မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Thursday, December 8, 2016

The Beast အမေရိကန်သမတစီးတဲ့ တောကောင်ကြီး

အဲဖို့စ်ဝမ်းရေးပြီးတော့ အမေရိကန်သမတစီးတဲ့ကားအကြောင်းလည်း သိချင်ကြတယ်ဆိုလို့။

အမေရိကန်သမတတွေစီးတဲ့ကား အမျိုးအစားက Cadillac limousine (ကက်ဒီလက် လင်မိုဆင်း) ဖြစ်ပါတယ်။ အခေါ်အဝေါ်ကတော့ (ဘိ့စ်) တဲ့။ ဘာသာပြန်ရင် တောကောင်ကြီးလို့က အဆီလျှော်ဆုံးထင်ပါတယ်။ လူတိရစ္ဆာန်၊ တောရိုင်းသတ္တဝါ၊ ကြောက်စရာသားရဲကောင်။

သမတစီးတဲ့ကားကို အထူးတလည်ပြုလုပ်ပြီး လျို့ဝှက်ဌာနရဲ့ အဆင့်အတန်းနဲ့ လုံခြုံအောင်သတ်မှတ်ထားပါတယ်။
သိပ်မကြာသေးခင်က ထွက်လာတဲ့ လှို့ဝှက်ချက် (၁ဝ) ချက်ရှိတာသိလာရပါတယ်။

၁။ အိုဘားမားစီးနေတာက အရင်သမတတွေစီးတဲ့ Cadillac (ကက်ဒီလက်) မဟုတ်တော့ပါ။ ဒီဇယ်အင်ဂျင်။ Chevrolet Kodiak (ချက်ဗရိုလက် ကိုက်) လို မီးကူးနည်းသုံးထားတယ်။ ရှေ့မီးတွေက Escalade ကဟာမျိုး။ နောက်မီးတွေက STS ကဟာမျိုး။ အိမ်ပြောင်းရာမှာငှားသုံးလေ့ရှိတဲ့ U-Haul truck ထရပ်ကားပစ္စည်းတွေလည်းပါသေးတယ်။

၂။ သံချပ်ကာကားနဲ့တူတယ်လို့ပြောရတာထက် ပိုပါတယ်။ ကမ္ဘာပေါ်မှာ ပြူတင်းပေါက်ပါ သံချပ်ကာကားဆိုလို့ (ဘိ့စ်) ထက်သာတာမရှိပါ။ သံထုက ၈ လက္မထူတယ်။ တံခါးတချပ်ဟာ ဘိုရင်း ၇၅၇ တံခါးလောက်လေးတယ်။ ပြူတင်းပေါက် သံထုက ၅ လက္မထူတယ်။ ၅ ထပ်ရှိတယ်။ ကျည်ကာဖြစ်တယ်။ Goodyear ကားတာယာတွေက ဘတ်စ်ကား တာယာလောက်ရှိတယ်။ ဘီးပေါက်ရင်လည်း အကွာအဝေးတခုအထိ ဆက်မောင်းလို့ရတယ်။ အတွင်းထဲကို အပြင်လောကနဲ့ ခြားထားပေးတယ်။ ဆီတိုင်ကီကို အထူးပြုလုပ်ထားတဲ့ အမြှုပ်နဲ့ အုပ်ပေးထားတယ်။

၃။ ကရိယာတန်ဆာပလာတွေက စုံလင်တယ်။ မီးသတ်ဗူး၊ အောက်စီဂျင်ဗူး၊ အရေးပေါ်သုံးဆေးပစ္စည်းတိုင်းဟာ သမတ သွေးအမျိုးအစားနဲ့ ကိုက်ညီအောင်ထည့်ပေးထားတယ်။ လက်နက်တွေလည်းပါတယ်။ သေနတ်အတိုတွေ၊ မျက်ရည်ယိုဗုံး၊ ပခုံးထမ်းလောင်ချာ။ အဲလိုထပ်ဖြည့်ဘို့ဟာ ၂၂-၁၁-၁၉၆ နေ့က သမတကနေဒီ ဒါးလပ်စ်မှာ လုပ်ကြံခံရအပြီးမှ ဖြစ်လာတာပါ။

၎။ လူ (၇) ယောက်စီးလို့ရတယ်။ သမတ၊ ဒရိုင်ဘာနဲ့ သမတလုံခြုံရေးအရာရှိက ရှေ့ဆုံးမှာ။ နောက်ခန်းမှာ သမတရဲ့ ဧည့်သည်တော်။ သမတနဲ့ ဧည့်သည်ကြား စားပွဲငယ်တခုရှိတယ်။ သမတထိုင်တဲ့ခုံက သားရေခုံမဟုတ်ပါ။ နက်ပြာရောင် အဝတ်သာဖြစ်တယ်။ ထိုင်ခုံခါးပတ်က တမျိုး။

၅။ တောကောင်ကြီးဘယ်သွားသွား တကောက်တည်း မဟုတ်ပါ။ ဆင်တူကားတွေပါနေမယ်။ တခြား (လင်မိုဆင်း) တွေမှာ ဧည့်သည်နဲ့ ထိပ်တန်းအရာရှိတွေစီးတယ်။

