မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Saturday, January 28, 2017

Rabies ခွေးရူးပြန်ခြင်း

အသက် ၂၀၊ မ၊ အိမ်ထောင်ရှိ၊ ကလေးမရှိ၊ ကိုယ်ဝန်မရှိ၊ ရာသီမှန်၊ မနေ့ညနေကစဖြစ်တာပါဆရာ။ အိမ်က ခွေးလေးကို လမ်းဘေးက ရူးနေတဲ့ခွေးကကိုက်သွားပါတယ်ဆရာ။ ခွေးရူးကာကွယ်ဆေးတော့ လွန်ခဲ့တဲ့ ၃ လလောက်က ခွေးကို ထိုးပေးထားပါတယ်ဆရာ။ အိမ်ကခွေးက မနေ့ကလူကို ခြစ်မိသွားလို့ဆရာ။ ယနေ့ အခြစ်ခံရတဲ့လူ နေမကောင်းဖြစ်ပြီး သွားရေယိုနေပါတယ်ဆရာ။ အရင် ၃ နှစ်လောက်ကတော့ လူပါကာကွယ်ဆေးထိုးဘူးပါတယ်။ ခွေးရူးရောဂါ ဖြစ်နိုင်ပါသလားဆရာ။ ကာကွယ်ဆေးထပ်ထိုးသင့်ပါသလားဆရာ။ ဖြေကြားပေးပါဆရာ။

ခွေးရူးပြန်တာက ခွေးကိုက်ခံရပြီး အချိန်ဘယ်လောက်မှာ ရောဂါလက္ခဏာပေါ်ချိန်သလဲ။ မတူကြပါ။ ၃ ပတ်ကနေ ၈ ပတ် အဖြစ်များတယ်။ အစောဆုံး ၉ ရက်နဲ့ နှစ်တွေကြာမှဖြစ်တာလည်း ရှိခဲ့တယ်။

နောက်လေ့လာမှုတခုအရ ခွေးရုးကိုက်ခံရပြီး ရောဂါလက္ခဏာပေါ်ချိန်ဟာ ၃ဝ ရက်ကနေ ၆ဝ ရက်ဖြစ်တယ်။ ၁ဝ ရက် ကနေ နှစ်တွေကြာတဲ့အထိလည်း ဖြစ်နိုင်တယ်။

ရောဂါလက္ခဏာတွေကတော့ အကိုက်ခံရတဲ့နေရာမှာ နာမယ်။ ကျင်မယ်။ ယားမယ်။ ဖျားနိုင်တယ်။ ချမ်းမယ်။ အားကုန်နေမယ်။ ကြွက်သားတွေ ကိုက်ခဲမယ်။ နေမထိထိုင်မသာဖြစ်မယ်။ တုပ်ကွေးနဲ့ဆင်တယ်။

ခွေးရူးမှန်ရင် တကယ်ကိုနေမကောင်းထိုင်မသာဖြစ်တယ်။ စိတ်ရှုပ်ထွေးမယ်။ စိတ်တိုမယ်။ တက်မယ်။ သတိလစ်မယ်။ ရေသောက်ဖို့ မျိုချတာနဲ့ဆိုင်တဲ့ကြွက်သားတွေ ညှစ်လို့ တက်သလိုဖြစ်မယ်။ အချိန်ကြာလာတာနဲ့ ကိုယ်တခုလုံးကို သက်ရောက်လာမယ်။ အသက်ရှူခက်ခဲရာကနေ သေဆုံးတယ်။ ဆောရီး။

ခွေးရူးရောဂါဖြစ်နေတဲ့ခွေး (တခြားအကောင်တွေလည်းပါ) ဟာ အမူအယာ လုပ်ဆောင်တာတွေ ရူးနေသူလို့ဖြစ်မယ်။ ခါတိုင်းလုပ်နေတာမျိုးနဲ့ မတူတော့ပါ။ တောခွေးလို အရာရာဆန်းနေတယ်။ အရင်ကယဉ်နေတဲ့အကောင်းက ရန်မူမယ်။ တချို့အကောင်တွေက ယဉ်ပါးတာမျိုးလည်းရှိတယ်။

ဒေါက်တာတင့်ဆွေ
၂၈-၁-၂ဝ၁၇

No comments:

Post a Comment

Note: Only a member of this blog may post a comment.