မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, December 11, 2016

Alprazolam စိတ်ဆေး

ဆရာရှင် Alprazol 0.5 mg အကြောင်းလေးရှင်းပြစေလိုပါတယ်။ ကောင်းကျိူး ဆိုးကျိုးလေးကိုမေးတာပါ။

အသက် စတာ မသိလို့ တိုက်ရိုက်မဖြေပါ။ ဒီကနေသာ တင်ပါတယ်။ အရင်ကမေးတာက အချက်အလက်စုံလို့ တိုက်ရိုက်ဖြေခဲ့ပါတယ်။

ကျွန်တော် အသက် ၃၅ နှစ်ပါ။ Xnax ကို မနက်ည 0.5 သောက်နေရပါတယ် ဆေးရဲ့ဘေးထွက်ဆိုးကျိုးကို သိချင်လို့ပါ။ ဆေးလဲဆက်မသောက်ချင်တော့ဘူး။ ဆေးမသောက်ရရင်လဲ စိတ်တို ဒေါသထွက်တာတွေ ပေါင်းသင်းဆက်ဆံရေး အဆင်မပြေတာတွေ ဖြစ်တယ်ဆရာ။ ဆေးသောက်နေတာလဲ ၈ နှစ်ထဲရောက်နေပါပြီ။ Anxiety depression ကြောင့်ပါ။ ကျေးဇူးတင်ပါတယ်ဆရာ။

Alprazolam ဆေးကို Anxiety စိုးရိမ်စိတ်ကဲခြင်းနဲ့ Panic Disorder စိတ်ဆောက်တည်ရာမရသူတွေကိုပေးတယ်။ ထိရောက်ပါတယ်။ ဆေးရဲ့ဘေးထွက်ဆိုးကျိုးတွေရှိပေမယ့် လိုရင်သောက်ရမယ်။ ဆောက်တည်ရာမရ လုပ်ချင်ရာ လုပ်တာမျိုးကို သိသိသာသာ သက်သာစေတယ်။ Xanax, Niravam, Xanax XR စတဲ့နာမည်တွေနဲ့ ရောင်းတယ်။

၁။ Anxiety စိုးရိမ်စိတ်များခြင်း
0.25 to 0.5 mg တနေ့ ၃ ကြိမ်။ ၃-၄ ရက်တခါလိုရင် တိုးပေးမယ်။ တချို့ကို တနေ့ 4 mg ကိုအကြိမ်ခွဲပေးတယ်။

၂။ Panic Disorder စိတ်ဆောက်တည်ရာမရခြင်း
0.5 mg တနေ့ ၃ ကြိမ်။ ၃-၄ ရက်တခါလိုရင် တိုးပေးမယ်။ တချို့ကို တနေ့ 1 to 10 mg ကိုအကြိမ်ခွဲပေးတယ်။

၃။ Depression စိတ်ဓါတ်ကျခြင်း
0.5 mg တနေ့ ၃ ကြိမ်။ ၃-၄ ရက်တခါလိုရင် တိုးပေးမယ်။ တချို့ကို တနေ့ 3 mg ကိုအကြိမ်ခွဲပေးတယ်။

Alprazolam ဆေး၏ ဘေးထွက်အကျိုးများ
အိပ်ချင်မယ်။ ခေါင်းမူးမယ်။ အိပ်မရဖြစ်တတ်တယ်။ မှတ်ဉာဏ်နည်းမယ်။ စကာပြောနှေးမယ်။ အာရုံစိုက်ရခက်မယ်။ စိတ်တိုမယ်။ တည်ငြိမ်မှုနည်းတယ်။ သွားရည်များမယ်။ အာရုံစိုက်ရခက်မယ်။ ခေါင်းထဲပေါ့နေသလို ခံစားရမယ်။ အသက်ကြီးသူတွေမှာသာ ဒီလိုဖြစ်တတ်တယ်။ စိတ်တို၊ ၂၇့၂% လူဝ၊ ချွေးများ၊ အိပ်မပျော်၊ ကြွက်သားတွေလှုတ်၊ မှတ်ဥာဏ်လျော့။ အရက်နဲ့ရောရင် ဒါတွေပိုဖြစ်တယ်။ ၁၄့၎% မှာ လိင်စိတ် နည်းပြီး၊ ၇့၇% မှာ ကဲတယ်။ ယောက်ျား လိင်အင်္ဂါမသန်မာတာ၊ မပြီးစီးတာဖြစ်တယ်။ ရှားပါတဲ့အဖြစ်မျိုးတွေက ဝမ်းပျက်၊ ဝမ်းချုပ်၊ ပျို့-အန်၊ ဆီးသွားရခက်၊ မျက်စိဝေဝါး၊ ဗိုက်နာ၊ သွေးဖိအားကျ၊ ချွေးများ၊ ပျို့။ ကိုယ်ဝန်မှာမပေးသင့်ပါ။ မျက်စိရေတိမ်ရှိနေသူ၊ အရက်ကြောင့် အသည်းမကောင်းသူ၊ ကျောက်ကပ်မကောင်းသူ၊ သတ်သေချင်စိတ်ရှိသူများ မပေးပါ။ cimetidine; digoxin; fluvoxamine; nefazodone; ritonavir (HIV or AIDS); fluconazole, voriconazole ဆေးတွေပါသောက်နေရရင် သတိထားရမယ်။ ဆေးခြင်းဓါတ်ပြုနိုင်တယ်။ ကိုယ်ဝန်နဲ့ ကလေးနို့တိုက်နေချိန်လဲ မပေးရပါ။ အသက် ၁၈ နှစ်အောက် မပေးပါ။ လိုတာထက်ပိုသောက်ရင်အိပ်ချင်မယ်။ သတိလစ်မယ်။ ၃ ပုံ ၁ ပုံက ဆေးဖြတ်လို့မရဘူး။

Anxiety Disorders စိုးရိမ်စိတ်ကဲလွန်ခြင်း http://doctortintswe.blogspot.com/2014/11/anxiety-disorders.html

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.