She သျှီ

ကြေးမုံသတင်းစာမှာ သူမဆိုတဲ့ အသုံးအနှုန်းကို ကန့်ကွက်ဝေဖန်ထားတာဖတ်ရတယ်လို့ ပို့စ်တခု တွေ့ပါတယ်။ ကျွန်တော်ကတော့ မဖတ်ရပါ။ အရင်က သူမစာလုံးကို ရေးထားတယ်။ မေးတာရှိလို့ပါ။ ဆရာ မြန်မာစာမှာ သူမ ဆိုပြီးအဓိပ္ပာယ်သတ်မှတ်ချက်ရှိပါသလား ကျေးဇူးပြုပြီးရှင်းပြပေးပါဆရာ။ ဆရာ She သူမ ဆိုတာရောဆရာ။ ဆရာ့ အမြင်လေး ပြောပြပါလား။

သူ
သူကျက် = ပေါင်းသင်းဆက်ဆံဘူးသောသူ
သူခက် = ခက်ခဲသောအရာကို အောင်မြင်နိုင်သော စစ်သည်
သူစိမ်း = မပေါင်းဘူးသောသူ
သူနုပ် = ယုတ်ညံ့သူ
သူနှောင်သူထား = အကျဉ်းသမား
သူပုန် = တိုင်းပြည် (အစိုးရ) ကို ပုန်ကန်သောင်းကျန်းသူ
သူဖုန်းစား = သူတောင်းစား
သူရကန် = ရဲရင့်ခြင်းကိုပြုတတ်သော နေ-မီးမှန်
သူရဲခို = မြို့ရိုး၌ဂူငယ်ကဲ့သို့ပြုလုပ်ထားသောအရာ
သူရဲ = ရဲရင့်သော စစ်သား
သူရင်းငှား = အခစားလုပ်သောသူ
သူခိုး
သူယုတ်မာ
သူရဲဘောနည်းသူ
သူလျှို
သူဝှက်

မြန်မာစာမှာ သူမလို့ မရှိခဲ့ပါ။ အင်္ဂလိပ်နာမ်စား She ကို ဘာသာပြန်ရာကနေ သူမလို့သုံးပါတယ်။ ဘာသာပြန်သူကို အပြစ်မမြင်ပါ။ မြန်မာစာရဲ့အားနည်းချက်လို့ပြောရင် စိတ်မဆိုးသင့်ပါ။ တချို့နေရာတွေမှာတော့ မြန်မာစာက အင်မတန် ကြွယ်ဝပါတယ်။

She စာအုပ်ကို Henry Rider Haggard ဟင်နရီ ရိုက်ဒါ ဟက်ဂတ်ကရေးပါတယ်။ ဆာဘွဲ့ရ နာမည်ကြီး စာရေးဆရာပါ။ ၁၈၈၆ ခုနှစ်သီပေါမင်း ပါတော်မူပြီး နောက်နှစ်မှာ The Graphic မဂ္ဂဇင်းထဲ အခန်းဆက်ရေးခဲ့တဲ့ဝတ္ထုပါ။ ဘာသာပေါင်း ၄၄ ခုပြန်ထားတယ်။ ၁၉၆၅ အထိ စောင်ရေ ၈၃ သန်းရောင်းရတယ်။ ဒီစာအုပ်နဲ့ King Solomon's Mines ဆော်လမွန်ဘုရင့် ဘဏ္ဍာတိုက်များစာအုပ်တွေက သူရဲ့အကောင်းဆုံးလက်ရာတွေလို့ သတ်မှတ်ကြတယ်။ Horace Holly ဟိုးရေ့စ် ဟိုလီနဲ့ သူ့အဖေါ် Leo Vincey လီယို ဗင်စီတို့ဟာ အာဖရိကတိုက် တောနက်ထဲက အသိရ နက်နဲ ခက်ခဲလှတဲ့ လူဖြူဘုရင်မ Ayesha အေးသျှားနဲ့တွေရတယ်။ အဲဒီဘုရင်မဟာ သူမနဲ့တွေ့သမျှ နာခံကြရတဲ့အစွမ်းတန်ခိုး ရှိပါသတဲ့။

အမျိုးသမီးတဦးကို နာမ်စားသုံးတဲ့အခါ သင့်မြတ်အောင် ရွေးရပါမယ်။ သူမလို့သုံးတာကိုလည်း မှားတယ်လို့ မပြောလိုပါ။ သူလို့သုံးချင်တာကိုလည်း ကန့်ကွက်စရာမရှိပါ။ ကျွန်မ နဲ့ ကျမတို့ကိုလည်း သုံးနေကြတာကိုလည်း အပြစ်မဆိုပါ။

ဒေါက်တာတင့်ဆွေ
၂၁-၁-၂ဝ၁၇
၁၅-၆-၂ဝ၁၇

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး