မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, December 6, 2016

Exercise boosts sperm count

လေ့ကျင်ခန်းလုပ်ခြင်းသည် သုက်အားကောင်းစေနိုင်

မေးခွန်းတွေ မကြာခဏဖြေရပါတယ်။ သုက်အားနည်းနေသူတွေ၊ သုက်တကောင်မှမရှိသူတွေ၊ သားသမီး မရနိုင်သေးသူတွေ။ လွန်ခဲ့တဲ့ နာရီပိုင်းကထွက်တဲ့ ဆေးသုတေသနသတင်းတခုမှာ လေ့ကျင်ခန်းလုပ်ခြင်းကနေ သုက်အားကောင်းစေနိုင်တယ်လို့ဆိုပါတယ်။ ပုံမှန် ယောက်ျား ၂၆၁ ယောက်ကိုလေ့လာခဲ့ပါတယ်။ တကြိမ်လုပ် နာရီဝက်နဲ့ တပတ်မှာ ၃ ရက်လုပ်ပါ။ သုက်ကောင်ရေ ပိုများစေတယ်။ အဲလိုများလာတာက ယာယီသာဖြစ်တယ်။ လေ့ကျင့်ခန်းလုပ်တာ များပြန်ရင်လည်း မကောင်းပြန်ပါ။ အားကစားအပြင်းအထန်လုပ်သူတွေမှာ သုက်ပိုးအရေအတွက် နည်းနေတာတွေ့ရတယ်။

ကျားအစိနေရာ အေးနေတာကောင်းတယ်။ အတွင်းခံကြပ်မနေတာကောင်းတယ်။ ရေနွေးပူချိုးတာ မသင့်ပါ။ လိင်ကတဆင့်ကူးစက်ရောဂါ မကူးစက်အောင်ရှောင်ပါ။ ဆေးလိပ်၊ အရက်မသင့်ပါ။ စပမ်းခေါ် သုက်ပိုး (စီမင် ခေါ် ကနဦးအရည် မဟုတ်) ကိုစစ်ရင် အရေအတွက်ရော အရည်အသွေးကိုပါစစ်ပါတယ်။

ဒေါက်တာတင့်ဆွေ
၆-၁၂-၂ဝ၁၆
http://www.bbc.com/news/health-38206920

No comments:

Post a Comment

Note: Only a member of this blog may post a comment.