Skip to main content

Posts

Showing posts from May, 2017

ဖိုးမောင် သွားချေပြီ

ဖိုးမောင်လာနေပြီကွလို့ ပြောစရာမလို။ ရောက်နေနှင့်ကြတဲ့ အဖေါ်တွေက ကုန်းအမြင့်ပေါ်တက်လာတဲ့ ဖိုးမောင်ကို အထင်အရှားမြင်နိုင်ကြတယ်။ မှိုင်းပြာမှောင်နေတဲ့ ကောင်းကင်နောက်ခံကြောင့် ဖိုးမောင်ရဲ့ တပတ်နွမ်းရှပ်အဖြူဟာ ပိုပြီးသစ်လွင်နေတယ်။

ဖိုးဆောင်
ဒီကောင်ကွာ မိန်းမ မရှိတော့ ပေါ့ပါးနေလိုက်တာ။ ငါ့မှာတော့ ဗိုက်တလုံးနဲ့မိန်းမကို ထားခဲ့ရတာ ဗိုက်သုံးလုံးစာ အတွက်မို့သာ။ အဲတာနဲ့ အရင်လူတွေနဲ့လိုက်ဘို့ရာ အထမမြောက်ခဲ့ဘူး။ အခုတောင် အိမ်ပြန်ရကောင်းမလား စဉ်းစားနေသူက ဖိုးဆောင်။

ဖိုးအောင်
ဖိုးမောင် မင့်မှာ ယူစရာတွေ စုံရဲ့လား။ ဓါတ်ပုံရိုက်ခဲ့တယ်နော်။ ပတ်စပို့ဆိုက်။ သူကြီးဆီက စာကောပါလား။ ငွေကတော့ လုံလောက်အောင် မပါလို့ကမဖြစ်။ တို့အားလုံး အတူတူနဲ့ အနူနူချည်းပဲကွ။ စေ့စပ်ပြီး စာရင်းဇယားတွက်ချက်တာမှာ အထုံပါတဲ့ ဖိုးအောင်က လှမ်းပြောလိုက်တယ်။

ဖိုးထောင်
သူတို့ထဲ စာဖတ်အများဆုံး ဖိုးထောင်ကတော့ သူဖတ်ဖူးတဲ့ ရွက်ဝါတောမှာ လမ်းနှစ်သွယ်ဆိုတဲ့ ဘာသာပြန်ကဗျာကို အမှတ်ရနေတယ်။ ကဗျာထဲက ခရီးသည်ဟာ လမ်းနှစ်သွယ်မှာ လူသွားလူလာနည်းတဲ့လမ်းကို ရွေးခဲ့တယ်။ သူရွေးတဲ့ လမ်းတလျှောက် အရိပ်အောက်မှာ ခိုနားတယ်။ ပူလောင်တာကို ရင်ဆိုင်ရတယ်။ လေပြင်းနဲ့တွေ့ရတယ်…

ဇွန်လ (၁) ရက်ဖွါး

ကနေ့ တူမတယောက်မွေးနေ့လို့ အခုပဲသတိရတယ်။

ဇွန်လ (၁) ရက်နေ့ ဖွါးသူတွေဟာ အရာရာကို စူးစမ်းချင်စိတ်များတယ်။ လူတွေရဲ့ အမူအယာတွေကို သိအောင်လုပ်တယ်။ အတွင်းကျကျတော့မဟုတ်။ သူများတွေအကြောင်း စူးစမ်းနေတာများလို့ ကိုယ်ကိုယ်ကို မေ့နေတတ်တယ်။ ကျန်းမာရေးမှာ သူတို့က ဆရာဝန်တွေကို သိပ်မယုံကြဘူး။ စူးစမ်းနေတာအတွက် အချိန်ကုန်တာနဲ့ ဆေးရုံဆေးခန်းကို အားမထားချင်လို့ ကိုယ့်ကျန်းမာရေးကို စစ်ဆေးဘို့အချိန်နည်းကြတယ်။ ဒါပေမယ့် ကာကွယ်ရေးတော့ လုပ်ကြတယ်။ ကျန်းမာရေးနဲ့ ညီညွတ်တာ ရွေးစားသောက်တတ်ကြတယ်။ ငွေရေးကြေးရေးမှာ ခက်ခဲတတ်တယ်။ သူများကို ပေးချင်ကမ်းချင်စိတ် များကြတယ်။ အဲတာနဲ့ ကိုယ့်တွက်မကျန် ဖြစ်တတ်ကြတယ်။ အလုပ်အကိုင်ကယ်ရီယာမှာ အဆင်ပြေကြတယ်။ လူတွေအကြောင်းသိကြလို့ရော ဆုံးဖြတ်တာမှန်ကန်လို့ကြောင့်ဖြစ်တယ်။

ဇွန်လ (၁) သမိုင်းအဖြစ်အပျက်များ
၁၂၁၅ တရုပ်နိုင်ငံ ဘေဂျင်းမြို့ကို မွန်ဂိုးလ်ဘုရင် ဂျင်ဂစ်စ်ခန်က သိမ်းယူလိုက်တယ်။
၁၇၉၂ ကင်တပ်ကီဟာ အမေရိကန်ပြည်ထောင်စုရဲ့ ၁၅ ခုမြောက်ပြည်နယ်ဖြစ်လာတယ်။
၁၇၉၆ အမေရိကန်ပြည်ထောင်စုကနေ ဗြိတိသျှရဲ့ နောက်ဆုံးတပ်တွေ ရုပ်သိမ်းတယ်။
၁၇၉၆ တင်နက်ဆီပြည်နယ်ဟာ အမေရိကန်ပြည်ထောင်စုရဲ့ ၁၆ ခုမြောက်ပြည်နယ်ဖြစ်လာတယ…

2015 global HIV statistics

ကျွန်တော် ပထမဆုံးတောင်းဆိုတယ်ထင်ပါတယ်။ Youtube မှာ hiv အကြောင်းရှင်းပြထားတဲ့ ရုပ်သံ video တွေရှိပေမဲ့ မြန်မာဘာသာစကားနဲ့ မြန်မာဆရာဝန်တွေ မရှိသေးပါသဖြင့် ဆရာအနေဖြင့်ကူညီလို့ရရင် HIV ရောဂါနှင့်ပတ်သက်သော ကူးစက်ပုံ သွေးစစ်ပုံ သွေးစစ်သည့် test တွေအကြောင်း စုံလင့်စွာ Youtube တွင်ဆရာ video ဖိုင်တင်ပေးပါခင်ဗျာ။ လေးစားလျက်။

Youtube မှာ မလုပ်အားပါ။ Blog မှာ အားလုံးတင်ထားပါတယ်။ ပို့ပေးတဲ့သတင်းဖြတ်ပိုင်းအရ မြန်မာပြည်မှာ လူ ၁ဝဝဝ မှာ HIV ရှိသူ ၅ ယောက်လို့ဖတ်ရပါတယ်။

၂ဝ၁၅ စစ်တမ်းတခုအရ ကမ္ဘာမှာ HIV ရှိနေသူပေါင်း ၃၆့၇ သန်းရှိတယ်။ သူတို့ထဲမှာ ကလေးပေါင်း ၁့၈ သန်းပါတယ်။ ကမ္ဘာ့ HIV ဖြစ်နှုန်း ဝ့၈% ဖြစ်တယ်။ လူ ၁ဝဝဝ မှာ (၈) ယောက်နှုန်း။ ၂ဝ၁၅ ခုမှာ AIDS နဲ့ သေဆုံးခဲ့သူပေါင်း ၁့၁ သန်း ရှိခဲ့တယ်။ ကပ်ရောဂါအသွင်ဖြစ်ကတည်းက လူပေါင်း ၇၈ သန်းကိုကူးစက်ပြီး ၃၅ သန်းသေးဆုံးခဲ့ပြီးဖြစ်တယ်။ အများစုက ဆာဟာရအောင်ပိုင်းဒေသမှာဖြစ်တယ်။ ၂၅့၅ သန်းကူးစက်ခံထားရတယ်။ ၂ဝ၁၅ ခုနှစ်မှာ ပိုးတွေ့ လူနာသစ်ပေါင်း ၂့၁ သန်းရှိတယ်။ လူနာ ၁၇ သန်းက ART ဆေးသောက်နေနိုင်ကြတယ်။ အဲတာက ပိုးတွေ့သူတွေရဲ့ လူကြီး ၄၆% နဲ့ ကလေး ၄၉% သာဖြစ်တယ်။

ဒေါက်တာတင့်ဆွေ
၃၁-၅-…

Overdue pregnancy ရက်ကြာနေတဲ့ကိုယ်ဝန်

၁။ မင်္ဂလာပါဆရာ သမီးအသက်က ၂၄နှစ်ပါ။ အိမ်ထောင်ကျတာက ငါးနှစ်ထဲမှာပါ။ အခု ကိုယ်ဝန်နဲ့ပါ။ ပထမအကြိမ်ပါ။ ကိုယ်ဝန်က လကစေ့နေပြီ မမွေးသေးတာပါဆရာ။ ရာသီလာတဲ့ရက်က ၂၂-၈-၂၀၁၆ ပါ။ ရာသီပြီးတဲ့ရက်က ၂၅-၈-၂၀၁၆ ပါဆရာ။ အခုအဲ့ရက်အတိုင်း ဆရာဝန်ပြလာတာကို မွေးမဲ့ရက် ကျော်နေပြီလို့ ပြောပါတယ်။ အဲ့လို မွေးမဲ့ရက် ကျော်ရင် ကလေးအတွက်စိုးရိမ်ရပါသလားဆရာ။ ကြားထဲကပို့တဲ့စာတွေက လိုင်းမကောင်းလို့ မရောက်တာဆရာ။

နောက်ဆုံးရာသီလာခဲ့တဲ့ပဌမရက် = ၂၂-၈-၂ဝ၁၆ ဖြစ်ရင် ခန့်မှန်းမွေးရက် = ၂၉-၅-၂ဝ၁၇ ဖြစ်တယ်။ ရှေ့-နောက် ၁-၂ ပတ်အထိကွာနိုင်တယ်။ စိုးရိမ်စရာမရှိပါ။

၂။ ကိုယ်ဝန်ကလစေ့နေပါပြီဆရာ။ OG ကိုလည်းရိုးရိုးမွေးမယ်လို့ပြောထားပါတယ်။ သွေးပေါင်ချိန်ကလည်း ကျနေပါတယ်။ 90/60 ပဲရှိပါတယ်။ ultrasound ကိုအခု 20 ရက်ကရိုက်ထားတာပါဆရာ။ အားလုံးကောင်းပါတယ်လို့ပဲ ပြောပါတယ်။ အခု 27 ရက်တစ်ပတ်ကြာလို့ ပြန်သွားပြတော့ ဗိုက်စမ်းပြီးတာနဲ့ Due date စေ့နေပြီ။ ကလေးကအနေထား မှန်ပေမယ့် ခေါင်းက ဂွင်ထဲမရောက်သေးဘူး ရေမြွှာလည်းနဲနေပုံရတယ်၊ ဖြစ်နိုင်ရင်ခွဲမွေးစေချင်တယ်လို့ ပြောပါတယ်။ အခုတော့ 1.12.15 ထိစောင့်ကြည့်ပြီးမှ ultrasaund ပြန်ရိုက်ကြည့်မယ်လို့ ပြောပါတယ်ဆရာ။ အဲဒါ ဆက်ေ…

မုန့်ဟင်းခါး

ဆရာ သိချင်တာလေး မေးခွင့်ပြုပါ။ မုန့်ဟင်းခါး နှင့် မုန့်ဟင်းငါး မည်သည့်အသုံးက မှန်ပါသလဲ ဆရာ

အရင်ကလည်း ကွန်မင့်တခုမှာ သည်လိုရေးတယ်။ သီ ရိ ချို မုန့်ဟင်းငါးလို့ထင်တယ်ဆရာတဲ့။

မုန့်ဟင်းခါးလို့သာ ရေးရတယ်။ မြန်မာ့အစားအစာမှာ ဟင်းခါးလို့လည်းရှိတယ်။ ဟင်းငါး မရှိပါ။ ငါးဟင်းသာရှိတယ်။ ခါးတဲ့အရသာကို မြန်မာပြည်ကလူတွေက တန်ဖိုးထားကြတယ်။ အခါးစားတတ်မှ လူကြီးဖြစ်တယ်လို့ ပြောစမှတ်ရှိတယ်။ သူများတိုင်းပြည်တွေမှာ ကျွန်တော်တို့လောက် အရသာခြောက်ပါး မခံစားတတ်ကြပါ။ သူတို့ခါးတယ်ဆိုတာ ကော်ဖီသာ ရှိတယ်။

စာနဲ့စကားကို အလေးမထားကြသူတွေက ခပ်ပေါ့ပေါ့ရေးကြပြောကြလို့ စကားလုံးအမှန်တွေကို ပျောက်စေနိုင်တယ်။  ရေးတော့အမှန် ဖတ်တော့အသံကို တချို့က တလွဲထင်ကြတယ်။ တစ်လို့ရေးပြီး တသံထွက်ခိုင်းတာ မှားတယ်။ မုန့်ဟင်းခါးလို့ ရေးပြီး မုန့်ဟင်းဂါးလို့ ထွက်မှသာမှန်တယ်။ ငါးဆိုရင် သွားပြီ။

ဘန်းစကားတွေထဲက မွန်းငါး၊ မွတ်ငါးလို့ရေးခဲ့ကြတာ ရခိုင်မြောက်ပိုင်းအရေးအခင်း ပေါ်တော့ ပျောက်ကုန်တယ်။

ဒေါက်တာတင့်ဆွေ

Dead Languages ကွယ်လွန်သွားတဲ့စာများ

အီမိုရှင်းသင်္ကေတတွေကို သုံးနေကြတယ်။ ကျွန်တော်တော့ တချို့အရုပ်တွေကို ငိုတာလား၊ ရီတာလားမခွဲခြားတတ်ပါ။ ကွန်မင့်မှာမရေးပါရန်လို့ မေတ္တာရပ်ခံထားတယ်။ Egyptian hieroglyphs အီဂျစ်အရုပ်စာခေတ်ကို ပြန်သွားနေသလိုပဲ။

သူငယ်ချင်းချင်း အပျော်အပျက်ပြောကြရေးကြတာတော့ မဆန်းပါ။ မက်ဆင်ဂျာကနေ အချင်းချင်းရေးလို့ သူများကို ဒုက္ခမပေးပါ။ ဖေ့စ်ဘွတ် ပို့စ်တင်တာက လူတိုင်းကိုဖတ်ခိုင်းနေတာဖြစ်တော့ သတိထားသင့်တယ်။ စကားမပီသူ၊ ဆွံ့အသူ၊ အိုနာကျိုးကန်းနေသူတွေကို ပျက်ရယ်ကဲ့ရဲ့မပြုကြရပါ။ အခုတော့ ထောက်ပြသူတွေကို ဝဋ်လိုက်အောင် လုပ်ရာကျတယ်။

မြန်မာစာ မြန်မာစကား လွဲ၊ မှား၊ ပျောက်ကွယ်၊ သေသွားမှာစိုးပါတယ်။ အခုတော့ လေဖြတ်တဲ့အဆင့်ရောက်နေပြီ။ ကမ္ဘာမှာ သေသွားသလောက် ဖြစ်နေတဲ့ ရှေးဟောင်းဘာသာစကားတွေရှိတယ်။

၁။ Ancient Greek ရှေးဟောင်းဂရိ၊
၂။ Latin လက်တင်၊
၃။ Old Norse အိုက်စလန်၊ နော်ဝေ၊ ဒိန်းမတ်၊ ဆွီဒင် နို့စ် လက်ဟောင်း၊
၎။ Ancient Egyptian ရှေးဟောင်းအီဂျစ်၊
၅။ Sanskrit ဆန်းစ်ခရစ် (သင်္သကရိုက်၊ သက္ကတဘာသာ)
၆။ Middle English အလယ်ခေတ် အင်္ဂလိပ်၊
၇။ Aramaic အရှေ့အလယ်ပိုင်းဒေသ အာရာမစ်၊
၈။ Coptic ရှေးဟောင်းအီဂျစ် ကော့်ပ်တစ်၊
၉။ Biblical Hebrew ကျမ်းစာသ…

Snake-bite မြွေကိုက်လူနာ

၁။ နိုင်ငံခြားတိုင်ပြည်များရှိ မွေဆိပ်ခွဲခြားနည်းသိလိုပါသည်။ မွေဆိုးကိုက်ကုထုံးများ သိလိုပါသည်။ ရေခဲတင်ကုထုံး သိလိုပါသည်။ မည်သည့်နိုင်ငံကမြွေဆိပ်ဖြေဆေး အကောင်းဆုံးပါလဲ။ ပခုက္ကူဆေးရုံမှာ မြွေကိုက်လူနာ တွေ့ပြန်ပြီ။

