Lymphatic filariasis ဆင်ခြေထောက်ရောဂါ

ဆင်ခြေထောက်ရောဂါဟာ နိုင်ငံပေါင်း ၅၄ နိုင်ငံမှာ ၉၄၇ သန်းမှာ ဒီရောဂါအတွက်သတိထားနေရတယ်။ သန်း ၁၂ဝ မှာ ပိုးရှိနေပြီး၊ သန်း ၄ဝ မှာ ခြေထောက်တွေ ကြီးနေကြတယ်။ ယောက်ျား ၂၅ သန်းမှာ ကျားလိင်အင်္ဂါပါ ရောဂါကြောင့် ကြီးနေကြတယ်။ ၁၅ သန်းက ခြေထောက်ပါကြီးနေတယ်။ ကူးစက်မှုမဖြစ်အောင် ဆေး ၂ မျိုးတွဲကို တကြိမ်တည်း တိုက်ပေးနေပါတယ်။

Filariodidea အုပ်စုဝင် Nematodes (Roundworms) သန်ကောင်ကနေ ဖြစ်စေတယ်။ (၃) မျိုးရှိတယ်။ Wuchereria bancrofti အမျိုးအစားက 90% ဖြစ်စေတယ်။ ကျန်တာက Brugia malayi နဲ့ B. timori ဖြစ်တယ်။ သွေးပြန်ရည်စနစ်ကို ထိခိုက်ပြီး လမ်းကြောင်းပိတ်တယ်။ ဒါကြောင့် ရောင်တာ၊ ကြီးတာတွေ ဆက်ဖြစ်တယ်။ Culex ခြင်အမျိုးအစားကနေ လူတယောက်ဆီကနေ နောက်တယောက်ဆီ ကူးစက်စေတယ်။

Culex အမျိုးအစားခြင်က မြို့တွေမှာများတယ်။ Anopheles ခြင်က တောတွေမှာများတယ်။ Aedes ခြင်က ကျွန်းတွေမှာ များတယ်။ ခြင်နှိမ်နင်းရေးလဲလုပ်ရမယ်။ MDA နည်းဗျူဟာကို ၄-၆ နှစ်ကြာလုပ်မယ်။

ရက်တိုနဲ့ နာတာရှည် ၂ မျိုးဖြစ်တယ်။ သန်ကောင်ဟာ ပျမ်းမျှ ၆ နှစ်ကနေ ၈ နှစ်အထိနေတယ်။ အများစုမှာ ဘာမှ မခံစားရဘူး။ ဒါပေမဲ့ သွေးပြန်ရည်စနစ်နဲ့ ကျောက်ကပ်၊ ခုခံအားစနစ်တို့ကို ထိခိုက်နေလိမ့်မယ်။ ဖြစ်ကာစမှာ တက်စေ့တွေ ရောင်မယ်။ နာတာရှည်ဖြစ်မှ Lymphoedema ရောင်တာတွေဆက်ဖြစ်တယ်။ ခြေထောက်မှာ အများဆုံးဖြစ်တယ်။ ယောက်ျားကပ်ပဲ့အိပ်၊ အမျိုးသမီးရင်သား၊ မိန်းမအင်္ဂါတွေမှာလဲ ဖြစ်နိုင်တယ်။

Mass drug administration (MDA) လူအများစုကိုဆေးပေးနည်းနဲ့ ကာကွယ်ရေးလုပ်ပါတယ်။
၁။ Albendazole (400 mg) + Diethylcarbamazine citrate (DEC) (6 mg/kg) တခြားဒေသတွေမှာ ပေးတယ်။

၂။ Albendazole (400 mg) + Ivermectin (150-200 mcg/kg) ဆေးအတွဲကို Onchocerciasis (River blindness) ရောဂါ ထူပြောရာဒေသတွေမှာ ပေးတယ်။

Albendazole ရဲ့ ဘေးထွက်-ဆိုးကျိုးတွေ = ကိုယ်ပူ၊ အရေပြားနီ-ယား၊ လည်ချောင်းနာ၊ အားယုတ်၊ ဗိုက်အောင့်၊ ဝမ်းပျက်၊ ခေါင်းမူး၊ ခေါင်းကိုက်၊ ပျို့၊ အန်၊ ဆံပင်ပါး၊ ဆံပင်ကျွတ်၊ ထိပ်ပြောင် (ဆေးဖြတ်ရင် ပြန်ကောင်းနိုင်)၊ ကျောက်ကပ် အလုပ်မလုပ်နိုင်၊ အသဲအလုပ်ပျက်၊ အသည်းအလုပ်မနိုင်၊ သွေးစစ်ရင် ပုံမှန်မဟုတ်၊ မျက်စိမြင်လွှာထိခိုက်။

ကိုယ်ဝန်ဆောင်နေစဉ်မှာ သတိနဲ့ပေးရမယ်။ အထဲကကလေးကို ထိခိုက်စေနိုင်တယ်။ ကိုယ်ဝန်တားဆေး သောက်နေချိန်မှာ တားနည်းကို အားနည်းစေလို့ တားနည်း ၂ မျိုးတွဲ ဥပမာ (ကွန်ဒွမ်) + တားဆေးတွဲသုံးသင့်တယ်။ Albendazole ဆေးဖြတ်ပြီးနောက် အဲလိုတလသုံးပါ။ ကလေးနို့တိုက်နေချိန်မှာ ဆေးက နို့ရည်ထဲရောက်-မရောက်ဆိုတာ ပြောဘို့ မသေချာပါ။

