မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, January 30, 2017

Primary biliary cirrhosis အရက်ကြောင့်ဖြစ်တာမဟုတ်တဲ့ အသဲခြောက်ရောဂါ

ကျွန်တော်တို့က ရန်ကုန်မှာနေပါတယ်။ ကျွန်တော့်အမေက အသက် (၄၇)နှစ်ပါ။ လွန်ခဲ့တဲ့ ၄ လလောက်က သွေးစစ်ပြီး ဆရာဝန်က PBC လို့ပြောပါတယ်။ Anitbody ကို စင်္ကာပူကိုပို့ပြီးစစ်တာ Positive ဖြစ်နေပါတယ်။ ကျွန်တော်တို့က မောင်နှစ်မ နှစ်ယောက်တည်းရှိတာပါ။ အမေ့အတွက် အရမ်းစိုးရ်ိမ်ပူပန် နေရပါတယ်။ အခုပြနေတဲ့ဆရာဝန်ကတော့ မစိုးရိမ်နဲ့လို့ ပြောပါတယ်။ အခုနောက်ဆုံးသွေးစစ်ထားတဲ့ Bilirubin result က 0.8 ပါ။ ပထမကတော့ 1.5 ရှိပါတယ်။ ဒီရောပါက ဆေးသောက်ပြီး ထိန်းထားလို့ ရ-မရ သိချင်လို့ပါ။ လူနာ အနေနဲ့ ဘယ်လိုမျိုး ဆောင်ရန်-ရှောင်ရန်တွေ လုပ်ဆောင်ရမလဲ သိချင်ပါတယ်။

Primary biliary cirrhosis ဆိုတာ အသဲထဲက အရည်တွေစီးဆင်းတဲ့ Bile ducts ပြွန်လေးတွေမှာ ရောင်ပြီး ရောဂါရတာ ဖြစ်တယ်။ သည်းခြေရည်တွေ မစီးနိုင်တော့ရာကနေ အသဲခြောက်လာတာပါ။ ဘာလို့ဖြစ်သလဲ တိတိကျကျ မပြောနိုင်ဘူး။ Autoimmune disorder (အော်တို-အင်မြူးန်) ရောဂါ၊ ခုခံအား ကမောက်ကမ ဖြစ်တာကနေ ရောဂါရတယ်။ ကိုယ့်ဟာကို ရန်သူထင်ပြီး တိုက်ခိုက်လို့ ဒီရောဂါ ဖြစ်လာတာမျိုး။

၂၅% ဟာ သွေးစစ်ရာကနေသိလာတယ်။ လူနာတဝက်ကျော်မှာ ရောဂါရှိတာသိတဲ့အချိန် ဘာမှမခံစားရသေးဘူး။ တဖြေးဖြေးနဲ့ ဒါတွေဖြစ်လာမယ်။
• အားယုတ်တယ်လို့ ၆၅% ကပြောတယ်။
• ယားတယ်လို့ ၅၅% ကပြောတယ်။
• အသဲကြီးနေတာ ၂၅%၊
• အစက်အပျောက်တွေပေါ်နေတာ ၂၅%၊
• ဘေလုံးကြီးနေသူ ၁၅%၊
• အသားဝါဖြစ်သူ ၁ဝ%၊
• မျက်စိခြောက်၊ အာခေါင်ခြောက် ၅ဝ-၇၅%၊
• ဗိုက်အောင့်၊ အရေပြားအောက်မှာ အဆီလာစု၊ မျက်ခွံမှာ အဝါစက်ဖြစ်။ ဝမ်းထဲအဆီပါ၊ လက်ဖဝါးနီရဲ၊ ပင့်ကူလိုသွေးကြောတွေဖြာထွက်၊ ကြွက်သားတွေလှီ၊ ခြေထောက်ရောင်၊ ဖျဉ်းစွဲ။

နာတာရှည် ဆက်တိုးလာ ဆိုးလာတဲ့ အသဲရောဂါဖြစ်တယ်။ အမျိုးသမီးတွေမှာ ၇၅-၉ဝ% ဖြစ်တယ်။ အသက်အားဖြင့် ၃၉ နှစ်မျာအများဆုံး။ ၃ဝ-၆၅ နှစ်အတွင်အများဆုံးဖြစ်ကြတယ်။ အငယ်ဆုံး ၂၂ နှစ်သမီး၊ အကြီးဆုံး ၉၃ နှစ်ဖြစ်ဘူးတယ်။ ယောက်ျားတွေလဲ ကံမကောင်းပါ။ hepatocellular carcinoma အသဲကင်ဆာပိုဖြစ်တယ်။

ဓါတ်ခွဲခန်း
- Aminotransferases alanine aminotransferase (ALT) နဲ့ aspartate aminotransferase (AST) တွေ မြင့်တက်နေမယ်။
- Alkaline phosphatase (ALP), γ -glutamyl transpeptidase (GGTP) နဲ့ immunoglobulin levels (IgM) တွေ သိသိသာသာမြင်နေမယ်။
- Lipid levels နဲ့ Cholesterol levels (HDL) တွေလဲ မြင့်နေနိုင်တယ်။ ဒါတွေမြင့်နေရင်တော့ atherosclerosis သွေးကြော ကျဉ်းတဲ့အန္တရာယ် ရှိနိုင်တယ်။
- Bilirubin level မြင်နေတာကိုကြည့်ပြီး အသဲအစားထိုးရနိုင်တယ်။
- Prothrombin time များနေတယ်ဆိုတာဟာ Portal hypertension ဖြစ်နေတာကိုပြနေတယ်။
- Albumin level နည်းမယ်၊
- Ceruloplasmin, Bile acids နဲ့ Serum hyaluronate တွေလဲ မြင့်ချင်မြင့်နေမယ်။ အမြဲတော့ မဟုတ်ဘူး။

