မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Friday, January 20, 2017

Sore throat လည်ချောင်းနာ

မင်္ဂလာပါဆရာ။ သမီးပြန်ဖြစ်ပြန်p😢 သမီးအသက်၂၀ ရှိပါပြီဆရာ။ လည်းချောင်းက ဒီတစ်ခါက ကွဲလာတယ်ဆရာ။ ချောင်းတွေလည်း ဆက်တိုက်ဆိုးတယ်ဆရာ ချောင်းဆိုးလိုက်တိုင်းလည်ချောင်းကကွဲလာသလိုဘဲနာတယ်ဆရာ။ မဆိုးဘဲလည်းမနေနိုင်ဖူး။ လည်ချောင်းထဲမှာယားလာတာသူက တံတွေးတွေလည်း ခဏခဏထွေးထုတ်ရတယ်ဆရာ။ တံတွေးထွေးထုတ်လိုက်တိုင်း ချွဲကျိကျိတွေပါတယ်ဆရာ။ အဖြူဆံလေးတွေကော။

မဖြေခင် ပြောပါရစေ။ ဆေးပညာစာမှာ စာလုံးလေးတလုံးကအစ အရေးကြီးတယ်။ (P) စာလုံးထည့်ရေးတာ ဘာလဲစဉ်းစားရတယ်။ တချို့ကတည်း စာလုံးတူနောက်မှာ ၂ ရေးတယ်။ နည်း၂ ဆိုရင် ဒုတိယနည်းလား စဉ်းစားရပြီ။ P ဟာ အရင်က ဘန်းစကားတခုဖြစ်ခဲ့တယ်။ (ကန်တော့ပါ) အင်္ဂလိပ်လို ခန္ဓာကိုယ်ကို အခကြေးငွေနဲ့ရောင်းတဲ့ အသက်မွေးသူကို ခေါ်ပါတယ်။ ဆောရီး။

Strep throat ဆိုတာ လည်ချောင်းနာပြီး ဖျားမယ်။ ရက်တိုရောင်ရာကနေ ပြည်တည်နိုင်တယ်။ အများစုက ဆေးမလိုဘဲ ပျောက်တယ်။ ၄ဝ% က ၃ ရက်သာကြာပြီး ၈၅% က တပါတ်သာ ကြာတယ်။ လည်ချောင်းနာနဲ့ အာသီးရောင်တာကို ဖြစ်စေတဲ့ ပိုး (ဗိုင်းရပ်စ် နဲ့ ဗက်တီးရီးယား) တွေထဲက Group A beta-haemolytic Streptococci ဗက်တီးရီးယားဟာ ရက်တိုရူမက်တစ် အဖျားရောဂါနဲ့ ကျောက်ကပ်ရောင်တာဖြစ်စေနိုင်တယ်။ ပိုးသေဆေးပေးရတယ်။ သုတေသနတချို့က ဒီလိုဆေးပေးတာ အကျိုးနည်းနည်းသာရှိတယ်တဲ့။ တာရှည်ပေးဘို့လိုသူကို Azithromycin ပေးနိုင်တယ်။ Tympanostomy tube ပြွန်ထည့်ဘို့လိုသူကို ထည့်ပေးရမယ်။

ရှားပေမယ့် ပိုဆိုးတဲ့ Staphylococcus aureus ဗက်တီးရီးယားကနေလည်းဖြစ်တယ်။ MRSA ဆိုရင် တော်တော့ဆေးကို ယဉ်တယ်။ Streptococcus pneumoniae, Mycoplasma pneumoniae, Chlamydia pneumoniae, pertussis, Fusobacterium, diphtheria, syphilis, and gonorrhea တွေကနေလဲဖြစ်နိုင်တယ်။ ကျန်တာတွေလဲရှိသေးပြန်တယ်။
ဖြစ်စေနိုင်တဲ့ ဗိုင်းရပ်စ်အမျိုးအစားတွေက adenovirus, rhinovirus, influenza, coronavirus နဲ့ respiratory syncytial virus တွေဖြစ်ကြတယ်။ Epstein-Barr virus, herpes simplex virus, cytomegalovirus နဲ့ HIV ဗိုင်းရပ်စ် တွေကနေလဲ ဖြစ်တယ်။

ဗိုင်းရပ်စ်ကြောင့်ဖြစ်တာ ကြာမယ်။ ခဏခဏဖြစ်နေသူဟာ အလာဂျီဖြစ်နိုင်တယ်။ ဗက်တီးရီးယားဆေးနဲ့ မရပါ။ Cetrizine ည ၁ လုံးသောက်ပါ။ မတည့်တာကိုရှောင်ပါ။ နာတာရှည်နေသူကို Tonsillectomy ခွဲစိတ်ရတယ်။ Penicillin or Amoxicillin ဆေးကို ဗက်တီးရီးယားတွေအတွက် ပဌမတန်းစားအဖြစ်သုံးတယ်။ Cephalosporins နဲ့ Erythromycin တွေက ဒုတိယဆေးအုပ်စုတွေဖြစ်တယ်။ ပနယ်စလင်မတည့်သူကို Erythromycin 250 mg တရက်တခါ၊ ၄ ရက် ပေးနိုင်တယ်။ နောက်တဆင့် Clindamycin or Amoxicillin-Clavulanate ဆေးပေးမယ်။ Abscess ပြည်တည်ရင် ခွဲထုတ်ရမယ်။ အာသီးကျောက်ဆိုတာလည်းရှိသေးတယ်။

