မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, September 25, 2016

Freedom from deceits မုသာဝါဒါ ဝေရမဏိ

(မနှစ်က ဒီနေ့မှာ ရေးခဲ့တဲ့စာ)

တခြားနိုင်ငံတခုခုမှာ မြန်မာပြည်ကတယောက်တလေတွေ့ရရင် စိတ်ထဲမှာ ဝမ်းမြောက်မှုနဲ့ နွေးထွေးတဲ့ခံစားမှုရပါတယ်။ မထင်မှတ်တဲ့နေရာတွေမှာ ရုတ်တရက်တွေ့လိုက်ရင် အံ့သြတာပါပိုသေးတယ်။ တခါက အရှေ့အလယ်ပိုင်း လေကြောင်းလိုင်း လေယာဉ်ပေါ်မှာ မြန်မာပြည်က လေယာဉ်မယ်တယောက်ကိုတွေ့တော့ ဝမ်းသာအယ်လဲ နှုတ်ဆက်ကြတယ်။ အဲသည်အချိန်တုံးက ကျွန်တော်က နိုင်ငံရေးအလုပ်နဲ့ ခရီးသွားနေရလို့ မြန်မာလူမျိုးတွေကိုတွေ့ရင် ကိုယ့်အကြောင်းမှန်ကို ထိန်ချန်ပြောရတယ်။ ကိုယ်နဲ့တွေ့တဲ့သူအတွက်ပါ။ ကျွန်တော်လို ပြည်ပြေး နိုင်ငံရေး လုပ်နေသူနဲ့ ဘယ်လိုဘဲ အတူတွေ့တွေ့၊ တွေ့သူတွေအဖို့မှာ နောက်ကြောင်းမအေးကြပါ။ ထောက်လှမ်းရေးတစ္ဆေက နေရာတကာ လိုက်ခြောက်ပါတယ်။ ကျွန်တော်လဲ မြန်မာပြည်ကပါ၊ ဒေလီမှာနေပါတယ်လောက်သာပြောဖြစ်ပါတယ်။ NLD တို့ NCGUB တို့ တခွန်းမှမပါစေရပါ။ တချို့အကင်းပါးသူတွေကတော့ ရိပ်မိကြတယ်။

(၂၄) နှစ်ကြာ အိန္ဒိယမှာနေရတုံးက ဘဏ်အကောင့်တွေ၊ ယာဉ်မောင်း လိုင်စင်တွေ၊ ပတ်စ်ပို့တ်တွေမှာ နာမည်အမျိုးမျိုးနဲ့ လုပ်ထားရတယ်။ အဲတာတွေအားလုံးကလဲ ကျွန်တော့်မှာ တခုစီမကရှိတယ်။

၁၈-၉-၂ဝ၁၄ နေ့မှာ အမေရိကန်ပြည်ထောင်စု၊ အင်ဒီယာနာပြည်နယ်၊ အင်ဒီယာနာပလစ်မြို့ကိုရောက်ပါတယ်။ ၁၉၉ဝ ဒီဇင်္ဘာလ ပြည်ပထွက်ကတည်းက ကိုယ့်ဘယ်သူဆိုတာကို ချန်ပြောရတဲ့ဘဝ၊ အမှန်မပြောရတဲ့ဒုက္ခ၊ လိမ်ပြောရတဲ့ နိုင်ငံရေးမုသာဝါဒတွေ ကင်းလွတ်သွားပါပြီ။

ဒေလီလေဆိပ်အထွက် ချက်ကင်ကောင်တာကစပြီး အဲဒီဝဋ်က ကျွတ်ပါတော့တယ်။ နာမည်အမှန်နဲ့ နိုင်ငံတကာခရီးကို ပဌမဆုံးသွားနိုင်လာတာပါ။ ဒိအရင်က နိုင်ငံပေါင်း (၃ဝ) ကျော်ကို ပြည်ပခရီး အကြိမ် (၄ဝ) လောက်သွားခဲ့ပါတယ်။ (အိုင်ဒီ) အတုတွေနဲ့ပါ။

ဒါပေမဲ့ ဒေလီလေဆိပ်က ကွန်ပြူတာဆစ်စတမ်မှာ (ယူအင်အိတ်ခ်ျစီအာ) ကသုံးတဲ့ (မြန်မာ) ဆိုတာမတွေ့၊ (ဘားမား) သာတွေ့လို့ အချိန်ပိုကြာခဲ့ပါသေးတယ်။ ပတ်စ်ပို့တ်မရှိဘဲ နိုင်ငံတကာခရီးသွားနိုင်ဘို့ရာ (အိုင်စီအာစီ) ကနေထုတ်ပေးတဲ့ လက်မှတ်မှာတော့ နိုင်ငံသားကို (ဘားမီးစ်) လို့သာရေးထားတယ်။

အခုတော့ မိဘတွေပေးထားတဲ့ နာမည်အမှန်ကို ပြောနိုင်ဆိုနိုင်တဲ့ဘဝ ပြန်ရလာပါပြီ။ မြန်မာလူမျိုးလို့ကြောညာနိုင်ပါပြီ။ လွတ်မြောက်မှုတခုလို့သာ သတ်မှတ်ချင်ပါတယ်။ နိုင်ငံရေး မုသာဝါဒါ ဝေရမဏိ သိက္ခာပဒံ သမာဒိယာမိ။

သည်သို့လာ ဟိုသို့သွားနှင့် အငှား ခန္ဓာမြှောင်ရတယ် ဆန်းခေါင်ထိမျိုး။

ဒေါက်တာတင့်ဆွေ
၂၅-၉-၂ဝ၁၄

No comments:

Post a Comment

Note: Only a member of this blog may post a comment.