မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Friday, December 9, 2016

Splenectomy ဘေလုံး ထုတ်ထားရသူ

အသက် ၂၈ ယောက်ကျားလေးတယောက်။ Spleen Enlarge သရက်ရွက်ကြီးနေတာလို့ ဆေးစစ်ချက်အဖြေ ထွက်ပါတယ်ဆရာရှင့်။ ခွဲစိတ်ကုသလို့စိုးရိမ်ရပါသလား သိချင်လို့ပါရှင့်။ အသည်းထိခိုက်မှုတွေ ဆိုးကျိုးရှိတယ် ကြားမိလို့ပါဆရာရှင့်။ တိုင်းတပါးရောက်နေလို့ အခု မြန်မာနိုင်ငံပြန်ပြီး ခွဲစိတ်ကုသရတော့မယ့် အခြေအနေမျိုးပါ ဆရာရှင့်။ အခုသွေးတွေအန်နေလို့ လည်ချောင်းသွေးကြောကို ကုသနေရတဲ့အခြေအနေပါ။ အစာမျိုပြွန်သွေးကြောပေါက်ခြင်း ခေါင်းစဉ် တင်ထားတာလဲ ဖတ်ရပါတယ်ဆရာ။ သရက်ရွက်ခွဲစိတ်ကုသမှုက အသက်ကို ထိခိုက်နိုင်ပါသလားရှင့်။

Spleen ဆိုရင် သရက်ရွက်လို့ မခေါ်။ ခေါ်သူတွေရှိတယ်။ ဘေလုံးလို့ခေါ်မှသာ မှန်တယ်။ သရက်ရွက်ဆိုတာ ဆီးချိုဟော်မုန်းထုတ်ပေးနေတဲ့ Pancreas ကိုသာ သရက်ရွက်လို့ခေါ်တယ်။ (သတ်ပုံတွေ ပြင်လိုက်ပါတယ်။ ဆောရီး။)

ဘေလုံးထုတ်ထားသူလည်း အသက်ရှင်နေထိုင်နိုင်ပါတယ်။ ဘေလုံးခွဲထုတ်တာကို Splenectomy လို့ခေါ်ပါတယ်။ တစိတ်တပိုင်းထုတ်ရတာနဲ့ တခုလုံးထုတ်ရတာလို့ရှိတယ်။ အသည်းနဲ့မတူတာက ဘေလုံးက အသစ်ပြန်မဖြစ်နိုင်ပါ။ ဆောရီး။ လူ ၃ဝ% မှာ အစတည်းက ဘေလုံးအပိုပါနေတယ်။ သေးသေးလေး။

ထိခိုက်ဒဏ်ရာရခြင်းကနေ ဘေလုံးကွဲထွက်နိုင်တယ်။ ဆောရီး။ အထဲမှာ သွေးအလွန်ထွက်မယ်။ အဲလိုဖြစ်ရင် ထုတ်ရတာ များတယ်။ ရောဂါတွေကြောင့်လည်း ဘေလုံးကြီးနေရာနေ ခွဲထုတ်ဘို့လိုလာတတ်တယ်။ လူးပတ်စ်၊ ဆစ်ကယ်ဆဲလ် သွေးအားနည်းရောဂါတွေကနေ ဘေလုံးကို အလိုလိုသေးသွားစေနိုင်တယ်။

ဘေလုံးထုတ်ပေးရတဲ့ရောဂါတွေကတော့ -
Idiopathic thrombocytopenic purpura (ITP) သွေးအားနည်းရောဂါ၊
Hereditary elliptocytosis (ovalocytosis) မွေးရာဂါရောဂါ၊
Hereditary nonspherocytic hemolytic anemia မွေးရာဂါရောဂါ၊
Hereditary spherocytosis မွေးရာဂါရောဂါ၊
Thalassemia (Mediterranean anemia) မွေးရာဂါရောဂါ၊
Aneurysm in the spleen's artery သွေးကြောရောဂါ၊
Blood clot in the spleen's blood vessels သွေးခဲပိတ်ခြင်း၊
Leukemia လူကီးမီးယား သွေးကင်ဆာ၊
Lymphoma လင်ဖိုးမားကင်ဆာ၊
Cyst or abscess in the spleen ဘေလုံးထဲ ဆစ်စ်ခေါ် အိတ်ဖြင်ခြင်းနဲ့ ပြည်တည်ခြင်း။

သတိထားဘို့တွေတော့ရှိတယ်။ ဘေလုံးရဲ့အလုပ်က အဓိက ပိုးမွှားတွေဝင်လာရင် ခုခံကာကွယ်ပေးတယ်။ အဲတော့ ရောဂါပိုးတွေမဝင်အောင် သတိထားနေရမယ်။ Streptococcus pneumoniae နူမိုးနီးယား၊ Neisseria meningitides ဦးနှောက်အမြှေးရောင်၊ Haemophilus influenza တုပ်ကွေး။ အထူးသတိထားရမယ့်ပိုးတွေက Streptococcus pneumoniae, Neisseria meningitidis, and Haemophilus influenza ပိုးတွေဖြစ်တယ်။ ဒီကောင်တွေကနေ နူမိုးနီးယား၊ ဦးနှောက်မှေးရောင်တွေအထိဖြစ်နိုင်တယ်။ pneumococcal pneumonia ကာကွယ်ဆေးထိုးထားသင့်တယ်။

ခွဲစိတ်အပြီး သတိထားရမှာတွေရှိတယ်။ သွေးပြန်ကြောထဲ သွေးခဲပိတ်တာ၊ ခွဲထားတဲ့ဒဏ်ရာ အူကျွံတာ၊ ချုပ်ရိုးနေရာ ပိုးဝင်တာ၊ သရက်ရွက်ရောင်တာ၊ ခွဲစိတ်နေရင်း အစာအိမ်နဲ့ အူကိုထိခိုက်တာတွေဖြစ်တယ်။

ပိုးသေဆေးကိုတော့ စနစ်တကျသုံးရမယ်။ ဗိုင်းရပ်စ်ပိုးကို ဗက်တီးရီးယားဆေးနဲ့မရပါ။ မလိုပါ။ လိုရင်တော့သုံးဘို့ရာ ဆောင်ထားပါ။ ဘယ်ပိုးမဆို ကိုယ့်ထဲ ဝင်မလာဘို့က ပိုအရေးပါတယ်။ နှာခေါင်းစည်း၊ လက်အိတ်သုံးရမယ်။ လက်ကိုမကြာခဏ ဆေးရမယ်။ လူစည်စည်ရှိရာကို ရှောင်ရမယ်။ ချောင်းဆိုး-နှာခြေနေသူတွေနဲ့ ပူးကပ်မနေရပါ။ ကူးစက်ရောဂါရှိနေသူတွေနဲ့ ဝေးဝေးနေပါ။ ရာသီဥတုကနေဖြစ်တာကာကွယ်ဘို့ရာ အဝတ်အစား၊ အစားအသောက် ဂရုစိုက်ရမယ်။ တခြားတိုင်းပြည်ခရီးထွက်ရင် ကာကွယ်ဆေးထိုးရမယ်။

ဒေါက်တာတင့်ဆွေ
၉-၁၂-၂ဝ၁၆

No comments:

Post a Comment

Note: Only a member of this blog may post a comment.