Diethylcarbamazine ရဲ့ ဘေးထွက်ဆိုးကျိုးတွေ = ယား၊ မျက်နှာ (မျက်လုံး) ရောင်၊ ကိုယ်ပူ၊ ညနေခင်း မျက်စိကြည့်မကောင်း၊ ခေါင်းကိုက်၊ အဆစ်နာ၊ မောပန်း၊ ခေါင်းမူး၊ ပျို့-အန်။ တကယ်လို့ မျက်စိကြည့်မကောင်းတာ၊ ည-ညနေပိုင်းကောင်းကောင်းမမြင်ရတာနဲ့ လှိုင်ခေါင်းထဲကနေ ကြည့်ရသလို မြင်လာရတာရှိရင် ဆရာဝန်ပြပါ။ ကိုယ်ဝန်နဲ့ နို့တိုက်မိခင်တွေအတွက် ထူးခြားပြီးဖေါ်ပြထားတာ မရှိပါ။

diethylcarbamazine citrate (DEC) ဆေးတကြိမ်တည်းပေးတာနဲ့ရတယ်။ အရင်က ၁၂ ရက်ပေးနည်းသုံးခဲ့တယ်။ albendazole with DEC or ivermectin ပေးနည်းက ၉၉% ကောင်းစေတယ်။

ဝဲ ခေါ် ယားနာအတွက် ivermectin 300 µg/kg ဆေးတပြားနဲ့ရတယ်။ ၇ က်နေ တခါထပ်သောက်တာကောင်းတယ်။

Filariasis Treatment ဆင်ခြေထောက်ရောဂါ ကုသနည်း 

ဆင်ခြေထောက်ရောဂါလို့ ခေါ်ကြပေမဲ့ အမြင်အရ ဆင်ခြေထောက်လိုဖြစ်နေတာကိုသာ အဲလိုခေါ်ရတယ်။ ဆေးစစ်လို့ ပိုးတွေ့ရင် Filariasis ရောဂါရှိနေသူဖြစ်တယ်။ Filariasis ရောဂါဟာ သူ့ဟာသူ တန့်နိုင်တဲ့ရောဂါဖြစ်တယ်။ အဲဒီပိုး ထပ်ဝင်ရင်တော့ ထပ်ဖြစ်နိုင်တယ်။ 

ပိုးရှိနေသူကို ivermectin, albendazole နဲ့ diethylcarbamazine (DEC) ဆေးတွေကိုသုံးတယ်။ ရောဂါဖြစ်စေတဲ့ အရွယ်ရသန်ကောင်တွေကို မျိုးမပွါးစေအောင်လုပ်ပေးတယ်။ လောလောလတ်လတ် ကူးစက်ခံထားရသူအတွက် ယူအက်စ်အေမှာ DEC ဆေးက အကောင်းဆုံးဖြစ်တယ်။ microfilaria တွေကိုလည်း သေစေမယ်။ အရွယ်ရ သန်ကောင်တွေကိုတချို့ပါ သေစေမယ်။ ဒီဆေးကို သုံးနေတာ နှစ် ၅ဝ လောက်ကြာပြီ။ ivermectin ဆေးက microfilariae ကိုသာသေစေတယ်။ 

Albendazole ဆေးနဲ့ ivermectin ဆေးကို အများဆုံးသုံးတယ်။ Albendazole 400 mg တနေ့ ၂ ကြိမ်၊ ၁ဝ ရက်။ ivermectin 0.2 mg/kg တနှစ်တကြိမ်။ diethylcarbamazine 6 mg/kg တနှစ် ၁ ကြိမ်၊ ၄-၆ နှစ်။ 

အာဖရိကမှာ Bancroftian filariasis အတွက် ivermectin 0.4 mg/kg တနှစ်တကြိမ်။ diethylcarbamazine 6 mg/kg တနှစ် ၁ ကြိမ်၊ ၄-၆ နှစ်။ 

ပိုးလည်းရှိပြီး ခံစားနေရတာတွေပါရှိရင် ခံစားနေရတာတွေကိုပါ ကုသပေးရတယ်။ 

Lymphedema ခေါ် သွေးပြန်ရည်ကြောတွေရောင်နေတာနဲ့ elephantiasis ဆင်ခြေထောက်ဖြစ်နေတိုင်းတော့ DEC ဆေးမလိုပါ။ သူတို့မှာ လတ်တလောပိုးကူးစက်နေရတာမဟုတ်လို့ဖြစ်ပါတယ်။ သူတို့ကို တကိုယ်ရေသန့်ရှင်းရေးနဲ့ လေ့ကျင့်ခန်းလုပ်စေတယ်။ အနာရှိရင် အနာဆေးထည့်နည်းလိုတယ်။ 

ပိုးသန့်ဆေးကြောစရာအတွက် Bleach ခေါ် ချွတ်ဆေးမှုံ့သုံးနိုင်တယ်။ ဆပ်ပြာ + ရေထဲရောထည့်နိုင်တယ်။ 

အနာမှာ ဗက်တီးရီးယားဝင်တာပါရှိနေရင် Doxycycline ပိုးသေဆေးပေးတယ်။ ၄ ပတ်ကနေ ၆ ပတ်အထိ ပေးရတာရှိတယ်။ ငယ်သူတွေနဲ့ ကိုယ်ဝန်ဆောင်တွေ မသင့်ပါ။ 

ပိုးကြောင့်ဖြစ်တဲ့မုတ် ခေါ် Hydrocele ဟိုက်ဒရိုဆီးလ်ရှိနေသူကို ပိုးရှိနေရင် ဆေးပေးမယ်။ ခွဲစိတ်ကုသမှုလိုမယ်။

Elephantiasis ဆင်ခြေထောက်ဖြစ်နေသူကို ခြေထောက်မြှင့်ထားဖို့နဲ့ elastic stockings တင်းအားပါပလာစတာ စည်းထားစေရတယ်။

Dr. တင့်ဆွေ
၂-၂-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး