မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, January 29, 2017

Digoxin ဒိုင်ဂေါက်ဇင်

ဆရာခင်ဗျာ Digxoin ကို ကျနော်အမေအတွက် ဆရာဝန်က ညွှန်းပါတယ်။ ဆေးအာနိသင်နှင့်တစ်ကွ ဘေးထွက်ဆိုးကျိုး၊ မည်သို့အသုံးဝင်ပုံတို့ကို ရှင်းလင်းပြောကြားစေလိုပါတယ်ခင်ဗျာ။ ကျနော်အမေ၏ အသက်မှ ၄၆ နှစ်ဖြစ်ပါတယ်ခင်ဗျာ။

ဒိုင်ဂေါက်ဇင်ဟာ နှလုံးရောဂါအတွက်ဆေးဖြစ်တယ်။ အပင်တမျိုးကနေထုတ်ယူတယ်။ နှလုံးခုန်တာ အားကောင်းစေမယ်။ စည်းဝါးမှန်ခုန်စေမယ်။ heart failure နှလုံးအလုပ်နိုင်အောင် မလုပ်နိုင်တာအတွက်လည်းပေးတယ်။ atrial fibrillation ခေါ် နှလုံးခုန်မူမမှန်တာအတွက်လည်းပေးတယ်။

ဆေးပြား 500 - 750 mcg ပေးရင် နာရီဝက်ကနေ ၂ နာရီအတွင်းသက်သာလာမယ်။ ဆေးစွမ်းက ၆ နာရီခံတယ်။ 125 - 375 mcg ဆက်ပေးမယ်။

ဆေးတောင့် 400 - 600 mcg ပေးရင် နာရီဝက်ကနေ ၂ နာရီအတွင်းသက်သာလာမယ်။ ဆေးစွမ်းက ၆ နာရီခံတယ်။ 100 - 300 mcg ဆက်ပေးမယ်။

ထိုးဆေး 400 - 600 mcg ပေးရင် ၅-၃ဝ မိနစ်မှာဆေးစွမ်းပြမယ်။ ၁-၄ နာရီခံတယ်။ 100 - 300 mcg ဆက်ပေးမယ်။

ဘေးထွက်သက်ရောက်မှုများ = ပျို့-အန်၊ နှလုံးခုန်နှုန်းကိုသက်ရောက်ခြင်း၊ ဝမ်းထဲသွေးပါခြင်း၊ မျက်စိဝေဝါးခြင်း၊ စိတ်ရှုပ်ထွေးခြင်း၊ ဝမ်းလျှော၊ အားနည်း၊ ယောက်ျားရင်သားကြီးခြင်း၊ ခေါင်းကိုက်၊ စိုးရိမ်စိတ်။

ဒီဆေးကိုသုံးနေခဲ့တာ နှစ်ပေါင်းများစွာကြာပါပြီ။ စိတ်ချရတယ်လို့ပြောနိုင်တယ်။ မြန်မာနိုင်ငံသားတွေ ဘယ်မှာနေနေ နှလုံးရောဂါကင်းဝေးကြပါစေ။

ဒေါက်တာတင့်ဆွေ
၂၉-၁-၂ဝ၁၇

No comments:

Post a Comment

Note: Only a member of this blog may post a comment.