၂။ ဆရာခင်ဗျား ကျွန်တော်၏အသိမိတ်ဆွေများ မြွေကိုက်ခံရသည်နှင့်ကြုံသည့်အခါ ဆေးရုံတွင် လူနာမေး မကြာခဏ သွားရပါတယ်။ သေဆုံးကြသည်ကများပါတယ်။ ဆေးရုံကို အချိန်မှီမရောက်လို့များလား။ ဖြေဆေးများ လုံလောက်အောင် မရလို့များလား မေးမြန်းကြည့်မိပါတယ်ဆရာ။ လူနာရှင်ကပြောပါတယ် တို့လူနာက ထန်းပင်အောက်မှာ အကိုက်ခံရတာ။ ဆိုင်ကယ်ကလဲအသင့်ရှိတော့ ဆေးရုံကိုနာရီဝက်အတွင်းပို့နိုင်ခဲ့တယ်။ ဖြေဆေးလဲထိုးရတယ်။ စုစုပေါင်း အလုံး ၃ဝ လောက်ထိုးရတယ်တဲ့။ ဒါပေမဲ့ဆုံးသွားတယ်တဲ့။ ကွsန်တော်တွေးမိတာက အဆိပ်ဖြေဆေးတွေ အာနိသင်နည်းတာလား ဆိုတာပါပဲ။ ကျေးဇူးပြု၍ ဖြေကြားပေးစေလိုပါတယ်။့့ (ဘုတလင်)

၃။ မြွေကိုက်ခံဖူးတဲ့မိန်းကလေးက လက်ရှိအသက် ၂၉ပါ။ မြွေကိုက်ခံရချိန်ကအသက် ၁၇ အရွယ်ပါ။ ကိုက်တဲ့မြွေက မြွေပွေးပါဆရာ။ မြွေဆိပ်ဖြေဆေးကို ကိုက်ခံရပြီးခြင်းခြင်း ဆေးခန်းသွားတော့ထိုးပါတယ်ဆရာ။ မြွေကိုက်ခံရဖူးသူက စစ်ကိုင်းတိုင်းအောက်ပိုင်း မုံရွာပတ်ဝန်း…

လျှံ လျှပ် လျှာ

ဆရာရှင့် သျှံ နဲ့ လျှံ ဘယ်လိုသုံးနှုန်းနိုင်ပါသလဲသိချင်လို့ပါရှင့်။

မီးတောက်မီးလျှံ၊
လျှံ (ပိုလျှံ)
လျှံထွန်းတေဇာ၊
လျှင် (သူလာလျှင် ငါသွားမည်)
လျှင် (ပေးလျှင် ယူမည်)
လျှပ် = ရုတ်တရက်
လျှပ်စစ်
လျှပ်စား = မတရားရယူသည်
လျှပ်စား ဖြတ်စား
လျှပ်စီး
လျှပ်တေး = ပေါ့တီးပေါ့ဆလုပ်ကိုင်တတ်သော မိန်းကလေး
လျှပ်ပေါ်လော်လီ = စောင်စည်းမှုမရှိ၊ အရှက်အကြောက်ကင်း
လျှမ်း = ပြည့်လျှံသော
လျှမ်းလျှမ်းတောက်
လျှာ
လျှာခင်
လျှာစက်အာစက်
လျှာနာခွါနာ
လျှာရှည်
လျှာလေးအာလေး
လျှိုး (ငုံ့လျှိုး)
လျှို့ဝှက်ချက်
လျှိုသွင်းသည်
သျှတ္တရ = ပညာရပ်ကျမ်း (အာကာသသျှတ္တရ၊ မဏိသျှတ္တရ)
သျှားဖြူသီး = ချဉ်ဖန်သောအသီး
သျှိသျှား = ဆီးဖြူတမျိုး
သျှို = အောင်မြင်ပြီးမြောက်မှု၊ နှုတ်ချို သျှိတပါး
သျှိုးလိုက်ရတု
သျှီလင် = ဗြတိသျှနိုင်ငံသုံးငွေ၊ ၂ဝ သျှိလင် = တပေါင်
အပြည့်အလျှံ၊
အလျှံညီး၊
အပေါ်လျှံ (အပေါ်ယံ)၊
အရောင်လျှံ၊
ရေလျှံ၊
လျှော့ (ဈေးလျှော့)
လျှော့ရက်
လျှော့ပေါ့
လျှောက် (လမ်းလျှောက်)
လျှောက်ထား
လျှောက်ပြန်သံပေး
လျှောက်လဲချက်
လျှောက်လွှာ
လျှောက်သွား
လျှောက်ပြော
လျှောချ
လျှောမွေး (ကိုယ်ဝန်ပျက်)
လျှော် (အကြွေးလျှော်)
လျှော် (ခေါင်းလျှော်)
လျှော်ကြိုး
ေ…

Pregnancy Spelling သတ်ပုံမှားသော မီးနေသည်များ

၁။ ဆရာရှင် ကျမအသက်က ၂၈ နှစ်ပါ။ မီးနေသည် ဆပ်ပြာမကိုင်ရတဲ့အယူအစက B1 ချို့တဲ့တယ်လို့ တစ်ချို့တွေက ပြောကြပါတယ်။ ဟုတ်သလားရှင့်။ B1 ချို့မတည့်အောင် ဘာတွေစားသုံးဘယ်ဆေးမျိုးသောက်ရမလဲရှင့်။

ဆပ်ပြာကို မတည့်သူက တသက်လုံးဆင်ခြင်ရတယ်။ တည့်သူက တသက်လုံးသုံးနိုင်တယ်။ ဘီ-၁ ချို့တဲ့တယ်လို့ ဆရာဝန်ကပြောပါသလား။ ထုံးနာကျင်နာဖြစ်နေပါသလား။ ဆရာ့ဘလော့မှာ ဖတ်လိုကဖတ်နိုင်။ ရာသီလာခြင်းနဲ့ ကိုယ်ဝန်-မီးနေကာလ မှားယွင်းတဲ့အယူအဆတွေကိုလည်း ရေးထား။

အယူအဆလို့သာ ရေးရမယ်။ အယူအစလို့ရေးတာ မှားတယ်။ မွေးလာမယ့်ကလေး သတ်ပုံမမှားပါစေနဲ့။

၂။ ဆရာရှင့် ကျွန်မအသက် ၂၅၊ အိမ်ထောင်နဲ့ ကလေးတယောက်ရှိပါတယ်။ အခု ဒုတိယကိုယ်ဝန် ဆောင်ထားပါတယ်။ ကျွန်မ ပထမသားလေးမွေးထဲက လိပ်ခေါ်င်းဖြစ်နေတာ မွေးတုန်းအရမ်းစိုးပေမဲ့ သက်သာသွားပါတယ်။ အခုလိပ်ခေါင်းက ဟိုနေ့ဝမ်းညစ်မိလို့ သွေးထွက်နေပါတယ်။ ကျွန်မလောလောဆယ် ဘာဆေးများလိမ်းရမလဲရှင့်။ ဒုတိယကိုယ်ဝန်ကို ရိုးရိုးမွေးလို့ရပါ့မလား။ လိပ်ခေါင်းကသွေးထွက်နေလို့။ လေးစားစွာဖြင့်

အရမ်းစိုးလို့ရေးတာ မှားတယ်။ အရမ်းဆိုးလို့သာ ရေးရမယ်။ မွေးလာမယ့်ကလေး သတ်ပုံမမှားပါစေနဲ့။

သတ်ပုံမှားသော မီးနေသည်တွေ ကျန်းမာကြပါစေ။ မြန်မာစာ သားကောင်းသ…

Contraceptive Implant ကိုယ်ဝန်တားဆေးချောင်းနဲ့ လက်မောင်း

ဆရာ ရိုသေစွာမေးပါရစေ။ လက်မောင်းအရေပြားအောက်မှာထည့်သွင်းရတဲ့ သန္ဓေတားဆေးချောင်းလေးကို  လက်မောင်းအောက်မဟုတ်ပဲ ပေါင်မှာ သို့မဟုတ် တခြားမမြင်ကွယ်ရာနေရာမျိုးတွေမှာထည့်သွင်းလို့ ရ-မရ သိပါရစေ။ ရိုသေစွာဖြင့်

မရတော့ မရှိပါ။ အကျိုး နဲ့ အပြစ် ချိန်ဆရတယ်။ ပိုကောင်းတာလည်းရှိနိုင်။ သတိပိုထားစရာလည်းရှိနိုင်ပါတယ်။

ဥပမာ Nexplanon ဆိုတာ ၄ စက်တီမီတာရှည်တယ်။ ကွေးနိုင်ဆန့်နိုင်လို့ ထည့်ထားပြီး ကိုယ်လက်လှုပ်ရှားရင် ထိခိုက်မှု မရှိစေပါ။ တကမ္ဘာလုံးမှာ ဘယ်ဖက်လက်မောင်းအတွင်းဖက်မှာ ထည့်ထားကြတယ်။ သုံးနှစ်တခါ အသစ်လဲပေးရမယ်။ အမာရွတ်လည်း မသိသာ။ ချုပ်ရိုးမပါ။ အရုပ်မဆိုးပါ။

မွေးလာတဲ့ကလေးတိုင်းကို အရင်ဆုံးထိုးစေတဲ့ကာကွယ်ဆေးက BCG ခေါ် တီဘီကာကွယ်ဆေးဖြစ်တယ်။ စစ်ဆေးရာမှာ လွယ်ကူပြီး စနစ်ကျအောင် ဘယ်ဖက်လက်မောင်းမှာထိုးပေးတယ်။ အမာရွတ်ကလေးတွေထင်နေမယ်။ အဲတာ ဆေးအောင်တာလို့ အရပ်ပြောပြောကြတယ်။

အရင်က ကျောက်ကြီးရောဂါ မြန်မာပြည်အပါအဝင် တကမ္ဘာလုံးမှာ လူတွေသေဆုံးတဲ့အထိ ကပ်ရောဂါဖြစ်ခဲ့တယ်။ ကျောက်ဆေးခေါ် ကာကွယ်ဆေးပေါ်လာတယ်။ နိုင်ငံတိုင်းမှာ ကျောက်ကြီးရောဂါပပျောက်ရေး စနစ်တကျလုပ်လို့ အခုဆိုရင် တကမ္ဘာပေါ်ကနေ ပျောက်ကွယ်သွားပြီ။ ကျောက်ကြီးရောဂါ ဖြစ်ပြ…

Leukemia လူကီးမီးယား သွေးကင်ဆာ

၁။ ကျမ အသက် ၂၇ နှစ်ပါဆရာ။ ကလေး ၂ ယောက်ရှိပါတယ်။ သိချင်တာက သွေးကင်ဆာရောဂါဟာ မျိုးရိုးလိုက်တတ်ပါသလားရှင့်။ ကျမအဖေဟာ အသက် ၆၀ ကျော်မှာ သွေးကင်ဆာအမျိုးအစား AML ဖြစ်ပြီး ဆေးကုနေရင်း ဆုံးပါးခဲ့ရပါတယ်။ သားက ကိုယ်ခံအားနည်းတဲ့ကလေးမို့ သူ့အတွက်စိတ်ပူလို့ပါ။ မျိုးရိုးလိုက်တက်ခဲ့ရင်လည်း ဆောင်ရန်ရှောင်ရန်လေးတွေကိုလဲ သိချင်ပါတယ်ရှင့်။

၂။ ကျွန်နော်က leukemia CML ရောဂါခံစားနေရပါတယ်ဆရာ။ ကျွန်တော်ကနယ်ကပါ။ တခါတလေဆေးဝယ်မရလို့ဆေးပြတ်တဲ့အခါကျရင် သွေးဖြူဥတေတွများလားပြီး ဒူးတွေတင်ပစုံတွေမှာသွေးစုပြီးတော့ ကိုက်ခဲပါတယ်ဆရာ။ လွန်ခဲ့တဲ့ ၆ လလောက်တုံးက ကျွန်တော်သွေးဖြူဥတွေများပြီး ပထမဒူးမှာသွေးစုတယ်။ ၅ ရက်လောက်ကြာတော့ ဒူးကကောင်းသွားပြီး ဆီးလမ်းကြောင်းမှာလာဖြစ်တယ်ဆရာ။ ဆီးလမ်းကြောင်းအရမ်းတင်ပြီးကိုက်လို့ ကျွန်တော်ရန်ကုန်မှာဆေးခန်းသွားပြတယ်ဆရာ။့့ မှာထိုင်တဲ့ ဆီးလမ်းကြောင်းခွဲစ်ိတ်ဆရာဝန်က့့ မှာခွဲမှရမယ်လို့ပြောတော့ ကျွန်တော်က ငွေကြေးမတတ်နိုင်လို့ မခွဲဖြစ်ဘူး။ ဒီလိုနဲ့ဆေးစားရင် သက်သာသွားတယ်ဆရာ။

၃။ ဆရာ သမီးအမျိုးသားက သွေးကင်ဆာပါ ဆေးသောက်နေရတာ သုံးနှစ်ရှိပါပြီ။ ဆေးကြောင့်ကလေးမယူသင့်ဘူးလို့ သိရပါတယ်။ သားလေးကသုံးနစ်…

Omega-3 and Pregnancy အိုမီဂါ နှင့် ကိုယ်ဝန်

မင်္ဂလာပါဆရာ ကျွန်မ အမည် မ့့၊ အသက် ၂၇နှစ်၊ မန္တလေးမြို့။ ကျွန်မ ပထမကိုယ်ဝန် ၄လနဲ့ ပျက်ကျခဲ့တယ်ဆရာ။ ပထမကိုယ်ဝန်တုန်းက OG က (Susten, Folic Acid and Omega 3) ပေးတယ်ဆရာ။ ကိုယ်ဝန် ၃လကျော်ထိ သောက်ခဲ့ရတယ်ဆရာ။ ကိုယ်ဝန် ၄လရောက်တော့ အိုဘီမင် သောက်ရတယ်ဆရာ။ ယခု ဒုတိယကိုယ်ဝန် ၁လပါဆရာ။ အဲ့ဒီတုန်းက OG ပဲ ထပ်ပြတယ်ဆရာ။ ဒါပေမယ့် ဆေးတွေက Susten and Folic Acid ပဲပေးတယ်ဆရာ။ Omega 3 မပါပါဘူးဆရာ။ ကျွန်မအထင်တော့ လူနာများပြီး မေ့သွားတယ်ထင်ပါတယ်။ Omega 3 မပါလို့ ကိုယ့်ဘာသာကိုယ်ပဲ ဆေးဆိုင်ကနေ Omega 3 ၀ယ်သောက်ချင်တယ်ဆရာ။ Omega 3 သောက်ရင် ကလေးဥာဏ်ကောင်းတယ်လို့ ကြားဖူးလို့ပါဆရာ။ သောက်လို့ရမရနဲ့ သောက်ရမယ့် ကိုယ်ဝန်လ အထိသိချင်လို့ပါဆရာ။

အိုမီဂါ-၃ ဆိုတာ ကိုလက်စထောအတွက်သာဖြစ်တယ်။ ကိုယ်ဝန်နဲ့ နို့တိုက်မိခင်တွေအတွက် ဆေးသုတေသနက မတူတာတွေရှိတယ်။

Omega-3 အစားအသောက်များများစားရင်လည်း ကလေးမှာ အလာဂျီဖြစ်မှာ နည်းစေနိုင်လောက်တယ်လို့ ဆိုပါသေးတယ်။ ကိုယ်ဝန်ဆောင်နဲ့ နို့တိုက်မိခင်တွေ တနေ့မှာ အိုမီဂါ-သရီး 500 mg + EPA + DHA လိုအပ်တယ်လို့ သတ်မှတ်ထားပါတယ်။ ငါးတွေမှာ အဲတာတွေပါတယ်။ ဒါပေမဲ့ Cod liver oil ငါးကြီးဆီထဲမှာ Retinol ဗီတာမင်အေ…

အရုဏ် နှင့် အာရုံ

မင်္ဂလာပါ ဆရာ အရုဏ် နဲ့ အာရုဏ် အမှန်ကို သိချင်လို့ပါ။

အရုဏ (ပါဠိ) = စဉ်းငယ်နီမြန်းသော၊ ရှေးဦးကာလတက်လာသောနေရောင်၊ ထွက်သစ်နေ၊ အရုဏ်။
အရုဏ် = အရုဏ်တက်၊ အရုဏ်ကျင်း၊ အရုဏ်ဆွမ်း၊ အရုဏ်ဦး။

အာရုံ = စိတ်၏မွေ့လျော်ရာ အဆင်း၊ အသံ၊ အနံ့၊ အရသာ၊ အတွေ့၊ အတွေး။ (ပါဠိ အာရမ္မဏ)
အာရုံခြောက်ပါး၊ အာရုံခံတန်ဆောင်း၊ အာရုံစိုက်၊ အာရုံပြု၊ အာရုံပြောင်း၊ စွဲမိတဲ့ချစ်အာရုံ၊ အာရုံကြော၊ ဦးနှောက်နှင့်အာရုံကြောဌာန။

ဒေါက်တာတင့်ဆွေ

Septic Shock ဆက်ပတစ်ရှော့ခ်

ဆရာ သွေးထဲကို ပိုးဝင်လို့ သွေးဆိပ်တတ်တဲ့အကြောင်း သိချင်ပါတယ်

ဘလော့မှာ ဖတ်နိုင်။

ဟုတ်ဆရာ ကျေးဇူးပါ။ Blog မှာ ရှာပါသေးတယ်ဆရာ။ ဒါပေမဲ့ link တွေထဲဝင်ကြည့်ရင်မြန်မာစာ font တွေက ဇောက်ထိုးတွေပေါ်ကျနော်ဟန်းဆက်က ဘယ်လိုမှရှာမရလို့ပါဆရာ။

Septic shock ဘောက်ဆင်ချန်ပီယံ သေဆုံးရတဲ့အကြောင်းရင်းလို့ရေးထားတယ်။ ဆက်ပတစ်ရှော့ခ်ဆိုတာ ရောဂါပိုးဝင်ရာကနေထွက်တဲ့ အဆိပ်အတောက်တွေကြောင့်ဖြစ်တာပါ။ အသက်ကြီးသူတွေမှာ ခုခံအားနည်းနေလို့ သေဆုံးတဲ့အထိဖြစ်နိုင်တယ်။ ပိုးဝင်တိုင်း ရောင်ရမ်ဖြစ်စဉ်ဖြစ်တယ်။ အလွန်သေးငယ်လှတဲ့သွေးခဲလေးတွေဖြစ်လာတယ်။ အရေပါတဲ့ကိုယ်အင်္ဂါအစိတ်အပိုင်းတွေမှာ မရှိမဖြစ်တဲ့ အောက်စီဂျင်မရဖြစ်လာနိုင်တယ်။ အဲဒီအစိတ်အပိုင်းက အလုပ်မလုပ်နိုင်ဖြစ်တာမယ်။ သွေးဖိအားကျဆင်းရာကနေ သေဆုံးရတယ်။ အထူးကုသဆောင်တွေမှာထားရတဲ့ လူနာတွေက အဲလိုနဲ့ ကွယ်လွန်ရတတ်တယ်။

ပိုးဝင်တာက တကိုယ်လုံးရောက်တာကို သွေးထဲပိုးဝင်တာလို့ခေါ်တယ်။ အရေပါတဲ့ကိုယ်အင်္ဂါအစိတ်အပိုင်းတွေဆိုတာ ကျောကပ်လည်းပါတယ်။ ခြေလက်တွေမှာပိတ်ရင် တစ်ရှူးတွေသေမယ်။ (ဂင်ဂရင်း) လို့ခေါ်တယ်။ ဖြစ်တဲ့ခြေ-လက် ဖြတ်ပေးရတယ်။

ဖြစ်တဲ့အရေပြားမှာ အရောင်ပြောင်းလာမယ်။ ဆီးသွားတာနည်းလာမယ်။ စိတ်မကြည့်လင်ြ…

ရုပ် နှင့် ရုတ် ဖျန်း နှင့် ဖြန်း

မင်္ဂလာပါ ဆရာရှင့်။ စာလုံးပေါင်းသတ်ပုံလေး မေးချင်လို့ပါ။ ရုံးစာရေးတဲ့နေရာမှာကို အမှားတွေမကင်းသေးလို့ပါရှင့်။ အမှန်အမှား ကွဲကွဲပြားပြားမသိသေးတာကပိုတယ် ပြောရမလိုပါပဲ။ ကျွန်မကိုယ်တိုင်ကိုက တခါတလေ အဲလို ဖြစ်တတ်လို့ပါ။ အစည်းအဝေး ရုတ်/ရုပ်သိမ်း ဘယ်စာလုံးကမှန်ပါသလဲရှင့်။ ပသတ်ကို တော်တော်များများ တွေ့နေရပေမယ့် ကျွန်မစိတ်ထဲ မသေချာလို့ပါ။ ဒီအရွယ်ထိ မသိတန်ကောင်းရဲ့လို့လည်း ကိုယ့်ကိုယ်ကိုယ် အပြစ်တင်မိပါတယ်။ နောက်တခုက ဖျန်း/ဖြန်း နဲ့ အဆောက်အအုံ/ အဆောက်အဦ။ ကျွန်မစာထဲ စာလုံးပေါင်း အမှားပါရင် ခွင့်လွှတ်ပါဆရာရှင့်။ ဆရာတင်သမျှ စာတော်တော်များများကို only me နဲ့ save ထား ပြန်ဖတ်ဖြစ်ပါတယ် ကျန်းမာပါစေ ဆရာရှင့်။ ကျေးဇူးတင်ပါတယ်။

ရုပ်
တရုပ်စကားပင်
တရုပ်လူမျိုး
တရုပ်ပြေးမင်း
ယဉ်မင်းရုပ် (ယမင်းရုပ်)
ရုပ်ကလာပ်
ရုပ်ဆင်းသဏ္ဌာန်
ရုပ်တုဆင်းတု
ရုပ်ဓါတ်
ရုပ်နာမ်တရား
ရုပ်ပုံ
ရုပ်ပွါး
ရုပ်ဖျက်
ရုပ်ကြွ
ရုပ်ကြွင်း
ရုပ်ရည်သန့်
ရုပ်လှသည်
ရုပ်သိမ်းသည်
ရုပ်ချော
ရုပ်ဖျောက်
ရုပ်ပြောင်
ရုပ်ပြောင်းရုပ်လွှဲ
သဒ္ဒါရုပ်
သရုပ်ကွက်
အရုပ်ဆိုး
အရုပ်ထု

ရုတ်
ငရုတ်သီး (ငြုပ်သီး)
ငရုတ်ကောင်း
ပရုတ်ဆီ
ဗရုတ်ဗရက်
ရုတ်ကနဲ
ရုတ်တရက်
ရုတ်ခြည်း
ရုတ်ရက်ခတ…

Morning sickness ကိုယ်ဝန်ရှိစ အိပ်ရာထရောဂါ

(ကန်တော့ပါ။ အင်္ဂလိပ်စာလုံးတွေကို ကျော်ဖတ်နိုင်ပါတယ်။)

၁။ ဆရာ မင်္ဂလာပါရှင့်။ သမီး အသက်က ၃၆ နှစ်ပါ။ ဆီးစစ်ကြည့်တော့ ကိုယ်ဝန်ရှိပြနေပါတယ်။ ဘာမှမစားချင်ဘဲ လေတွေဘဲ အန်နေပါတယ် ဆရာ။ အရမ်းလဲမောပန်းနေသလိုခံစားနေရတယ်။ အဲဒါ ဘယ်အချိန်လောက်ဆို ပုံမှန်ပြန်ဖြစ်မလည်းဆရာ။ ပြီးတော့ စောင်းအိပ်လို့လဲမရဘူး၊ ပက်လက်အိပ်မှသက်သာတယ်ဆရာ။ အဲဒါ ပုံမှန်လားရှင့်။ ကျေးဇူးတင်ပါတယ်ဆရာ။

၂။ လေးစာရပါသောဆရာ ကျွန်မအသက်က ၂၇ပါ။ ကိုယ်ဝန် ၈ ပတ်ထဲမှာပါဆရာ။ အရမ်းတော့မအန်ပါဘူး။ ဘာမှစားမဝင်တာရက် ၂၀ ကျော်နေပါပြီဆရာ။ ဆရာဝန်တွေပေးတဲ့ဆေးက အခုမသက်သာသလိုခံစားနေရပြီး တံတွေး ခဏခဏထွေးနေလို့ အားတော်တော်ရုတ်နေပါတယ်။ တံတွေးထွေးရလွန်းလို့ လည်ချောင်းထဲမှာ တမျိုးမျိုးခံစားနေလို့ ကျေးဇူးပြု၍ကူညီပေးပါရန် လေးစားစွာတောင်းပန်အပ်ပါသည်။ ကိုယ်ဝန်အတွက်စိုးရိမ်ရပါသလားဆရာ။ သက်သာအောင် လမ်းညွှန်းပြသကူညီပါဆရာ။

