Fall ရွက်ကြွေရာသီ
Spring စပရင်းခေါ် နွေဦးရာသီဟာ ၂ဝ-၃-၂ဝ၁၇ ကနေစတယ်။
Summer ဆမ်းမားခေါ် နွေရာသီက ၂ဝ-၆-၂ဝ၁၇ နေ့ကစတယ်။
Autumn အောတမ် ခေါ် Fall ဖေါလ် ခေါ် ရွကကြွေရာသီက ၂၂-၉-၂ဝ၁၇ ကနေစတယ်။
Winter ဝင်းတားခေါ် ဆောင်းရာသီက ၂၁-၁၂-၂ဝ၁၇ နေကစတယ်။
နွေအကုန် ဆောင်းအကူးကာလမှာ သစ်ပင်တွေမှန်သမျှက သစ်ရွက်တွေ ကြွေကျတဲ့ရာသီလတွေ ဖြစ်တယ်။ Fall ဖေါလ် စကားလုံးကိုသုံးတာဟာ သစ်ရွက်တွေ ကြွေတာကျတာအပြင် နှစ်တနှစ် ကုန်ဆုံးမှာတွေကိုပါ ရောထားတဲ့သဘောဖြစ်လို့ ရင့်ကျက်မှုကနေ ယိုယွင်းလာတဲ့ နိမိတ်လည်းဖြစ်တယ်။ ဒီနှစ် သစ်ရွက်တွေ မကြွေသေးပါ။ အရောင်းပြောင်းတာလည်း အတော်နောက်ကျတယ်။
တရက်တလေမှာ မိုးကလဲရွာပါအုန်းမယ်။ အေးစလဲပြုတော့မယ်။ ကလေးတွေကတော့ ပျော်ကြမယ်။ ဖေါလ်ဘရိတ် ကျောင်း နှစ်ပတ်ပိတ်မယ်။ ကျွန်တော့်ကျောင်းက တပတ်သာပိတ်မယ်။
အရောင်ကပေးတဲ့ အမြင်ခံစားမှုအပြင် သက်ဝင်နေတဲ့ သဘောကိုလဲရစေမယ်။ ကြွေမကျခင်မှာ လှချင်တိုင်းလှနိုင်စွမ်းဟာ ဂုဏ်တရပ်ဖြစ်ပါတယ်။ အရွက်တွေဟာ ကြွေမကျခင်မှာ အင်မတန် လှကြတယ်။ အရောင်ကလဲ ရင့်ရော်လာပြီး၊ စိမ်းရာကနေဝါ၊ ဝါရာကနေ လိမ်မော်၊ နောက်မှာ ဝါညို၊ အညိုနဲ့ ညိုမှိုင်းလာကြမယ်။ နီရဲရဲနဲ့ နီညိုညိုလဲပါတယ်။ ကြားထဲမှာက အစိမ်းနုနဲ့ အစိမ်းရင့် တင့်တင့်တယ်တယ်။ အပင်တိုင်းဟာ တပြိုင်တည်းမှာ အရောင်ပြောင်းကြတာ မဟုတ်ပါ။ ရောင်စုံပန်းချီကားချပ်ကြီးကို လေးဘက် လေးတန်မှာ ချိတ်ထားသလိုနေတယ်။ ဆွဲပြီးသားကို ချိတ်ထားတာလဲ မဟုတ်သေးပါ။ ဆက်ဆွဲနေတဲ့ပန်းချီကား။
တချို့ရပ်ဒေသ၊ တချို့တိုင်းပြည်တွေမှာ အရွက်တွေဟာ ရင့်ဟောင်းလေလေ တန်ဘိုးလျှော့လာလေလေ။ ပစ်ပယ်ခံရလေလေ ဖြစ်ရရှာတယ်။ အကျည်းတန်ကြတယ်။ မြန်မာပြည်မှာ ရွက်သစ်တွေရော ရွက်ဟောင်းတွေပါ လှကြပါစေ။ ဟောင်းနေတာတွေကိုပါ အသုံးချနိုင်ပါစေ။
ဒေါက်တာတင့်ဆွေ
၂၂-၉-၂ဝ၁၆
၂၂-၉-၂ဝ၁၇
Comments
Post a Comment