Personal protective equipment (PPE) ကိုယ့်ကိုယ်ကို ကာကွယ်ရေး

မြန်မာပြည်ထဲမှာ လက်အိတ်တွေနဲ့ နှာခေါင်းစည်းတွေသုံးလာကြတယ်။ သုံးသင့်ပေမယ့် မသုံးတဲ့နေရာတွေကို ဓါတ်ပုံမရိုက်ကြတာ သိပါတယ်။ ကျွန်တော် ပြည်တွင်းမှာ လူနောတွေနဲ့ နေ့နေ့ညညနေရစဉ်ကလည်း သုံးခဲ့နိုင်တာ အလွန့်အလွန် နည်းခဲ့ပါတယ်။

ကိုယ့်ကိုယ်ကို ကာကွယ်ရေး အသုံးအဆောင်တွေကို PPE လို့ခေါ်တယ်။ ကိုယ့်အရေပြားနဲ့ မြူးကပ်စ်အလွှာခေါ်တဲ့ အဖုံးလွှာကို ကာကွယ်ဘို့ သုံးတာတွေဖြစ်တယ်။ မြူးကပ်စ်အလွှာဆိုတာ မျက်စိ၊ နှာခေါင်း၊ ပါးစပ်၊ လိင်အင်္ဂါလမ်း စတာတွေကို အပေါ်ဆုံးက ဖုံးပေးထားတဲ့ ပန်းရောင်လွှာလေးဖြစ်တယ်။

ကာကွယ်ရေးအသုံးအဆောင်တွေကနေ ကူးစက်ရောဂါတွေကိုသာမက အညစ်အကြေးတွှေပြင် အဆိပ်အတောက် ဖြစ်စေတာတွေနဲ့ အလာဂျီရာစေတာတွေ၊ ပူလွန်းတာ၊ အေးလွန်းတာတွေကနေပါ ကာကွယ်ပေးတယ်။ သွေးနဲ့ ကိုယ်ခန္ဓာအရည်တွေထဲမှာ HIV ဗိုင်းရပ်၊ အသည်းရောင် စီပိုး ဘီပိုးစတဲ့ ရောဂါပိုးတွေ ပါနေနိုင်တယ်။

၁။ Surgical mask ခွဲစိတ်ခန်းသုံး နှာခေါင်းစည်း၊ ကိုယ်ခန္ခာ၊ အနာ၊ ဒဏ်ရာတွေကနေ ထွက်လာနိုင်တဲ့ သွေးနဲ့ အသက်ရှူလမ်းချောင်း၊ ကိုယ်ခန္ဓာနဲ့ အနာကအရည်တွေ ပါးစပ်နဲ့ နှာခေါင်းထဲဝင်မလာအောင် ကာကွယ်တယ်။ FDA ကနေ အရည်အချင်းသတ်မှတ်မှုတွေလုပ်ထားတယ်။

၂။ Gloves သန့်တဲ့ တခါသုံးလက်အိတ်ကိုသုံးရမယ်။ လက်အိတ်တွေကို nitrile, latex, rubber, vinyl နဲ့ neoprene ဓါတ်ပစ္စည်းအမျိုးမျိုးတွေနဲ့လုပ်ထားတယ်။ ညစ်ထေးသွားတဲ့လက်အိတ်ကို ဆွယ်တာ ချွတ်သလို လှန်ချွတ်ရတယ်။ အပြင်မျက်နှာပြင်ကို လက်နဲ့မထိစေရ။ လက်အိတ်နှစ်ဖက်ကို တခုတည်းဖြစ်အောင် တွဲထားရတယ်။

၃။ Protective eyewear မျက်စိအကာကွယ်အဖုံး၊ Goggles နဲ့ face shields တွေကလည်း စင်ထွက်တာမှာတွေကို မျက်စိထဲ မဝင်စေအောင် ကာကွယ်တယ်။

၎။ Protective clothing အကာအကွယ်အဝတ်အစားတွေ။ Uniforms အလုပ်ဆိုင်ရာယူနီဖေါင်း၊ Pants အလုပ်ဆိုင်ရာ ဘောင်းဘီ၊ Blouses အလုပ်ဆိုင်ရာအင်္ကျီ။ Gowns ဝတ်ရုံကို Isolation gowns အမျိုးအစားကိုလိုတဲ့အခါသုံးရတယ်။ Gowns ကိုအမြဲတမ်း လက်အိတ်နဲ့ဝတ်ရမယ်။ အရေပြားအကာအကွယ်။ အပေါ်ပိုင်းအဝတ်အစားနဲ့ အောက်ပိုင်း အဝတ်အစားတွေ လုပ်ငန်းအရ ရွေးသုံးရတယ်။ Lab Coat ဓါတ်ခွဲခန်းကုတ်၊ Aprons အေပရွန်၊ Barrier Gowns အပေါ်ဝတ်ရုံ၊ Sleeves လက်စွပ်၊ လုပ်ငန်းအလိုက်သုံးရတယ်။

၅။ Head Protection ဦးခေါင်းအကာအကွယ်။ ဟဲလ်မက်အမျိုးမျိုးကို လုပ်ငန်းအလိုက်သုံးရတယ်။

၆။ Footwear ခြေထောက်အကာအကွယ်။ ဖိနပ်အမျိုးမျိုးကို လုပ်ငန်းအလိုက်ရွေးသုံးရတယ်။

၇။ Respiratory protection အသက်ရှူလမ်းကာကွယ်ရေးအတွက် ဘက်ထရီသုံးတဲ့ PAPRs ကိုသုံးတယ်။ လေကို စစ်ပေးတယ်။ အနေတော်ရမယ်။ Filtering face pieces (FFP) and respirators ဆိုတာလည်းသုံးတယ်။

စာအစမှာရေးခဲ့သလို ကျွန်တော်တို့တိုင်းပြည်မှာ အဲလိုအကာအကွယ်တွေ မသုံးခဲ့နိုင်သူ ကျွန်တော်လိုအဆင့် ဆရာဝန်ထက် ဆေးမှူး၊ သူနာပြု၊ သားဖွားဆရာမ၊ ဓါတ်ခွဲခန်းကျွမ်းကျင်သူ၊ အလုပ်သမားတွေက အဆမတန်များတယ်။ စနစ်တကျ သုံးစွဲနိုင်တဲ့ဘဝ ရောက်ကြပါစေ။

ဒေါက်တာတင့်ဆွေ
၁၃-၁၂-၂ဝ၁၅