ဖြေတဲသူဆီမှာက မနက်ထ၊ မေးတဲ့သူဆီမှာည။ ရောဂါအမည်က အိပ်ရာထရောဂါဆိုပေမဲ့ အချိန်မရွေးခံစားရနိုင်ပါတယ်။ ဆောရီး။ ကိုယ်ဝန်ဆောင်စ အစောပိုင်းလတွေမှာ ပျို့တာ၊ အန်တာကို ကိုယ်ဝန်ရှိစအိပ်ရာထရောဂါလို့ ခေါ်ပြီး ဆေးစာနဲ့ Nausea gravidarum လို့ ခေါ်ပါတယ်။ မနက်ခင်းမှာ အဖြစ်မျ…

GP ဆေးကုခွင့်

• ဆရာ ဒီသတင်းတွေ ခုရက်ပိုင်း ပွက်လောရိုက်နေတယ်။ ဆရာ့ရဲ့ထင်မြင်ချက်လေး ပြောပေးပါအုံး။

• ဘာသတင်းလဲ မသိပါ။ ဆောရီး။

• စာရေးဆရာလင်း (ဆေး၁) ရေးထားတဲ့ မုတ်သုန်၏ထုတ်ကုန်ပါဆရာ။

• ဆရာက ကိုယ်တိုင်မသိလို့ မရေးအပ်ပါ။

• PHS 1 2/LHV/AMW/MW/CHW တွေက အမှန်တကယ် ဆေးကုသခွင့်မရှိဘူးလားဆရာ။ အခုဖြစ်နေတာက မြန်မာနိုင်ငံဆရာဝန်များအသင်း စာရေးဆရာလင်း(ဆေး၁)က  PHS 12/LHV/MW တွေကို ဆေးကုသခွင့် မရှိဘူးလို့ရေးထားတာပါ။ BHS အခြေခံဝန်ထမ်းတွေက စာရေးဆရာလင်း(ဆေး၁) ကို ဒီလိုရေးရမှာလား သူတို့တွေလည်း သူတို့နားလည်မှုလေးတွေနဲ့ သင်တန်းတွေတက်ပြီး ဆေးကုပေးနေကြတာ ရမ်းကုနေတာ မဟုတ်ကြောင်း ဖတ်မိလို့ပါဆရာ။ ဆရာ့ဆီက Comment လေး လိုချင်လို့ပါ။ အဲ့ဒီသတင်းကမြန်မာနိုင်ငံမှာတော့ ပွက်လောရိုက်နေတယ်ဆရာ BHS တွေက လင်း(ဆေး၁) ကို အတော်မကျေနပ်ဖြစ်နေကြတယ်ဆရာ။ ဆရာ ဒီကိစ္စတွေနဲ့ ပတ်သက်ပြီး စိတ်အအနှောင့်အယှက်ဖြစ်သွားရင် ခွင့်လွှတ်ပါဆရာ။

• ဆောရီး။ သေချာ မသိသေးပါ။ ဆေးကုသခွင့်ဆိုတာ ဘာလဲ။ သိသလောက် အလုပ်ချိန်ပြင်ပမှာ ကိုယ်ပိုင် ဆေးခန်းအတွက် မှတ်ပုံတင်ရတယ်။ ဆမ ရှိရတယ်။ စာရွက်ပေါ်မှာရှိတိုင်း မလုပ်နိုင်တာ၊ မလုပ်ကြတာတွေ ရှိသလို ညွှန်ကြားချက်မပြောနဲ့ ဥပဒေမှာ မပါတာလုပ…

Scared ကျွန်တော့်ကို ကြောက်တဲ့သူရှိတယ်

ကိုလေးအင်းဝဂုဏ်ရည်နဲ့ လူချင်းဆုံပြီး စကားမပြောဖူးသေးပါ။ ကျွန်တော်ရှိခဲ့တဲ့နေရာတခုမှာ ဆရာရောက်လာတာလည်း မသိလိုက်မိပါ။ ဆောရီးဆရာ။ မြို့သာတိုက်နယ်ဆေးရုံမှာ တာဝန်ကျစဉ်ကဆိုတော့ နှစ်ပေါင်း ၄ဝ လောက်ကပေါ့။ လွန်ခဲ့တဲ့လေးနှစ်လောက်က ဖေ့စ်ဘွတ်မှာ ဆရာကရေးပါတယ်။ ခင်ဗျားတော့ ကြောက်ပ၊ လက်ထဲဓါးကမချတဲ့။

တံတားဦးကနေ ၂၁ မိုင်ဝေးတဲ့ မြို့သာကို ဆရာလာလည်တုန်းမှာ ကျွန်တော်က မနက်ခင်း အပြင်လူနာတွေရှင်းပြီး၊ အဲဒီအခန်းတွင်းမှာပဲ ခွဲစိတ်လူနာကို ခွဲနေစဉ်ကဖြစ်ရမယ်။ လျှပ်စစ်မီးကရှိတာမဟုတ်လို့ အခန်းတံခါးမကြီးကို ဟင်းလင်းဖွင့်ထားပြီး ရင်သားကင်ဆာခွဲနေတာ တွေ့သွားပုံရတယ်။ ကဗျာဆရာ ကြောက်မှာပေါ့။

အဲဒီခေတ်မှာ စမတ်ဖုံးနဲ့ ဖေ့စ်ဘွတ်တွေမပေါ်သေးတာ ကံကောင်းတယ်။ ဓါတ်ပုံရိုက်တင်ကြရင် တိုက်နယ်ဆရာဝန် တရားစွဲခံရနိုင်တယ်။ ကျွန်တော်က ကြောက်ရမယ့်အလှည့်။

ဓါတ်ပုံထဲမှာ ကျွန်တော်ရှိစဉ်ကဆောက်ခဲ့တဲ့ မြို့သာတိုက်နယ်ဆေးရုံသစ်ရှေ့မှာ ဆေးရုံကော်မတီဝင်တွေနဲ့အတူ။  ဓါတ်ပုံထဲကလူ ကျွန်တော်တယောက်သာ ကျန်တော့တယ်။ မြို့သာဆေးရုံက ပိုပြီးတိုးတက်နေတယ်လို့သိရလို့ ဝမ်းသာတယ်။ ကျွန်တော်တို့ အုတ်တချပ်စီတာဝန်ယူခဲ့ကြတယ်။

ဒေါက်တာတင့်ဆွေ
၂၉-၅-၂ဝ၁၇

Wooden Sling Shot ဘတ်ခွ

ဘတ်ခွကို ဘတ်ဂွလို့ စကားနဲ့ခေါ်တယ်။ ဘတ်ခွဆိုတာ နှစ်ခွရှိတဲ့အရာရဲ့ အဖျားစွန်းမှာ သားရေပင်ကြိုးတပ်ထားတယ်။ သားရေပင်တဖက်ဖျားမှာ လောက်စာအိမ်နေရာ ပါတယ်။ နှစ်ခွရှိတဲ့အရာဆိုတာ သစ်ကိုင်းအနေတော်ဖြစ်ဖြစ်၊ သစ်သားကို အကျေအန ဖြတ်၊ ထစ်၊ ချောပြီးဖြစ်ဖြစ်၊ တိရစ္ဆာန်တမျိုးရဲ့ချိုကိုဖြစ်ဖြစ် သုံးတယ်။ Handheld Slingshot လို့လည်း ခေါ်တယ်။

သားရေပင်ကို သားရေဖတ်လည်းရေးရလို့ သားရေဖတ်ခွ၊ ဖတ်ခွ၊ ဖတ်ဂွ၊ ဘတ်ဂွဖြစ်လာတယ်လို့ ယူဆပါတယ်။ တောသားတွေက စကားကို လေးလေးပင်ပင်ပြောကြတယ်။

Bow and Arrow လေးနဲ့မြားဆိုတာမှာ ကြိုးတချောင်းတည်းသာပါတယ်။ မြန်မာတွေသုံးတဲ့ လောက်လေးခွကတမျိုး။ လောက်လေးခွမှာ မြားနဲ့ပစ်ရတဲ့ လေးကိုင်းမှာ ကြိုး ၂ ချောင်းတပ်ထားပြီး အလယ်မှာ လောက်စာလုံးထည့်စရာ လောက်စာအိမ်ပါတယ်။