သွေးထဲမှာ Antimitochondrial antibodies (AMAs) ရှိနေတဲ့အချက်စာ အဓိကကျတယ်။ လူနာတွေရဲ့ ၉ဝ-၉၅% ရှိမယ်။
anti-M2, anti-M4, anti-M8, and anti-M9 တွေဟာ ဆိုးလာတာကိုပြတယ်။
• Profile A (only anti-M9) ဒါမှမဟုတ်
• Profile B (anti-M9) နဲ့/ဒါမှမဟုတ် anti-M2–positive by enzyme-linked immunosorbent assay [ELISA] ဆိုရင်
• Profile C (anti-M2, anti-M4 နဲ့/ဒါမှမဟုတ် anti-M8–positive by ELISA) နဲ့
• Profile D (anti-M2, anti-M4 နဲ့/ဒါမှမဟုတ် anti-M8–positive by ELISA and complement-fixation test တွေထက် အလားအလာကောင်းတာကိုပြတယ်။

Antinuclear antibodies (ANAs) ကို လူနာ ၂ဝ-၅ဝ% မှာတွေ့တယ်။ တချို့မှာ လူကိုစစ်ဆေးကြည့်တော့ ဒီရောဂါ လက္စဏာတွေ ပြနေပေမဲ့ AMA မပြတာလဲရှိနိုင်တယ်။ (အာလ်ထွာဆောင်း)၊ CT နဲ့ MRI တွေကို ဆက်စစ်ဆေးသင့်တယ်။ Anti-mitochondrial antibodies ၉၅% အပေါင်းပြမယ်။ Serum alkaline phosphatase အရေးကြီးတယ်။ Liver biopsy လုပ်နိုင်တယ်။

Treatment ဘယ်လိုကုသမလဲ ဆေးကုသမှုရဲ့ရည်ရွယ်ချက်က ခံစားနေရတာတွေသက်သာစေဘို့နဲ့ နောက်ဆက် ဖြစ်မှာတွေ ကာကွယ်ဘို့ ဖြစ်တယ်။
Medical Care ဆေးဝါးတွေ
• Ursodeoxycholic acid (UDCA) ဆေးကို အများဆုံးသုံးတယ်။ ရောဂါဆက်တိုးနေတာကို နှေးစေမယ်။ ရောဂါ နောက်ကျနေရင် ထိရောက်မှုက မသေခြာဘူး။ ၁ နှစ်ဆေးပေးပြီးနောက်မှာ ဓါတ်ခွဲစစ်ဆေးချက်တွေက တိုးတက်လာသူဆိုရင် အသက်ရှင်နှုန်းဟာ လူကောင်းတွေလိုဘဲ။
• Corticosteroids (ကော်တီကို-စတီရွိုက်) ဆေး၊ ရောဂါလက္စဏာတွေသက်သာစေမယ်။ ဒီဆေးကြောင့် အရိုးပျော့စေနိုင်တာ သတိထားဘို့လိုတယ်။
• Ursodeoxycholic acid က သွေးထဲရောက်နေတဲ့ သည်းခြေရည်ကို ထုတ်ပေးမယ်။ တချို့ ၄ နှစ်အထိ ဆေးပေးတယ်။
• ဝမ်းသွားရာကနေကုန်သွားမဲ့ Vitamins A, K, and D တွေကိုပြန်ဖြည့်ပေးတယ်။ ကယ်လ်စီယမ် ကိုလဲပေးပြီး အရိုးအားနည်းတာ သက်သာစေမယ်။
• Antipruritic treatment အယားသက်သာဆေးတွေ။
o Antihistamines (အင်တီဟစ်တမင်း) ဆေးကို အများဆုံးသုံးတယ်။
o Cholestyramine (Colestipol) ဆေးက အူထဲက ယားစေတတ်တဲ့ သည်းခြေဓါတ်ဆားတွေကို ရှင်းပေးမယ်။
o ဒီဆေးတွေနဲ့ မသက်သာသူတွေကို Rifampin (ရီဖန်ပင်) ဆိုတဲ့ တီဘီ ဆေးကိုလဲ သုံးနိုင်တယ်။
o Dronabinol (Marinol) နဲ့ Plasmapheresis ဆေးတွေကလဲသက်သာစေတယ်။

အလားအလာ တယောက်နဲ့ တယောက် မတူပါ။ ၁ဝ နှစ်တာရောဂါရှိထားသူတချို့၊ ရောဂါဆိုးလာသူ (Bilirubin level များ၊ Prothrombin time များ၊ Albumin နည်းသူ) အတွက် Liver transplantation အသဲအစားထိုးခွဲစိတ်တာ လုပ်ရတယ်။

နောက်ဆက်တွဲဖြစ်နိုင်တာတွေကတော့ သွေးယို၊ ဦးနှောက်ထိခိုက်၊ အရည်နဲ့ ဓါတ်ဆား အချိုးအဆ ပြောင်း၊ ကျောက်ကပ်ထိခိုက်၊ အစာစုပ်မယူနိုင်၊ အာဟာရချို့တဲ့၊ အရိုးအားနည်းတာတွေဖြစ်တယ်။

ရောဂါရှိမှန်းသိချိန်မယ် ဘာမှ မခံစားရသေးသူတွေက နောက်ထပ် ၁၆ နှစ်အသက်ရှင်မယ်။ ခံစားနေရသူဆိုရင် ၇့၅% ရှင်မယ်။ ဒါက ယေဘုယျကိန်းဂဏန်းသာဖြစ်တယ်။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.