ပဲ နှင့် ဘဲ ဘာစားမလဲ

၁။ ပဲ နှင့် ဘဲ အသုံးအနှုန်းလေးလည်းသိချင်ပါတယ် ခဏခဏဒွိဟဖြစ်နေလို့ပါရှင့် အရှေ့စကားလုံးမှာ (မ) စာလုံး အငြင်းပါရင် နောက်က(ပဲ)နှင့် သုံးရတာလားရှင့် ဥပမာ(မစားပဲ) (ဘဲ) ရဲ့ဥပမာသုံးတာလေးလည်းသိပါရစေ ဆရာရှင့်

၂။ ကျနော်တို့ ဌာနက တိုင်းအဆင့် အရာရှိတဦးကတော့ အများရေးနေတဲ့အတိုင်း မ နောက်မှာ ဘဲ လိုက်ပြီးရေးမိလို့ နောက်တခါဆို ပဲ နဲ့ရေးပါဆိုပြီး ညွှန်ကြားတာခံရဖူးပါတယ်။ ယခင် ဝတ္ထုစာအုပ်ဟောင်းတွေမှာတော့ သင့်သလို ရေးသွားကြတာ ဖတ်ဖူးပါတယ်။

၃။ မလိုပဲ နှင့် မလိုဘဲ အသုံးအနှုန်းအကြောင်း သိချင်ပါတယ်ဆရာရှင့်

၎။ ပဲနဲ့ဘဲကိုရှင်းပြပေးပါဦး ၂၀၀၂ လောက်က တခုကို တစ်ခု ပြောင်းစဉ်ကတော့ မြန်မာစာဆရာက မနောက်က ဘဲလိုက်တယ်ဆိုလို့ ခုထိ မလုပ်ဘဲ၊ မစားဘဲ၊ မသွားဘဲ စသဖြင့် သုံးနေဆဲပါ အဲ့ဒါအမှန်လားဗျ

၅။ အခွင့်အရေးပဲ (ဘဲ) ဘယ်စကားလုံးက မှန်ပါသလဲဆရာ။

၆။ ဆရာ "မ့့ ဘဲ" မဟုတ်ဘူးလားရှင့်။ ကျမတို့သူနာပြုတက္က္တသိုလ်တက်တော့ မြန်မာစာဋ္ဌာနမှူးဆရာကြီးပြောထားတာ "မ့့ဘဲ " လို့မှတ်တဲ့။ ရှေ့က မ အငြင်းဆိုရင်နောက်က ဘကုံးလိုက်ရမယ်တဲ့ လို့ပြောဘူးလို့ပါရှင့်

၇။ ဆရာခင်ဗျား  ပဲနှင့်ဘဲ ရှင်းပြပေးပါဦးဗျ။ ကျွန်တော်မြန်မာစာရေးတဲ့အခါ တချို့အသုံးအနှုန်းတွေမှာ မှားမှန်မသိဘူး ဆရာ။ ဘဲနှင့်ပဲ။ ဆိုပါစို့ မမျှော်လင့်ဘဲ မမျှော်လင့်ပဲ အမှန်ကိုပြောပြပေးပါဆရာ။ ကိုယ်တိုင်ဘဲ နှင့် ကိုယ်တိုင်ပဲ ဘယ်ဟာ မှန်ပါသလဲခင်ဗျ။

၈။ ဆရာ မေးချင်လို့ပါ မဟုတ်ပဲနဲ့ ပြောတာနဲ့ မဟုတ်ဘဲနဲ့ ပြောတာ အဲဒီ နှစ်ခုက ဘယ်သူမှန်လဲ သိချင်လို့ပါ ရှင်

၉။ ဘာဘဲဖြစ်ဖြစ် ဘာပဲဖြစ်ဖြစ် ဘယ်ဟာအမှန်လဲဆရာ။

၁၀။ ပဲနဲ့ဘဲကိုရှင်းပြပေးပါဦး ၂၀၀၂ လောက်က တခုကို တစ်ခု ပြောင်းစဉ်ကတော့ မြန်မာစာဆရာက မနောက်က ဘဲလိုက်တယ်ဆိုလို့ ခုထိ မလုပ်ဘဲ၊ မစားဘဲ၊ မသွားဘဲ စသဖြင့် သုံးနေဆဲပါ အဲ့ဒါအမှန်လားဗျ။

မြန်မာစာမှာ ဖေါ်မြူလာတွေက အသုံးတည့်တာများပေမဲ့ တရားသေမှတ်လို့မရကြောင်း နမူနာတွေ အများကြီးပေးထားပြီး။ ခဏခဏတင်ထားပြီးပြီး ခဏခဏဖတ်ရသူတွေကို အားနာပါတယ်။

ပဲ နဲ့ ဘဲ ကို ပြဿနာလုပ်တာ သတ်ပုံစာအုပ်သစ် ထုတ်ကတည်းက။ အဲဒီသတ်ပုံစာအုပ်ကို ဦးနေဝင်းခန့်တဲ့ မြန်မာစာအဖွဲ့က ထုတ်တယ်။ အခုထိ နိုင်ငံတော်မူဖြစ်နေတယ်။

မြန်မာအဘိဓာန်သစ်မှာ
ပဲ
၁။ (အပြော) ရည်ညွန်းသောပုဒ်ကို လေးနက်စေသော စကားလုံး၊ (လူပဲ)၊ (နတ်ပဲ)၊
၂။ ကြိယာ၏အနက်ကို ကန့်သတ်လိုရာ၌သုံးသည်။ စားရုံပဲ စားသည်။
ဘဲ = ကြိယာ၏အနက်ကို တားမြစ်လိုရာ၌သုံးသည်။ မသွားဘဲ၊ မလာဘဲ။

မ သဘော၊ မရှိ မဟုတ် သဘောပါမှသာ ဘဲ။ မ နောက်က ဘဲလိုက်လို့လည်း ပြောကြတယ်။ မှန်တာများတယ်။ ဒါပေမယ့် ဖေါ်မြူလာလို သုံးမရပါ။

အရင်ထုတ်သတ်ပုံစာအုပ်မှာ
ပဲ (ပဲး) = ပဲကြီးဟင်း၊ ပဲကြော်၊ ပဲလှော်၊ ပဲစဉ်းခုန်၊ ပဲချဉ်ပေါင်၊ ပဲစောင်းလျှား၊ ပဲပိစပ်၊ ပဲတီချဉ်၊ ပဲလင်းမြွေသီး၊ ပဲပုစွန်၊ စားတော်ပဲ၊ ဗိုလ်စားပဲ၊ မြေပဲ၊ ပဲစိမ်းစားဥ၊ ဝမ်းပဲငှက်၊ တပဲလေးရွေး၊ မပြောပဲ၊ မဆိုပဲ၊ မလာပဲ၊ မလုပ်ပဲ၊

ဘဲ (ဘဲး) = ဘဲဥ၊ ဘဲသား၊ ဘဲငန်း၊ ဝမ်းဘဲဟင်္သာ၊ မသွားဘဲ၊ မလာဘဲ၊ မလုပ်မကိုင်ဘဲ၊ မခေါ်ဘဲ၊ သနခါးဘဲကျားရိုက်၊

ဘာပဲပြောပြောလို့သာရေးရင် ကုလားပဲဖြစ်ဖြစ်၊ မတ်ပဲဖြစ်ဖြစ်၊ မတ်ချွဲဖြစ်ဖြစ်၊ စားတော်ပဲဖြစ်ဖြစ်၊ နတ်တော်ပဲဖြစ်ဖြစ်၊ ပဲကြီးဖြစ်ဖြစ်၊ စွန်တာနီပဲဖြစ်ဖြစ်၊ ပဲစေ့ငုံဖြစ်ဖြစ်လို့ ဆိုလာတယ်။

လှသမိန်ရေးတဲ့ ဘန်းစကားများစာအုပ်ထဲက ခြေဗွေပါသည်ထဲမှာ သည်လိုရေးထားတယ်။ ခြေဖနောင့်တွင် ဗွေပါသောသူသည် တနေရာရာ၌ အတည်အမြဲ မနေရပဲ လှည့်လည်နေရသည်ဟု အကြောင်းစပ်၍ ယူဆကြလေသည်။ မနေရဘဲ မဟုတ်ပါ။

ပဲ နှင့် ဘဲ https://doctortintswe.blogspot.com/2016/12/blog-post_37.html

ပဲ နှင့် ဘဲ သို့မဟုတ် မြန်မာစာမှာ ဖေါ်မြူလာရှိသလား https://doctortintswe.blogspot.com/2018/10/blog-post_6.html

ဓါ နှင့် ဓာ ပဲ နှင့် ဘဲ https://doctortintswe.blogspot.com/2018/04/blog-post_55.html

ကျေးဇူးကို မထောက်ပဲ https://doctortintswe.blogspot.com/2018/11/blog-post_890.html

မြန်မာစာ ဖေါ်မြူလာတွေကို မေးခွန်းထုတ်ခြင်း https://doctortintswe.blogspot.com/2016/11/blog-post_31.html

ပဲလည်းကောင်းတယ်။ ဘဲလည်းစားကောင်းတယ်။ အဆင်သင့်တဲ့အခါစား၊ အဆင်သင့်သလို ရေးနိုင်တယ်။ သတိဆွဲမိန့် ပေးခံထားရလို့ အခုထိ သက်သာအဆင့်မရောက်ကြသေးသူတွေ အတော်ညောင်းညာကြရှာမယ်။

ဒေါက်တာတင့်ဆွေ
၁၃-၅-၂၀၂၀