၆။ Duramax diesel engine ဒီဇယ်အင်ဂျင်သုံးတယ်။ Chevrolet နဲ့ GMC ထရပ်ကားတွေလိုပဲ။

၇။ ကားမောင်းသမားတွေကို အထူးသင်တန်းပေးထားတယ်။ ပြိုင်ကားမောင်းသမားနဲ့မတူပဲ ကျောင်းကားမောင်းသမားနဲ့ ပိုတူတယ်။ J-turns ကွေ့ကွေ့တတ်တယ်။ ရဲကားတွေလိုလည်း လူရှင်းနည်းနာသင်ပေးထားတယ်။

၈။ ကားရဲ့ အတိုင်းအတာတွေသိရင် အားကျ အံ့သြသွားမယ်။ ဥပမာ ပေါင် ၂ သောင်းတင်နိုင်တယ်။ 60 mph နှုန်းနဲ့ မောင်းနေရာကနေ ၁၅ စက္ကန့်နဲ့ လုံးဝရပ်သွားစေနိုင်တယ်။ အမြင်ဆုံးပြေးနှုန်းက မိုင် (၆ဝ)။

၉။ C-17 Globemaster ပို့ဆောင်ရေးလေယာဉ်နဲ့ သယ်ရရွေ့ရတယ်။ အကာအကွယ်အထူစားတွေ တပ်ထားလို့ Chevrolet Suburban communications vehicle ခေါ်တယ်။ SATCOM dome ခေါ် အမေရိန်ကန်စစ်တပ်သုံးဂြိုလ်တုက ကားအထက်မှာ အမြဲရှိနေမယ်။

၁ဝ။ တခါတလေမှာ သမတဟာ တခြား အထူးမွမ်းမံထားတဲ့ Chevrolet Suburban ကားစီးတယ်။ Prevost bus  ဘတ်စ်ကားလိုပဲ။ အဲတာကို Ground Force One လို့ခေါ်တယ်။

ဒေါက်တာတင့်ဆွေ
၈-၁၂-၂ဝ၁၆


NLD under lens ဇီဝက

(မနှစ်က ဒီနေ့မှာ ရေးခဲ့တာ)

အစိုးရသစ်ကို စောင့်နေကြတယ်။ တချို့က ပေကြိုးနဲ့။ တချို့ကဂိုက်တံနဲ့။ တချို့က (စကွဲယား) နဲ့။ တချို့က ဂါလံခွက်နဲ့။ တချို့က (ဂိုက်ဂါကောင်တာ) နဲ့။ တချို့က (ဘာရိုမီတာ) နဲ့။ တချို့က မှန်ဘီလူးနဲ့။ (မိုက်ကရိုစကုပ်) နဲ့။ တချို့က ပြည်တောင်း တင်းတောင်းနဲ့။ တချို့က အလေးချိန်ခွင်နဲ့။ တချို့က လက်နဲ့ထွာဘို့။

ကျွန်တော်လည်း BP သွေးဖိအားတိုင်းဘို့ရာ (ဘီပီဘောက်စ်) နဲ့ ကိုယ်ပူချိန်အတွက် (သာမိုမီတာ) သုံးပါထားတယ်။ နားထောင်စရာ နားကြပ်လည်းပါသေးတယ်။ နှလုံးခုန်နှုန်းဆိုတာ မိနစ်မလပ် တက်လိုက်ကျလိုက်ရှိပါတယ်။ ကိုယ်ပူချိန်ကတော့ မဖျားသရွေ့ ၉၈့၆ (အက်ဖ်) နဲ့ ၃၇ (စီ) ရှိတယ်။ သေချာတာက NLD ဟာ အနာမဲ့သူ ရှင်ပါကူ မဟုတ်ပါ။ တခါတလေတော့ အဖျားတက်မှာပေါ့။

NLD ဟာ ငယ်ငယ်တုံးက ဖိစီးနှိပ်စက်မှုတွေ အတော်ကြီးခံခဲ့ရတယ်။ ရောဂါတွေ အနာတွေမနည်းဘူး။ ဒီတောင်က ကျော်နိုင်ပါ့မလားလို့ ခဏခဏဖြစ်ခဲ့ရတယ်။ အခုတော့ ဆေးကောင်းနဲ့တွေ့သွားပြီ။ ဆရာဝန်ကျွန်တော်က မဲပေးခဲ့သူတွေကိုသာ (ဇီဝက) ဘွဲ့ ပေးထားတယ်။

ဖျားတာနာတာလောက်တော့ ကျွန်တော်ကုတတ်ပါတယ်။ ပိသာလေးနဲ့တော့ နံဘေးမပစ်ကြပါနဲ့။ ရွှေစစ် မစစ် အက်စစ်နဲ့ စစ်ရတယ်။ NLD ကို ရွှေလို့မပြောပါ။

အဲ့့ ချိန်ခွင်နဲ့ အလေးတွေ စံကိုက်ဖြစ်ပါစေ။ ထွာမယ့်လက်တွေမှာ ရောဂါပိုးတော့ ကင်းပါစေ။

ဒေါက်တာတင့်ဆွေ
၈-၁၂-၂ဝ၁၅

No comments:

Post a Comment

Note: Only a member of this blog may post a comment.