မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Saturday, February 11, 2017

Fertility မျိုးပွါးခြင်း မေးခွန်း

(ကန်တော့ပါ)

ဆရာ ကျွန်မက ကျွန်မသူငယ်ချင်းအတွက် မေးပေးတာပါ။ သူနေတဲ့နေရာက internet အခက်အခဲရှိလို့ပါဆရာ။ သူ့ရဲ့နာမည်က့့ ပါဆရာ။ အသက်က ၂၅ နှစ်ရှိပါပြီ။ သူ့အိမ်ထောင်သက် ၂ နှစ်နဲ့ ၉ လရှိပါပြီဆရာ။ အိပ်ထောင်စကျချိန်တုန်းက သူ့အမျိုးသားနဲ့က အလုပ်ကတနေရာစီမို့ ၃ လတခါ၊ ၂ လတစ်ခါလောက်ပဲ တွေ့ဖြစ်ပါတယ်တဲ့။ အဲတာနဲ့ ပုံမှန်တားဆေးတွေမသောက်ပဲ အရေးပေါ်ဆေးတွေပဲ သောက်ခဲ့ပါတယ်တဲ့ဆရာ။ အခုက ဆေးလုံးဝမသောက်တာ ၉ လရှိပါပြီ။ အခုကတော့ တလမှာ ၄ ရက်၊ ၅ ရက်လောက်တော့ အတူနေဖြစ်ပါတယ်တဲ့ဆရာ။ ကလေးက အခုထိမရသေးလို့ စိုးရိမ်နေပါတယ်တဲ့။ ဘာတွေများလုပ်ဖို့လိုအပ်မလဲလို့ပါဆရာ။

မေးခွန်းပါ တစ်တွေကိုပြင်ပါတယ်။ ပီတွေကိုလည်း ပြင်လိုက်ပါတယ်။ ဆောရီး။

ကိုယ်ဝန်-ကလေးရဘို့အတွက် အမျိုးသမီး ရာသီမှန်ရမယ်။ လစဉ်မျိုးဥထွက်နေရမယ်။ သားအိမ်နဲ့ မျိုးဥအိမ်တွေမှာ ရောဂါမရှိရ။ အမျိုးသားလိုအပ်လို့စစ်ရင် သုက်ရည် အရည်အသွေး + အရေအတွက် မီရမယ်။ အဲတာတွေကို စမ်းသပ်စစ်ဆေးရင် သိမယ်။ လိုတာကို ပြုပြင်ရမယ်။

အရေးပေါ်တားဆေးအကြောင်း ရေးထားတယ်။ ခဏခဏလည်းဖြေရတယ်။ Ecee-2 အီးဇီးတူး မယဉ်ကျေးမှုနဲ့ Ecee-2 အရေးပေါ်တားဆေး သတိပေးစာ ၂ ပုဒ်ရေးထားတယ်။

ဒီစာရေးနေတုန်းမှာ မေးခွန်းလာတယ်။ ဆရာမင်္ဂလာပါရှင့် ကျွန်မက ကုမ္ပဏီဝန်ထမ်တဦးပါ။ အသက်က ၂၆ နှစ်ရှိပါပြီ။ ဆရာနားနဲ့မနာဖဝါးနဲ့နာပါဆရာ။ ကျွန်မချစ်သူက့့ သင်တန်းတက်နေပါတယ်ဆရာ။ သူကသင်တန်းကပြန်လာတော့ ကျွန်မတို့လက်မထပ်ဘဲ အတူတူနေကြပါတယ်။ အတူတူနေပြီးတိုင်းသူက essze2 တိုက်ပါတယ်ဆရာ။ တလတည်းကို ဆေးခြောက်လုံး သောက်မိရင် ဘေးထွက်ဆိုးကျိုးဖြစ်မိုင်ပါသလားရှင့်။

မေးခွန်းထဲက တစ် တွေကို ပြင်လိုက်တယ်။ လက်ထက်ကိုလည်း လက်ထပ်လို့ပြင်လိုက်တယ်။ ဆောရီး။

Facts to get pregnant ကိုယ်ဝန်ရအောင် ကြံဆောင်နည်းစာ တနေ့မှာ ၅ ယောက်လောက်ဆီပို့ပေးနေရတယ်။ မြန်မာပြည်လူဦးရေအတွက်တောင် စိုးရိမ်မိတယ်။

ဒေါက်တာတင့်ဆွေ
၁၁-၂-၂ဝ၁၇

No comments:

Post a Comment

Note: Only a member of this blog may post a comment.