ ပါရမီလည်းထည့်ပြောရတယ်။

ဒါ့ပြင် ကံကောင်းသူနဲ့ကြုံရဆုံရတဲ့ ကံတရားလည်းရှိသေးတယ်။ သမားတော်ဇီဝကဟာ သူကုသပေးတဲ့လူနာမှန်သမျှ  အသက်မသေကြဘူးလို့ ပြောစမှတ်ရှိတယ်။ မဖြစ်နိုင်ဖူးလို့ ထင်တဲ့သူတွေကထင်ကြမယ်။

သူနဲ့ကုသခွင့်ရတဲ့ ကံတရားလိုလာတယ်။ ကံတရားလို့မခေါ်ချင်နေပါ။ ကြုံကြိုက်မှုပေါ့။ ကောင်းတဲ့သူမျိုးနဲ့ ဆုံတွေ့ ရင်းနှီး ကျွမ်းဝင်ရခြင်း အကျိုးပေးမှုဆိုတာ အလွန်မတန်ဆန်းကျယ်တယ်။

ဒေါက်တာတင့်ဆွေ
၂၉-၈-၂ဝ၁၅

Pamela Anderson အသည်းရောင်စီနဲ့ မင်းသမီး

၂၇-၈-၂ဝ၁၅ နေ့စွဲနဲ့ထွက်လာတဲ့ သတင်းကတော့ ဟောလိဝုဒ်ရုရှင်မင်းသမီး (ပမ်းမလာ အင်ဒါဆင်) ဟာ သူ့မှာ ကူးစက်ခံထားရတဲ့ အသည်းရောင်စီပိုးကို တလအတွင်းပျောက်အောင်ကုသနိုင်လို့မျှော်လင့်ကြောင်းပြောတာ ဖြစ်ပါတယ်။

Baywatch မှာသရုပ်ဆောင်တဲ့ မင်းသမီးမှာ အသည်းရောင် စီပိုးရှိနေတာ ၁၆ နှစ်တောင်ရှိပြီ။ ဆေးသစ်နဲု့မယ်လို့ ဆိုပါတယ်။ ရောဂါသိကာစ သူပြောတာက သေဒဏ်ချမှတ်ခံရသလိုခံစားရတယ်လို့ ဆိုပါတယ်။ သူ့အရင်ယောက်ျား Tommy Lee (တော်မီ လီ) နဲ့ ဆေးထိုးအပ်မျှသုံးခဲ့ရာကနေ ကူးစက်တာပါတဲ့။

အသည်းရောင် (စီ) ဟာ တဖြေးဖြေးချင်းသာတိုးတိုးလာတယ်။ အသည်းကိုဖျက်ဆီးတယ်။ အသည်းခြောက် စေနိုင်တယ်။ အသည်းကင်ဆာဖြစ်လာစေနိုင်တယ်။ တယောက်နဲ့တယောက်မှာ အသည်းကို ထိခိုက် ပျက်စီးစေတဲ့နှုန်း မတူကြပါ။

ယူအက်စ်မှာ လူ ၃့၂ သန်းမှာပိုးရှိနေကြတယ်။ ကလေးတွေမှာများတယ်။ တနှစ်ကုန်ရင် စီပိုးကြောင့် သေဆုံးရတာ ၁၅ဝဝဝ ယောက်ရှိတယ်။ စောစောကုသလေ သက်သာရာရလေဖြစ်တယ်။ သွေးကနေတဆင့်ကူးစက်တယ်။

ဒေါက်တာတင့်ဆွေ
၂၈-၈-၂ဝ၁၅

Harvoni အသည်းရောင်စီ ဂျီနို (၁) အတွက်ဆေး

အသည်းရောင်စီပိုးရှိနေသူတွေကို အရင်က ထိုးဆေးအပါအဝင် ဆေးအမျိုးမျိုးနဲ့ကုသခဲ့ရတယ်။ အခုတော့ Harvoni ကို သုံးနေပါပြီ။ ဆေး ၁ လုံးတည်း၊ တနေ့မှ ၁ ခါတည်း၊ ထိုးဆေးမလို၊ Ribavirin လည်းမလိုပါ။

ကုသရေးဆိုင်ရာလေ့လာမှုတွေအရ ၉၆% ကနေ ၉၉% ပျောက်ကင်းတယ်။ ဆေးပေးရချိန် ၁၂ ပါတ်သာကြာတယ်။
ပျောက်တယ်ဆိုတာ (စီ) ပိုးတွေကို စမ်းလို့မတွေ့တာကိုပြောတာဖြစ်တယ်။

အရင်က ဆေးမကုဘူးသေးတဲ့ Hep C genotype 1 လူနာ ၈၆၅ ယောက် (သူတို့ထဲမှာ တချို့က အသည်းခြောက်တာ နောက်ပိုင်းရောက်နေပြီ) ကို လေ့လာမှုတခုလုပ်ခဲ့တယ်။ Harvoni ဆေးကို တနေ့ ၁ ကြိမ်၊ ၁၂ ပါတ်ပေးပြီးစမ်းတော့ ၂၁၃ ယောက်ထဲက ၂၁ဝ ယောက် (၉၉%) မှာ ပိုးရှာမတွေ့တော့ပါ။ နောက်လေ့လာမှုတခုမှာ ၆၄၇ ယောက်ကို အဲဒီနည်းအတိုင်း ဆေးကုပေးတော့ ၂၁၆ ယောက်ထဲက ၂ဝ၈ ယောက်မှာ ပိုးရှာမတွေ့တော့ပါ။

Harvoni ဆေးထဲမှာ Ledipasvir နဲ့ Sofosbuvir ဆေး ၂ မျိုးကို တခါတည်းရောထည့်ထားတယ်။

၂ဝဝ၁ = Ribavirin တနေ့ ၆ တောင့်အထိ + Peginterferon တပါတ်ထိုးဆေး ၁ လုံး။
၂ဝ၁၁ = Protease inhibitors + Ribavirin တနေ့ ၁၈ လုံးအထိ + Peginterferon တပါတ်ထိုးဆေး ၁ လုံး။
၂ဝ၁၃ = Sofosbuvir တနေ့ ၇ လုံးအထိ + Peginterferon တပါတ်ထိုးဆေး ၁ လုံး။
၂ဝ၁၄ = Harvoni (Ledipasvir/Sofosbuvir) တနေ့ ၁ လုံးတည်းသာ။

ဒေါက်တာတင့်ဆွေ
၂၈-၈-၂ဝ၁၅

Classic Election ဂန္တဝင်ရွေးကောက်ပွဲ

ကျွန်တော်က နိုင်ငံရေးမှာ ၁၉၉ဝ ဘက်ရ်ှကမို့ လူဟောင်းစာရင်းဝင်ပါတယ်။ အဟောင်းတိုင်းလဲ မကောင်းပါ၊ အသစ် ဆိုတာထဲမှာလဲ မဖြစ်သင့်တာတွေပါတယ်။ ဆန်ခါတင်စစ်ထားတာကိုမှ ကြာတော့ ဂန္တဝင်မြောက်တယ်လို့ ခေါ်တယ်။

• မိုးလေမမှန်၊ မြစ်ရေမမှန်၊ လူတွေမမှန်၊
• မြန်မာပြည် ဥတုရာသီ ရွေးကောက်ပွဲကိုမှီ။

• မိုးလေ၊ မြစ်ရေ မှန်ပါစေ၊
• လူရှူရတဲ့လေ သန့်ပါစေ၊
• လေရှူရတဲ့လူတွေ သန့်ပါစေ။

• လူညစ်တွေပေါ်မှာ ခဲမိုးရွာပါစေ၊
• လူသစ်တွေပေါ်မှာ မဲမိုးရွာပါစေ၊
• ရွေးကောက်ပွဲတွေ ဂန္တဝင်မြောက်ပါစေ။

ဒေါက်တာတင့်ဆွေ
၂၈-၈-၂ဝ၁၅

Egg donation process မျိုးဥလှူဒါန်းခြင်း

အသိမိတ်ဆွေတစ်ယောက်က မမျိုးဥ အလှူခံနေလို့ပါ။ အဲဒါလှူလို့ရတဲ့ထဲမှာပါလား။ လှူလိုက်ရင်ကောဘာတွေ ဆိုးကျိုးတွေ ရှိပါသလဲရှင့်။ ဘုရားရှင်ကတော့ ကိုယ်ခန္ဓာမှာရှိတဲ့ အသွေးတော်တွေ အသားတော်တွေ အကုန်လှူဘူးတယ်တယ်လို့ ကြားဖူးပါတယ်။ သူများတွေ ကျောက်ကပ်တို့ အသည်းတို့ လှူနေချိန်မှာ အော်ပရေးရှင်း မလုပ်ရပဲ ဒီတိုင်းလှူရမယ်ဆို လှူချင်ပါတယ်။

သားသမီးမရနိုင်တော့တဲ့စုံတွဲတွေ အများကြီးရှိတယ်။ ဘာလို့မရသလည်းဆိုတာ လင်မယားနှစ်ယောက်လုံးကို စစ်ဆေးရတယ်။ အမျိုးသမီးတွေဖက်က အားနည်းချက်က ပိုများတယ်။ ကိုယ်ဝန်ဆောင်နိုင်ဖို့ဆိုတာ အမျိုးသမီးမှာ ရာသီမှန်ရမယ်။ လစဉ်မျိုးဥထွက်ရမယ်။ သားအိမ်ပြွန်ပိတ်မနေရပါ။ ချို့ယွင်းချက်တွေကိုဆေးကုသနည်းတွေနဲ့ ပြင်မရရင်တော့ မ မျိုးဥ အလှူခံနည်းလုပ်ရမယ်။

မျိုးဥလှူတာကို IVF နည်းနဲ့ကလေးရအောင်လုပ်တာမှာ သုံးပါတယ်။ လှူလိုက်တဲ့မျိုးဥကို ဓါတ်ခွဲခန်းထဲမှာ မျိုးစပ်ပြီး အောင်မြင်တဲ့သနေကို ကိုယ်ဝန်ဆောင်မယ့် အမျိုးသမီး သားအိမ်ထဲကို ထည့်ပေးတယ်။ ကမ္ဘာမှာ ၁၉၈၃ ခုနှစ်တုံးက သြစတေးလျနိုင်ငံမှာ ပဌမဆုံးကလေးကို အဲသည်နည်းနဲ့မွေးခဲ့တယ်။ ဒိနောက် ၁၉၈၄ မှာ အမရိကမှာမွေးတယ်။ အဲဒီနည်းဟောင်းကို ကနေ့ မသုံးတော့ပါ။ နည်းသစ်ကနေ ယူအက်စ်မှာ အောင်မြင်မှုနှုန်း ၆ဝ% ကျော်ရှိတယ်။

ဘယ်လိုအမျိုးသမီးတွေမှာ ဒီနည်းလုပ်နိုင်သလည်း
မွေးရာပါမျိုးဥမထွက်ခြင်း၊ တာနာဆင်ဒရုမ်းရောဂါ၊ Gonadal dysgenesis ရောဂါ၊ မျိုးအိမ်နှစ်ဖက်လုံးထုတ်ထားရခြင်း၊ စောပြီးသွေးဆုံးခြင်း၊ ကင်ဆာဆေးပေးထားခြင်း၊ ဓါတ်ကင်ထားခြင်း၊ Autoimmunity ရောဂါ၊ အသက်ကြီးမှ ကလေးရလိုခြင်း စတာတွေဖြစ်တယ်။

မျိုးဥလှူမယ့်သူဟာ လူသူမသိတာလည်း ဖြစ်နိုင်တယ်။ အမျိုးတော်ဘို့မလိုပါ။ ကာယကံရှင်နှစ်ယောက်လုံးက ခက်ခဲတဲ့ ဆုံးဖြတ်ချက်ချရတာကိုအရင်ဆုံးလုပ်ကြရတယ်။ အလားတူ မ မျိုးဥ လှူမယ့်သူကလည်း အဲလိုလုပ်ရတယ်။ အားလုံး သဘောတူညီပြီးကြရင် ဆေးကုသမှုဖြစ်စဉ်ဆိုတာ ၆ ပါတ်ကနေ ၄ လအထိကြာနိုင်တယ်။

အဆင့် (၁) ဆန်ခါတင်စစ်ဆေးခြင်း
မျိုးဥလှူလို့ရ မရစစ်ဆေးရတယ်။ ရာသီတလရဲ့ တတိယနေ့မှာ သွေးစစ်မယ်။ မွေးလမ်းကနေရိုက်တဲ့ အာလ်ထွာဆေင်းနဲ့ စစ်မယ်။ တချို့တိုင်းပြည်တွေမှာ စိတ်ပိုင်းဆိုင်ရာ မေးမြန်းပြောဆိုတာတွေရှိတယ်။

အဆင့် (၂) အရည်အသွေးမီသလားစစ်ဆေးခြင်း
ဆေးနဲ့ မျိုးဗီဇစစ်ဆေးမယ်။ HIV အပါအဝင်အသည်းရောင်ပိုးတွေလည်းစစ်မယ်။

အဆင့် (၃) ဥပဒေပိုင်းနဲ့ငွေကြေးစစ်ဆေးခြင်း
ကန်ထရိုက်စာချုပ် လက်မှတ်ထိုးတာလုပ်ရမယ်။

အဆင့် (၄) အလှည့်သင့်အောင်လုပ်ခြင်းနဲ့ နှိုးဆွပေးခြင်း
မျိဥးလှူမယ့်သူကို မျိုဥထွက်လာစေအာင် ဆေးပေးမယ်။ အရင်ဆုံး ကိုယ်ဝန်တားဆေးနဲ့ အလှူခံမယ့်သူနဲ့ ရာသီလတွေ ကိုက်ညီအောင်လုပ်မယ်။ နေ့စဉ်ဟော်မုန်းထိုးပေးမယ်။ ကိုယ်တိုင်ထိုးနည်းလည်းခိုင်းနိုင်တယ်။ ၂-၃ ပါတ်ကြာမယ်။
Lupron injections ထိုးဆေးနဲ့စမယ်။ ၁ဝ-၁၄ ရက်ကြာမယ်။ အဲလိုလုပ်လို့ မျိုးဥမထွက်ပဲနေမယ်။ ခေါင်းနည်းနည်း ကိုက်နိုင်တယ်။ မျက်နှာနီမြန်းတာနည်းနည်းဖြစ်နိုင်တယ်။ အားယုတ်သလိုနေမယ်။ တချို့ကခံနိုင်လို့ ဘာမှမခံစားရပါ။

ဒိနောက်မှာ gonadotropin hormones ဟော်မုန်းလာမယ်။ Follistim, Gonal-F, Repronex or Menopur ဆေးတွေ သုံးတယ်။ FSH လို့ခေါ်တယ်။ မျိုးအိမ်ထဲက ဖေါ်လီကယ်တွေကို နှိုးဆွပေးတာဖြစ်တယ်။ အရေအတွက် ပိုများလာစေမယ်။ အရည်အိတ်လေးတွေထဲမှာ မျိုးဥပါနေတယ်။

တတိယဆေးက HCG injection ထိုးဆေးဖြစ်တယ်။ သူကနေ မျိုးဥထွက်စေအောင်လုပ်ပေးမယ်။ တကယ်လို့ မျိုးဥလှူသူဟာ ရာသီမလာခင်မှာ နေမကောင်းဖြစ်တာရှိသူဆိုရင် အဲတာမျိုး ခံစားရမယ်။ ရင်သားတင်းနာမယ်။ လေပွမယ်။ ခေါင်းကိုက်မယ်။ စိတ်မူပြောင်းမယ်။ ခဏတာ ကိုယ်အလေးချိန် နည်းနည်းလေးတိုးမယ်။

ဟော်မုန်းအနည်းအများတွေကိုစစ်ဆေးနေမယ်။ မွေးလမ်းကနေ အာလ်ထွာဆောင်းရိုက်တာက မျိုးဥတွေ မျိုးဥအိမ်ထဲမှာ ကြီးထွားလာတာကို သိချင်လို့ဖြစ်တယ်။

အဆင့် (၅) မျိုးဥထုတ်ယူခြင်း
မျိုးဥတွေရင့်မှည့်လာချိန်မှာထုတ်ယူမယ်။ မနက်စောစောမှာလုပ်တာများတယ်။ ၂ဝ-၃ဝ မိနစ်သာကြာမယ်။ ဆေးခန်းမှာ နေရချိန် ၁-၂ နာရီကြာနိုင်တယ်။ အာလ်ထွာဆောင်းလမ်းညွှန်သုံးပြီး မွေးလမ်းကနေထုတ်ယူမယ်။ မေ့ဆေး နည်းနည်း ပေးထားမယ်။ လုပ်ပြီးကာစ သွေးနည်းနည်းလေးဆင်းနိုင်တယ်။

အခုဖြစ်စဉ်ကာကအတွင်း (မျိုးဥမထုတ်ခင်နဲ့ ထုတ်ပြီး) မှာ ကိုယ်ဝန်ရလမ်းပိုလာလို့ ဆေးတွေမစမီ တပါတ်နဲ့ မျိုးဥထုတ်ပြီး ၂ ပါတ်အတွင်းရက်တွေမှာ အတူနေတာမလုပ်ရပါ။

မျိုးဥလှူသူမှာ ဟော်မုန်းဆေးတွေပေးလို့ ဟော်မုန်းကြောင့် ပြောင်းလဲမှုတွေက တလအတွက်သာဖြစ်တယ်။ နောက်လမှာ အရင်ကလိုသာ ပုံမှန်ဖြစ်မယ်။ အဲလိုလှူလိုက်လို့လည်း ကိုယ့်မှာ ကလေးမရတာ မဖြစ်စေနိုင်ပါ။ ဗိုက်မခွဲရပါ။

ဒေါက်တာတင့်ဆွေ
၂၈-၈-၂ဝ၁၅

Please save me statue! ဆင်းတုတော်ကယ်ပါ

ဆရာ့့ ဦးကျော်ဆန်းက ဝန်ကြီးခရီးစဉ်ကို ခုတုံးလုပ်ပြီး ငွေအားတွေနဲ့ စည်းရုံးရေးစနေပြီ။
• ပန်းရွာမှာ ကျောင်းဆောင်အတွက် ငွေလှူသွားတယ်။
• နွယ်ရှောက်မှာ လူရိုက်မှုဖြစ်လို့ လူတွေများနေတာကို သူကိုကြိုတယ်ထင်ပြီး ငွေဆယ်သိန်း လှူသွားတယ်။
• တနယ်မှာတော့ သမဝါယမက ထွန်စက်တွေ ထုတ်ပေးတဲ့အကြောင်းတွေ ပြောတယ်။
• ကျောက်ကုန်းမှာတော့ ကြိုဆိုမှုက ကြက်ဝိုင်းလောက်တောင်မရှိလို့ သူစိတ်ဓါတ်ကျသွားတယ်။
• အောက်လယ်ဓမ္မနားက ၅၅-မိုင်စခန်းမှာ ဘုရားဆင်းတုတော်လေးတွေကို မဲဖောက်ပြီး ပေးသွားသေးတယ်။