(၁) Amoxicillin အမောက်ဆာစလင်
အာသီး-အာခေါင်ရောင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊ ဘေးထွက်သက်ရောက်မှုများ = ဝမ်းပျက်၊ အရေပြားအနီပြင်ထွက်၊ ဆေးမတည့်ဖြစ်ခြင်း။

(၂) Azithromycin (အဇစ်သရိုမိုင်စင်)
(မက်ခရိုလိုက်အုပ်စု) ပဋိဇီဝဆေး ဖြစ်တယ်။ ဆေးကုမ္ပဏီတွေက Zithromax, Zithromax TRI-PAK, Zithromax, Z-PAK, Zmax နာမည်တွေ ပေးထားတယ်။ Azithromycin extended-release suspension (Zmax) အမျိုးအစား ဆေးရည်ဆိုရင် အစာမစားခင် ၂ နာရီကြိုတင် သောက်ထားပါ။ Aluminum နဲ့ Magnesium ပါတဲ့ Antacids လေနာသက်သာဆေးတွေနဲ့ တွဲမသောက်ပါနဲ့။ ဆေးကို အစာနဲ့ နီးနီး-ဝေးဝေး ပေးနိုင်တယ်။ ဆေးကြောင့် ပျို့-အန်ချင်သူတွေက အစာနဲ့သောက်ပါ။ ရေဖန်ခွက်တခွက် သောက်ပါ။ နေ့တိုင်း အချိန်တူမှာ သောက်ပါ။ ဆေးသက်တမ်း ကောင်းပါစေ။ ကလေးတွေအတွက် Azithromycin ဆေးရည် 100mg/5mL နဲ့ 200mg/5mL လာတယ်။ ဘေးထွက်သက်ရောက်မှု = ပျို့၊ ဝမ်းပျက်၊ အန်၊ ကြွက်တက်၊ ဗိုက်အောင့်၊ ခေါင်းကိုက်။

(၃) Ofloxacin (အိုဖလောက်ဆာစင်)
Floxin ဗက်တီးရီးယားတွေကိုနိုင်တယ်။ ဆေးပြား 200mg, 300mg, 400mg နဲ့လာတယ်။ ဘေးထွက်သက်ရောက်မှု = ပျို့၊ ဝမ်းပျက်၊ အန်၊ ခေါင်းကိုက်။ အိပ်မရတာ၊ ခေါင်းမူးတာ၊ ယားတာ၊ အမျိုးသမီးတွေ ဗဂျိုင်းနားရောင်တာတွေ ဖြစ်နိုင်တယ်။ ဖနောင့်ကြောကို ထိခိုက်နိုင်လို့ ဆေးပေးနေတုံး ပြင်းပြင်းထန်ထန်လေ့ကျင့်ခန်းလုပ်တာ ရှောင်ရမယ်။

သတိထားဘို့က ပဋိဇီဝဆေးတွေကြောင့် အူတွေထဲမှာ ပုံမှန်နေကြတဲ့ (ဗက်တီးရီးယား) တွေ အခြေအနေ ပြောင်းစေတယ်။ အူမကြီးရောင်တာ ဖြစ်စေနိုင်တယ်။ (ဖန်းဂတ်စ်) မှိုပိုးလဲဝင်လာနိုင်တယ်။ တချို့အမျိုးသမီးတွေ အဖြူဆင်းတာ အဲတာကြောင့်ဖြစ်တယ်။ မလိုပဲမသောက်သင့်ပါ။ လိုသူတွေက မသောက်ပဲမနေသင့်ပါ။ လိုတဲ့သူ မသောက်ရင် လေးဖက်နာဆက်ဖြစ်နိုင်တယ်။

Paracetamol/Acetaminophen/Ibuprofen တခုခုပေးရမယ်။ အနာသာမက အရောင်လဲလျော့၊ အဖျားလဲကျတယ်။ ဆားရေနွေး၊ ငုံဆေး၊ ရေခဲငုံတာတွေကလဲ သက်သာစေလို့ သုံးသင့်တယ်။ Listerine mouth wash ကောင်းတယ်။ ကောင်းကောင်းနားနေပါ။ ရေခပ်နွေးနွေးသောက်လိုက်၊ အတော်အေးတာသောက်လိုက်သောက်ပါ။ အစာနူးညံ့တာကို ရွေးစားပါ။ အာခေါင်ခံတွင်းကို ထိရှပူလောင်စူးစေတာကိုရှောင်ပါ။ အခန်းတွင်းလေ စိုထိုင်းဆမှန်ပါစေ။ ဆားရေနွေးနဲ့ ပလုပ်ကျင်းပါ။ Benzocaine လိုထုံဆေးပါငုံစရာသုံးနိုင်တယ်။

၁။ Tonsillitis အာသီးရောင်ခြင်း http://doctortintswe.blogspot.com/2014/10/tonsillitis.html
၂။ Tonsil Stones အာသီးကျောက် http://doctortintswe.blogspot.com/2014/11/tonsil-stones.html
၃။ Rheumatoid Arthritis လေးဖက်နာ (အဆစ်နာ) http://doctortintswe.blogspot.com/2015/10/rheumatoid-arthritis.html
၎။ Azithromycin (အဇစ်သရိုမိုင်စင်) http://doctortintswe.blogspot.com/2014/11/azithromycin.html
၅။ Erythromycin အရစ်သရိုမိုင်စင် http://doctortintswe.blogspot.com/2016/01/erythromycin.html
၆။ Amoxicillin အမောက်ဆာစလင် http://doctortintswe.blogspot.com/2014/11/amoxicillin.html
၇။ Strep throat လည်ချောင်းနာ http://doctortintswe.blogspot.com/2016/01/strep-throat.html

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.