A mother’s diet and her milk မိခင်အစားအသောက်နဲ့ နို့ရည်

ဆရာရှင့် ကျမသမီးက ၃ လခွဲပါရှင့်။ တခါတခါ လေအောင့်တတ်ပါတယ်။ ကျောကော့ပြီးအော်လို့ မှန်းတာပါ။ ဝမ်းကလည်း ၃ ရက်တခါသွားပါတယ်ဆရာ။ ဆရာဝန်ပြတော့လည်း ဖြစ်တတ်တယ်လို့ ပြောပါတယ်ဆရာ။ တချို့လည်း မိခင်ဖြစ်သူက လေဆေး/ဝမ်းပျော့ဆေး စားရတယ် ပြောကြလို့ သိချင်လို့ပါဆရာ။ ကျမဆေးသောက် မပျင်းပေမယ့် တကယ်ထိရောက်လားဆိုတာ သိချင်လို့ပါရှင့်။ နောက်တခုက ကျမ နို့တိုက်မိခင်ဖြစ်တဲ့အတွက် နေ့စဉ်သောက်ရင် ဘေးထွက်ဆိုးကျိုးဖြစ်မှာ စိုးပါတယ်။ နို့ထွက်နဲမှာလည်း စိုးလို့ပါရှင့်။ ကျေးဇူးပြုပြီး အကြံပြုဖြေကြားပေးပါဆရာ။

ဆရာရှင့် ကူညီပေးပါရှင့်။ ကျမ နို့တိုက်မိခင်ပါ။ သမီးလေးက ၄ လပြည့်တော့မှာပါ။ ကလေးဝမ်းသွားတာ ဝမ်းချုပ်တာ၊ လေအောင့်တာ၊ ချောင်းဆိုးတာတွေဖြစ်တိုင်း တော်တော်များများက အမေဘာစားလို့လဲ မေးကြပါတယ်ဆရာ။ မိသားစုဝင်တွေကရော အဲလိုပါပဲဆရာ။ ကျမသိထားတာကတော့ အယ်လ်ကိုဟောနဲ့ ကဖိန်းဓာတ်ပါတဲ့ အစား အသောက်တွေပဲ ရှောင်ဖို့လိုတယ်လို့ပါဆရာ။ အဲဒါကြောင့်မို့ နို့တိုက်မိခင်တွေ အစားအသောက် ဆောင်ရန်ရှောင်ရန် ပြည့်ပြည့်စုံစုံ ညွှန်ကြားပေးပါဆရာ ကျေးဇူးတင်ပါတယ်ရှင့်။

မေးခွန်းက တယောက်တည်းဆီကလာတာ။ ကျွန်တော်က အခုမှသာတွေ့တယ်။ ဖရင်းမဟုတ်သူတွေကမေးရင် လိုက်ရှာပြီး (အဆက်ပ်) အရင်လုပ်မှသာ ပေါ်လာတယ်။ ဆောရီး။ စာကရေးပြီးသားမရှိလို့ အသစ်ရေးရပါတယ်။ ကျွန်တော့်ကိုပါ ဆောရီးပြော။ Smile!

၁။ ကလေးနို့တိုက်နေစဉ်မှာ မိခင်ကအစားအသောက်အကောင်းဆုံး ဖြစ်အောင်ထိန်းရမလား။ မလိုပါ။ မိခင်စားတာ သောက်တာကြောင့် သူကထွက်တဲ့နို့အပေါ်မှာသက်ရောက်မှုဟာ မဖြစ်စလောက်သာရှိတယ်။ လူ့ကိုယ်ခန္ဓာ ဇီဝကမ္မ ဖြစ်စဉ်ကြီးဟာ အလွန်အံ့သြစရာကောင်းလောက်အောင် ကောင်းမွန်ပြည့်စုံတယ်။ ဘယ်လိုပဲ ခေါင်းပါးမှုတွေ၊ ကြွယ်ဝ ချမ်းသာမှုတွေရှိပါစေ မိခင်နို့မှာ ကလေးအတွက်လိုအပ်တာတွေဖြစ်အောင် စီမံပေးပါတယ်။

၂။ ကလေးနို့တိုက်နေစဉ်မှာ အရက်၊ ကော်ဖီရှောင်ခိုင်းတယ်။ အဲတာမျိုးတောင်မှ ရံဖန်ရံခါ သောက်လို့ နို့မှာပါတာကနေ ကလေးကို ဆိုးဆိုးဝါးဝါးမဖြစ်စေပါ။

၃။ ဟိုအရင်က ဆန်နဲ့ အသီးအရွက်လေးနည်းနည်း၊ အသားရှားရှားပါးပါးသာ စားသုံးခဲ့ကြတဲ့ မိခင်ကြီးတွေကနေ သူတို့ကလေးတွေကို ကျန်းကျန်းမာမာဖြစ်အောင် နို့တိုက်ခဲ့ကြပါတယ်။

၎။ ဒါဖြင့်ရင် အစားကောင်းကောင်းမစားပဲနေတာ ကောင်းသလား။ အဲတာတော့ မဟုတ်ပါ။ မိခင်ကိုယ်တိုင်က ကျန်းမာနေမှသာ နေရတာလည်းကောင်း၊ ကိုယ်ရောစိတ်ပါရွှင်လန်းလို့ ကလေးကို ပြုစုစောင့်ရှောက်နိုင်မှာပါ။ ဂျန့်ဖုဒ် ခေါ် ခေတ်ပေါ်၊ ပေါ်ပြုလာ၊ ဆိုင်မှာအလွယ်ဝရတဲ့ အစားအသောက်တွေကတော့ မသင့်ပါ။ အဲတာလည်း မိခင်အတွက် ပြောတာဖြစ်ပါတယ်။

၅။ မိခင်ရဲ့ ရေသောက်တာကနေတော့ နို့ထွက်တာကို သက်ရောက်တယ်။ နည်းတာမကောင်းပါ။ တခြားအရည်တွေကို ပိုသောက်ဘို့ မတိုက်တွန်းပါ။

၆။ ကယ်လိုရီ ခေါ် အားအင်ဖြစ်စေတဲ့တိုင်းတာမှု ပြည့်မီရပါမယ်။ အဲတာက အစားအစာတိုင်းကနေရတယ်။

၇။ မိခင်ဟာ အစားအစာ လုံလောက် + မျှတအောင်စားနေနိုင်ရင် ဖြည့်စွက်ဗီတာမင်တွေလည်း မလိုပါ။

၈။ အဆီဆိုရင်တော့ ကျန်းမာရေးနဲ့ညီညွတ်တဲ့ ဆီနဲ့ အဆီကိုသာ စားသုံးသင့်တယ်။

၉။ ဘယ်အစာတွေ ရှောင်ရမလဲ။ ထူးရှောင်စရာမလိုပါ။ မာကျူရီများများပါတဲ့ငါးတွေတော့ ရှောင်ပါလေ။

၁ဝ။ ကေဖင်းဓါတ်ပါတာ ရှောင်ပါလေ။

၁၁။ အယ်လ်ကိုဟော ခေါ် အရက်ပါတာ ရှောင်ပါလေ။

၁၂။ မိခင်စားတဲ့ ပရိုတင်းတချို့ဟာ မိခင်နို့ထဲရောက်တယ်။ နွားနို့၊ မြေပဲ။ မိသားစုထဲမှာ အစားအစာအလာဂျီ ရာဇဝင်ရှိရင် သတိထားပါလေ။

Dr. တင့်ဆွေ