Intestine အူဘယ်နှစ်ခွေ မောင့်ဝမ်းထဲမှာရှိပါသလည်း
ရွေးကောက်ပွဲရလဒ်တွေ ထွက်လာပြီးကတည်းက မိတ်ဆွေတွေနဲ့စကားပြောရင် ကြည့်နေ့့ အများထင်မှတ်မထားတဲ့ အမည်စာရင်းတွေ ထွက်လာမယ်လို့ပြောထားခဲ့တာပါ။ အခုပုဂ္ဂိုလ်တွေကိုလည်း မှန်အောင်မှန်းဆခဲ့သူ မရှိလောက်ဖူးလို့ ထင်ပါတယ်။ လာပါအုန်းမယ့့် အစိုးရအဖွဲ့ဝင်အမည်စာရင်း။ သည်အတိုင်းလာမှာက များပါမယ်။
ရခိုင်တိုင်းရင်းသားနဲ့ ကချင်တိုင်းရင်သားနာမည်တွေက ထွက်မလာသေးပါ။ ရခိုင်ပါတီခေါင်းဆောင်ကနေ အင်တာဗျူးမှာ ဖြေတာ ကြားရတယ်။ အဲဒီအကြောင်းကို လာမယ့်တနင်္ဂနွေ စကားဝိုင်းမှာ ဝင်ဆွေးနွေးဘို့ RFA က ကျွန်တော့်ကို ဖိတ်ထားတယ်။ ဘယ်ပုဂ္ဂိုလ်တွေနဲ့အတူ ဆွေးနွေးရမလည်းတော့ မသိသေးပါ။
အင်တာဗျူးမှာဖြစ်ဖြစ် မေးတာကိုဖြေဘို့ရှိလာရင်ဖြစ်ဖြစ် ဘယ်လိုဖြေသင့်သလည်းဆိုတဲ့သင်္ခန်းစာကို နာယူဘူးတယ်။ ကြေးမုံမှန်မှာပေါ်လာတဲ့အတိုင်းသာ အတိအကျမြင်သိပြီး ဖြေပါတဲ့။ နိုင်ငံရေးမှာ ဝစီကံမှုနဲ့သာ ဆက်သွယ်ရေး လုပ်ကြရတယ်။ ဆရာဝန်ဖြစ်လို့ လူနာကို ပါးစပ်အဟမခိုင်းပဲ အူဘယ်နှစ်ခွေဆိုတာတော့ သိပါတယ်။ ဟုမ်းဝပ်တော့ လိုမယ်။
ဒေါက်တာတင့်ဆွေ
၂၁-၁-၂ဝ၁၆
Comments
Post a Comment