သိရလို့ ကျေးဇူးတင်တယ်။

ဒေါက်တာတင့်ဆွေ
၂၈-၈-၂ဝ၁၅

Handicapped တမျိုးတဘာသာ သန်စွမ်းသူများ

လွှတ်တော်ကြီးရပ်နားလိုက်တော့ အသိမိတ်ဆွေကိုယ်စားလှယ်တဦးကရေးပါတယ်။

Oo Yetun ကိုယ်စွမ်းသလောက်တော့ ကိုယ်ကြိုးစားခဲ့ပါတယ်တဲ့။

• ဘောလုံးကစားတာဆိုတော့ လက်နဲ့ထိလို့မရဘူးပေါ့။
• တယောက်တည်းသာ ခြေရောလက်ပါ ထိလို့ရတယ်။
• အသင်းတိုင်းက ခရာမှုတ်တဲ့သူကို ကြောက်ရတယ်။
• ပရိသတ်ကတော့ သိတဲ့အတိုင်းပဲ။ အားရရင်လက်ခုပ်တီး။ ဆိုဆဲစရာမှန်သမျှ မြိုသိပ်မထားကြဘူးဗျ။
• နောက်တပွဲလည်းလာအုံးမယ်။ ကွင်းမပြောင်း ဒိုင်မပြောင်းဘူး။
• လက်ရည်သာနေသူကနေ (ဟင်းဒိကက်ပ်) ယူထားတဲ့ပွဲပါပဲ။

Handicapped =  သိသာမြင်သာအောင် ကိုယ်စွမ်း ဉာဏ်စွမ်း အားနည်းချို့ယွင်းနေသူ။
ဥပမာ ဆွံ့အနားမကြားကျောင်း၊ ပြည်ထောင်စုလွှတ်တော်။

Handicap = ဂေါက်သီးကစားရာမှာ အားနည်းသူကို ရိုက်ချက်အရေအတွက် အကြောပေးခြင်း။
ဥပမာ စစ်တပ်အတွက် ၂၅% ပေးထားခြင်း။

ဒေါက်တာတင့်ဆွေ
၂၈-၈-၂ဝ၁၅

Delighted လူနာသက်သာ ဆရာဝန်စိတ်ချမ်းသာ

၁။ ဆရာရှင့် သမီးက ဒုတိယကလေးမွေးထားတာ ၅ လလောက်ရှိပါပြီ။ အခု တင်ပါးနဲ့ပေါင်မှာ ယားပြီး နီနေပါတယ်။ နီနီအကွင်းလေးတွေပါ။ Betacloge cream လိမ်းတယ်ဆရာ ပျောက်သွားရင်ချပ်သွားတယ်။ ရက်နဲနဲကြာရင် ယားပြီး အဖုတွေထွက် နီနီအကွင်းတွေဖြစ်လာပြန်ရောဆရာ။ သူများတွေကတော့ ပွေးလို့ပြောတယ်ဆရာ ဟုတ်ပါသလား။ ကလေးကိုလဲ ကူးမှာကြောက်လို့ပါ။ ဆရာဆေးလေးညွှန်ပေးစေချင်ပါတယ်ရှင့်။ ကျေးဇူးတင်ပါတယ်ဆရာ။

အနားသတ်ရှိရင် ပွေးဖြစ်ပါမယ်။ Grisofulvin တခါသောက် ၁ ပြား၊ တနေ့ ၂ ကြိမ်၊ ၁ဝ ရက်သောက်နိုင်ပါတယ်။
ဖြစ်တာစောရင် Ring guard လိမ်းနိုင်တယ်။ ထိစပ်မိသူတွေကို ကူးစေနိုင်တယ်။ အရပ်ဆေးမသင့်ပါ။

ဆရာရေ ဆရာပေးတဲ့ဆေး ၁ဝ ရက်သောက်တာ လုံးဝပြန်မဖြစ်တော့ဘူးဆရာ။  လိမ်းဆေးကဝယ်မရလို့မလိမ်းရဘူး ဆရာ့ကို တကယ့်ကိုကျေဇူးတင်ပါတယ်ဆရာ။ နောက်မသိတာရှိရင်လဲ မေးခွင့်ပြုပါအုံးနော်ဆရာ။ ဆရာ ကျန်းမာချမ်းသာပါစေ။

ဟုတ်။

၂။ ကျေးဇူးအထူးတင်ပါတယ် ဆရာရှင်။ ကလေးလေးက အရမ်းငယ်တော့ ငိုရင် စိတ်ညစ်ရပါတယ်။ ဆရာပြောတဲ့ နည်းတွေနဲ့ အဆင်ပြေရင် သိပ်ကောင်းမှာပဲ။ လက်တွေ့ စမ်းသပ် လုပ်ကြည့်ပါမယ်။ ကျေးဇူးတင် ရိုသေလေးစားစွာဖြင့်။

ဟုတ်။

ဆရာပေးတဲ့ အနွေးဓာတ်ပေးတာ ကလေးလေး အဆင်ပြေနေပါပြီ။ ကျေးဇူးများစွာတင်ပါတယ်။ ဆရာလဲ ကိုယ်စိတ် ချမ်းမြေ့ပါစေလို့ ဆန္ဒမွန်ပြုပါတယ်။

ဆရာပါ နွေးသွားတယ်။

ဒေါက်တာတင့်ဆွေ
၂၈-၈-၂ဝ၁၅

Thursday, August 27, 2015

Vote for Change အပြောင်းအလဲအတွက် မဲပေးကြပါခင်ဗျား

လာမယ့်ရွေးကောက်ပွဲမှာ ဘယ်သူ့ကို၊ ဘယ်ပါတီကို မဲပေးမလဲ။ ဆက်ဖတ်ဖို့ မလိုတဲ့သူက များမှာပါ။ ကျနော်က ဘယ်ပါတီအတွက် မဲဆွယ်မလဲကို သိကြပြီး ဖြစ်လို့ပါ။ ဒါပေမယ့် ကျနော် သည်လိုစာရေးတာ အချိန်အတော် နောက်ကျတာကို သတိထားမိမှာပါ။ “ဦးဘယ်သူ၊ ဒေါ်ဘယ်သူ ကိုယ်စားလှယ်ဖြစ်ဖြစ် အန်အယ်လ်ဒီ ကိုယ်စားလှယ်တွေ အနိုင်ရရှိရေးကို တတ်စွမ်းသရွေ့ လုပ်ပါမယ်” လို့ ဆိုရှယ်မီဒီယာကနေရော ပါတီကို တရားဝင်စာနဲ့ပါ ရေးခဲ့တာ ၆ လ မကတော့ပါ။

ဒီကြားထဲမှာ ထင်မထားတာတွေ အတော်လေး ဖြစ်ခဲ့တယ်။ အာဏာယူပါတီထဲမှာက တမျိုး၊ အန်အယ်လ်ဒီကိုယ်စားလှယ် ရွေးတာကလည်း ဟိုးလေးတကြော်။ သဘောထားပေးပါလို့ ပြောတာကို စကားလုံး ရွေးနေပါတယ်လို့ ပြန်ဖြေခဲ့ရတယ်။ အဲဒါဟာ ပါတီရွေးဖို့ အချိန်ယူခဲ့တာ မဟုတ်ပါ။

ဒေါ်စုကတော့ “ပါတီအမှတ်တံဆိပ်ကိုသာ ကြည့် မဲပေးပါ” လို့ ပြောထားတယ်။ ပါတီဥက္ကဋ္ဌက ပြောထားပြီးမှ ဘာထပ်ရေးစရာလိုသလဲမေးရင် ကျနော်က ဒေါ်စုမဟုတ်ပါ။ ပြောချင်တာက အဲဒါသာမကပါ။ အငြင်းပွားစရာတွေ များနေတဲ့ အန်အယ်လ်ဒီကိုသာ မယိမ်းမယိုင် ကျောက်စာတိုင်လို မဲပေးပါလို့ ပြောတာအပြင် “ဘာလို့ တခြားပါတီကို မဲမပေးသင့်သလဲ” ကိုပါ စဉ်းစားစေချင်ပါတယ်။

ဥပမာတခု တင်ပြပါရစေ။ ပုလဲမှာ အရွေးခံမယ့် အန်အယ်လ်ဒီက ဒေါ်ခင်စန်းလှိုင်က ၁၉၉ဝ ကတည်းက ကျနော်နဲ့ လက်တွဲလုပ်ခဲ့သူ ဖြစ်တယ်။ သူက ပုလဲသူ မဟုတ်ပါ။ ပြည်ခိုင်ဖြိုးဝန်ကြီး ပုလဲနယ်သား ဦးကျော်ဆန်းကတော့ ကျနော်နဲ့ အမျိုးမကင်းပါ။ ဒါပေမယ့် သူနဲ့ ကျနော်က နိုင်ငံရေးမှာ အဖြူနဲ့ အမည်း မတူ ကွဲပါတယ်။ ဒေါ်ခင်စန်းလှိုင်ကို မြို့နယ်အဆင့် ပါတီထဲမှာ ၁ဝဝ ရာခိုင်နှုန်း ထောက်ခံမှုမရတာလဲ သိပါတယ်။ သူ့အစား တခြားပုဂ္ဂိုလ် ဖြစ်နေလည်း ရာနှုန်းပြည့်ရမှာ မဟုတ်ပါ။ ကျနော်ကိုယ်တိုင်လည်း ၁၉၉ဝ တုန်းက ရွာ ၃ ရွာမှာ ရှုံးခဲ့ပါတယ်။

“၂ဝ၁ဝ တုန်းက အန်အယ်လ်ဒီ ဝင်မပြိုင်လို့သာ ဦးကျော်ဆန်းရတယ်တဲ့” ပြောတာကို ငြင်းနိုင်ရင် ငြင်းပါ။ ၂ဝ၁၂ မှာ ဦးကျော်ဆန်းရဲ့အမျိုးကို မဲမပေးကြတော့ဘဲ ဒေါ်ခင်စန်းလှိုင်ကိုသာ မဲပေးခဲ့တာကိုကြည့်ရင် မဲပေးသူတွေက ပြည်ခိုင်မဖြိုးကြတော့တာ သေချာတယ်။ ပုလဲက နမူနာပါ။ တခြားနေရာတွေလည်း အတူပါ။

ပြောင်းလဲဖို့ အချိန်တန်ပြီ
အန်အယ်လ်ဒီ ရွေးကောက်ပွဲ မဲဆွယ်ဆောင်ပုဒ် “ပြောင်းလဲဖို့ အချိန်တန်ပြီ” ပေါ်လာတယ်။ အမေရိကန်သမ္မတ အိုဘားမားက ၂ဝဝ၈ ရွေးကောက်ပွဲကမ်ပိန်းမှာ အောင်အောင်မြင်မြင် အသုံးချခဲ့တဲ့ “ချိန်း” နဲ့ တူပါတယ်။ အိုဘားမားက အပြောင်းအလဲဆိုတာ တချိန်ချိန်ကို ဖြစ်ဖြစ် တယောက်ယောက်ကို ဖြစ်ဖြစ် စောင့်နေလို့တော့ မရဖူး၊ အခု ကျနော်တို့ အရယူရမယ်လို့ ဆက်ပြောပါတယ်။ အိုဘားမား ပိုစတာ “မျှော်လင့်ချက်” ဆိုတာ အတော်အောင်မြင်ခဲ့ပါသေးတယ်။ ကနေ့ မြန်မာပြည်သူတွေအတွက် မျှော်လင့်ချက်ဟာ ပြည်ခိုင်ဖြိုး မဟုတ်တာ သေချာပါတယ်။ မျှော်လင့်ချက်ဆိုတာ အသစ်ကို မျှော်တာပါ။ အာဏာသိမ်းတဲ့ အကျင့်ပါနေတဲ့ ပြည်ခိုင်ဖြိုးပါတီဟာ ရွေးကောက်ပွဲကမ်ပိန်းအဖြစ် အချင်းချင်း စစ်ခင်းပြလိုက်တယ် မဟုတ်ပါလား။ အာဏာသိမ်းတာက မျှော်လင့်ချက် မဟုတ်ပါ။ စစ်ခင်းခြင်းဟာ မျှော်လင့်စရာ မဟုတ်ပါ။

စာနာမှုမဲ
ရွေးကောက်ပွဲမတိုင်ခင် အရွေးခံမယ့်သူမှာ သနားစရာ တစုံတခု ဖြစ်လို့ စာနာစိတ်နဲ့ ပေးကြတာကို စာနာမှုမဲလို့ ခေါ်ပါတယ်။ ဘရာဇီးလ်မှာ ၂ဝ၁၄ တုန်းက သမ္မတရွေးပွဲမတိုင်ခင်မှာ ဆိုရှယ်လစ်ပါတီက သမ္မတလောင်း ဒွါဒို ကမ်ပို့စ် လေယာဉ် ပျက်ကျပြီး သေဆုံးသွားတဲ့အခါ သူ့တွဲဘက်ဒု-သမ္မတလောင်း မာရီယာ ဆဲလ်ဗားဟာ ထိပ်ဆုံးကို ရောက်လာခဲ့တယ်။ ပြည်ခိုင်ဖြိုးက ဦအောင်သောင်း ကွယ်လွန်သွားတာမို့ သူ့နယ်မှာ လာအရွေးခံမယ့် နောက်လူက စာနာမှုမဲတချို့ ရစရာအကြောင်းတော့ ရှိတယ်။ ဒါပေမယ့် အဲလိုမဲတွေဟာ နိုင်ငံရေး မဆန်ပါ။ ထမင်းစားချိန်မှာ ရောက်လာတဲ့ ဧည့်သည်ကို ထမင်းကျွေးသလိုသာ ဖြစ်တယ်။ ကျနော်က ထမင်းရှင်နဲ့ ဧည့်သည် ခွဲခြားနိုင်တဲ့ နိုင်ငံရေးကို ရောက်စေချင်ပါပြီ။

လွှတ်တော်ကိုယ်စားလှယ်
အမတ်တယောက်ကို မဲပေးသူအရေအတွက် အတော်မတူပါ။ ၁၉၉ဝ တုန်းက လူဦးရေ ၁ သိန်းအောက်မှာ အမတ် ၁ ယောက် သတ်မှတ်ခဲ့တယ်။ အခု တမျိုး ဖြစ်တယ်။ မဲဆန္ဒနယ် သေးသေးလေးကနေ အရွေးခံရသူလည်း အမတ်ပဲ။ ဥပမာ ကယားပြည်နယ်ကို ကြည့်ပါ။ မြို့နယ်ပေါင်း ၇ ခုသာ ရှိတယ်။ အမျိုးသားလွှတ်တော် အမတ်အရေအတွက် ၁၁ ယောက်ရတယ်။ နောက်ပြီး အမတ်ရယ်လို့ ဖြစ်လာတာနဲ့ ပြည်ထောင်စုဝန်ကြီးအထိ ဖြစ်နိုင်တယ်။ ဒီထက်ပိုပြီး သြဇာအာဏာကြီးတဲ့ သမ္မတရုံးဝန်ကြီးလည်း ဖြစ်နိုင်တယ်။ သူ့ကို မဲပေးလိုက်သူ အရေအတွက်ဟာ ထောင်ဂဏန်း သေးသေးလေးသာ ရှိတယ်။

မြင်သာအောင် ပြောပါရစေ။ သူကြီးတယောက်ကို တူမီးသေနတ်တလက်ပေးရင် သူ့ရွာမှာ မီးသေတယ်။ စွာတဲ့သူကြီးဆို ပွိုင့်တူတူးတလက်ပေးရင် ရေရော မီးရော သေတယ်။ ကျနော်က လူသတ်လက်နက်ခေတ်ကနေ အခု ပြောင်းလာတဲ့ တောပစ်သေနတ်ခေတ်ကိုပါ အဆုံးသတ်ချင်တယ်။

ရွေးကောက်ပွဲကြော်ငြာ
ရွေးကောက်ပွဲမှာ ကြော်ငြာနည်း ၂ မျိုး ရှိတယ်။ တမျိုးက ကိုယ့်ပါတီအတွက် ကြော်ငြာကြတယ်။ နောက်တမျိုးက ပြိုင်ဘက်ကို တိုက်ခိုက်တဲ့ ကြော်ငြာဖြစ်တယ်။ ၁၉၉ဝ တုန်းက ကျနော့်ပုလဲမှာ ပြိုင်ဘက် တစည ပါတီကနေ ညအချိန် လူခြေတိတ်မှာ ကျနော့်ကို တိုက်ခိုက်တဲ့ ကက်ဆက်တိပ်ခွေတွေ အသံချဲ့စက်နဲ့ ဖွင့်တယ်။ ကျနော်က မြို့နယ်ဆရာဝန်လုပ်ရာကနေ နိုင်ငံရေးလုပ်မယ်လို့ အလုပ်က ထွက်ထားတာမို့ ကျနော့်ဆေးရုံမှာ ဆေးဆိုလို့ ပတ္တီးနဲ့ ဂွမ်းပဲရှိတယ်လို့ ပြောဟောတယ်။ အမှန်က မဆလခေတ်မှာ ဆေးရုံတိုင်းမှာ အရှားဆုံးက အရက်ပျံ၊ ပတ္တီးနဲ့ ဂွမ်းဖြစ်တယ်။

ရေတွက်မဲ
မဲဟာ ဘယ်နည်းနဲ့ ရလာလာ ရေတွက်ခံရတယ်။ မဲရုံမှူးတွေက ခိုးတဲ့မဲလည်း ရေမှာပဲ။ ၂ဝ၁ဝ တုန်းက ကြိုတင်မဲဆိုတာကို ရေတွက်ခဲ့တဲ့ နမူနာကတော့ ကမ္ဘာသိ ဟိုးလေးတကြော် ဖြစ်ခဲ့တယ်။ လာမယ့် ရွေးကောက်ပွဲကို အီးယူ ရွေးကောက်ပွဲ လေ့လာစောင့်ကြည့်ရေးအတွက် နားလည်မှုစာချွန်လွှာ ထိုးလိုက်တာကိုကြည့်ရင် မဲပေးတဲ့နေ့မှာတော့ ညစ်စရာ သိသိသာသာ ရှိမှာ မဟုတ်တော့ပါ။ ဒါဖြင့် ဘာလို့လဲ။ အနိုင်အရှုံးစာရင်း ထွက်အပြီးမှာ သမ္မတ ဖြစ်ဖို့နဲ့ အစိုးရ ဖွဲ့နိုင်ရေးအတွက် အကွက်ချထားပြီးဖြစ်လို့ ရုံဖွင့်လိုက်တာပါပဲ။

မဲပေးသူ
ရွေးကောက်ပွဲလုပ်ဖို့ ၁ လ၊ ၂ လ အလိုအထိ ဘယ်သူ့ကို မဲပေးရမှန်း မသိသေးသူတွေက မနည်းလှပါ။ အဲဒါမျိုးက နိုင်ငံတိုင်း၊ ရွေးကောက်ပွဲတိုင်းမှာ ရှိပါတယ်။ ဆုံးဖြတ်ချက် မချရသေးတဲ့သူတွေဟာ မဲရုံဖွင့်တဲ့နေ့အထိ ရှိတယ်။ တချို့လည်း မဲပုံးရှေ့ရောက်တဲ့အထိ။ များသောအားဖြင့် သူတို့ဟာ နိုင်ငံရေးထဲမှာ ကိုယ်တိုင်ကိုယ်ကျ မပါကြသူတွေ ဖြစ်တယ်။ တချို့ရွေးကောက်ပွဲမှာ ဟိုလိုလို သည်လိုလို လူတွေရဲ့မဲက အဆုံးအဖြတ်ကျတတ်တယ်။ သူတို့ဟာ အရေးပါလို့ ရွေးကောက်ပွဲကမ်ပိန်း လုပ်သူတွေက အလေးထားရတယ်။ နောက်အယူအဆတခုကတော့ အဲလို ကိုယ့်အကြိုက်ကို မရွေးနိုင်သူတွေကို လူပြိန်းတွေလို့ ခေါ်တယ်။ ဒါပေမယ့် သူတို့ဟာ တခြားဂြိုဟ်ကနေ လာကြသူတွေ မဟုတ်ပါ။ သူတို့ကတော့ တလံအကွာလောက်သာ ကြည့်ကြလိမ့်မယ်။ အရှည်ကြည့်တဲ့ကာလ ရောက်စေချင်ပါတယ်။

ယိမ်းယိုင်မဲ
မထင်မှတ်တဲ့ဘက်ကို မဲပေးသူတွေကို ယိမ်းယိုင်မဲလို့ ခေါ်တယ်။ နိုင်ငံရေးပါတီ ၂ ခုစနစ်ရှိတဲ့ အမေရိကမှာ သိသာတယ်။ သူတို့ကြောင့် အနိုင်အရှုံးရလဒ်ကို ပြောင်းစေနိုင်တယ်။ အမေရိကန်သမ္မတ ရီပတ်ဘလီကင်ပါတီက ရီဂင်ကို မဲပေးခဲ့တဲ့ ဒီမိုကရက်တစ် အမတ်တွေကို (ရီဂင် ဒီမိုကရက်) လို့ခေါ်တယ်။ ဒီမိုကရက်သမ္မတ ကလင်တန်ကို မဲပေးတဲ့ ရီပတ်ဘလီကင် အမတ်တွေကို (ကရင်တန် ကွန်ဆာဗေးတစ်) လို့ ခေါ်တယ်။ အဲဒီနမူနာတွေက အမတ်တွေကြားမှာ ဖြစ်တယ်။

မဲပေးသူတွေကြားမှာလည်း အဲလို ဖြစ်နိုင်တယ်။ မြန်မာပြည်က ၂ဝ၁၅ ရွေးကောက်ပွဲမတိုင်မီမှာ အဓိကပါတီကြီး ၂ ခုထဲမှာ ဝေဖန်ထောက်ပြစရာတွေ ဟိုးလေးတကျော်ဖြစ်ထားလို့ ပါတီထောက်ခံသူတွေထဲကနေ ယိမ်းယိုင်စရာအကြောင်းတွေ ရှိစေပါမယ်။ အန်အယ်လ်ဒီထဲကနေ ထွက်သူတွေ၊ ထုတ်ခံရသူတွေ၊ အခဲမကျေသူတွေ ရှိသွားစေခဲ့တယ်။ လက်စားချေမဲတွေ ပေးကောင်းပေးကြမယ်။ အရေအတွက်တော့ များရာအကြောင်း မရှိပါ။ ပုလဲကိုပဲ ဥပမာထပ်ပေးပါရစေ။ အန်အယ်လ်ဒီကနေ ကိုယ်စားလှယ် အရွေးခံဖို့ လျှောက်လွှာတင်ခဲ့သူ ၃ ယောက်ဟာ ပါတီကနေ အရွေးမခံရတော့ အမျိုးသားတိုးတက်ရေးပါတီက ကောက်စားတာကို ခံလိုက်ကြတယ်။

ဘုရင်တင်မြှောက်နိုင်သူ
ရွေးကောက်ပွဲပြီးလို့ ဘယ်ပါတီကမှ အပြတ်အသတ် မနိုင်တဲ့အခါ ပါတီသေးလေးတွေက (ကင်းမိတ်ကာ) ဆိုပြီး နောက်တက်မယ့်အစိုးရဟာ သူတို့ကနေသာ ရွေးပေးသလို ဖြစ်စေတယ်။ ဒီဖြစ်စဉ်မျိုး ၂ဝ၁၅ အပြီးမှာ ဖြစ်စရာမရှိပါ။ ဒါကြောင့် ဖွဲ့စည်းပုံပြင်ရေးတုန်းက ပုဒ်မ ၁ဝ၉ (ခ) နဲ့ ၁၄၁ (ခ) တို့ကို တချက်လွှတ်အမိန့်နဲ့ ပြင်လို့မရခဲ့တာ ဖြစ်တယ်။ တကယ်လို့ ပြည်ခိုင်ဖြိုးက စစ်မဲနဲ့ ပေါင်းတာတောင် မဲအရေအတွက် နည်းနည်းလိုနေရင် ကြေးများများမတောင်းဘဲ လာပေါင်းကြမယ့်ပါတီတွေ ရှိမယ်။ အဲဒါကို အပေါစား ကြေးစားနိုင်ငံရေးလို့ ခေါ်တယ်။ ဗိုလ်ချုပ်ပြောခဲ့တာ ဖြစ်နေပြီ။

ကောက်ရိုးမီးမဲ
မြန်မာနိုင်ငံသားတွေ ကောက်ရိုးမီးနဲ့ တူတယ်လို့ ကိုယ့်ကိုယ်ကိုယ်ပဲ ပြောကြတယ်။ အဲဒီသုံးသပ်ချက်က အခုထိမှန်တယ်။ ဝုန်းကနဲ ထလောင်တယ်။ ရှဲကနဲ ငြိမ်းသွားတယ်။ ရွေးကောက်ပွဲနီးမှ လမ်းပြင်ပေးနည်း၊ ဒန်ပေါက်ကျွေးနည်း၊ မီးရအောင်လုပ်ပေးနည်းတွေဟာ မရိုးနိုင်တဲ့ လက်သုံးရွေးကောက်ပွဲနည်းနာတွေ ဖြစ်နေဆဲပဲ။ အဲဒီနည်းတွေကို လက်ရှိသမားတွေက နှစ်ပန်းသုံးပန်းသာတယ်။ ကောက်ရိုးကို မီးတင်ရှို့ကြလိမ့်မယ်။

အကွဲအပြဲ
ပြည်ခိုင်ဖြိုးဟာ သန်းခေါင်ယံမှာ ထက်ခြမ်းကွဲတာကို မျက်ဝါးထင်ထင် တွေ့လိုက်ကြရတယ်။ သူတို့က ကံကောင်းတယ် ပြောရမယ်။ သူတို့ထဲကနေ အန်အယ်လ်ဒီဘက်ကို မဲစင်ထွက်လာစရာ မရှိပါ။ ၁၉၅၈ ခုနှစ်က (ဖဆပလ) ၂ ခြမ်း ကွဲတာကို သတိရမိတယ်။ အဲသည်တုန်းက စစ်တပ်က ထောက်ခံတဲ့ပါတီဟာ မရှုမလှ ရှုံးနိမ့်ခဲ့ပါတယ်။

ချီလီဥပမာ
၁၉၈၈ တုန်းက ချီလီမှာ အာဏာရှင် ဗိုလ်ချုပ်ကြီး (သြဂတ်စတို ပီနိုချေး) ဟာ သူ့ကို အတိုက်အခံပြုသူတွေကို ဖမ်းဆီး ထောင်ချ သတ်ပစ်နေခဲ့တယ်။ နောက်ဆုံးမှာ ပြည်လုံးကျွတ် ဆန္ဒခံယူပွဲ လုပ်မယ်လို့ ကြေညာလိုက်တယ်။ အောက်တိုဘာ ၅ ရက် မတိုင်ခင်မှာ အတိုက်အခံတွေကို တီဗွီကနေ နေ့စဉ် ၁၅ မိနစ်စီ ပြောခွင့်ပေးတယ်။ ချီလီ ခရစ်ယာန် ဒီမိုကရက်တစ်ပါတီက ဆန်းသစ်တဲ့ မဲဆွယ်နည်းကို တီထွင်ပြီး အသုံးပြုလိုက်တယ်။ (ပီနိုချေး) ကို ပြင်းထန်မာကျောတဲ့ စကားလုံးတွေနဲ့ တိုက်ခိုက်မယ့်အစား ကြည့်ရှုနားဆင်သူတွေကို ပျော်မြူးစေမယ့် နည်းလမ်းကို သုံးလိုက်တယ်။ ဆန္ဒခံယူပွဲမှာ မဲပေးသူပေါင်း ၇ ဒသမ ၂ သန်းထဲက ၃ ဒသမ ၉၆ သန်းကနေ ပီနိုချေးကို ဆန့်ကျင်မဲပေးခဲ့လို့ ၁၉၇၃ ကတည်းက အုပ်ချုပ်လာခဲ့တဲ့ အာဏာရှင်ကြီးဟာ ၁၉၉ဝ မှာ ဆင်းပေးရတော့တယ်။

အချုပ်
– အနုပညာရှင်တွေကို အားကိုးပါရစေ။
– (ဖဆပလ) အကွဲမှာ စစ်တပ်ကနေ တဖက်သတ်ထောက်ခံပြီး ရှုံးခဲ့တဲ့ပါတီဟာ (တည်မြဲ) ဆိုတဲ့ နာမည်ကို ယူခဲ့တယ်။ အခုကော ဘယ်လောက်ခိုင်ဖြိုးသလဲ မြင်ကြရပါတော့မယ်။
– အပြောင်းအလဲလိုချင်ရင်တော့ အဝတ်အစားနဲ့ နာမည်သာပြောင်းပြီး အာဏာ ဆက်ယူနေတဲ့ ပါတီကို မဲမပေးပါနဲ့။
– တိုင်းရင်းသားဒေသတွေမှာလည်း ဒေသခံလူမျိုးချင်း အတူတူဆိုရင် အန်အယ်လ်ဒီ ကိုယ်စားလှယ်ကိုသာ မဲပေးကြပါ။
– ပါတီအလံတွေ၊ တံဆိပ်တွေကိုကျော်ပြီး အနာဂတ်နိုင်ငံတော်ကိုသာ မျှော်ပြီး မဲပေးပါခင်ဗျား။

ဒေါက်တာတင့်ဆွေ

Orange semen သုက်ရည်ဝါနေခြင်း

မင်္ဂလာပါဆရာ အခုရက်ပိုင်းအတွင်း အတူတူမနေတဲ့အချိန်မျိုးမှာ ကျွန်တော့်ရဲ့သုက်က အဖြူမထွက်ပဲ နည်းနည်း အဝါရောင်သန်းပြီး ထွက်လာပါတယ်။ အဲဒါဘာဖြစ်လို့ပါလဲခင်ဗျာ။ ကျေးဇူးပြုပြီး အကြံဥာဏ်ပေးပါဦးဆရာ။ မိန်းမကို ဆေးစစ်ကြည့်တော့ B ပိုး၊ C ပိုး၊ AIDS တခုမှမရှိပါဖူး။ အခု သုက်ကအဝါရောင်ညစ်ညစ်ထွက်တာ ဘာကြောင့်ပါလဲ။

သုက်ရည်အရောင်ဝါရောင် (လိမ်မော်ရောင်) ဖြစ်နေတာဆိုရင် အထဲမှာ ဘီလီရူဘင်ခေါ် အသားဝါရောဂါရှိနေသလား၊ သွေးနည်းနည်းပါနေသလား၊ ဆီးနဲ့ရောနေသလား စစ်ရမယ်။ အစားအသောက်နဲ့ အသက်အပေါ်မှာလည်း မူတည်တယ်။
ပုံမှန်ဆိုရင် အဖြူရောင်နဲ့ မီးခိုးရောင်ဖြစ်တယ်။ နောက်နေတယ်။ နည်းနည်းလေးတော့ဝါနိုင်တယ်။ တခါတလေမှာ အရောင်ပြောင်းတာ စိုးရိမ်စရာမရှိပါ။

သုက်ရည်ထဲမှာ သုက်ပိုး + အင်ဇိုင်းမ် + ဖရပ်တို့စ်သကြားဓါတ်တွေပါနေတယ်။

အသီးတွေ၊ ဆနွင်းမှုံ့တွေဖြစ်တယ်။ ကော်ဖီ၊ အသားတွေကနေ သုက်ရည်ကို အခါးဓါတ်ပိုစေမယ်။

အရောင်စိမ်းနေရင် ဆီးကျိတ်ရောင်နေလို့ဖြစ်မယ်။ သိပ်ပျစ်နေတာဆိုရင် ဟော်မုန်းနည်းနေနေလို့။

ဆီးအိမ်နဲ့ ဆီးထွက်လမ်းကြောင်း၊ အသည်း၊ သည်းခြေအိတ်နဲ့ ဆီးကျိတ်တွေကို စစ်ဆေးသင့်တယ်။

ဒေါက်တာတင့်ဆွေ
၂၇-၈-၂ဝ၁၅

Wednesday, August 26, 2015

The exiles တက္ကသီလာ ပြည်ပမှာ

Khin Lay ဆရာရေ ၈၈ မှာတောခိုလာတဲ့လူတွေအများစုက နိုင်ငံပြင်ပကိုရောက်လာရင် ဘာဖြစ်လို့ သဘောထားတွေ ပြောင်းကုန်တာလဲမသိဘူးဆရာ။ တကယ်ဆိုရင် သူတို့လဲအာဏာရှင်ကိုဖြုတ်ချဖို့က လိုရင်းဆိုရင် သူတို့တွေလုပ်ခဲ့တဲ့ တော်လှန်ရေးနဲ့ လက်ရှိလုပ်နေတဲ့ စိတ်ခံစားမှုကဘာဆိုလိုလဲဆိုတာ နားမလည်နိုင်အောင်ပဲဆရာရေ။

Tun Thein ကျွန်တော့်အမြင်ကတော့ ဟီးရိုးလုပ်ချင်တာ၊ အများနဲ့မတူပဲဆန့်ကျင်ခဲ့ရင် ထင်ပေါ်မယ်ထင်တာလို့ပဲ မြင်ပါတယ်ဆရာ။

အတော်မေးသင့်တဲ့မေးခွန်းပါ။ မေးတဲ့သူကိုယ်တိုင်က ကိုယ်ပိုင်လေ့လာမှုသဘောလုပ်ပြီးမှ ထွက်လာမျိုး။ ကာလအပိုင်းအခြား အနည်းဆုံးနှစ်ခုကို ကြည့်ရတာမျိုး။

စာတမ်းလိုမရေးချင်ပါ။ လူနာမည် အသင်းအပင်းနာမည်တွေလည်း မတပ်လိုပါ။ ကျွန်တော်တို့က ဝါအရပြောရင် အကြီးဆုံးလည်းမဟုတ်ပါ။ ကျောင်းသားတွေနောက်မှရောက်တဲ့ (နောက်ရောက်တဲ့သူ နောက်ကတန်းစီရတဲ့) ခေတ်က ၁၉၉ဝ အုပ်စုကဖြစ်ပါတယ်။ ဒိနောက်မှရောက်လာတဲ့အုပ်စုတွေလည်းရှိသေးတယ်။ ၁၉၉၆ အုပ်စု၊ ၂ဝဝ၇ အုပ်စု၊ စသဖြင့် ရှိသေးတယ်။

ပြည်ပနိုင်ငံရေးသက်တမ်း အကြမ်းအားဖြင့် ၂၅ နှစ်ဆိုပါစို့။ ဒီကာလထဲမှာ အာဏာယူထားသူက အပြောင်းအလဲမရှိသေးပဲ၊ အင်စတီကျူးရှင်းခေါ်တဲ့ တည်ဆောက်မှုပုံစံတော့ တမျိုးပြောင်းလာတယ်။ ပြည်ပထွက်ကြသူတွေထဲမှာတော့ အမျိုးမျိုး ပြောင်းခဲ့ကြပါပြီ။ အင်စတီကျူးရှင်းလည်းမရှိတော့ပါ။

အရေအတွက်အများဆုံးကတော့ နိုင်ငံရေးအမည်ခံလိုက် မခံလိုက်အုပ်စုဖြစ်တယ်။ ဒီမိုကရေစီအရေးဓါတ်ပုံထဲမှာတော့ ရှေ့ဆုံးတန်းကသူတွေရှိတယ်။ ဘာသာရေးခေါင်းစဉ်အောက်ရောက်ရင် နိုင်ငံရေးကိုခါးခါးသီးသီးရန်တွေ့ပြီး၊ နိုင်ငံရေးမှာ နေရာပေးရင် ထိပ်ဆုံးကရချင်သူတွေရှိတယ်။

နိုင်ငံရေးအုပ်စုထဲမှာလည်းအမျိုးမျိုး။ အခြေခံအသက်မွေးမှုမတူတာ၊ ပညာရေးနဲ့ လေ့လာမှု မတူတာ၊ ရည်ရွယ်ရင်း မတူတာ၊ အခြေအနေကို သုံးသပ်မှုမတူတာတွေရှိကြတယ်။ ဟီးရိုး လုပ်ချင်သူဆိုတာ တကယ်ပါတယ်။ နေရာတကာပါ။ ဒုတိယမှတ်ချက်လို အာဏာရှင်ကို အော်ကြီးဟစ်ကျယ် ဆန့်ကျင်ပြတဲ့သူတချို့ထဲမှာ အာဏာရှင်ကအရေးမလုပ်တော့ ဘေးကလူတွေကို လိုက်တုတ်သူတွေပါတယ်။

ထောင်ကျခံရသူတွေထဲမှာ တချို့က ထောင်ချခံရတာကို ဆုတံဆိပ်လိုသဘောထားကြသူတွေရှိတယ်။ ပြည်ပထွက်ကြသူတွေထဲမှာလည်း တချို့က သူတို့ကိုယ်သူတို့ တက္ကသီလာမှာ အဋ္ဌာရသပညာတွေ သင်ပြီးပြန်လာသလို အထင်ရောက်ကြတယ်။ အကုန်မဟုတ်ပါ။ တလှေလုံးတော့ မပုပ်ပါ။

ပိုနေမြဲကျားနေမြဲတွေထဲလည်း အမျိုးမျိုးကွဲတယ်။ အတွေ့အကြုံများလာတော့ ငယ်ရွယ်သူတွေ (ကျောင်းသားအုပ်စု) ထဲမှာ တိုးတက်လာသိမြင်လာကြသူတွေရှိတယ်။ မငယ်သူတွေထဲမှာ ကြီးမိုက်ဆိုတာ တကယ်ရှိတယ်။ ဗီဇ (ဥာဉ်) ကို  မပြင်နိုင်ကြပါ။ နှုတ်အာကြမ်းတဲ့သူတွေက အသက်ဘယ်လောက်ရရ ကြမ်းနေကြတာပဲ။ တချို့ကလည်း နေရာတကာမှာ ဗိုလ်သာလုပ်ချင်ကြတယ်။

ပေါင်းကြည့်မှသိရတာတွေ မနည်းပါ။ ဓါးဆိုတိုင်း သွေးလို့မထက်ပါ။ တချို့ကတော့ဗျာ (ကန်တော့ပါ) ဘုန်းကြီးလူထွက်နဲ့ နှိုင်းလို့ရတယ်။

ဒေါက်တာတင့်ဆွေ
၂၅-၈-၂ဝ၁၅

Correct word ယုန်ကလေး နှာမစေးပါ

စာအရေးအသားနဲ့ သတ်ပုံအကြောင်းရေးပြန်လို့ အငေါ့ခံရအုံးမလားတော့မသိပါ။

မေးခွန်း = ခဏခဏနှာဆေးတတ်ပါတယ် ကိုယ်ဝန်နဲ့ဆိုတော့ကလေးကိုမထိခိုက်တဲ့ဆေးညွှန်းပေးပါဦးဒေါက်တာ
ကျေးဇူးတင်ပါတယ
နှာစေးတယ်လို့ရေးတာပါလား။ (ဆေး) နဲ့ (စေး) မတူပါ။ နှာဆေးဆိုရင် နှာခေါင်းကိုဆေးကြောတာဖြစ်မယ်။ Nasal spray နှာခေါင်းထဲဆေးပန်းတာလုပ်တာကိုခေါ်တယ်။ နှာစေးတာက Common cold အအေးမိတာနဲ့ Allergic rhinitis နှောခါင်း အလာဂျီရတာဖြစ်မယ်။

ဒေါက်တာတင့်ဆွေ
၂၅-၈-၂ဝ၁၅

Match box မီးခြစ်

- ဆေးဝါးကအစ ဘာပစ္စည်းဝယ်ဝယ် ဘယ်နှစ်နှစ်အာမခံဆိုတာရှိတယ်။
- ဒေလီမှာနေတုံးက နွေရာသီမှာ ဝါတာကူလာဆိုတာ အိမ်တိုင်းမှာမရှိမဖြစ်သုံးကြရတယ်။ နောက်တနှစ်ဆို ပြင်ရမယ်။ ရောင်းတာကလည်း တရာသီသာအာမခံတယ်။
- မြန်မာပြည်မှာ ဥတုသုံးပါးခံဆိုတာ ပေါ်ကာစက နတ်သမီးတံဆိပ်နဲ့ ယမ်းမီးခြစ်။
- အခု ငါးနှစ်အာမခံဆိုတာ ရှာနေကြပြီ။ ယမ်းမပါတဲ့ မီးခြစ်ပဲလိုချင်တယ်။

ဒေါက်တာတင့်ဆွေ
၂၅-၈-၂ဝ၁၅

Sweet words ဗမာလိုဗိုလ်လို နှုတ်ချိုချို

- မင်္ဂလာပါလို့မပြောဖူး မရေးဖူးပါ။ ကောင်းသောမနက်ခင်းပါလို့လည်း မသုံးပါ။
- ဆောရီးလို့တော့ ပြောလည်းသလို ရေးလည်းရေးနေတယ်။ သိုင်းကျူးလို့တော့ ဗိုလ်လိုပြောပေမယ့် ဗမာလိုမရေးပါ။
- အိပ်မက်ချိုချိုလို့တော့ တခါမှဘာသာမပြန်ဖူးပါ။ (ဆွိ ဒရင်းမ်) လို့ အင်္ဂလိပ်စာလုံးနဲ့ရေးပါတယ်။
- ရင်းနှီးတဲ့သူကနေ အဲလိုရေးလာရင် မနက်ရောက်တော့ ဆီးချိုစစ်ပါလို့ပြန်ရေးတယ်။
- မနေ့ညက ဆေးခန်းမှာလာကူခဲ့တဲ့ဆရာမတယောက်ကနေ အဲလိုရေးတာဖြစ်လို့ (အင်စူလင် ဒရင်းမ်) လို့ရေးလိုက်တယ်။ (အင်စူလင်) ဆိုတာ ဆီးချိုအတွက် ထိုးဆေး။
- မြန်မာနိုင်ငံသားတွေ နှုတ်လည်းချိုကြပါစေ၊ ဆီးချိုဘေးကဝေးကြပါစေ။

ဒေါက်တာတင့်ဆွေ
၂၆-၈-၂ဝ၁၅

Tuesday, August 25, 2015

Attention to အရွေးမခံကြသူများခင်ဗျား

အခုပဲ အထဲကလူရွယ်တယောက်နဲ့ စကားစမြီပြောဖြစ်တယ်။ အနုတ်သဘောဆောင်တာတွေကိုရေးပြပြီး ဒါပေမဲ့ လှုပ်ရှားမှု့တော်တော်များများမှာ လူငယ်တွေပါဝင်လာတယ်။ ဖေ့စ်ဘွတ်ခ် ကွန်ယက်အကျိုးကျေးဇူးများလာတယ်။ အရာတိုင်းကို အရင်လိုလက်မခံကြဘူး။ တွေးလာကြပြီ။ စာလည်းပြန်ဖတ်လာကြတယ်။ ကျမတို့တိုင်းပြည်က သဘောင်္ကြီးနစ်တာ ဆန်ဆေးတောင်းနဲ့ဆယ်ရသလိုဖြစ်နေတော့၊ အားမှန်သမျှစုနေရမှာ။ စုန်းပြူးတွေနဲ့ ထိပ်ချလို့ ဓားပြမှန်းမသိသူတွေကလွဲရင် NLD ကိုမဲပေးမယ်။ ထုတ်/ထွက်တွေကို ကောက်စားလည်း အားအများကြီး ပါမသွားရင်တော်ပါပြီ။ ပြန်တိုက်တိုင်းလဲမရ၊ မိုက်တိုင်းလဲ ထောင်နန်းကြွရတဲ့ ဒီအာဏာရှင်အစိုးရ ကျဆုံးပွဲက ဖဲ့ချွေနည်းနဲ့ပဲ တိုးဝင်နေရသလို ဖြစ်နေပြီ။ ဆရာရေ့့ ကျမလဲ နိုင်ငံမခြားတဲ့ နိုင်ငံခြားမှာနေတယ်။ တရုတ်ပြည်ရဲ့ မန္တလေး။

ဆရာ စာတပုဒ်ရေးပြီးပြီ။ ပို့ထားတယ်။ မကြာခင် တင်မယ်။
- အနုပညာသည်တွေ စာပေပညာရှင်တွေရဲ့အစွမ်းကို လျှမ်းလျှမ်းတောက်စေချင်နေတယ်။
- အရွေးမခံကြသူတွေရဲ့ အတ္တနည်းပါးမှုနဲ့ ပရဟိတစိတ်ကို ဖိတ်ခေါ်ချင်တယ်။
- လူငယ်လူရွယ်တွေ ဉာဏ်နဲ့မာန်ကို သိချင်တယ်။

ဒေါက်တာတင့်ဆွေ
၂၆-၈-၂ဝ၁၅

System အပြစ် = စနစ်

Hayman Nyinyi ဆရာအချိန်ရရင်ဖြေပေးပါဦးနော်။ အခုမြန်မာပြည်မှာ ဆရာဝန်အထူးကုတွေနဲ့ ဆရာဝန်ငယ်တွေကြားမှာ လူနာတွေ မြေစာပင်ဖြစ်နေကြပါတယ်။ ဆရာဝန်ကြီးက ဒီဆေးသောက်ပြီးရင် တသက်လုံးသောက်ပေါ့။ ဥပမာပြောရရင် သွေးတိုးလူနာပေါ့ဆရာ။ ငယ်တဲ့ဆရာဝန်ကြတော့ ၇ နှစ် ၈ နှစ်စွဲသောက်တာမကောင်းဘူး။ တခြားဆေးဖက်ဝင်အပင်က ထုတ်တဲ့ herbal အမျိုးအစားနဲ့အစားထိုးပေါ့ဆရာ။ လူနာမှာ ဘာလုပ်ရမှန်းမသိတော့ဘူးပေါ့ဆရာ။ ဆရာ့အနေနဲ့ ဒါကို ဘယ်လိုမြင်ပါလဲ။ တကယ်ဖြစ်သင့်တာက ဘယ်လိုပုံစံလဲ။ ဆရာဝန်အထူးကုတွေက ဒီမှာ ၁ နာရီအတွင်း ရှိသမျှ လူနာ အကုန်ကြည့်တော့ လူနာပြောတာနားထောင်ဖို့ အချိန်မရဘူးဆရာ။ ဆရာဝန်ကြီးအားလုံးကိုမဆိုလိုပေမယ့် အများစုကတော့ဖြစ်နေတယ်။ နှလုံးဆရာဝန်က သူ့ရောဂါကုဖို့ပဲ။ လူနာကဆီးချိုလဲဖြစ်နေတယ်။ ဆီးချိုဆေး သူမကြည့်တော့ဘူး။ လူနာမှဆေးတွေများပြီး ဆေးတထုပ်နဲ့ ဘာလုပ်ရမှန်းမသိတော့ဘူးဖြစ်ကြတယ်။ ဆရာ့အမြင် ဆေးကုသမှုတွေ ဘယ်လိုလုပ်ဖို့လိုလဲ။ လူနာအတွက် ဒုက္ခမဖြစ်ဖို့ ကျင့်ဝတ်တွေလိုက်နာဖို့လိုနေပြီလား။ လူနာကို အချိန်ပေးမှုအားနည်းတာက ဘယ်လိုဆိုးကျိုးတွေဖြစ်စေလဲဆရာ။ လူနာနဲ့ဆရာဝန်ဆက်ဆံရေးအားကောင်းဖို့ နှစ်ဖက်လုံးက ဘာတွေလုပ်သင့်လဲဆရာ။ ကျေးဇူးပြုပြီးဖြေပေးပါဦးနော်ဆရာ။

ဟုတ်။ အထူးကုဆရာဝန်တွနဲ့ ငယ်တဲ့ဆရာဝန်တွေကြားမှာ မငယ်တဲ့ရိုးရိုးဆရာဝန် ကျွန်တော်ပါ ဝင်ပြောရင်တော့ ပိုပြီး ရှုတ်ထွေးတော့မယ်ထင်တယ်။ ပြောရမှာပါပဲ။ (က) အခြေခံအချက်ကတော့ တသမတ်တည်းယူဆတာ မှားတတ်တယ်။ တသက်လုံးသောက်ပါ၊ စွဲမသောက်နဲ့ဆိုတာ နှစ်ခုလုံးက အစွန်းမလွတ်ပါ။

မေးခွန်းထဲက ဥပမာကောင်းပါတယ်။ သွေးတိုး၊ ဆီးချိုစတဲ့ရောဂါတွေဟာ အရှင်းပျောက်စေတဲ့ဆေး မရှိသေးပါ။ အဲတာကြောင့် တသက်လုံးလိုတယ်လို့ပြောရတာဖြစ်တယ်။ ဒါပေမယ့် တိကျအောင်ပြောပါရစေ။

(၁) သွေးတိုး
သွေးတိုးကိုကုသနည်းမှာ ဆေးပေးနည်းတခုတည်းမဟုတ်ပါ။ ဆေးကိုပဲပြောကြရင် သွေးတိုးကျဆေး အမျိုးအစားတွေက များတယ်။ ဆီးသွားစေတဲ့ဆေးအုပ်စု၊ (ဘီတာ-ဘလော့ကား) အုပ်စု၊ (အေစီအီး-အင်ဟဘစ်တာ) အုပ်စု၊ (အေအာရ်ဘီ) အုပ်စု၊ (စီစီဘီ) အုပ်စု၊ (အာလ်ဖါ-ဘလော့ကား) အုပ်စု။ များသောအားဖြင့် သွေးကျဆေး တမျိုးမက ရောပေးပါတယ်။ နှလုံးမကောင်းရင်၊ ကျောက်ကပ်မကောင်းရင်၊ နှလုံးသွေးကြောကျဉ်းနေရင် ဆေးအတွဲတမျိုး။ နှလုံးခုန်မြန်နေသူများနေသူတွေကို တမျိုး။ ကိုယ်ရောင်နေရင် တမျိုး။ ကိုယ်ဝန် သွေးဆိပ်တက်ရောဂါဖြစ်နေရင်တမျိုး။ သွေးတိုးများလွန်းနေရင်တမျိုး။ အရေးပေါ်အခြေအနေမှာတမျိုး။

လူနာတဦးကို ဒီဆေးတသက်လုံးသာသောက်တော့လို့ မပြောတာ မမှန်ပါ။ BP သွေးဖိအားဆိုတာ မိနစ်တိုင်း တက်လိုက် ကျလိုက်ရှိတယ်။ အဲတာကြောင့် ဆေးအတိုးအလျှော့လိုတယ်။ ဆေးတွေမှာ ဘေးထွက်ဆိုးကျိုးတွေရှိတယ်။ အဲတာတွေကို ခံစားကြရတာ တယောက်နဲ့တယောက်မတူပါ။ ဒီဆေးကိုခံနိုင်ရည်မရှိဖြစ်လာရင် နောက်ဆေးကို ပြောင်းပေးရတယ်။ တယောက်တည်းမှာလည်း တသမတ်တည်းမဟုတ်ပြန်ပါ။ ပဌမဆေးနဲ့ သွေးတိုးက ထင်သလောက် မကျရင် နောက်ဆေးပြောင်းရမယ်။ တတိယအကြိမ်၊ စတုတ္ထအကြိမ် စသဖြင့် ပြောင်းရတာလည်းရှိနိုင်တယ်။

(၂) ဆီးချို
သွေးဖိအားလိုပဲ သွေးထဲကသကြားဓါတ်ဟာ ပြောင်းနေတယ်။ အစားအသောက်တခုဝင်တာနဲ့ တက်မယ်။ အစားအသောက်မှားတာနဲ့ အများကြီးတက်မယ်။ အဲတော့ ဆေးကို အတိုး-အလျှော့လုပ်ရမယ်။ ဆီးချိုမှာတော့ ဆေးပြောင်းပေးရတာ နည်းတယ်။ ဒါတောင်မှ Metformin ကိုအများဆုံးသုံးပေမယ့် တခြားဆေးတွေလည်းရှိသေးတယ်။ Biguanides ဆေးအုပ်စု၊ Sulfonylureas ဆေးအုပ်စု၊ Thiazolidinediones ဆေးအုပ်စု၊ DPP-4 Inhibitors ဆေးအုပ်စု၊ Alpha-glucosidase Inhibitors ဆေးအုပ်စု၊ Bile Acid Sequestrants ဆေးအုပ်စု၊ Combination Pills ဆေးအတွဲများ။

မေးခွန်းထဲက စွဲမသောက်သင့်ဖူးဆိုဟာ တိတိကျကျပြောရရင် (စတီရွိုက်) ခေါ် (ကော်တီဇုန်း) ပါတဲ့ဆေးတွေ ဖြစ်တယ်။ ထိုးဆေး၊ စားဆေး၊ လိမ်းဆေးတွေရှိတယ်။ သုံးတဲ့နေရာ ရောဂါတွေကလည်း အလွန်များတယ်။ တာရှည်သုံးရင် ဘေးထွက်ဆိုးကျိုးတွေ အတော်ဆိုးတယ်။ ဘေးထွက်ဆိုးကျိုးတွေ တလှေကြီးရှိတယ်။

(ခ) လူနာ-ဆရာဝန်ဆက်ဆံရေးအကြောင်းတော့ ရေးဘူးတယ်။ မေးခွန်းမှာပါတာက အထူးကုဆရာဝန်တွေမှာ အချိန်နည်းတာဖြစ်တယ်။ အဲတာလည်း မှန်တယ်။ ဆရာဝန်တွေကို အချိန်များများပေးပါပြောတဲ့နည်းက အဖြေမဟုတ်ပြန်ပါ။ မြန်မာပြည်မှာကနေ့ဖြစ်နေရတဲ့ ဆေးကုသမှုနည်းစနစ်မှာ လိုအပ်ချက်တွေအများကြီးရှိတယ်။ စာတပုဒ်နှစ်ပုဒ် ရေးတာတောင်မှ ပြည့်စုံမှာမဟုတ်ပါ။

(ဂ) နမူနာလေးတခုတော့ ပေးပါရစေ။ ကျွန်တော် ပြီးခဲ့တဲ့သောကြာနေ့မနက်အိပ်ရာအထကတည်းက ခေါင်းမူးရောဂါ ဖြစ်တယ်။ ဖေဖေါ်ဝါရီလဆန်းတုံးက ညအချိန်အရေးပေါ်ဆေးရုံသွားပြခဲ့တုံးကပေးတဲ့ဆေးသောက်တော့သက်သာတယ်။ ဆေးကုန်တော့မှာမို့ မနေ့က ဆရာဝန် (ကိုယ့်အတွက်သတ်မှတ်ပေးထားပြီးဖြစ်တဲ့ဆရာဝန်) ကို ဖုန်းနဲ့ရက်ချိန်းယူတော့ ကနေ့မနက် ၈ နာရီ ၁၅ မိနစ်မှာသွားပြရတယ်။ ရောက်တာနဲ့ သူနာပြုက အခြေခံစစ်ဆေးတာတွေ (အလေးချိန် + သွေးဖိအား + နှလုံးခုန်နှုန်း + အပူချိန် + အသက်ရှူနှုန်း) တွေလုပ်တယ်။ ဆေးမှတ်တမ်းတွေအားလုံး (ကွန်ပြူတာထဲမှာ သိမ်းထားပြီး) ကို ပြန်ဖတ်ပြီး လိုတာကို မေးတယ်။ ခဏနေတော့ ဆရာဝန်ရောက်လာတယ်။ လိုတာတွေ စစ်မေးတယ်။ သက်သာတယ်ဆိုတဲ့ဆေးကို ကျွန်တော့်ရှေ့မှာတင် ဆက်သောက်ဖို့ ဆေးဆိုင်ကို (အီးမေးလ်) နဲ့ပို့လိုက်တယ်။ နောက်ဆုံးမှာ ဘာများမေးချင်သေလည်းလို့ ဆရာဝန်ကမေးတယ်။

အိမ်ပြန်ရောက်ပြီး နာရီဝက်လောက်နေတော့ ဆေးဆိုင်ကနေ ဆေးလာထုတ်လို့ရပြီဆိုတဲ့ဖုန်းလာပါတယ်။ အခုစာရေးနေချိန်မှာ အန်တီက သူ့အတွက် မနေ့ကတည်းက ဆေးလာထုတ်ပါဆိုတဲ့ သွေးတိုးအတွက်ဆေးရော ကျွန်တော့ဆေးပါ ထုတ်လာခဲ့ပြီးပါပြီ။ အစကနေအဆုံး ပိုက်ဆံလည်းတပြားမှမကုန်ခဲ့ပါ။

