မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Tuesday, February 14, 2017

RV Uterus သားအိမ်နောက်လန်

မင်္ဂလာပါဆရာ။ မွေးရာပါ သားအိမ်ခေါက်တာ ယောက်ျားယူ ကလေးမွေးမှ ပျောက်မှာလားဆရာ။ သားအိမ်ခေါက်တော့ ရာသီအလာနည်းပြီး အရမ်းဗိုက်အောင့်ပါတယ်။ ရင်သားမှာလည်း ရေအိပ်လို့ အလုံးတွေ(ဇီးသီးအရွယ်) အများကြီးပဲ ရင်သားတဖက်ကို ၁၀ လုံးလောက်ရှိပါတယ်။ အလုံးတွေက ၂၀၁၀ တည်းကရှိနေတာပါ။ ရေအိပ်တွေက ကင်ဆာ ဖြစ်နိုင်ပါသလား။ ယောက်ျားယူကလေးမွေးတဲ့နည်းလမ်းပဲရှိတာလားဆရာ။ တခြားနည်းလမ်းတွေ ရှိပါသေးလားဆရာ။ ကျေးဇူးတင်ပါတယ်ဆရာ။

အသက် မသိပါ။ ရာသီ မသိပါ။ အိမ်ထောင်ရေး မသိပါ။ အခေါ်အဝေါ်တွေက မတူကြပါ။ မနက်က သားအိမ်ပြောင်းပြန်လို့ မေးတယ်။ အမှန်က သားအိမ်နောက်လန်တာဖြစ်တယ်။ ဆေးစစ်ချက်စာ (ပုံ မဟုတ်) သိမှသာ RV ခေါ်တာ ဟုတ် မဟုတ် သိမယ်။ ရင်သား အကျိတ်တွေနဲ့ မျိုးဥအိမ်အိတ်စာတွေလည်း ဖတ်လိုက ဘလော့မှာဖတ်နိုင်။ မေးနည်းစည်းကမ်းအရ မေးလိုက မေးနိုင်။

ဗဂျိုင်းနားရဲ့ ခန္ဓာဗေဒတည်ဆောက်ပုံ
အမျိုးသမီးတယောက် ပက်လက်အိပ်နေတာကို ဘေးတိုက်ကြည့်ရင် သားအိမ်အပေါက်ဝကနေ အတွင်းထဲ ဆက်သွားတဲ့ ပြွန်လိုလမ်းကြောင်းဟာ အောက်ဖက်ဆီကို ဦးတည်နေတယ်။ ဗဂျိုင်းနားအဆုံးမှာ သားအိမ်ဝရှိတယ်။ သားအိမ်ဝနဲ့ တဆက်တည်းက သားအိမ်။ သားအိမ်ကိုယ်ထည်။ သားအိမ်လည်ပင်းပိုင်းနဲ့ ကိုယ်ထည်က တဖြောင့်တည်းမဟုတ်ဘဲ ဒေါင့်ချိုးရှိတာ ထူးခြားတယ်။ မေးတဲ့သူရဲ့ ပုံစံဟာ ဒီနေရာဒေါင့်ချိုးက RV အောက်ဖက်ဆီ ဆင်းသွားတယ်။ အမျိုးသမီးအရအတွက် ပိုများများမှာတော့ AV ဒေါင့်ချိုးဟာ အထက်ဖက်ဆီ သွားကြတယ်။

နှစ်မျိုးလုံးကို (နော်မယ်လ်) လို့သာ သတ်မှတ်ပါတယ်။ ကလေးရဘို့ခက်-မခက်ကို လေ့လာမှုတွေအရ RV နောက်ပြန် ဖြစ်နေသူတွေမှာ နည်းနိုင်တယ်လို့ ဆိုပါတယ်။ ဒီလိုဆိုတာဟာ ကလေး မရစေဘူးပြောတာ မဟုတ်ပါ။ AV ရှေ့ပြန် သမားထဲကလဲ ကလေးမရနိုင်သေးသူတွေ တပုံတပင်ရှိတယ်။ သားအိမ်အနေအထား RV ဖြစ်နေတဲ့အမျိုးသမီး ကိုယ်ဝန်မရမှာကို စိုးရိမ်တာ မှန်သင့်သလောက်တော့ မှန်ပါတယ်။ ဒီလို RV ဖြစ်တာ ကလေးမရတာကို မဖြစ်စေပါ။

ဆေးပညာထဲက အခေါ်အဝေါ်အသုံးအနှုန်းတွေကို မြန်မာလိုပြန်တာမှာ စံထားတဲ့မူ မရှိသေးပါ။ ၄-၅ ရက်လောက်က ဘေလုံးနဲ့ သရက်ရွက်ကို ရေးသေးတယ်။ သားအိမ်ခေါင်းနဲ့ သားအိမ်ဝအကြောင်းလည်း ရေးထားတယ်။ အဲတာကြောင့် မေးခွန်းမှာ ဆေးစာမှတ်ချက် စာလုံး၊ စာကြောင်းကို သိပါသလားလို့ အမြဲမေးနေရတယ်။

Uterus သားအိမ် http://doctortintswe.blogspot.com/2014/11/uterus.html
Uterus didelphys သားအိမ်နှစ်ခွ http://doctortintswe.blogspot.com/2015/07/uterus-didelphys.html

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.