မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Saturday, January 14, 2017

USA two-cent ယူအက်စ်အေ သုတ

ပိတ်ပင်ထားတဲ့ မြန်မာပြည်ကသွင်းကုန်တခုနဲ့ဆက်ပြီး မေးကြတာတွေများတယ်။ ကနေ့မနက်မှာရတဲ့ မေးခွန်း နှစ်ခုကိုတော့ သုတအဖြစ် ခပ်တိုတိုရေးပါရစေ။

တခုက ယူအက်စ်အေကို မြန်မာပြည်ကနေ တရားဝင်တင်သွင်းလို့ရသလားနဲ့ နောက်တခုက ပိတ်ပင်တဲ့စာမှာ မြန်မာလိုပါ ရေးထားတာမို့ ဘယ်သူကဘာသာပြန်တာလဲတဲ့။ သိသလောက်သာ ရေးပါမယ်။

စာပို့စနစ်မျိုးစုံကနေ အမျိုးစုံတင်သွင်းလို့ရတယ်။ စာတိုက်စနစ်ကလည်း အမြန်စနစ်အမျိုးမျိုး။ DHL, EMS, FedEx, UPS စသည်။ ချောပို့လို့ခေါ်တဲ့ စနစ်တွေကလည်း အမျိုးမျိုး။ စစ်ဆေးမှုတွေလုပ်ပါတယ်။ သိတဲ့အတိုင်း တင်းတဲ့နေရာ လျှော့ပေါ့တဲ့နေရာ ရှိတယ်။ လူသုံးကုန်၊ စားစရာ၊ စာအုပ်၊ အဝတ်အထည် အကုန်ပဲပြောပါတော့ မှာယူတင်သွင်းနေကြတယ်။ အမေရိကန်မြို့တိုင်းမှာ မြန်မာကုန်စုံဆိုင်တွေရှိတယ်။ မြန်မာလို့မဟုတ်တာက ပိုများမလားမသိ။ ချင်း၊ မွန်၊ ကရင်ဆိုင်တွေရှိတယ်။

ကျွန်တော့်ဆီကို ရန်ကုန်ကနေ မှာတာရော၊ မမှာပဲလက်ဆောင်ပေးတာရောကို အများအားဖြင့် ရွှေမင်းသမီး ပို့ဆောင်ရေးကနေလာတယ်။ ငါးခြောက်၊ ပုစွန်ခြောက်၊ လက်ဖက်ခြောက်၊ စာအုပ်၊ အဝတ်အစား၊့့

ဆေးတော့ နည်းနည်းခက်တယ်။ နယူးဒေလီကို ဆေးလှမ်းမှာတာ၊ အဲဒီမှာက အစိုးရစာတိုက်သုံးရတာများတော့ စည်းကမ်းကြီးတယ်။ ဆေးဆိုင်ကတော့ ဝယ်ထားပြီးပြီတဲ့။ ဆရာဝန်လက်မှတ်ယူပြီး တွဲပို့ရမယ်တဲ့။ ကျွန်တော် ရှိတုန်းကတော့ ဆေးဆိုင်ကပြေစာနဲ့ပို့နည်း သုံးတယ်။ တခြားနိုင်ငံထွက်မယ့်သူတွေ အိမ်သုံးဆေးသယ်သွားဘို့ ကျွန်တော်က လက်မှတ်ထိုးပေးခဲ့တယ်။ မြန်မာပြည်အလည်ပြန်မဲ့သူက ဆရာ ဆေးလိုချင်တာမှာ ပို့ပေးလိုက်မယ်တဲ့။ အဲဒီနည်း သုံးရမလိုပဲ။

နောက် ဘာသာပြန်။ ဒီမှာ ဘာသာပြန်ဝန်ဆောင်မှုနဲ့ စကားပြန်ဆားဗစ်တွေရှိတယ်။ တရားဝင်ထားတယ်။ ရဲဌာန၊ ဆေးရုံ၊ ရုံးမျိုးစုံ၊ တရားရုံးတွေမှာရှိတယ်။ ဘာသာစကားတခုမကတတ်တဲ့သူကို ဦးစားပေးခန့်တာတွေလည်း ရှိတယ်။ ဖုန်းနဲ့ ဘာသာပြန်လုပ်ငန်းရှိတယ်။ စစ်ဆေးသင်တန်းပေးပြီးမှ အလုပ်ပေးတယ်။ တမိနစ်ဘယ်ဆိုပြီး ပိုက်ဆံပေးတယ်။ ၂၄ နာရီ သုံးတယ်။

ကြေညာချက်တွေ၊ သတိပေးစာတွေ၊ လျှောက်လွှာတွေ၊ ပုံစံတွေ၊ အားလုံးလောက်နီးပါး ဘာသာပြန်ထားတယ်။ အားနာနာနဲ့ ပြောပါရစေ။ ကျွန်တော်နေတဲ့မြို့မှာ ချင်းပြည်နယ်၊ ဟားခါကလူတွေက အများဆုံးနေလို့ ဘာသာပြန်တွေက ဟားခါးလိုများတော့ နောက်ပိုင်းမှာ အဆင်မချောတာလေးတွေ ကွန်ပလိန့်လုပ်သံ ကြားရတယ်။ ပြင်လာရတယ်။ နောက့့် မြန်မာလို ပြန်ထားတာတာတွေမှာ စာမချောတောတော့ ကိုယ်တိုင်ဖတ်ရတယ်။

ကျွန်တော်စာကူသင်ပေးနေတဲ့ကျောင်း ဝင်ခွင့် (ဒီမှာက အင်တိတ် လို့ခေါ်တယ်) ပုံစံကို ကွန်ပြူတာ ယူနီကုတ်နဲ့ မြန်မာလို အလိုလိုပြန်တယ်။ အဆင်သိပ်မပြေလို့ ကျွန်တော်ကပဲ ထပ်ပြန်ပေးရတယ်။

ဘာသာစကား အပြော၊ အရေး၊ ဘာသာပြန် တိကျမှန်ကန်မှသာ လိုရာခရီးပေါက်ပါတယ်။ ဒီပို့စ်ကတော့ ၂ ပြားတန် ဗဟုသုတပါ။

ဒေါက်တာတင့်ဆွေ
၁၄-၁-၂ဝ၁၇

No comments:

Post a Comment

Note: Only a member of this blog may post a comment.