စနစ်ညံ့တာမှန်သမျှ ပြင်ကြရပါမယ်။

ဒေါက်တာတင့်ဆွေ
၂၅-၈-၂ဝ၁၅

Heel Spur ခြေဖနောင့်အရိုးအတက်ထွက်ခြင်း

သမီးအကိုတစ်ယောက်က ယခု့့ မှာအလုပ်လုပ်နေပါတယ်။ သူ့ခြေထောက်နာနေတာကြာနေပါပြီ။ မနက် အိပ်ယာထရင် မလှုပ်နိုင်သေးပါဘူး။ သွေးပူမှလှုပ်ရှားလို့ကောင်းလာပါတယ်။ ဖြစ်တာက ၆ လလောက်ရှိပါပြီ။ အသက်က ၂၈ နှစ်ပါ။ မနေ့ကမှ ဓါတ်မှန်ရိုက်တာ ခြေဖနောင့်မှာအရိုးအတက်ထွက်တယ်လို့ သိရပါတယ်ဆရာ။ ဆရာဝန်တွေကတော့ ခွဲရမယ်လို့ပြောပါတယ်။ ငွေလဲကုန်မယ်လို့ပြောပါတယ်။ ဘယ်လိုလုပ်လို့ရပါလဲဆရာ။

ခြေဖနောင့်အရိုးအတက်ဆိုတာ အရိုးလိုပဲ ကယ်လ်စီယမ်တွေစုပုံနေတာဖြစ်တယ်။ ဓါတ်မှန်ရိုက်ရင် လက္ခဝက်လောက်ရှိတဲ့ အတက်လေးထွက်နေတာတွေ့ရမယ်။ တခါတလေ မနာဘူး။ ကြာတော့နာလာမယ်။ Plantar fasciitis ခေါ်တဲ့ ခြေအရွတ်ပြားရောင်တာနဲ့ ဆက်စပ်နေတတ်တယ်။

ဘာလို့ဖြစ်သလည်း မပြောနိုင်ပါ။ အားကစားသမ်ားတွေပြေးရတာများရင်ဖြစ်တတ်တယ်။ ဝတဲ့သူမျာများတယ်။ ဖိန်ပမတော်တာစီးရင်လည်းဖြစ်နိုင်တယ်။ အသက်ရလာတာ၊ ဆီးချိုရှိတာ၊ မတ်တတ်ရပ်များတာ၊ ခြေနှစ်ဖက် မညီတာတွေကနေ Plantar fasciitis ပါဖြစ်နိုင်တယ်။ နာရင် စူးရှပြီးနာတယ်။ အပ်နဲ့ထိုးသလိုနေမယ်။

နာတာကနားယုံနဲ့မသက်သာတတ်ပါ။ တချို့ဆို အိပ်ယာထ ပိုဆိုးသေးတယ်။ လမ်းလျှောက်ရင် နာတာ သက်သာမယ်။

လေ့ကျင့်ခန်းနည်း + အနာသက်သာဆေး + ကော်တီဇုန်းထိုးဆေး နဲ့ ခွဲစိတ်ကုသနည်းတွေလုပ်ရနိုင်တယ်။

Stretching exercises ခြေလက်ဆန့်တန်းတဲ့လေ့ကျင့်ခန်းလုပ်တာကောင်းတယ်။ ဖိနပ်အနေတော်ပါစေ။ Taping or strapping အထူးလုပ်ထားတဲ့ပလာစတာကပ်ထားနိုင်တယ်။ Physical therapy ဖီဇီကယ်သာရာပီလုပ်နိုင်တယ်။ Functional orthotic device ခေါ်ကိရိယာတပ်ထားနိုင်တယ်။ ရေခဲတင်နိုင်တယ်။ ခြေထောက်ကို နားနေချိန်မှာ မြှင့်ထားပေးပါ။

Acetaminophen (Paracetamol/Tylenol), ibuprofen (Advil), Naproxen (Aleve) အနာသက်သာဆေး တခုခု သောက်နိုင်တယ်။ Corticosteroid injection ကော်တီဇုန်းထိုးဆေးထိုးရင် ဆေးအရှိန်ရှိနေရင် မနာတော့ဘူး။ Surgery ခွဲစိတ်ကုသနည်းလုပ်ရင် ၉ဝ% သက်သာပျောက်ကင်းတယ်။ ခွဲစိတ်နည်းမှာ Release of the plantar fascia နဲ့ Removal of a spur ဆိုပြီး ၂ နည်းရှိတယ်။

ဒေါက်တာတင့်ဆွေ
၂၅-၈-၂ဝ၁၅

Monday, August 24, 2015

Universal flu vaccine comes closer တုပ်ကွေးကာကွယ်ဆေးနီးစပ်လာပြီ

လွန်ခဲ့တဲ့၉ နာရီကထွက်တဲ့ဆေးသုတေသနသတင်းဖြစ်ပါတယ်။ တုပ်ကွေးမျိုးစုံကို တသက်တာကာကွယ်နိုင်မယ့် ကာကွယ်ဆေးဖြစ်ပါမယ်။ အကောင်တွေကို စမ်းသပ်ပြီးပါပြီ။

အမေရိကန်ဆရာဝန်တွေကနေ နှစ်ဖွဲ့ခွဲပြီးစမ်းသပ်နေတာပါ။ လက်ရှိထိုးနေရတာက တနှစ်တခါထိုးရတဲ့ ကာကွယ်ဆေး ဖြစ်ပါတယ်။ တုပ်ကွေးဖြစ်စေတဲ့ဗိုင်းရပ်စ်က မြူတေးရှင်းခေါ်တဲ့မျိုးဗီဇပြောင်းပြောင်နေလို့ တနှစ်သာခံတယ်။ အဲဒီအခက်အခဲကိုကျော်လွှားတဲ့နည်းကရှာဖွေထားတာဖြစ်ပါတယ်။

လက်ရှိကာကွယ်ဆေးက ဗိုင်းရပ်စ်ရဲ့မျက်နှာပြင်ကိုပစ်မှတ်ထားပါတယ်။ အဲဒီနေရာက ပြောင်းလဲတတ်လို့ ဆေးသက်တမ်း ကြာကြာမခံပါ။

တုပ်ကွေးဆိုတာ နှာချေ ချောင်းဆိုးရာက တယောက်ကိုတယောက် ကူးစက်လွယ်ပါတယ်။

ဒေါက်တာတင့်ဆွေ
၂၄-၈-၂ဝ၁၅
http://www.bbc.com/news/health-34038808

Vote Rain ပုလဲမှာရွာတဲ့မိုး

- ပုလဲမှာရွာတဲ့မိုး ပေါင်းမြက်တွေကတိုး၊
- သစ်ပင်တွေအရိုးရှည် လူသူမနေကြာရှည်၊
- လွမ်းသလေမောင်ကြီး ရွေးကောက်ပွဲနီး၊
- သည်းကြီးမည်းကြီး ၁၉၉ဝ တုံးကလို နယ်အစုံမှာ မဲမိုးကြီးရွာစေသောဝ်။

ဒေါက်တာတင့်ဆွေ
၂၄-၈-၂ဝ၁၅
(ကနေ့ရိုက်ပို့လိုက်တဲ့ ပုလဲက ကျွန်တော့်ဆေးခန်းအိမ်ကလေး)

Eggs ကြက်ဥ အစရှာခြင်း


၁။ ဆရာရှင့် ၂ နှစ်ခွဲကလေးငယ်အား ကြက်ဥတနေ့ဘယ်နှစ်လုံးကျွေးလို့ရပါသလဲရှင့်။ သားငယ်လေးက ပါးစပ်အနာပေါက်ပြီးကတဲက အဖတ်ဆိုကျွေးလို.မရဘူးဖြစ်နေပါတယ်ရှင့်။ ကြက်ဥကာကြက်ဆိုရင်စားနေလို့ပါ။

၂။ ဆရာ ကျွန်တော်က ကြက်ဥကိုအရမ်းကြိုက်ပါတယ်။ တပတ်ကို ၅-၆ လုံးအထိ စားဖြစ်ပါတယ်။ ဒါပေမယ့် တစ်ချို့လူကြီးတွေပြောသံကြားတာတော့ ကြက်ဥအဆံကိုစားရင် ထုံသွားတယ် (ဥာဏ်ထိုင်းသွားတယ်) လို့ ပြောကြပါတယ်။ တစ်ကယ်လို့ အဲလိုတကယ်ပဲ ဥာဏ်ထိုင်းသွားတယ်ဆိုရင် အကြောင်းရင်းကို သိချင်ပါတယ်ဆရာ။

လူတွေဟာ ဟိုရှေးရှေးကတည်းက ဥမျိုးစုံကို စားသုံးခဲ့ကြတယ်။ Chicken ကြက်ဥ၊ Duck ဘဲဥ၊ Goose ငန်းဥ၊ Quail ငုံးဥ၊ Roe ငါးဥ၊ နဲ့ Caviar ငါးကြီးဥ၊ Ostriches ငှက်ကုလားအုတ်ဥ အစုံပေါ့။ အာဖရိကားမှာတော့ Pheasant eggs ရစ်ဥ၊ Guineafowl eggs ရစ်တမျိုးဥ၊ သြစတြေးလျမှာ Emu eggs အီမျူးဥတွေကို စားကြတယ်။ Gull eggs စင်ရော်ဥကို နော်ဝေနဲ့ အင်္ဂလန်မှာ Delicacy ရသာမွန်လို့ ပြောပြီး လူကြိုက်များတယ်။

ကြက်ဥရဲ့အရောင်ဆိုတာ အကောင်အမျိုးအစားအပေါ် မူတည်တယ်။ ကြက်နားသီးဖြူရင် ဥကဖြူတယ်။ နီရင် ညိုမယ်။ အရောင်နဲ့ အာဟာရတန်ဘိုးက ဆက်စပ်မှု သိပ်မရှိပါ။ အဝါနှစ်ဟာ လတ်ဆတ်နေချိန်မှာ သေးသေးမာမာနဲ့ ဝိုင်းနေတယ်။ ကြာရင် အဖြူထဲကရေကို စုပ်ယူလို့ ကြီးလာ၊ ကျဲလာ၊ ကျယ်လာမယ်။ ကြက်စားတဲ့ အစာအပေါ်မူတည်ပြီး အနှစ်ရောင်က ပြောင်းသေးတယ်။

ကြက်ဥပြုတ်ရင် ကြက်ဥကို အခန်းတွင်းအပူချိန်မှာရှိစေအောင်ထားပြီးမှ ပြုတ်သင့်တယ်။ အိုးအဖုံးကို ဖုံးမထားပဲ ပြုတ်တာကောင်းတယ်။ တောင်ပေါ်လို အမြင့်မှာဆိုရင် အချိန်ပိုကြာတယ်။ လေဖိအားနည်းလို့ ရေငွေ့ပျံလွယ်လို့ဖြစ်တယ်။ မီတာ ၁ဝဝ ပိုမြင့်ရင် ၃ စက္ကန့်၊ မီတာ ၁ဝဝဝ ပိုမြင့်ရင် ၂၈ စက္ကန့် ပိုကြာတယ်။ (62.2 - 65°C) အထိ အပူပေးလိုက်ရင် အဖြူကခဲလာမယ်။ အဝါကတော့ နည်းနည်းပိုပူမှ (65 - 70°C) မှ ခဲမယ်။ အပူပေးတာများရင် အရသာတော့မပျက်ပါ။ ပရိုတင်းကိုတော့ နဲနဲထိခိုက်စေတယ်။ အပူများသွားရင် အဝါနှစ်ဘေးမှာ ခပ်စိမ်စိမ်းအလွှာ ပေါ်လာတယ်။ သံဓါတ်နဲ့ (ဆာလ်ဖါ) ဓါတ်ကြောင့် ဖြစ်ရတယ်။ ပြုတ်တဲ့ ရေထဲမှာ သံဓါတ်များနေရင်လဲ အဲလိုဖြစ်ပါတယ်။ ကျက်ပြီးမှ ရေအေးထဲနှစ်ထားလိုက်ရင် အစိမ်းလွှာ ပျောက်တယ်။

ဥတွေကို ကိုင်တွယ်ထိန်းသိမ်းတာ အရေးကြီးတယ်။ စနစ်တကျ မရှိရင် သူ့ထဲမှာ ပါနေတဲ့ Salmonella ဗက်တီးရီးယားပိုး ကြောင့် Food poisoning အစာဆိပ်သင့်တာ ဆိုးဆိုးဝါးဝါး ဖြစ်စေနိုင်တယ်။ အလွယ်ဆုံးနည်းက ဆားသုံးတဲ့နည်းပါ။ တရုပ်တွေက ဆားနဲ့ ရွံ့နဲ့ မံကြတယ်။ ဆားနဲ့ တလထားရင် အဝါနှစ်က ဆားပြည့်ဝသွားပြီး၊ လိမ်မော်ရောင် ဖြစ်လာမယ်၊ အဖြူရည်က ဒီအတိုင်း ကျန်နေမယ်။ ဒါကို ပြုတ်ပြီး Rice congee ဆန်ပြုတ်နဲ့ စားသုံးလေ့ရှိကြတယ်။ ကြက်ဥကို ကြက်မကနေအုပြီးနောက် ၁-၂ ပါတ်မှာစားသုံးတာအသင့်ဆုံးဖြစ်တယ်။

နောက်တနည်း ဥကိုပြုတ်၊ ဗနီဂါရည်၊ ဆားနဲ့ ချင်းထဲစိမ်ပြီး Pickled eggs ကြက်ဥအချဉ်လုပ်ကြတယ်။ တချို့ Beetroot juice မုံလာဥနီအရည်မှာစိမ်ထားပြီး အရောင်လှအောင်လုပ်တယ်။ အချဉ်ဓါတ်က ဗက်တီးရီးယားပွါးမှာကို တားဆီးနိုင်တယ်။ ဒီလိုလုပ်ထားတဲ့ ဥတွေက ရေခဲသေတ္တာမရှိဘဲ နှစ်နဲ့ချည်ပြီး အကြာကြီးထားလို့ခံတယ်။

ဥကို ဆား၊ ပြာ၊ ရွံ့၊ သံပရာ-ရှောက်ရည် လိမ်းပြီးထားရင် နှစ်တရာခံသတဲ့။ ကောက်ရိုးနဲ့ထားရင် လနဲ့ချည်ပြီး ထားနိုင်သတဲ့။ ကြာကြာထားတဲ့ဥက အဝါနှစ်ဟာ စိမ်းပုတ်ရောင်ဖြစ်လာစေတယ်။ (ဆာလ်ဖါ) နဲ့ (အမိုးနီးယား) ကြောင့် အနံ့တမျိုးလည်းရစေတယ်။ အဖြူနှစ်ကလည်း ညိုမဲလာမယ်။ Transparent jelly (ဂျယ်လီ) ဖြစ်လာတယ်။

ကြက်ဥရဲ့ထိပ်အကြီးပိုင်းမှာ Air cell လေခိုနေတယ်။ လေနည်းရင် ကြက်ဥက လတ်ဆတ်တယ်။ လေများတာ မကောင်းပါ။ စကားသိပ်မပြောနဲ့။ ရေထဲလိုက်ထည့်ရင်ပေါ်နေလေလေ ကြက်ဥကဟောင်းလေလေဘဲ။ ကြက်ဥကို ထားရင် အချွန်ပိုင်းက အောက်ကထားရတယ်။ အဝါနှစ်က လေရှိတာနဲ့ ဝေးအောင်လို့။

ကြက်ဥမှာ (ပရိုတင်း)၊ ဗီတာမင် (A, B2, B6, B9, B12, D, E) နဲ့ ဓါတ်ဆား သံဓါတ်၊ (ကိုလိင်း)၊ (ကယ်လ်စီယမ်)၊ (ဖေါ့စဖိတ်)၊ (ပိုတက်ဆီယမ်) တွေပါတယ်။ Choline ဆိုတာက ဦးနှောက်အတွက် ကောင်းတယ်။ ကိုယ်ဝန်ဆောင်နဲ့ နို့တိုက်မိခင်တွေအတွက် လိုအပ်တယ်။ ကြက်ဥခပ်ကြီးကြီးတလုံးရဲ့ အဝါက ကယ်လိုရီ ၆ဝ၊ အဖြူက ၁၅ ရတယ်။ (ကိုလက်စထော) ၃ဝဝ mg နဲ့ ဆီ ၅ gm ပါတယ်။ ၂၇% က LDL Cholesterol ဖြစ်တယ်။ အဖြူမှာ ရေ ၈၇% နဲ့ ပရိုတင်း ၁၃% ပါပြီး၊ အဆီ နည်းနည်းသာ ပါတယ်။ ကြက်ဥနဲ့ ဆီးချို (၂) အမျိုးအစားရှိသူ မသင့်ဘူး။ ကြက်ဥစားရင် ကလေးငယ်လေးတွေ အပါအဝင် တချို့မှာ (အလာဂျီ) ရတယ်။ အဖြူကိုမတည့်တာ များတယ်။ တချို့က မတည့်တာ မဟုတ်ပဲ မခံနိုင်တာဖြစ်တတ်တယ်။ ကြက်ဥကို ချက်ပြုတ်လိုက်ရင် အဝါနှစ်ထဲက (ကိုလက်စထော) ကို Oxidization များစေလို့ Atherosclerosis သွေးကြောကျဉ်းတာကို ပိုဖြစ်စေနိုင်တယ်။ အင်္ဂလန်မှာ နှလုံးရောဂါရှိသူတွေ တပါတ်ကို ကြက်ဥ ၄ လုံးထက်ပို အစားမခိုင်းဘူး။ WHO ကတော့ ၁ဝ လုံးအထိ စားနိုင်တယ်ပြောတယ်။ ၁ဝ လုံးဆိုတာ ကြက်ဥနဲ့လုပ်တဲ့ တခြား အစားအစာတွေကိုပါ ထည့်တွက်ရမယ်။

ကြက်ဥကို ပြုတ်-ကျော်-ချက်တာက အစာခြေဘို့ ပိုလွယ်စေပြီး Salmonellosis အစာဆိပ်သင်တာလဲ မဖြစ်စေဘူး။ အစိမ်းက အစာကျေခဲတယ်။ ကလေး ၉ လသားဆိုရင် အဝါနှစ်ကို အစာခြေနိုင်ပြီ။ နလံထသူတွေပါ စားသင့်တယ်။ အူမကြီး သိပ်မကောင်းသူတွေလဲ စားနိုင်တယ်။ ပိန်ချင်သူတွေ (ကာဗွန်ဟိုက်ဒရိတ်) နည်းလို့ ကြက်ဥ စားနိုင်တယ်။

လူအများသုံး ကြက်ဥတွေကို Unfertilized မျိုးမစပ်ရသေးတဲ့ဥ ခေါ်ပြီး၊ အိမ်မွေးဥကို Fertile eggs မျိုးပေါက်နိုင်တဲ့ဥလို့ ခေါ်တယ်။ အဟာရဓါတ်က နဲနဲသာကွာတာပါ။ ဒါပေမဲ့ Pastured egg အိမ်မွေး ကြက်ဥဟာ (ဆူပါမားကက်) တွေမှာ ရောင်းနေတဲ့ စက်ရုံထုတ် ကြက်ဥတွေထက် ကောင်းတဲ့အကြောင်း (ကင့်ပိန်း) လုပ်ကြတယ်။ Cholesterol ၃ ပုံ ၁ ပုံ၊ Saturated fat ၄ ပုံ ၁ ပုံနည်းတယ်။ ဗီတာမင် ဒီ ၄-၆ ဆ၊ Vitamin A ၃ ပုံ ၂ ပုံ၊ Omega-3 fatty acids ၂ ဆ၊ Vitamin E ၃ ဆ၊ Beta carotene ၇ ဆ ပိုများတယ်။ သူတို့နှိုင်းတဲ့ကိန်းဂဏန်းတွေက USDA နဲ့ ဖြစ်ပါတယ်။ ပြည်ခိုင်ဖြိုးပါတီနဲ့ မမှားပါနဲ့။ US Department of Agriculture အမေရိကန်စိုက်ပျိုးရေးဌာနကို ပြောတာပါ။

