မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, January 23, 2017

Concussion ဦးခေါင်းခိုက်မိခြင်း ကွန်ကားရှင်း

အဲတာကို ကျွန်တော့်နာမည်တပ်ပြီး ရေးပါလားလို့ မိတ်ဆွေဆရာဝန်တဦးက ပြောထားတာကို အမှတ်မထင် ဖတ်လိုက်ရတယ်။ တိုက်ရိုက်ပြောတာတော့ မဟုတ်ပါ။ ဦးနှောက်ထိခိုက်ခြင်းအကြောင်းကတော့ ရေးထားပြီးသား။ အခုအကြောင်းက အဲတာတွေထဲက တခု။

ဦးနှောက်ဆိုတာ ပျော့စိစိ။ အပြင်မှာအရည်ပါးပါးလေးပါတဲ့ အိတ်အလွှာနဲ့ဖုံးအုပ်ထားတယ်။ အပြင်ဆုံးက အလွန်မာတဲ့ ဦးခေါင်းခွံ့ရှိတယ်။ ခေါင်းကို ထိုးတာရိုက်တာဖြစ်ဖြစ်၊ လိမ့်ကျလို့ဖြစ်ဖြစ်၊ ယာဉ်မတော်တဆကြောင့် ဖြစ်ဖြစ်၊ အားကစား လုပ်ရင်းဖြစ်ဖြစ် ခေါင်းထိခိုက်မိရင် ဖြစ်တတ်တယ်။

ရနိုင်တဲ့ရောဂါလကဏာတွေ
နောက်ကြောင်း စဉ်းစားရတာ မကြည်လင်ဘူး။ တွေးတောရတာ မရှင်းဘူး။ နှေးလေးနေမယ်။ အာရုံစူးစိုက်ရခက်မယ်။ မှတ်သားရတာခက်မယ်။ ပျို့အန်မယ်။ ခေါင်းကိုက်မယ်။ မျက်စိမကြည်လင်ဘူး။ ခေါင်းမူးမယ်။ အလင်းရောင်နဲ့ အသံတွေကို မခံနိုင်ဘူး။ ကိုယ်ကိုညီမျှအောင်ထိန်းရတာခက်မယ်။ ပင်ပန်းနေတယ်။ စိတ်တိုလွယ်မယ်။ စိတ်မူပြောင်းမယ်။ ဝမ်းနည်းနေမယ်။ ဒေါသထွက်လွယ်မယ်။ စိုးရိမ်စိတ်ကဲမယ်။ အိပ်ချင်မယ်။ စိတ်ခံစားမှုပိုနေမယ်။ ခါတိုင်းထက် ပိုအိပ်မယ်။ ခါတိုင်းလောက် မအိပ်နိုင်။ ကလေးတွေဆိုရင် ငိုနေမယ်။ မပြောတတ်ဘူး။ ကစားတာ အရင်လိုမဟုတ်။ စားတာ အိပ်တာ အရင်လိုမဟုတ်။ လူကြီးဖြစ်ဖြစ် ကလေးဖြစ်ဖြစ် တချို့တက်မယ်။

သတိက လစ်ချင်မှလစ်မယ်။ တချို့မှာ ဘာဖြစ်သွားသလဲကို စဉ်းစားမရဖြစ်မယ်။ တချို့ လုံးဝအကောင်းန်ြဖြစ်တယ်။ အဲတာလည်း မြန်တာ ကြာတာ မတူကြပါ။ ပျောက်စမှာ ဦးနှောက်ဟာ အရင်လောက်မဟုတ်သေးလို့ ထပ်ပြီး ထိခိုက်မိမှာကို ပိုသတိထားရမယ်။ ကံဆိုးသူတွေမှာ နာတာရှည်ဒဏ်တွေကျန်နေတယ်။ လှုပ်ရှားမှုနဲ့ စကားပြောဆိုတာတွေမှာ သက်ရောက်ခံရတယ်။

နားနေခြင်းဟာ အကောင်းဆုံးဖြစ်တယ်။ အိပ်ဆေးမသောက်ပဲ အိပ်နားတာလည်း ကောင်းတယ်။ အရက်၊ မူးစ်ဆေးမသင့်။ ဆေးကို ဆရာဝန်ညွှန်တာသာသောက်ပါ။ လှုပ်ရှားမှု ကန့်သတ်ပြီးသာ လုပ်သင့်တယ်။ ဆရာဝန်ကခွင့်ပြုမှသာ ကားမောင်းပါ။ အပြင်ဒဏ်ရာကို အအေး (ရေခဲ) ကပ်ပါ။ တခါတခါ ၁ဝ-၂ဝ မိနစ်ကြာ။ အနာ-အရောင်သက်သာ ဆေးပေးမယ်။

ဦးခေါင်းမခိုက်မိအောင် ကာကွယ်ဘို့ အရေးကြီးတယ်။ အားကစားရွေးပါ။ အကာအကွယ်တွေ စည်းကမ်းတကျသုံးပါ။ ဦးထုပ်၊ ဟဲလ်မက်ဆောင်းပါ။ ကားမောင်း-ကားစီး ခါးပတ်သုံးပါ။

Head injury First Aid ဦးခေါင်းဒဏ်ရာ ရှေးဦးသူနာပြုစုခြင်း http://doctortintswe.blogspot.com/2015/07/head-injury-first-aid.html
Head injury ခေါင်းကိုထိခိုက်မိရင် မပေါ့ရပါ http://doctortintswe.blogspot.com/2015/07/head-injury-first-aid.html

ဒေါက်တာတင့်ဆွေ
၂၃-၁-၂ဝ၁၇

No comments:

Post a Comment

Note: Only a member of this blog may post a comment.