မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, February 12, 2017

အခုပဲ ပြန်ရောက်တယ်

မနေ့က ဒီမှာကျင်းပခဲ့တဲ့ ပြည်ထောင်စုနေ့ကို တက်ရောက်လာတဲ့ ကုလသမဂ္ဂဆိုင်ရာ မြန်မာသံအမတ်ကြီး ဦးဟွာဒိုဆွန်နဲ့ ဇနီးတို့နဲ့ အင်ဒီယာနာပလစ်မြို့က မြန်မာနိုင်ငံသားတွေ တွေ့ဆုံပွဲကို ဘီအေစီအိုင် ခေါ် မြန်မာ-အမေရိကန် ကွန်မြူနတီ အင်စတီကျုမှာ လုပ်ပါတယ်။

ရင်းရင်းနှီးနှီး ပြောဆိုဆွေးနွေးကြတယ်။ သံအမတ်ကြီးက ဒေါ်အောင်ဆန်းစုကြည်ရဲ့ အမျိုးသားရင်ကြားစေ့ရေးမူ အောက်ကနေ ငြိမ်းချမ်းရေးလုပ်ငန်းစဉ်ဆောင်ရွက်နေပုံ စတာတွေကို ရှင်းလင်းဆွေးနွေးပါတယ်။ ဒေါ်စုဆီက ဘာသံမှ မကြားရဘူးဆိုတာတွေကိုမေးတော့ ပြောသင့်သူတွေကို ပြောနေရုံသာမက လုပ်ဆောင်နေကြောင်း၊ လုပ်တာတွေကလည်း ရေရှည်တည်တံ့စေမှာတွေကို အစီအစဉ်တကျလုပ်နေကြောင်း ဖြေကြားသွားပါတယ်။

နိုင်ငံကိုယ်စားပြု သံအမတ်ကြီးတဦးကနေ အခုလိုဆွေးနွေးမှုကို လွန်ခဲ့တဲ့ (၂၇) နှစ်ကတည်းက ပဌမဆုံးကြားရတာပါ။ အရင်ကတော့ သံရုံးတွေဟာ နိုင်ငံတကာမှာ စစ်အစိုးကို ခုခံကာကွယ်ပြောဘို့နဲ့ ကျွန်တော်တို့တတွေ ဘယ်မှာ ဘာလုပ်နေကြသလဲလို့ စုံစမ်းပြီး ရန်ကုန်ကို အစီရင်ခံဘို့သာလုပ်ကြရတယ်။ အဲတာကို အပြောင်းအလဲအဖြစ် မှတ်ယူပါတယ်။

ဒေါက်တာတင့်ဆွေ
၁၂-၂-၂ဝ၁၇

No comments:

Post a Comment

Note: Only a member of this blog may post a comment.