ကြက်မတွေကို Polyunsaturated fats and kelp meal အစာတွေကြွေးပြီး နာမည်ကြီး Omega 3 ပါတဲ့ ကြက်ဥတွေ ဆိုင်တင်ရောင်းနေကြပြီ။ အင်္ဂလန်မှာ ကြက်ဥရောင်းရင် Egg Code ပါတော့ အင်တာနက်ကနေ Tracker ဆိုတာရှာရင် ဒီကြက်ဥဟာ ဘယ်လောက်ဝေးတဲ့ ကမ္ဘာ့ဘယ်နေရာကနေ လာသလဲဆိုတာ တန်းသိစေနိုင်တယ်။ မြန်မာပြည်က စစ်အစိုးရကတော့ နာဂစ်မုန်တိုင်းမှာ ကွဲသွားတဲ့ ကြက်ဥအရေအတွက် အတိအကျကို သတင်းစာမှာရေးတယ်။

ကြက်ဥအရောင် တိမ်တောင်သဖွယ် မင်းရေးကျယ်ဆိုတာ နက်နဲရှုတ်ထွေးလို့ အမှန်းရခက်တယ်လို့ ဆိုလိုတယ်။ ကြက်ဥပြုတ် သံတုတ်နှင့်ချဆိုသလို သေးသေးလေးပေမဲ့ များများကြီးခံနေကြရတာကိုဆိုလိုတယ်။

Dr. တင့်ဆွေ

Sunday, August 23, 2015

Perforated eardrum နားစည်ပေါက်ခြင်း

ကျနော်က ကို့့ ပါ။့့ ရွာဇာတိပါ။ အသက်(၃၈)နှစ်ပါ။ ကျနော့်ညာဘက်နားစည်က ပုံပါအတိုင်း အပေါက် ဖြစ်နေပါတယ်။ အသံတွေကိုကွဲကွဲပြားပြားမကြားရပါ။ ဖြစ်နေတာ (၅)နှစ်လောက်ရှိပါပြီ။ နားကျပ်တံအမြဲသုံးပါတယ်။ ဘယ်လိုလုပ်ရမလဲ ညွှန်ကြားပေးပါဆရာ။

နားကို ခန္ဓာဗေဒအရ အပိုင်း ၃ ပိုင်းခွဲထားတယ်။ အပြင်ပိုင်း၊ နားစည်နဲ့ နောက်မှာ လေနဲ့ပြည့်နေတဲ့ နားအလည်ပိုင်း ရှိတယ်။ နှာခေါင်းနဲ့ နားအလည်ပိုင်းက (ပြွန်) နဲ့ ဆက်နေတယ်။ နားထဲကလေဟာ အဲဒီလမ်းကနေ ပြန်ထွက်တယ်။ ဦးနှောက်နဲ့ဆက်နေတဲ့ နားအတွင်းဆုံးပိုင်း။

နားစည်က အလုပ် ၂ မျိုး လုပ်ပေးနေတယ်။
၁။ အသံလှိုင်းက လာရိုက်ခတ်ရင် အာရုံကြောကတဆင့် အသံကြားရတယ်။
၂။ အလည်နားပိုင်းကို အပြင်လောကကနေ အကာကွယ်ပေးထားတယ်။

နားစည် ဘာလို့ ပေါက်ရသလဲ -
• Otitis media နားအလည်ပိုင်းပိုးဝင်တာကနေထွက်တဲ့အရည်ရဲ့ဖိအားကြောင့် နားစည်ပေါက်ရတယ်။
• Barotrauma နားစည်ရဲ့အတွင်းပိုင်းနဲ့ အပြင်ဘက်မှာ လေဖိအား သိပ်ခြားနားတဲ့အခါမှာဖြစ်တယ်။ Airplane ear လို့ ခေါ်ကြတယ်။ Scuba diving လုပ်ရင်လဲ ဖြစ်တတ်တယ်။
• သေနတ်သံလို၊ ပေါက်ကွဲသံ၊ ကျယ်လွန်းတဲ့အသံကြောင့် ဖြစ်တယ်။
• နားထဲကို အပြင်ပစ္စည်း တခုခုဝင်ရာကနေ ဖြစ်တယ်။
• ခေါင်းကို အပြင်းအထန်ခိုက်မိရာကနေ ဖြစ်တယ်။
• သိပ်အေးလွန်းတဲ့ ဥတုကြောင့်လဲ အအေးမိရာကနေ ဖြစ်စေနိုင်သေးတယ်။

နားစည်ပေါက်နေရင် -
• နားက နာနေမယ်။ နောက် ရုတ်တရက် နာတာပျောက်သွားတယ်။
• နားကနေ အရည်-ပြည်-သွေးထွက်မယ်။
• နားအကြား ထိခိုက်မယ်။
• နားထဲ ဆူညံသံတွေ ကြားနေရမယ်။
• ခေါင်း ပတ်ခြာလည်မူးမယ်။
• မူးရာကနေ ပျို့-အန်ချင်မယ်။

ဆက်တွဲခံစားရမှာတွေကတော့ -
1. နားမကြားတာ၊
2. နားအလည်ပိုင်း ရောင်ရမ်းတာ၊
3. နားအလည်ပိုင်းအိတ် ဖြစ်လာတာ၊

တချို့မှာ ခွဲစရာမလိုဘဲ အပေါက်ကပိတ်ပြီး ပျောက်သွားမယ်။ ပျောက်ဘို့ ရက်သတ္တပါတ်နည်းနည်းကနေ လတွေအထိ ကြာနိုင်တယ်။ နားထည့်ဆေးတိုင်း နားစည်ပေါက်သူနဲ့ မတည့်ပါ။ နားအထူးကုဆရာဝန်ညွှန်တာကိုသာသုံးပါ။ CILOXAN Eye Drop မှာ Ciprofloxacin hydrochloride ပါတယ်။ ပိုးတွေကို နိုင်တဲ့ဆေးဖြစ်တယ်။ နာတာရှည် ပိုးဝင်နေရင် ရေချိုး-ရေကူးတိုင်း နားကို Ear plug ဆို့စရာ တပ်ရတတ်မယ်။

၆-၈ ပါတ်နဲ့ မပျောက်ရင် ခွဲစိတ်ဘို့ လိုနိုင်တယ်။ Paper patch တခုခုနဲ့ ဖါထေးတာရယ် Tympanoplasty ခွဲစိတ် ပြုပြင်နည်းရယ် ရှိတယ်။ ကံမကောင်း ရင်တော့ နှစ်တွေ ကြာနိုင်တယ်။ တချို့ကြ ပြန်မရတတ်ဘူး။ Tympanoplasty ခွဲစိတ်ကုသတာက ၈၅-၉ဝ% အောင်မြင်တယ်။ တချို့မှာ နောက်တခါ ထပ်ခွဲရတတ်တယ်။

• Ear infections (1) နားပိုးဝင်ခြင်း (၁) http://dts-medicaleducation.blogspot.com/2011/04/ear-infection.html
• Ear Infections (2) နားပိုးဝင်ခြင်း (၂) http://dts-medicaleducation.blogspot.in/2012/06/ear-infections.html

Dr. တင့်ဆွေ
၁၁-၄-၂ဝ၁၆

Watery baby's eyes ကလေးမျက်ရည်ဝဲနေခြင်း

ကလေးမွေးပြီးတပါတ်နေမှ သတိထားမိတာပါ။ ကလေးအသက် ၁ နှစ်ရှိပါပြီ။ မျက်လုံးတစ်ဖက်တည်းက ယိုနေတာပါဆရာ။ ဘာကြောင့်လဲ။ ဘယ်လိုလုပ်ရင် ပျောက်ကင်းနိုင်မလဲ။ ကျေးဇူးပြုပြီး ပြန်လည်ဖြေပေးပါဆရာ။

မေးခွန်းမှာတော့ မျက်ရည်ဆိုတာမပါပါ။

မွေးကာစကလေးမှာ မငိုပဲနဲ့မျက်ရည်ဝဲနေရင် မျက်ရည်လမ်းကြောင်းလေးက ကောင်းကောင်းမဖွံ့ဖြိုးသေးလို့ဖြစ်ပါမယ်။ ကလေး ၁ဝ ယောက်မှာ ၁ ယောက်လောက် အဲလိုဖြစ်တတ်ကြတယ်။ သူ့အလိုလို ဖွံ့ဖြိုးမှုမီလာရင် ပြန်ကောင်းပါမယ်။

လူတိုင်းမှာ Lacrimal glands ခေါ်တဲ့ မျက်ရည်အိတ် တစုံစီ မျက်စိရဲ့အထက်နေရာမှာပါကြတယ်။ အဲဒီကနေ မျက်ရည်အမြဲထွက်နေပြီး မျက်ရည်ပြွန်ငယ်လေးကနေ နှာခေါင်ထဲစီးကျနေရမယ်။ အဲဒီအလုပ်မလုပ်နိုင်ရင် ထွက်သမျှ မျက်ရည်က မျက်လုံးမှာပဲ စိုရွှဲနေမယ်။ မျက်စိကျိန်းသလို နီရဲမနေ ရောင်မနေပါ။

မျက်စိကနေ ခပ်ပြစ်ပြစ်ထွက်နေတာရှိရင် အသာအယာ ရေစိုဝတ်ကလေးနဲ့ ရှင်းထုတ်ပေးပါ။ ကလေး မျက်စိ (နှာခေါင်းဖက်နေရာလေး) ကို လက်ချောင်းလေးတချောင်းတည်းနဲ့ နှိပ်သလိုဖိဖိပေးသင့်တယ်။

အဲလိုဖြစ်နေတဲ့ကလေးတွေမှာ မျက်စိပိုးဝင်တာပိုဖြစ်လွယ်တယ်။ အဲာဖြစ်လာရင် ပိုးသေဆေးပါတဲ့ မျက်စဉ်းအပျော့စား လိုလာပြီ။

တနှစ်သားအရွယ်ထိလည်းကြာတတ်တယ်။ လိုမယ်ထင်ရင် မျက်စိအထူးကုဆရာဝန်ကိုပြသင့်တယ်။

ဒေါက်တာတင့်ဆွေ
၂၄-၈-၂ဝ၁၅

Facebook and Election ဖေ့စ်ဘွတ်နဲ့ ရွေးကောက်ပွဲ

- ဖေ့စ်ဘွတ်မှာတော့ မဲလာဆွယ်လို့မရ။ အားလုံးက အရွေးခံမယ့်သူတွေထက်သာတယ်။
- အဲလိုလူတွေထက်သာတာက အရွေးမခံမယ့်သူ။ ဆူဆူလုပ်ရင် သန်းကောင်ယံမှာလာခဲ့မယ်တဲ့။
- ဘယ်ရမလည်း ဖေ့စ်ဘွတ်ကလူတွေကလည်း သန်းကောင်ထက် ညဥ့်မနက်သူချည်းပဲ။
- ကိုယ်ပိုင်အုပ်ချုပ်ခွင့်ရနယ်မြေမှာ ဖရင်း ၅ဝဝဝ တိတိရှိတယ်။ အပ်ချင်သူရှိလာရင် အရင်လူတွေကို မိဘနှစ်ဆက် စစ်ကြည့်ပြီး ထုတ်လိုက်မယ်။
- ဖေ့စ်ဘွတ်မှာလို ပါဝါရှိတာက ကော်မရှင်။ ရွေးကောက်ပွဲရလဒ်ကြည့်ပြီး ဘလော့ဖို့ကအဆင်သင့်တဲ့။
- ဖေ့စ်ဘွတ်သုံးတာကို စိစစ်ရမယ်ဆိုသူကို ချိုတပ်ပေးလိုက်ပြီ။
- ဖေ့စ်ဘွတ်အထက်မှာ ဘယ်သူမှမရှိစေရ။ မဟုတ်သေးဘူး အဲလိုပြောတဲ့သူ ခံရတတ်တယ်။
- ဖေ့စ်ဘွတ်အပြင်ဖက်မှာ ၂ဝ၁၅ ရလဒ်ရှိတယ်။

ဒေါက်တာတင့်ဆွေ
၂၃-၈-၂ဝ၁၅

Radio broadcasting

ရေဒီယိုကို မြန်မာ့အသံတခုတည်းသာရှိကတည်းက (အလယ်တန်းကျောင်းသားဘဝ) နားထောင်လာခဲ့ပါတယ်။ နောက်မှာ မိုးလုံးပြည့်မုသာဝါလို့ ဘွဲ့အမည်ရတဲ့ (ဘီဘီစီ၊ ဗွီအိုအေ၊ အေအိုင်အာ) ခေတ် (အာရ်အက်ဖ်အေနဲ့ ဒီဗွီဘီ ကို မထည့်သေးပါ) ရောက်တော့လည်း နေ့-ည မပြတ်နားထောင်ခဲ့ပါတယ်။

အခုတော့ (ဘီဘီစီ၊ ဗွီအိုအေ၊ အာရ်အက်ဖ်အေ) သုံးခုကို တနေ့မှာ မနက်-ည အနည်းဆုံး နှစ်ခုကို အွန်လိုင်းကနေ နားထောင်ပါတယ်။

ပြောင်းလဲလာတာတွေကို သတိထားမိတယ်။ မြန်မာ့အသံခေတ်တုံးက ဆရာရွှေဥဒေါင်းကနေ မြန်မာ့အသံသည် ကျွန်ုပ်၏ နားကိုကလောစေ၏လို့ လုပ်သားပြည်သူ့နေ့စဉ်မှာရေးတာကို ဖတ်ဖူးတယ်။

အခုတော့ ပြည်ပရေဒီယိုများတွင် အင်တာဗျူးပေးသူများသည် ကျွန်ုပ်၏နားထဲ အဆီအငေါ်မတည့်ဝင်လာတတ်၏။ တခါတရံ အင်္ဂလိပ်-မြန်မာ အဘိဓါန်ကိုလှန်ခိုင်း၏။ အခုလေးတင်းကြားလိုက်သေးတယ်။ ကွန်ဆာလ်တေးရှင်း မီတင်တွေ လုပ်ပါသတဲ့။ ကျွန်တော်လည်း တခါခါ လျှာချော်သွားတတ်၏။

ဒေါက်တာတင့်ဆွေ
၂၃-၈-၂ဝ၁၅

PCOS and Clomid မျိးဥအိမ်ရောဂါနဲ့ ကလေးရအောင်လုပ်နည်း

ဆရာရှင့် ကျွန်မ အသက် ၂၂ နှစ်ရှိပါပြီ။ အိမ်ထောင်ကျတာ ၃ နှစ်ရှိပါပြီ။ အမျိုးသားက ၂၆ ပါ။ အခုလက်ရှိ့့ မြို့မှာ နေထိုင်ပါတယ်။ ကျွန်မ ရာသီမမှန်တာ အိမ်ထောင်စကျကတည်းကပါ။ အပျိုတုန်းကတော့ အမြဲရာသီမှန်မှန် လာပါတယ်။ အိမ်ထောင်ကျပြီးတော့ ၃လ သန္ဓေတားဆေးထိုးပြီးနောက်ပိုင်း ရာသီမမှန်လို့ OG နဲ့ ပြကြည့်တော့ PCOS ဖြစ်နေတယ်လို့ ပြောပါတယ်။ PCOS နဲ့ပတ်သက်ပြီး ဆရာရေးထားတဲ့စာတွေဖတ်ဘူးပါတယ်။ ဒါပေမဲ့ ကျွန်မမှာ PCOS ရဲ့ လက္ခဏာတွေဖြစ်တဲ့ အမွေးပေါက်များတာ ဝက်ခြံတွေအများကြီးထွက်တာ အဝလွန်တာတွေမရှိပါဘူး။ အာလ်ထာဆောင်း အဖြေမှာ ovaries မှာ ရေအိပ်သေးသေးလေးတွေ အများကြီးဖြစ်နေတာနဲ့ ရာသီ လုံးဝထိန်နေတာ ဖြစ်ပါတယ်။ သန္ဓေတားဆေးမသောက်ရင် လုံးဝရာသီမလာပါဘူး။ ကျွန်မဆီမှာ အမ ၂ ယောက်ရှိပြီး တစ်ယောက်က သားသမီး ထွန်းကားပါတယ်။ နောက်တစ်ယောက်ကလဲ PCOS ဖြစ်နေပါတယ်။ သူလဲအိမ်ထောင်ကျတာ ၅ နှစ်ရှိပြီး ကလေးမရသေးပါဘူး။ ကျွန်မ အခုလက်ရှိ တစ်နေ့ကို diane35 နဲ့ metformin 500mg ၁ လုံးစီ သောက်နေပါတယ်။ ဆရာရေးတဲ့စာထဲမှာ clomid ကိုသုံးရမယ်လို့ဖတ်ဘူးပါတယ်။ ကျွန်မအမ ရန်ကုန်မှာဆေးခန်းပြတော့ PCOS ရှိသူတွေကို သားဥကြွေဆေးသောက်ခိုင်းလို့မရဘူးလို့ သူ့ပြတဲ့ OG ကပြောပါတယ်။ အဲဒါဘာဖြစ်လိုပါလဲ။ ကျွန်မ ရန်ကုန်မှာ နေတုန်းကလဲ OG ၂ ယောက် ၃ ယောက်နဲ့ပြဖူးပါတယ်။ သူတို့လဲ ကျွန်မကို သားဥကြွေဆေးမပေးပါဘူး။ သန္ဓေတားဆေး Diane35 တွေ metformin နဲ့ carbagolin တွေ တလှည့်စီပေးပြီး ဆေးရပ်ပြီး စောင့်ကြည့်ရင် ကောင်းသွားလိမ့်မယ်။ ကလေးရလိမ့်မယ်လို့ပဲပြောပါတယ်။ ဒါပေမဲ့ မကောင်းလာပါဘူး။ သန္ဓေတားဆေး မသောက်ရင် လုံးဝရာသီမလာပါဘူး။ ၃ လ ၄လ ရပ်ပြီးစောင့်ကြည့်လဲ မထူးပါဘူး။ ကျွန်မအဓိကသိလိုတာက ကလေးလိုချင်ပါတယ်။ ဘာလုပ်သင့်ပါသလဲ။ သားဥကြွေဆေးသောက်လို့ရပါသလား။ သန္ဓေတားဆေးကို ရပ်လိုက်ရင် ရာသီ ထိန်နေတဲ့အတွက် သားဥကြွေဆေးကို ဘယ်အချိန်တွေမှာ ဘယ်လိုသောက်သင့်ပါသလဲ။ ကျေးဇူးပြုပြီးဖြေကြားပေးပါရှင်။

Clomid (Clomiphene citrate or Serophene) ဆေးဟာ ကလေးမရသေးသူတွေအတွက်ပေးတဲ့ မျိုးဥထွက်ဆေး ဖြစ်တယ်။ မျိုးဥမထွက်တာကို Anovulation ခေါ်တယ်။ အများဆုံးဖြစ်စေတာက polycystic ovarian syndrome (PCOS) ခေါ် မျိုးဥအိမ်ထဲမှာ အိတ် (အလုံး) လေးတွေ များနေလို့ဖြစ်တယ်။

အဲလိုအမျိုးသမီးတွေကို ဒီဆေးပေးနည်းနဲ့ကုသရင် ကိုယ်ဝန်ရလမ်း ကောင်းပါတယ်။ အသက် ၃၅ နှစ်အောက်ဆိုရင် အခွင့်အလမ်းပိုကောင်းတယ်။ လူတိုင်းတော့ မကောင်းပါ။ ၄ ယောက်ကိုပေးရင် ၁ ယောက်မှာ မျိုးဥထွက်တာတွေ့ရတယ်။ အသက် ၃၅ နှစ်အောက်ကို Clomid ဆေး ၃-၄ လပေးရင် လစဉ် ၏ကိုယ်ဝန်ရလမ်း ၁၅% ရှိတယ်။ သူတို့မှာ သားအိမ်ပြွန် ပိတ်မနေရဘူး။ ခင်ပွန်းရဲ့သုက်ရည်ကလည်း အရေအတွက် + အရည်အသွေးမီရမယ်။ ဆေးပေးလို့ မျိုးဥထွက်သူတွေထဲက ၅ဝ% ကိုယ်ဝန်ရတယ်။

PCOS ရှိတဲ့ အသက် ၃၅ နှစ်အောက်အမျိုးသမီးတွေကို IVF နည်းနဲ့ကလေးရအောင်လုပ်တာမှာ တကြိမ်လုပ်ရင် ၇ဝ% အောင်မြင်တယ်။ ၆ဝ% ကလေးအကောင်းမွေးတယ်။ ကိုယ်ဝန်ပျက်တဲ့နှုန်းက ကွဲပြားတာ တွေ့ရတယ်။

ရာသီပထမနေ့ဆိုတာ သွေးစဆင်းတဲ့နေ့ကိုခေါ်တယ်။ ရာသီမလာတဲ့အမျိုးသမီးဆိုရင် ရာသီလာအောင် ဆေးပေးရတယ်။ Provera (medroxyprogesterone acetate) 5 or 10mg ကိုနေ့စဉ် ၅ ရက်ကနေ ၁ဝ ရက်အထိ ပေးတယ်။ ဆေးနောက်ဆုံးရက်နောက် ၂ ရက်ကနေ ၇ ရက်မှာရာသီဆင်းမယ်။

Clomid ဆေးကို ရာသီလအစပိုင်းရက်ကနေစပေးတယ်။ တတိယနေ့ကနေ ၅ ရက်ဆက်တိုက်ပေးတယ်။ သတ္တမနေ့အထိ ဖြစ်တယ်။ ၅ ရက်မြောက်နေ့ကနေစပေးရင် ၉ ရက်မြောက်နေ့အထိဖြစ်မယ်။ Clomid 50mg နေ့စဉ်ပေးတာနဲ့စတယ်။ ရာသီမလာသူတွေကို Provera ဆေးနဲ့ ရာသီလာစေပြီးနောက် Clomid 100mg ကို အဲဒီရက်တွေအတိုင်းပေးမယ်။ အဲတာလည်းမရသေးရင် Clomid 150mg ကိုပါပေးသေးတယ်။ မျိုးဥက Clomid ဆေး ၅ ရက်ပေးပြီးနောက် ၈ ရက်နဲ့ ၁ဝ ရက်တွေမှာထွက်တယ်။ ဆိုလိုတာက ရသီလရဲ့ ၁၅ ရက်မြောက်နဲ့ ၂ဝ ရက်မြောက်မှာ မျိုးဥထွက်မယ်။ တယောက်နဲ့ တယောက် မတူတာလည်းရှိတယ်။ ဒုတိယနဲ့ တတိယပါတ်ရောက်မှထွက်သူလည်းရှိတယ်။ အသက် ၄ဝ ကျော်သူတွေကို ဆေးပေးတာ မထူးလှပါ။

PCOS ရောဂါရှိသူတွေအတွက် Clomid နဲ့ Metformin ဆေး၂ မျိုးတွဲပေးနည်း
Metformin (Glucophage) ဆေးကို ဆီးချိုအတွက်အများဆုံးသုံးတယ်။ Metformin တမျိုးတည်းပေးနည်းလည်း လုပ်တယ်။ မရရင် ဆေး ၂ မျိုးတွဲနည်းနဲ့ကုသမယ်။

Metformin ဆေးပေးပြီး တလနေမှသာအစွမ်းသိရတယ်။ ရက် ၃ဝ ကနေ ၉ဝ အထိပေးရတတ်တယ်။ Metformin 500 mg ကို တရက် ၁ ကြိမ် တပါတ်၊ နောက် ၂ ကြိမ်တပါတ်၊ နောက် ၃ ကြိမ်တပါတ်ပေးတယ်။ ၃ ကြိမ်ကိုမခံနိုင်ရင် ၂ ကြိမ်သာ ပေးမယ်။

Clomiphene 50 mg ကို နေ့စဉ် ၅ ရက်ပေးမယ်။ တတိယရက်ကနေ သတ္တမရက်အထိ။ (သို့) ပဉ္စမရက်ကနေ နဝမရက်အထိ။ ရာသီမလာသူဆိုရင် Provera ပေးပြီးရာသီလာစေမယ်။ Clomiphene ကို 50mg နဲ့မရရင် 100 mg ပေးမယ်။ 150 mg အထိပေးနိုင်တယ်။ အောင်မြင်မှုနှုန်းကွဲပြားတယ်။ အသပ် ၃၇ နှစ်အောက်ဆိုရင် ၁ဝ-၁၅% ရှိတာတွေ့ရတယ်။ IUI နည်းဆိုရင် ၁၅-၂ဝ% ရှိတယ်။

Glucophage / Metformin and Clomid ဘေးထွက်ဆိုးကျိုး = ဗိုက်အောင့်မယ်။ ဝမ်းပျက်မယ်။ ပျို့မယ်။

သားသမီးရတနာတွေ ထွန်းကားပါစေ။

ဒေါက်တာတင့်ဆွေ
၂၃-၈-၂ဝ၁၅
http://www.advancedfertility.com/clomid-metformin-pcos.htm

All politics is personal အမျိုးသားနိုင်ငံရေး

ပို့စ်တခု = (ကို)့့ ရေ ပရဟိတလုပ်တာကို ကြိုဆိုပါတယ်။ ဒါပေမဲ့ စာတော့ဖတ်စေ့ချင်တယ်။ ပါတီနိုင်ငံရေးတို့ အမျိုးသားနိုင်ငံရေးတို့ ခွဲပြောနေကတည်းက စာမဖတ်တာသေချာတယ်။

ကျွန်တော့်ကိုလည်း အသိဘုန်းဘုန်းတပါးက အမျိုးသားနိုင်ငံရေးနဲ့ ပါတီနိုင်ငံရေး ရေးပါအုံးတဲ့။ ကြံချောင်းကို အရင်းနဲ့အဖျား အကြိုက်မှာ ပညာပြိုင်ကြသလိုမျိုး ပညာမပါလို့ ဘာရေးရမလည်း စဉ်းစားနေတုံးပါဘုရားလို့ လျှောက်ထားခဲ့တယ်။

အမေရိကန်နိုင်ငံရေးကို All politics is national နိုင်ငံရေးဟူသမျှ အမျိုးသားရေးဖြစ်တယ်လို့ ၁၃-၇-၂ဝ၁၂ နေ့က ဂျော့ မေဆင် ဥပဒေ တက္ကသိုလ် တွဲဖက်ပါမောက္ခ ဒေးဗစ် ရှလက်ချာကနေ အတ်တလန်းတစ်ဂျာနယ်မှာ ရေးခဲ့တယ်။

အရင်က မြန်မာ့သမိုင်းမှာ အမျိုးသားရေးဆိုတာ ကိုလိုနီဆန့်ကျင်ရေးအဖြစ်သုံးစွဲခဲ့ပါတယ်။ အခုသုံးနေတာက ကိုလိုပြုသူတွေဖက်ကနေသုံးလာတာသာဖြစ်တယ်။ တိုင်းပြည်အာဏာသိမ်းသူတွေကစပြီး အမျိုးသားနိုင်ငံရေး စကားလုံးကို ဘာလိုလိုညာလိုလိုသုံးရာကနေ ကူးစက်ရောဂါလိုဖြစ်လာတယ်။ အဲတာလည်း အဘရောဂါပါပဲ။

ဒီမိုကရေစီသာဆိုရင် ပါတီနိုင်ငံရေးမလုပ်ရင် ဘာလုပ်မှာလည်း။ တသီးပုဂ္ဂလလို့တော့မပြောနဲ့။ အဲတာက တကိုယ်တော် နိုင်ငံရေးပါတီပါပဲ။ ငါကမှ အများအတွက်ပြောအုံးမလား။ အဲတာလည်း ငါနိုင်ငံရေးပါတီပါပဲ။

ဒေါက်တာတင့်ဆွေ
၂၃-၈-၂ဝ၁၅

Skin Whitening Medicine အသားဖြူဆေး မေးပြန်ပြီ

မနေ့ကပဲပြောထားတယ်မဟုတ်လား။ ကြော်ငြာဆေးတွေ တစခန်းထလာပြန်ပါပြီ။

ဆရာရှင့် Vistra ဆိုတဲ့အသားဖြူဆေးတွေက သောက်သုံးဖို့သင့်ပါသလားရှင့်။ သူ့ဆိုးကျိုးတွေလည်းသိချင်ပါတယ်ရှင့်။ သူငယ်ချင်းတွေကအရမ်းယုံကြည်ပြီး သောက်သုံးနေကြလို့ပါ။ ကလေးရဖို့ အနှောက်အယှက်ဖြစ်စေနိုင်သလားလဲ သိချင်ပါတယ်ရှင့်။ တကယ်ရောအသားဖြူလာစေပါသလား။ သမီးဓာတ်ပုံနဲ့တွဲပြီးတင်ပေးလိုက်ပါတယ်နော်။ ဆရာအားတဲ့အခါ သမီးကိုပြန်ဖြေထားပေးပါနော်။

အရင်ကမေးတာတွေလည်းများလွန်းလို့ နမူနာသာထည့်ပါမယ်။

- ကျွန်တော့် သူငယ်ချင်းတစ်ယောက်ပါ။ အသက်က ၁၈ Female ပါ။ သူက L-Glutathione ဆေးကို အသားဖြုချင်လို့  သောက်ချင်ပါတယ်တဲ့။ ဒါကြောင့် Glutathione နဲ့ပတ်သက်ပြီးတော့ သောက်သင့်မသောက်ရယ် ကောင်းကျိုး ဆိုးကျိုးလေးတွေရယ် ဖြေကြားပေးပါခင်ဗျ။ နောက်ပြီး L-Glutathione က male မှာရော သောက်လို့ ရမရ ပါသိချင်ပါတယ်။ အသားအရေအတွက်ကောင်းတယ်ဆိုတာရော ဟုတ်ပါသလားခင်ဗျ။

- GLUTA ပါတဲ့ အသားဖြူဆေးတွေကရော ဘာ side effect တွေ ရှိနိုင်မလဲဆရာ။

- ယခုမြန်မာပြည်မှာ ခေတ်စားနေတာ အသားဖြူဆေးတဲ့။ အကြောထဲထိုးပေးပါတယ်။ ဘယ်လိုဆေးမျိုးလည်း၊ အန္တရာယ် ရှိနိုင်လား၊ ဘယ်လိုဘေးထွက်ဆိုးကျိုးတွေရှိနိုင်ပါလဲ။ ဘယ်လိုရောဂါမျိုးရှိနေသူတွေ မထိုးသင့်ဘူးလဲဆရာ။

ကြော်ငြာဆေး မကြာမကြာမေးကြတယ်။ ဆေးရောင်းတာက အလွန်ကြီးမားလှတဲ့စီးပွါးရေးဖြစ်တယ်။ ဆရာဝန်အနေနဲ့ အဖြေရခက်တယ်။ သူများစီးပွါးရေးကိုလည်း မထိခိုက်စေချင်ပါ။ အသေားဖြူဆေး၊ ပိန်ဆေး၊ အရပ်ရှည်ဆေးမှန်သမျှ ကြော်ငြာဆေးတွေသာဖြစ်ပါတယ်။

ဆေးဝါးဗေဒအရပြောရရင် Glutathione ဆေးဟာ အင်တီအောက်ဆီဒင့်ဖြစ်တယ်။ (ဆဲလ်) တွေမပျက်စီးအောင် လုပ်ပေးတယ်။ ကြော်ငြာတွေထဲမှာ Cancer, HIV/AIDS တွေအပြင် အနာရင်းတာ၊ အနာဒဏ်ရာ၊ မီးလောင်နာ စတာတွေကိုပေးတယ်။ ရေတိမ်၊ အတွင်းတိမ်၊ နုပျိုဆေး၊ ပန်းနာ၊ နှလုံးရောဂါ၊ ကိုလက်စထောများတာ၊ အသည်းရောဂါ၊ အားနည်းတာ၊ အရိုးနာတွေမှာလည်း သုံးကြတယ်။ တခြားအတွက်တွေလည်း ကြော်ငြာတာတွေ ရှိသေးတယ်။ ဘေးထွက်ဆိုးကျိုး စိတ်ချရတယ်လို့ဆိုတယ်။ ကိုယ်ဝန်နဲ့နို့တိုက်ချိန်ကိုတော့ မသင့်ပါ။

နောက်တခုဖြစ်တဲ့ Skin Whitening Injection အသားဖြူဆေး ကြော်ငြာ ဝဘ်ဆိုက်မှာပါတာကိုသာ အရင်ရေးပါမယ်။ အကျိုးကျေးဇူးများ = သွေးပြန်ကြောထဲသွင်းပေးလျှင် အသားဖြူလာမယ်။ Vitamin C နဲ့ Glutathione ရောထားတယ်။ နောက်ထပ်လဲ အင်နာဂျီရမယ်။ ခုခံအားပိုကောင်းမယ်။ (ဒီအချက်က ဗီတာမင်စီ ကြောင့်ပြောတာပါ။) အသားအရေ ဖြူလာစေတာသာမက အမာရွတ်ထင်လို့ အရောင်ရင့်နေတာလဲစက်သာစေမယ်။ ဆေးသွင်းရတာ ၁ နာရီခွဲကနေ ၄ နာရီအထိကြာနိုင်လို့ ဆေးထိုးနေရင်း အိပ်တဲ့လူနာတွေရှိတယ်။

ဘေးထွက်ဆိုးကျိုးတွေ = ဆေးထိုးတာနာမယ်။ သွေးယိုတာရှိမယ်။ သွေးခြည်ဥမယ်။ ပိုးဝင်နိုင်တယ်။ အမာရွတ်ထင်မယ်။ ဆေးထိုးပြီးရင် နေရောင်နဲ့ မထိအောင် ရှောင်သင့်တယ်။ ကျောက်ကပ်မကောင်းသူနဲ့ အသည်းမကောင်းသူတွေ မထိုးသင့်ပါ။

Glutathione ဂလူတာသိုင်အုန်းဆိုတာ လူတွေစားသုံးနေတဲ့ အသား၊ အသီးတွေနဲ့ ဟင်းသီးဟင်းရွက်တွေထဲမှာပါတယ်။ gluta C, gluta white, glutathione, gluta 100000, glutamate, gluta power, gluta tren, gluta pearl, gluta injection ကြော်ငြာဆေးဖြစ်တယ်။ သောက်ဆေးလည်းရှိတယ်။ မျက်စိအတွင်းတိမ်၊ ရေတိမ်ကိုလဲပေးတယ်။ ဇရာကိုသက်သာစေတယ်လို့လဲ ယူဆကြတယ်။ အရက်နာကိုလဲပေးတယ်။ ကင်ဆာ၊ နှလုံးရောဂါ၊ အသည်းရောင်၊ မှတ်ဥာဏ်နည်းတာ၊ အဇာမိုင်းယားရောဂါ၊ အဆစ်အအရိုးနာ၊ ပါကင်ဆန်ရောဂါ။ အဲတာတွေအကုန် ကြော်ငြာထဲမှာ ပျောက်ပါသတဲ့။

ကြော်ငြာဆေးတွေသာဖြစ်လို့ ဆရာဝန်တွေကမသုံးပါ။ အကျိုးဘယ်လောက်များလို့ ဘယ်လောက်ထိရောက်သလဲ စနစ်ကျတဲ့လေ့လာမှုတွေ မစုံလင်သေးပါ။ ဘေးထွက်ဆိုးကျိုး သုတေသနမရှိပါ။ မသုံးသင့်ပါ။

ဒေါက်တာတင့်ဆွေ
၁၁-၁၁-၂ဝ၁၄
၂-၃-၂ဝ၁၅
၂၃-၈-၂ဝ၁၅

Reading is the Key စာဖတ်နည်း

လွန်ခဲ့တဲ့တနှစ်တိတိကတင်တာကို ဖေ့စ်ဘွတ်ကအသိပေးလို့ ပြန်တင်ပါရစေ။

• လူတိုင်းကိုယ်စီ ဝတ္ထ္ထုတိုရှည် ရှိကြသည်၊
• အပြောကောင်းသူပြောတာ နားထောင်ကောင်းမည်၊
• အရေးကောင်းသူရေး ဖတ်လို့ကောင်းမည်၊
• ရသတော့ရမည်၊ အတည်ယူလို့မရတာတွေ ရှိပါမည်၊
• မပြောတဲ့ဇာတ်လမ်းက ပိုကြမ်းနိုင်သည်၊ ပိုလွမ်းရနိုင်သည်၊ ပိုသင်္ခန်းစာရနိုင်စရာရှိမည်။

• ပြောချင်လျှက်နဲ့ ပြောမထွက်တာတွေ သေချာပေါက်ရှိကြပေသည်၊
• ကိုယ့်အကြောင်းသာမက သူများအကြောင်းတွေလဲ ထုတ်ပြောလို့မကောင်းတာတွေ ရှိပေသည်၊
• ပြောတိုင်း၊ ရေးပြတိုင်း အကုန်မယူသင့်သလို၊ ပြောမပြတာကိုပါ နားလည်ယူကြရမည်၊
• အပြောမခံရသူတိုင်းကို ကိုင်းရှိုင်းသင့်တယ်လို့ မထင်သင့်ပါ၊
• စာတွေလည်းဖတ်ပါ၊ စာထဲမှာမပါတာကိုလည်းဖတ်ပါ။     ။

ဒေါက်တာတင့်ဆွေ
၂၃-၈-၂ဝ၁၄

Dear Sir လူကြီးမင်းသို့

• ငယ်ငယ်ကတည်းက ကျောင်းစာမဟုတ်တဲ့အပြင်စာတွေကို ဖတ်နိုင်သလောက်တော့ဖတ်ခဲ့တယ်။ ကာတွန်းကစပါတယ်။
• (ဖဆပလ) ခေတ်မှာ နိုင်ငံရေးပါတီတိုင်းမှာ ကိုယ်ပိုင်ကာတွန်းဆရာတွေနဲ့ ရွေးကောက်ပွဲ လုံးချင်း  ကာတွန်းစာအုပ်တွေ ထုတ်ကြတယ်။ အပြတ်အသတ်ချဲကြတယ်။
• အခုလာမယ့်ရွေးကောက်ပွဲမှာ သူ့အကြိုက်ကိုယ်အကြိုက်ရေးနေကြတယ်။ ကျွန်တော်နဲ့ သဘောမတူတာတွေလည်း မနည်းပါ။ အဲတာတွေကို ပြန်ချေပသလို မရေးချင်ပါ။
• ငယ်တုံးက မဂ္ဂဇင်းတွေလည်း လစဉ်ဖတ်ဖြစ်တယ်။ အမြင်ကတ်တာရှိတယ်။ စာရေးဆရာတယောက်ရေးတာကို နောက်တယောက်က မကျေနပ်လို့ ဝေဖန်တဲ့စာတွေဖတ်ရတော့ အသိအမြင်တော့ ရစေပါတယ်။ ကဗျာဆရာတွေလည်းပါတယ်။ ရသဆိုတာတော့ခံစားရပါတယ်။
• ဒါပေမယ့် စာရေးဆရာတွေ၊ ကဗျာဆရာတွေက သူတို့သာသိတဲ့ဝေါဟာရတွေ၊ အကြောင်းအရာတွေ၊ အကိုးအကားတွေကိုသာရေးကြတော့ လိုက်မမီပါ။
• သူတို့အချင်းချင်း အပြန်အလှန်ရေးနေကြတာတွေကို ဖတ်ရတာဟာ လမ်းပေါ်မှာရန်ဖြစ်နေကြတာကို ဘေးကနေ ရပ်ကြည့်နေရသလိုဖြစ်နေတယ်။
• ခုနေမှာ မဲပေးကြမယ့်သူတွေက အရေးအကြီးဆုံးပဲ။ သူတို့မသိတာတွေကို စကားတတ်တိုင်း၊ သုတရှိတိုင်း လျှောက်ရေးနေရင် ကျွန်တော်လိုလူမျိုးက အမြင်ကတ်တာခံရမယ်။
• ကျွန်တော်တော့ တည့်ဒိုးပဲရေးချင်တယ်။ ချေပစာမျိုးမရေးချင်ပါ။ ပြောင်းတာလိုချင်ရင် အဟောင်းကိုမဲမပေးပါနဲ့။ အသစ်လို့တင်စားတာကို အားမရရင်လည်း သူများအားပျက်အောင်မလုပ်ပါနဲ့။ လူကြီးမင်း စာရေးတော်ပါတယ်။
• ခုနေမှာ ရန်ဖက်ရှာနေသူတွေရှိတာကိုလည်း သိတယ်။  

ဒေါက်တာတင့်ဆွေ
၂၃-၈-၂ဝ၁၅

Saturday, August 22, 2015

Ca Cx vaccine သားအိမ်ဝကင်ဆာ ကာကွယ်ဆေး

ဆရာရှင့် သမီးအသက်က ၃၂ နှစ်ပါ။ အိမ်ထောင်ကျတာ၇နှစ်ရှိပါပြီ။ ကလေး၂ယောက်ရှိပါတယ်။ အငယ်ကလေး မွေးပြီးကတည်းက သားအိမ်ကင်ဆာကာကွယ်ဆေးလည်း ထိုးထားခဲ့ပါတယ်။ ၃ ကြိမ်ထိုးပါတယ်။ ထိုးထားတဲ့ ဆေးရဲ့သက်တမ်းရှိပါသလား။ ထပ်ထိုး/ထပ်စစ်ဖို့လိုပါသလား။ မ့့၊ တောင်ကြီး။

သားအိမ်အဝ (ခေါင်း) ကင်ဆာနဲ့ ကြွက်နို့ဖြစ်စေတဲ့ဗိုင်းရပ်စ်နဲ့ဆိုင်တယ်။ Human papilloma virus (HPV) ဗိုင်းရပ်စ်ကနေ ကြွက်နို့ ဖြစ်စေတယ်။ လိင်ကတဆင့်ကူးစက်တဲ့အမျိုးအစားကသာ သားအိမ်အဝကင်ဆာဖြစ်စေတယ်။ မျိုးပွါးနိုင်တဲ့မိန်းမနဲ့ ယောက်ျား ၁% မှာ လိင်လမ်းကြွက်နို့ရှိကြတယ်။ သားအိမ်ဝနဲ့ မိန်းမကိုယ်မှာ ကင်ဆာမဖြစ်ခင်အပြောင်းအလဲတွေကနေ သားအိမ်ဝကင်ဆာ ဆက်ဖြစ်လာစေနိုင်တယ်။

အတော်များများမှာ ကြွက်နို့ပိုးရှိနေမှန်းမသိကြဘူး။ သူ့ဖါသူလည်းပျောက်သွားနိုင်တယ်။ ငယ်ရွယ်သူတွေမှာ ပိုများကြတယ်။ အမျိုးအစားပေါင်း ၄ဝ လောက်ရှိတယ်။ တချို့အမျိုးအစားတွေကနေ မိန်းမသားအိမ်အဝ၊ ယောက်ျားလိင်တံ၊ မွေးလမ်းကြောင်း၊ မိန်းမကိုယ်၊ အာခေါင်နေရာတွေမှာ ကင်ဆာ ဖြစ်စေနိုင်တယ်။

သားအိမ်အဝကင်ဆာ ကာကွယ်ဆေး (၂) မျိုးရှိတယ်။ GlaxoSmithKline ကထုတ်တဲ့ Cervarix ဆိုတာကို Bivalent vaccine နှစ်မျိုးပြီးလို့ခေါ်ပြီး၊ Merck ကထုတ်တဲ့ Gardasil ကို Quadrivalent vaccine လေးမျိုးပြီးလို့ ခေါ်တယ်။

Cervarix ကာကွယ်ဆေးက HPV 16 နဲ့ 18 တွေကို ကာကွယ်ပေးနိုင်တဲ့ မိန်းကလေးတွေအတွက်ဆေးဖြစ်တယ်။ မိန်းကလေး ၁ဝ နှစ်ကနေ ၂၅ နှစ် အရွယ်တွေကိုထိုးပေးဘို့ ၂ဝဝ၉ မှာ သတ်မှတ်ခဲ့ပါတယ်။ HPV types 16 နဲ့ 18 ဗိုင်းရပ်စ်အမျိုးအစားကို ကာကွယ်ပေးမယ်။ ဒီ ၂ မျိုးကနေ ၇ဝ% သော သားအိမ်အဝကင်ဆာကို ဖြစ်စေနိုင်တယ်။ တခြားကင်ဆာဖြစ်စေနိုင်တဲ့ HPV types 31, 33 နဲ့ 45 တွေကိုလဲ ကာကွယ်မှုပေးတာကို တွေ့ရသေးပါတယ်။

Gardasil ကာကွယ်ဆေးကို မိန်းကလေးတွေကိုသာမကပါ ယောက်ျားလေး ၉-၂၆ နှစ်ကိုထိုးတယ်။ တချို့နိုင်ငံတွေမှာ ၁၁-၁၂ နှစ်တွေကို ၃ ခါပြည့်အောင်ထိုးစေတယ်။ အဲဒီနည်းအတိုင်း ဆေးထိုးဘို့အဆင်မပြေရင် ပဌမဆေးပြီးနောက် ၂ လခွဲမှာ ဒုတိယဆေးနဲ့ တတိယဆေးကို ၅ လ နဲ့ တနှစ်အတွင်းမှာ ထိုးနိုင်တယ်။ HPV 6, 11, 16 နဲ့ 18 အမျိုးအစား ဗိုင်းရပ်စ်တွေကို ကာကွယ်ပေးနိုင်တဲ့ တမျိုးထဲသောဆေး ဖြစ်တယ်။ အသက် ၉ နှစ်ကနေ ၂၆ နှစ်ကြား မိန်းကလေးတိုင်း ထိုးကြဘို့ ၂ဝဝ၆ ခုနှစ်ကတည်းက သတ်မှတ်ထားခဲ့တာပါ။ Gardasil ကာကွယ်ဆေးဟာ လိင်လမ်းကြွက်နို့အပြင် စအိုကင်ဆာ၊ မိန်းမကိုယ် ကင်ဆာ၊ မွေးလမ်းကြောင်း ကင်ဆာတွေကိုလဲ ကာကွယ်နိုင်တယ်။

0.5 mL ကို IM အသားဆေးထိုးရတယ်။ (၃) ခါထိုးရမယ်။ ဒုတိယဆေးကို ပဌမဆေးနောက် ၁-၂ လအကွာမှာ ထိုးတယ်။ တတိယဆေးကို ပဌမေးထိုးပြီးနောက် ၆ လအကြာမှာထိုးတယ်။ ဝ-၁-၆ ပုံသေနည်းသုံးတယ်။ ပဌမဆေးထိုးပြီး နောက် ၁ လမှာ ဒုတိယဆေးနဲ့ တတိယဆေးကို ၆ လအပြည့်မှာ ထိုးရမယ်။ ဝ-၂-၆ ဆိုတဲ့ ဖေါ်မြူလာအတိုင်းလည်း ထိုးပါတယ်။ ဒုတိယဆေးကို ပဌမတခါပြီးနောက် ၂ လမှာထိုးပါ။ ပဌမတခါပြီးနောက် ၆ လမှာ တတိယဆေးထိုးပါ။ ဆေးထိုးပြီး ၁၅ မိနစ်ကြာနားနေသင့်တယ်။

တကယ်လို့ကာကွယ်ဆေးမထိုးခင်က HPV ပိုးတမျိုး ဒါမှမဟုတ် တမျိုးမကနဲ့ ထိတွေ့ဘူးပြီးဖြစ်နေရင် ကာကွယ်ဆေးရဲ့ ထိရောက်မှုနည်းနိုင်တယ်။ ကာကွယ်ဆေးတွေက ပိုးကြောင့်ဖြစ်နေပြီးသားရောဂါကိုတော့ မကာကွယ်နိုင်ပါ။ ဆေး ၃ လုံး ထိုးထားပြီးရင် ၆ နှစ်အထိကာကွယ်တာသေချာတယ်။ ဒိနောက်လဲ ကာကွယ်နိုင်စွမ်း မလျှော့သေးပါ။၂၆ နှစ်ကျော်ရင် သိပ်မထူးတော့လို့ မထိုးစေတာပါ။ ကာကွယ်ဆေးမထိုးခင် အပျိုလား၊ အပျိုမဟုတ်တော့ဘူးလား မေးမနေပါ။ သားအိမ်အဝကင်ဆာ ရှိ-မရှိစစ်တဲ့ Pap test ရော၊ ကြွက်နို့ HPV test ပါ စစ်ကြည့်ဘို့မလိုအပ်ပါ။ ဒါပေမဲ့ ဆေးထိုးထားလဲဆေးက အကုန်လုံးကို ကာကွယ်နိုင်တာမဟုတ်လို့ သားအိမ်အဝကင်ဆာရှိ-မရှိဆိုတာကို စစ်ဘို့တော့ လိုအပ်ပါမယ်။ ကိုယ်ဝန်ဆောင်နေရင် ကာကွယ်ဆေးမထိုးသေးပဲ နေသင့်တယ်။ ကာကွယ်ဆေးက ကိုယ်ဝန်ကို ထိခိုက်စေတာ မတွေ့ရသေးပေမဲ့ သုတေသနတွေကမပြည့်စုံသေးပါ။ ကိုယ်ဝန်ဆောင်နေမှန်းမသိဘဲ ကာကွယ်ဆေး ထိုးမိရင်လဲ ကိုယ်ဝန်ဖျက်ပြစ်ဘို့ မလိုအပ်ပါ။ ဆက်ထိုးရမဲ့ဆေးကိုတော့ ကလေးမွေးပြီးမှ ထိုးသင့်တယ်။ အစကနေပြန်ထိုးဖို့မလိုပါ။ ရာသီရက်ကို မမေးပါ။ ကိုယ်ဝန်တားဆေး သောက်နေသူတွေအတွက် ကိစ္စမရှိပါ။

ဒီကာကွယ်ဆေးဟာ ကင်ဆာဆေး၊ စတီရွိုက်ဆေး (များရင်) နဲ့ ခုခံအားကျဆေးေGင်္သုံးနေချိန်မှာ ထိရောက်မှုနည်းမယ်။ တခြားကာကွယ်ဆေးတွေ Diphtheria, Tetanus, Pertussis and Polio vaccines နဲ့ တရက်ထဲ ထိုးလို့ ရပါတယ်။ ဆေးထိုးတဲ့နေရာတော့ အတူမဖြစ်ရပါ။ ပိုးဝင်ထားပြီးအမျိုးသမီးတွေက ရောဂါဖြစ်ချင်ဖြစ်လာနိုင်တယ်။ ပိုးကိုရော ရောဂါကိုပါ ကာကွယ်ဆေးက ပျောက်အောင်လုပ်မပေးနိုင်ပါ။ ကာကွယ်ဆေးတွေက ပိုးကြောင့်ဖြစ်နေပြီးသား ရောဂါကိုတော့ မကာကွယ်နိုင်ပါ။

ဘေးထွက်ဆိုးကျိုးတွေကတော့ သက်ရှိဗိုင်းရပ်စ်ကိုသုံးထားတာ မဟုတ်လို့ HPV ပိုးဝင်တာအတွက် စိတ်ချရတယ်။ ဆေးထိုးတဲ့နေရာမှာ နာမယ်၊ နီမယ်၊ ရောင်မယ်။ ခေါင်းကိုက်၊ ကြွက်သားနာ၊ အားယုတ်နိုင်တယ်။

Booster doses ကာကွယ်ဆေး ၃ လုံးအပြည့်ထိုးထားရင် နောက်ထပ် ထပ်ထိုးစရာမလိုပါ။ ဆေးထိုးတာ စနစ်မကျပဲ နောက်ဆုံးဆေးက ဒိထက်မက ကြာနေလည်း ကာကွယ်ဆေးကို အစကနေပြန်ထိုးစရာမလိုပါ။

1. Cervarix သားအိမ်ဝကင်ဆာ ကာကွယ်ဆေး http://doctortintswe.blogspot.com/2015/03/cervarix.html
2. Gardasil vaccine သားအိမ်အဝကင်ဆာ ကာကွယ်ဆေး http://doctortintswe.blogspot.com/2015/03/gardasil-vaccine.html
3. HPV vaccine and Marriage သားအိမ်ကင်ဆာ ကာကွယ်ဆေးနှင့် လက်ထပ်ခြင်း http://doctortintswe.blogspot.com/2014/12/hpv-vaccine-and-marriage.html
4. HPV Vaccine for Ca Cx သားအိမ်အဝကင်ဆာ ကာကွယ်ဆေး http://doctortintswe.blogspot.com/2014/10/hpv-vaccine-for-ca-cx.html
5. Pregnancy and HPV Vaccination သားအိမ်ကင်ဆာ ကာကွယ်ဆေး နဲ့ ကိုယ်ဝန်ဆောင် http://doctortintswe.blogspot.com/2014/11/pregnancy-and-hpv-vaccination_4.html

ဒေါက်တာတင့်ဆွေ

Medicine advertisement ကြော်ငြာဆေးအမေးကနေ သက်တမ်းတိုစေတယ်

ကြော်ငြာဆေးတွေ မေးလာကြပြန်ပြီ။ အရပ်ရှည်ဆေးနဲ့ ပိန်ဆေးတွေ။ တယောက်ပြီးတယောက်။

၁။ ဆရာရှင့် ဆရာ့ post မှာ တစ်ခါတင်ဖူးတဲ့ပိန်ဆေးပါ ဘယ်လိုပုံစံနဲ့သောက်ရမလဲဆိုတာ သိချင်ပါတယ်ရှင်။ ကလေး မွေးပြီးထဲက တဖြည်းဖြည်းဝလာတာပါပဲ။ လက်မောင်းထဲထည့်တာပဲ။ တားဆေး အခြားဆေးဘာမှ မသောက်ပါဘူးဆရာ။ ကလေးမမွေးခင်ကတော့ အစာအိမ်ရောင်ဖူးပါတယ်။ သောက်လို့ရလားသိချင်လို့ပါ။

ကြော်ငြာဆေးဖြစ်တယ်။ ဂူဂယ်လ်မှာ ရှာမရပဲ ဖေ့စ်ဘွတ်သာရှိတယ်။ ဆိုလိုတာက ဆေးသုတေသနမရှိပါ။

၂။ ဆရာ calcium USA အကြောင်သိချင်လို့ပါ။ ဆရာတင်ထာပြန်ရှာတော့ ရှာမတွေ့ဘူဖြစ်နေတယ်။ ကျေးဇူပြု၍ ပြန်တင်ပေအုန်းခင်ဗျာ။

High Up-Calcium USA အရပ်ရှည်ဆေးကိုမေးလို့ဖြေနေရတာ လူ ၂ဝ လောက်ရှိပြီ။ ဆရာဝန်တွေ တကယ်သုံးတဲ့ ဆေးမျိုးကို အဲလောက်မမေးကြပဲ ကြော်ငြာဆေးပဲမေးနေကြတယ်။ အဲလိုဟာတွေဖြေနေရတာ အချိန်ဖြုန်းနေရသလိုပဲ။ ခဏနေရင် ဘယ်မှာဝယ်ရမလည်းမေးအုန်းမယ်။ ကောင်းသလားလည်းမေးအုန်းမယ်။ အခုလည်းပြန်တင်ခိုင်းနေတယ်။

ဆရာရှင့် ကျွန်မအသက်၂၆ပါ။ အရပ်ပုပါတယ်။ အွန်လိုင်းမှာအရပ်ရှည်ဆေး ကြော်ငြာတွေ့လို့ စိတ်ဝင်စားမိပါတယ်။ တကယ်ပဲ ၂၆ ကျော်လဲရှည်တယ်ဆိုတာ ဟုတ်ပါသလား။ ၃ လ သောက်ရတယ် ပြောပါတယ်ဆရာ။ ဘေးထွက်ဆိုးကျိုး ရှိလားသိချင်ပါတယ်။ ဆရာအသက်ရှည် ကျန်းမာပါစေ။

အသက်တော့ ရှည်ချင်ရှည်မယ်။ အရပ်တော့ မရှည်နိုင်တော့ပါလို့ ဖြေလိုက်ရတယ်။

နောက်တယောက်လည်း ဆေးကပ်ကိုဓါတ်ပုံရိုက်ပို့တယ်။ စာလုံးကိုရိုက်ရှာတာ ဝက်ဆိုက်က Spam ဖြစ်နေတော့ ဘယ်လိုမှ ဝက်ဆိုက်ကိုပြန်ပိတ်မရ ကွန်ပြူတာကို ရှတ်ဒေါင်းလုပ်ပြီး ပြန်ဖွင့်ယူရတယ်။ ကွန်ပြူတာသက်တမ်းတော့ တိုတော့မယ်ထင်တယ်။

Dr. တင့်ဆွေ
၂၂-၈-၂ဝ၁၅