မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, November 21, 2016

TPP ဖျက်ရင် ဘယ်လိုလဲ

ဒေါ်နယ်ထရမ့် ရုံးစတက်တာနဲ့ ပစိဖိတ်ဖြတ်ကျော်ပါတနာဖြစ်မှု ကုန်သွယ်ရေးစာချုပ်ကနေထွက်မယ့်သတင်းကို နာရီပိုင်းအတွင်း တင်လိုက်ပါတယ်။ ကွန်မင့်တွေလာပါတယ်။

Shwe Yeye = အဲ့ဒီလိုကုန်သွယ်ရေးစာချုပ်ကထွက်ရင်ဘာတွေဖြစ်လာနိုင်လည်းဆရာရှင့်
Phyo Lwin = အဲဒါက ဆရာဝန် ဘယ်သိမလဲ
မောင် တိမ်မာန် = ဟုတ်တယ်
Tint Swe = သုံးသပ်ချက်တွေ လာပါမယ်။

TPP ခေါ် ပစိဖိတ်ဖြတ်ကျော်ပါတနာဖြစ်မှု ကုန်သွယ်ရေးစာချုပ်ကနေ ထွက်မယ်လို့ ဒေါ်နယ်ထရမ့်က မဲဆွယ်ကတည်းက ကြုံးဝါးနေတာပါ။ နှစ်နိုင်ငံချင်းသာ သဘောတူစာချုပ်သစ်တွေချုပ်ပါမယ်။ ရည်ရွယ်တာက အလုပ်အကိုင်အခွင့်အလမ်းနဲ့ စက်ရုံတွေကို အမေရိကန်ဆီပြန်ရောက်လာရေးဖြစ်ပါတယ်။ သူက အလုပ်အကိုင်တွေကို ကန့်သတ်ထားတာတွေ ဖယ်ချင်တယ်။ စွမ်းအင်သုံးစက်ရုံတွေကို ကန့်သတ်ထားတာတွေကိုလည်း ဖယ်ချင်တယ်။

TPP ကုန်သွယ်ရေးစာချုပ်ထဲမှာ ပစိဖိတ်ဝန်းကျင်က နိုင်ငံပေါင်း (၁၂) နိုင်ငံပါတယ်။ သြစတေးလျ၊ နယူးဇီလန်၊ ကနေဒါ၊ ချီလီ၊ ဂျပန်၊ မလေးရှား၊ ဘရူနိုင်း၊ စင်္ကာပူ၊ ဗီယက်နမ်၊ မက်ဆီကိုနဲ့ ပီရူးနိုင်ငံတွေပါတယ်။ စုပေါင်းလိုက်ရင် ကမ္ဘာ့စီးပွါးရေး တဝက်လောက်ရှိတယ်။

အဲလိုထွက်လိုက်ရင် တရုပ်က တန်ပြန်ပါမယ်။ ကွက်လပ်ဖြည့်ပါမယ်။ APEC ကိုသုံးမယ်။ Free Trade Area of the Asia Pacific (FTAAP) ကို အမေရိကန်မပါပဲလုပ်မယ်။ ဗီယက်နမ်ကတမျိုးဖြစ်မယ်။ ဗီယက်နမ်က တရုပ်နဲ့ အဆင်ပြေတာ မဟုတ်ဘူး။ အမေရိကန်နဲ့ စစ်အပြီးကတည်းက ထူးခြားတဲ့ဆက်ဆံရေးရှိထားပြီးသား။ ၂ဝ၁၅ အတွင်း ဗီယက်နမ်ကို အမေရိကန်ပို့ကုန် ၂၄% တိုးခဲ့တယ်။ သူတို့လည်း တမျိုးတမည်စီစဉ်လာမယ်။

ကျွန်တော် အခုနေထိုင်တဲ့ အင်ဒီယာနာပြည်နယ်မှာတော့ အဲလိုဖြစ်လာရင် အလုပ်တွေပိုပေါနိုင်ပါတယ်။ အမေရိကန် ထုတ်ကုန်တွေ အတော်များများဒီကနေလုပ်ပါတယ်။ TPP နဲ့ T-TIP လို ကုန်သွယ်ရေးစာချုပ်တွေမှာ အင်ဒီယာနာအတွက် အကျိုးရှိနေခဲ့တာပါ။ TPP တိုင်းပြည်တွေက အင်ဒီယာနာထုတ်ကုန် ၅ဝ% ကိုဝယ်ယူနေကြတယ်။ အလုပ်အကိုင်ပေါင်း (၃) သိန်း ဖန်တီးထားတယ်။ အမေရိကန်တွေက ကုန်တွေပိုပြီး ပို့နိုင်မယ်လို့တွက်သူတွေရှိတယ်။ အလုပ်လုပ်သူတွေထဲမှာ မြန်မာပြည်ကလူ သိန်းဂဏန်းနီးပါးရှိတယ်။ ဒါပေမယ့် မြန်မာပြည်ကလူအများစုလုပ်နေတဲ့ (အမယ်ဇုန်) နဲ့ ဒေါ်နယ်ထရမ့်က မတည့်ပါ။ ဘာဖြစ်လာမလဲ စိတ်မောနေမိ၊ စိတ်စောနေမိတယ်။

ကျွန်တော့်အိမ်ခေါင်းရင်းမှာ မီးရထားလမ်းရှိတယ်။ လူစီးမဟုတ်ပါ။ နေ့တိုင်း ကုန်တွဲတွေအများကြီး ဘာတွေများ ဘယ်ကို တင်ပို့နေသလဲ စဉ်းစားနေတယ်။ တွဲတွေကလည်း ကြီးမားပါ့။ ရှည်လျားပါ့။ TPP အလွန်မှာ ခေါင်းရင်းက ရထားသံကို ပိုကြားရမလား၊ နည်းသွားမလား မကြာခင်သိရပါတော့မယ်။ အခုထိ ဆရာဝန်သိတာ ဒါလေးပါပဲ။

ဒေါက်တာတင့်ဆွေ
၂၂-၁၁-၂ဝ၁၆
ည (မနက်) ၁၂ နာရီ၊ ဝ၈ မိနစ်။

No comments:

Post a Comment

Note: Only a member of this blog may post a comment.