မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, January 10, 2017

ကနန်း နဲ့ ဂဏန်း

Shan Shan ဂဏန်းကောင်ဆိုတာ သတ်ပုံမှားနေပါတယ်။ ငယ်ငယ်ကတည်းက အမှားအတိုင်းသင်ခဲ့ရတယ်။ မှားမှန်း မသိခဲ့ဘူး။ ကြီးမှ ဟိုဖတ်ဒီဖတ် တောင်ဖတ်မြောက်ဖတ်နဲ့သိရတာ။ ဂဏန်းဆိုတာ ဂဏိတဆိုတဲ့ ပါဠိစကားက ဆင်းသက်လာတာ။ ဂဏန်းသင်္ချာအတတ်၊ အတွက်အချက်ပညာလို့ အဓိပ္ပါယ်ရကြောင်း ဖတ်ဘူးပါတယ်ဆရာ။ ရေသတ္တဝါမဟုတ်ပါ။ မမှားဘူးဆိုရင် သူ့သတ်ပုံအမှန်က ကနန်းလားမသိဘူး။ မေ့တေ့တေ့တော့ဖြစ်နေပြီ။

ပါဠိ-မြန်မာ အဘိဓာန်အရ ဂဏန်းဆိုရင် သင်္ချာလို့ဆိုလိုတာ မှန်တယ်။

အရင်ခေတ် သတ်ပုံစာအုပ် ၂ အုပ်ထဲမှာ ကနန်း လို့ပါတယ်။
ခုခေတ်ထုတ်သတ်ပုံစာအုပ်မှာ ကဏန်း လို့ပါတယ်။
မြန်မာ့စွယ်စုံကျမ်းမှာ ကနန်း လို့ရေးပါတယ်။

ကနန်း ကသာ ပိုပြီးသင့်မြတ်မယ်ထင်ပါတယ်။ ကဏန်း ဆိုရင် ဂဏန်း နဲ့ ရောထွေးမယ်။

ဒေါက်တာတင့်ဆွေ
၁ဝ-၁-၂ဝ၁၇

No comments:

Post a Comment

Note: Only a member of this blog may post a comment.