Accutane ဝက်ခြံဆေးတမျိုး

ကျွန်တော့်ပို့စ်တခု = Contraceptive pills ကိုယ်ဝန်တားဆေးနဲ့ ဝက်ခြံ

ကွန်မင့်တခု = Thet Mon Sint - Accutane ကို ဆရာဝန်လက်မှတ် နဲ့ သေချာဝယ်သောက်ပါ။ ၅ လ သောက်ရပါမယ်။ တသက်လုံး ပြန်မပေါက်တော့ပါ။ လက်တွေ့သမားပါ။ ဝက်ခြံကြောင့် အင်မတန်အရုပ်ဆိုးခဲ့ပါတယ်။ ကိုယ့်မျက်နှာကို ကိုယ်တိုင်တောင် မကြည့်ချင်လောက်အောင် အလုံးကြီးအလုံးငယ် မျက်နှာပြင်တခုလုံး ၂ဝဝ၃ ကနေ ၂ဝ၁၁ အထိ ရက်ရက်စက်စက် ရုပ်ပျက်တဲ့အထိ ဝက်ခြံထွက်ခဲ့ဖူးသူပါ။ ငါးလကျော်တော့ အရမ်းကိုစိတ်ချမ်းသာသွားခဲ့တာ ယနေ့အထိပါပဲ။ ဆေးသောက်နေတဲ့ ၃ လအတွင်းမှာတင် မျက်နှာက အတော်သိသာနေပါပြီ။ သိချင်ရင်ထပ်မေး ဖြေပါ့မယ်။

Accutane ဆေးနာမည်ရင်းက Isotretinoin ဖြစ်တယ်။ Severe cystic acne ဆိုးတဲ့ ဝက်ခြံမျိုးအတွက်သုံးတယ်။ Nodular acne လို့လည်းခေါ်တယ်။ သာမန်ဝက်ခြံကို benzoyl peroxide ပေါင်ဒါ၊ clindamycin လိမ်းဆေးတွေ သုံးရတယ်။ tetracycline ဒါမှမဟုတ် minocycline စားဆေးတွေပါစားရတယ်။ အဲဒီဆေးနည်းနဲ့မရသူတွေကိုသာ Accutane ဝက်ခြံဆေးကို ပေးတယ်။

Retinoids အုပ်စုဝင်ဆေးအမျိုးအစားဖြစ်တယ်။ ဗီတာမင် (အေ) နဲ့ဆင်တူတယ်။ မျက်နှာအဆီပြန်ရင်ထွက်တဲ့ Sebum ထွက်မှာကို နည်းအောင်လုပ်ပေးတယ်။ Sebum များရာကနေ ဝက်ခြံဖြစ်တယ်။ အမာရွတ်ထင်ကျန်နေတတ်တယ်။
ဒီဆေးကို ဝက်ခြံအပြင် Neuroblastoma ခေါ်ကင်ဆာတမျိုးကိုသရာမှာလည်းသုံးတယ်။

ဆေးသောက်ကာစအစပိုင်းမှာ ဝက်ခြံကပိုဆိုးသလိုဖြစ်လာနိုင်တယ်။ သက်သာလာတာသိဘို့ ၁-၂ လကြာနိုင်တယ်။ ထပ်ဖြစ်ရင် နောက်တခါထပ်သောက်နိုင်တယ်။ ရေရှညသုံးဘို့တော့ မဟုတ်ပါ။ ကိုယ်ဝန်ဆောင်ချိန်နဲ့ နို့တိုက်ချိန်မှာ မသုံးရပါ။

ဘေးထွက်ဆိုးကျိုးတွေကတော့ နှုတ်ခမ်းခြောက်မယ်။ မျက်ခွံရောင်မယ်။ အရေပြားခြောက်မယ်။ နှာခေါင်းသွေးယိုမယ်။ ဗိုက်အဆင်မပြေဖြစ်မယ်။ ဆံပင်ပါးမယ်။ ဖြစ်လာတာတွေကဆိုးရင် ဆေးကိုရပ်ရမယ်။

တခြားရှုတ်ထွေးတဲ့ ဘေးထွက်ဆိုးကျိုးတွေလည်းရှိတယ်။ ဖြစ်တာတော့ ရှားတယ်။ သရက်ရွက်ဂရုစိုက်ရတာ၊ အန်တာ။ ဆေးသောက်နေတုံး တလအတွင်း သွေးမလှူသင့်ပါ။ ဆေးသောက်နေတုံးမှာ နေရောင်နဲ့ထိတွေ့တာ နည်းသင့်တယ်။ ညအချိန်မျက်စိအမြင်နည်းနိုင်တယ်။ ဖယောင်းသုံးပြီးကိုယ်မွှေးနုတ်တာ၊ လေတာသုံးနည်းတွေကို ၆ လရှောင်ရမယ်။ အရက်သောက်ရင် ဘေးထွက်ဆိုးကျိုးတွေ ပိုဆိုးစေတယ်။

အမေရိကမှာ ဆရာဝန်လက်မှတ်နဲ့သာရောင်းတယ်။ ၇ ရက်စာတခါ၊ တလထက်ပိုမပေးပါ။ လိုရင်ဆရာဝန်က ထပ်ကြည့်မယ်။

ဒေါက်တာတင့်ဆွေ
၃-၁-၂ဝ၁၆

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး