မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Friday, January 6, 2017

အရမ်း

Thaung Thaung Nu အရမ်းဆိုတဲ့စကားလုံးကို သုံးသင့်ပါလားဆရာရှင့်။ ဒေါ်ခင်သန်းနုက ကြော်ငြာတခုမှာပြောလို့ လိုက်သုံးကြတာမျိုး မသုံးသင့်ဘူးလို့ ဖတ်ဖူးလို့ပါ။

အရမ်းကောင်းတာပဲ။ အရမ်းတော်တာပဲ သဖြင့်ပြောတာက ခေတ်စကားသာဖြစ်ပါတယ်။ တချို့က ထောက်ပြတယ်။ အရမ်းကို အနုတ်သဘော၊ အပျက်သဘောမှာသာ သုံးသင့်တယ်တဲ့။ ပရမ်းပတာ၊ လူသရမ်း၊ ဟော့ဟော့ရမ်းရမ်း အသုံးတွေကြောင့် ထင်ပါတယ်။

ရမ်း
ကိုယ်လက်ရောင်ရမ်း
ခရမ်းကစော့ (ကဆော့) သီး
ခရမ်းခါးသီး
ခရမ်းချဉ်သီး
ခရမ်းကြွပ်သီး
ခရမ်းရောင်
ပရမ်းပတာ
ဗညားရမ်း
ရမ်းကား (စော်ကား)
ရမ်းဆ
ရမ်းတုတ်
ရမ်းဗြဲကျွန်း
ရမ်းသန်းပြော
ရမ်းရော်
လူသရမ်း
သမိန်ဘရမ်း
ညောင်ရမ်းမြို့
ရော်ရမ်းမှန်းဆ
ဟော့ဟော့ရမ်းရမ်း

အရမ်းကို အလွန်အကဲဆိုတဲ့ နာမဝိသသနနဲ့ ကြိယာဝိသေသနအဖြစ် သုံးနေကြတယ်။ ရမ်းရမ်းလွေ့ = များသည်လို့ရော ရမ်းရမ်း = အားရနှစ်သက်သည်လို့ပါ ခေတ်ဟောင်းသတ်ပုံစာအုပ်မှာ ပါခဲ့တယ်။ ကျွန်တော့်သဘောက ကန့်ကွက်ဘို့ ဝန်လေးပါတယ်။ ရမ်းရမ်းလွေ့ကတောင် လှသေးတယ်။

ဒေါက်တာတင့်ဆွေ
၆-၁-၂ဝ၁၇

No comments:

Post a Comment

Note: Only a member of this blog may post a comment.