မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Saturday, January 28, 2017

Translation မြန်မာစာလုံးပေါင်း

Hsu Myat ဆရာ မြန်မာစာ စာလုံးပေါင်းနဲ့ ပက်သက်တာလေး မေးချင်ပါတယ်။ card ဆိုတဲ့စကားလုံးက မြန်မာလို ကဒ် လား၊ ကတ် လားဆရာ။ ကတ်ပြားတို့  ကတ်ထူတို့က _တ် ဆိုတာသိသော်လည်း၊ _ဒ်က ဘယ်အချိန်မှာသုံးပါသလဲ။ အမှားကြီးလား ဆရာ။

အဲလို တခြားဘာသာစကားလုံးကို မြန်မာလိုပြန်တာမှာ စည်းကမ်းရယ်လို့ မရှိပါ။ ကပ်၊ ကတ် သုံးနိုင်ပါတယ်။ တချို့က သတ်ပုံစာအုပ်ထောက်ပြကြမယ်။ ကျွန်တော်ကတော့ အဲလိုတရားသေယူတာ မမှန်လို့ယူဆတယ်။ ကဒ်က ပိုမှန်တယ်။ တီ နဲ့ဆုံးတာကို တသတ်၊ ပီ သံနဲ့ဆုံးတာကို ပသတ်၊ ဒီ နဲ့ဆုံးတာကို ဒသတ်။

အီးမေးလို့ရေးတာလည်း သင့်တယ်။ အတိအကျက အီးမေးလ် ဖြစ်တယ်။ အာထွာဆောင်းလို့ရေးတာ လက်ခံတယ်။ အတိအကျဆိုရင် အာလ်ထွာဆောင်းဖြစ်တယ်။ အာထွာစောင်းဆို မှားတယ်။

တိုင်းပြည်၊ လူ၊ မြို့အမည်တွေကို ဘာသာပြန်ရာမှာလည်း ဝိဝါဒကွဲနေတယ်။ ဥပမာ အိန္ဒိယ၊ ပါကစ္စတန်၊ ကမ္ဘောဒီယား စတာတွေကို အစဉ်အဆက်သုံးနေကြလို့ ပြောရန်မရှိပါ။ တကယ်တန်းပြောရရင် စာလုံးအဆင့်တွေ မလိုအပ်ပါ။

မြန်မာ့စွယ်စုံကျမ်းထဲပါ စာလုံးပေါင်းတချို့ကိုလည်း အခုမသုံးကြတော့ပါ။ ဂျူးလယပ်ဆီဇာ = ဂျူလီယက်ဆီဇာ၊ ဆအူးဒီအာရေဗျ = ဆော်ဒီအာရေးဗီးယား၊ ဆိုက်ဗီးရီးယား = ဆိုက်ဗေးရီးယား၊ ယန်ဆီမြစ် = ယန်စီမြစ်၊ ရှီကာဂိုး = ချီကာဂို၊ ရှီကာဂို၊ ဗဲလဂျီယမ် = ဗယ်လဂျီယန်၊ ကွန်မျူနစ် = ကွန်မြူနစ်၊ တီဗီရောဂါ = တီဘီရောဂါ စသည်။

ရေဒီယို၊ ကား၊ ကော်ဖီ၊ တယ်လီဖုန်း၊ ဒေါက်တာ စတာတွေကတော့ အများစုက နားရှင်းပြီးဖြစ်တယ်။ ကျွန်တော်တို့ ကျောင်းသားတုန်းက ဂျီသြမေထရီလို့ရေးခဲ့တာ မှားတယ်ထင်လာတယ်။ ဂျော်မက်ထရီ (ဂျီအိုမက်ထရီ) ဖြစ်သင့်တယ်။ တူရကီ ကို တာရ်ကီ၊ ပေါ်တူကီ ကို ပေါ်တူဂယ်လ် လို့ကပိုသင့်တယ်။ အိုဘားမားကို အိုဗားမားလို့ရေးလည်း မှားတယ် ပြောမရပါ။ ဒေါ်နယ်ထရမ့်ကိုတော့ ဒေါ်နာထရန့်လို့ရေးရင် မှားတယ်။

ဒေါက်တာတင့်ဆွေ
၂၈-၁-၂ဝ၁၇

No comments:

Post a Comment

Note: Only a member of this blog may post a comment.