ဒူးလေးဆိုတာ မုဆိုးတွေသုံးတယ်။ ရှေးကတည်းက ဥရောပမှာလည်းရှိတယ်။ ဝီလီယန်တဲလ် သူ့သားခေါင်းပေါ်က ပန်းသီးကို ဒူးလေးနဲ့ ပစ်တယ်။ ဝီလီယန်တဲလ် အမေရိကန်ဗာရှင်းမှာ ရိုးရိုးလေးနဲ့မြားလို့ ပုံဖေါ်ထားတယ်။ ရမ်ဘို ဇာတ်ကားမှာတော့ RamboBows ခေတ်ပေါ်ဒူးလေးဖြစ်လာတယ်။

ဂျင်ကလိဆိုတာ မြန်မာပြည်မှာ ၁၉၈၈ မှာပေါ်လာတယ်။ ဘတ်ဂွသုံးပြီး သံချွန်ကိုပစ်တယ်။

Catapult လောက်လွှဲဆိုတာေ…

Bikini (ဘီကီနီ)

ကျွန်တော်က တိုက်ဆိုင်တာတွေဆို မြင်တတ်တယ်။ မနှစ်က အမေရိကန်သမတ အိုဘားမား ဂျပန်သွားရင်း ဟီရိုရှီးမားမြို့ကိုပါသွားတဲ့သတင်းနဲ့ ဘီကီနီအလှမယ်ရွေးပွဲသတင်းတွေ ဒီရက်မှာထွက်တယ်။ ဘီကီနီပုံကိုတော့ မသိသူမရှိ။ ဘီကီနီဆိုတာဘာလဲ။ ဒါများ ပြောနေစရာမလိုပါလို့ဆိုကြမယ်။ အဲဒီစကားလုံးဟာ ကျွန်းစုလေးတခုလို့ သိသူကတော့ နည်းမယ်။ ကံဆိုးလှတဲ့ကျွန်းရဲ့နာမည်အထိပါ သိသူကရှားမယ်။

အမေရိကန်ပြည်ထောင်စုကနေ ၁၉၄၆ ခုနှစ်က Operation Crossroads အော်ပရေးရှင်း ခရော့စ်ရုဒ်စ်ခေါ်တဲ့ အနုမြူဗုံး စမ်းသပ်ဖေါက်ခွဲမှု လုပ်ခဲ့ပါတယ်။ ၁၉၄၅ ခုနှစ်ဇူလိုင်လက ထရီနီတီမှာပဌမဆုံးစမ်းပြီး၊ ၁၉၄၅ ခုနှစ် သြဂုတ်လ (၆) ရက်နေ့မှာတော့ ဂျပန်နိုင်ငံ ဟီရိုရှီးမားမြို့နဲ့ (၉) ရက်နေ့မှာ နာဂါဆာကီမြို့ကို အနုမြူဗုံးချခဲ့ပါတယ်။ အော်ပရေးရှင်း ခရော့စ်ရုဒ်ကို ပစိဖိတ်သမုဒ္ဒရာထဲက မာရှယ်ကျွန်းစုမှာလုပ်ခဲ့တယ်။ ပစ်မှတ်သင်္ဘော (၉၅) စီးကို Bikini Lagoon ဘီကီနီ ပင်လယ်ထုံးအိုင်မှာချထားတယ်။ ဘီ-၂၉ လေယာဉ်နဲ့ အနုမြူဗုံးချတယ်။ မတိုင်ခင် ဘီကီနီကျွန်းစုမှာ နေထိုင်ကြသူတွေက နေရာရွေ့ပြောင်းပေးဘို့သဘောတူခဲ့ကြပါတယ်။ ဘီကီနီကျွန်းစုမှာ လူသူနေထိုင်တာ အခုထိမရှိသေးပါ။

ဘန်ကာဗုံးကို Helen of Bikini …

Purple Sunbird နှံပြီစုတ်ငှက်

ပင်လုံအပေါ်အမြင်လေး ရေးပါဦးဆရာတဲ့။ ရှမ်းပြည်နယ်က ပင်လုံကို မရောက်ဖူးပါ။ နေပြည်တော်ပင်လုံလည်း ပုံထဲမှသာ မြင်ရတယ်။

ပြည်ထောင်စုအရေး၊ တိုင်းရင်းသားအရေး၊ ငြိမ်းချမ်းရေး ရေးရတာ မလွတ်လပ်ပါ။ ကိုယ့်လက်ကို ပင့်ကူအိမ်လို တုပ်နှောင်ထားရတယ်။ အမယ်ဘုတ်ခြည်ခင်လိုဖြစ်နေတာ အရှင်းရခက်တယ်။ အပင်သက်တမ်းက ရှည်လှပြီး အလုံပိတ်ထားတာက မဖွင့်သေးသလိုလို့ တင်စားချင်တယ်။

မထိတထိရေးလို့လည်းမဖြစ်။ တဝက်ဖုံးတဝက်ဖေါ်နဲ့မရ။ (တည့်ထိုး) ဒဲ့ဒိုး) ရေးတာ ဘေးကင်းမှာမဟုတ်။

တိုင်းရင်သားပေါင်စုံ အကုန်နဲ့ နှစ်အစိတ်ကြာ အတူသွားအတူလာနေခဲ့ပေမဲ့ ပြောကြတာသာ ကြားရတယ်။ သူတို့ကလည်း အကုန်အန်မထုတ်ကြ။

အစိုးရဆိုတာကတော့ ကိုယ်ဝင်ထားခဲ့တဲ့ပါတီမို့ သိသင့်တာတော့ သိတယ်။

တပ်မတော်ကိုတော့ ဘယ်လိုသိနိုင်မလဲ။ အခြေခံစစ်ပညာ လေးလတည်းသာသင်ဘူးတယ်။ နိုက်မုဖ်မှာ ရုပ်ဖျက်ပြီး အသံမထွက်အောင် ရွေ့ရှား (ရွေ့လျား) တတ်တယ်။ ရုပ်ဖျက်ထားတတ်တယ်။ လက်နက်ငယ်တော့ ဖြုတ် တပ်ဖူးတယ်။ ပစ်မှတ်ကို ချိန်တတ်တယ်။

ဒီအသိလေးတွေလောက်နဲ့တော့ ဒိုင်နိုဆောကို ဘတ်ဂွနဲ့ချိန်သလိုနေမယ်။ တချို့ကတော့ နှံပြီစုတ် အမြောက်နဲ့ချိန်တယ်။

Dr. တင့်ဆွေ
၂၉-၅-၂ဝ၁၇

အုန်းနို့ခေါက်ဆွဲ

အုန်းနို့ခေါက်ဆွဲ ကျွန်တော်က ကောင်းတယ်လို့ပြောခဲတယ်။

မနေ့က ဘုန်းကြီးကျောင်း ဈေးရောင်းပွဲမှာ သမီးနဲ့ ချွေးမနဲ့အတူ အုန်းနို့ခေါက်ဆွဲရောင်းကြတယ်။ မကုန်ဘူးတဲ့။ လူရင်းတယောက်က သမီးကို နောက်နှစ်တော့ အုန်းနို့ခေါက်ဆွဲကို စိတ်နာသွားပြီထင်တယ်လို့ စတော့။ သမီးက နောက်နှစ်မဟုတ်ဘူး၊ အခုကို မကုန်သေးလို့ နာနေပြီတဲ့။

ကျွန်တော့် မနေ့ကညစာ အုန်းနို့ခေါက်ဆွဲစားတယ်။ ကိုယ့်သမီးချက်လို့ပြောတာမဟုတ်။ ဒီတခါ အုန်းနို့ခေါက်ဆွဲက အဟုတ်ကောင်းတယ်။ အနေတော်တယ်။ အဆာပလာ အပိုမပါ။ အဆာများတဲ့ဟင်းဆို ဟုံတတ်တယ်။ ဟင်းရည်ကို ပူအောင်နွှေးပြီး၊ ငရုပ်သီးမှုံ့ကိုယ်ကြိုက်သလောက်ထည့်စားတာ နှစ်ပန်းကန်။

နောက်ချွေးမတယောက်နဲ့ မြေးမတို့က ခုမနက် အိမ်လာစားကြတယ်။ သူတို့က ညကတည်းက ဘွတ်လုပ်ထားတာ။

ကျွန်တော်က ကိုယ့်ပါတီကိုလည်း အမြဲတန်း ဖူးဖူးမှုတ်တာ မလုပ်တတ်ပါ။

Coconut Milk အုန်းနို့

၁။ အုန်းနို့ခေါက်ဆွဲက သွေးတိုးတတ်ပါလား ဆရာ။
၂။ ကြိုက်တယ်ဆရာ။ ဒါပေမယ့် သွေးတိုးမှာကြောက်တယ်။

ဘယ်အစားအသောက်မှာမဆို အကောင်းနဲ့ သတိထားစရာတွေ ဒွန်တွဲနေပါတယ်။

ဗီတာမင် စီ၊ အီး၊ ဘီ-၁၊ ဘီ-၅၊ ဘီ-၆ တွေနဲ့ ဆယ်လယ်နီယမ်၊ ဆိုဒီယမ်၊ ကယ်လ်စီယမ်၊ မက်ဂနီဆီယမ်နဲ့ ဖေါ့စ်ဖါးရပ်စ် ဓါတ်ဆားတွေလ…

ရဟန္တာစာလုံး ဘာတုံးတော့ မသိ

တခါက ရဟန္တာဖူးချင်တယ်ဆိုသူ ကျောင်းကိုရောက်လာ။ ကျောင်းနဲ့ခပ်ဝေးဝေးက ဝါးရုံတော်ထဲခေါ်သွားတယ်။
ဒီဝါးက -
ဖြောင့်သလားမမေးနဲ့။
ဒီဝါးကရော -
ကောက်ပါသော်ကော။
ဒီဝါးပင် -
ရှည်တယ်ဘုရာ့။
ဒီဝါးပင်က -
တိုပါ့။

ကျောင်းကိုပြန်ရောက်။ လျှောက်စမ်းပါဦး ရဟန္တာတွေ့ခဲ့လား။
နိုး။
ဖြောင့်နေတာကို ကောက်ချင်စိတ်မရှိသူ၊ ကောက်နေတာကို ဖြောင့်ချင်စိတ်ကင်းသူ။ ရှည်နေတာကို မတိုစေချင်သူ၊ တိုနေတာကို မရှည်စေချင်သူ။

အဲတာကတော့ စာအုပ်ထဲက။ ဖေ့စ်ဘွတ်မှာက -
မှန်နေတာကို မှားစေချင်သူ။ လွဲနေတာကို အဟုတ်မှတ်စေချင်သူ။ အေးချမ်းနေတာကို ပွက်လောညံစေချင်သူ။ ကျဆုံးသွားပြီးသူကို နန်းအပ်ချင်သူ။

ဤတွင် ရဟန္တာပို့စ်ပြီးဆုံး၏။

ဒေါက်တာတင့်ဆွေ
၂၉-၅-၂ဝ၁၇

Thank You မြင်းမြီးတဆုပ်

ကျွန်တော့်ပို့စ်တခု = Thanks အင်္ကျီ

ကွန်မင့်တခု = သိုင်းခရု လိုက်ပါကြောင်း (ကင်းဝန်မင်းကြီး ဦးကောင်း ပြင်သစ်သွား မှတ်တမ်း)

အရင်သုံးနှစ်ခွဲက ရေးထားတာလေး အမှတ်ရလို့ ပြန်တင်ပါရစေ။

မေ့မရတဲ့ လက်ဆောင်

တခါတုန်းက ရွာတရွာမှာ၊ ခွဲတာစိတ်တာ ကျော်ကြားလာတဲ့ ဆရာဝန်လေးတပါးရှိသတတ်။

တနေ့မှာ လူနာတယောက် မြင်းစီးပြီး ပေါက်ချလာ၊ ရော့ဆရာ အနာချုပ်ချုပ်၊ ဘာချုပ်ချုပ်၊ မြင်းမြီးတဆုပ် လုပ်ချင်ရင်လုပ်ပါ ဆရာ။

စေတနာတခွဲသားမို့ ငိုအားထက် ရယ်အားမသန်သာ၊ ဆရာဝန်ခင်မြာ ကျေးဇူးတင်ပါတယ်ဗျာ၊ ကျေးဇူးတင်ပါတယ်ခင်ဗျာ၊ ကျေးဇူး နဲ့ သင်ခယူး ပူးတွဲလိုက်ရဘူးပါကြောင်း။

ဒေါက်တာတင့်ဆွေ
၁၇-၁-၂ဝ၁၄
၂၉-၅-၂ဝ၁၇
(မြို့သာတိုက်နယ်ဆေးရုံအမှတ်တရ)

ယခင် နှင့် ယခု

ကနေ့ ဘုန်းကြီးကျောင်းမှာ မိတ်ဆွေတွေနဲ့ နည်းနည်းပါးပါးစကားပြောရတယ်။ ဘုန်းကြီးနိုင်ငံရေးက များတယ်။ ဘုန်းကြီးတွင်းနိုင်ငံရေးဆိုတာ ခုခေတ်မှာသာရှိတယ်။ ကျွန်တော်တို့ခေတ်မှာ ကိုးကွယ်စရာဆိုတာ တမျိုးသာရှိခဲ့တယ်။

ကျွန်တော်က စာရေးရင် သတ်ပုံမှားတတ်တော့ အမြဲစစ်ရတယ်။ ဝံသာနုစာလုံးတောင်မှာ မေ့နေလို့။ ကျွန်တော့်ဆီ မေးသူတွေက အဲတာကို ဘယ်လိုရေးကြမလဲမသိ။ တယောက်တမျိုးတော့ ဖြစ်မယ်။ တယောက်တမျိုးနဲ့ တယောက်တပေါက်နဲ့ မတူပါ။ တပေါက်ဆိုတာလည်း ပါးစပ်ကိုပြောတာမဟုတ်။ တူရိယာသံမတူတာကို ပြောတာ။

ဒကာတို့ ဆိုင်းမထည့်ကြနဲ့လို့ပြောတဲ့ ဘုန်းကြီးက ရှေးဘုန်းကြီး။ ခုခေတ်မှာတော့့ တွေဆိုင်းတီးပေးတာကို လူတွေက ကကြတယ်။

ဒေါက်တာတင့်ဆွေ
၂၉-၅-၂ဝ၁၇

Subsidy Politics ပါမစ်နိုင်ငံရေး

ကားပါမစ်ဆိုတာ သူများတိုင်းပြည်မှာမရှိပါ။ မြန်မာပြည်မှာတော့ ပါမစ်နိုင်ငံရေးကို ဖဆပလ ခေတ်ကတည်းက စခဲ့တယ်။ အင်ပို့လိုင်စင်ကို အာဏာရပါတီနဲ့ပတ်သက်သူတွေသာရတယ်။ ဆိုရှယ်လသ်ခေတ်မှာ တံခါးတွေ ပိတ်ထားလို့ အပြင်ကနေ ဘာကုန်ပစ္စည်းမှ ဝင်လို့မရဘူး။ အများစုလူထုက အခွံသာရှိတဲ့ ကုန်သွယ်ရေးဆိုင်တွေကဖြစ်ဖြစ်၊ ခွဲတမ်းနဲ့ ရောင်းတဲ့ သမဆိုင်တွေကနေဖြစ်ဖြစ် တန်းစီဝယ်ရလို့ တန်းစီတိုးစားလူတန်းစားဖြစ်ခဲ့ရတယ်။ ပဒုမ္မာလို အထူးဆိုင်တွေကနေတော့ ပါတီကောင်စီကလူကြီးတွေက ဝယ်ခွင့်ရှိတယ်။

ပြီးခဲ့တဲ့အစိုးရလက်ထက်မှာ ပါမစ်စနစ် ဆန်းသစ်လာတယ်။ ငြိမ်းချမ်းရေးခေါင်းစဉ်အောက်မှာ အဖွဲ့အစည်းတွေကို အဖွဲ့ကြီးကြီးသလို ပါမစ်တွေ၊ အခွန်လွတ်တွေ ချပေးသတဲ့။ နောက်တခါ နိုင်ငံရေးပါတီတွေကိုပါ အဲလိုဟာတွေ ချပေးမယ်တဲ့။ ချပေးလို့ရတာကို လက်လွှဲရောင်းရင် အမြတ်အစွန်းတွေ နင့်နေအောင်ရကြပုံကြတယ်။ အဲဒီ သက်သာခွင့်ရစေတဲ့ ပိုက်ဆံတွေက ဘယ်ကနေလာလို့၊ ဘယ်နေရာကနေ ဆုံးရှုံးနေပါသလဲ။

ဆပ်ဆီဒီဆိုတာ စီးပွါးရေးကဏ္ဍမှာ ငွေကြေးနဲ့ဖြစ်စေ ထောက်ပံ့မှုတမျိုးမျိုးနဲ့ဖြစ်စေ စီးပွါးတိုးတက်ရေးအတွက် ဖြစ်ဖြစ်၊ လူမှုရေးတိုးတက်ဘို့ဖြစ်ဖြစ် ရည်ရွယ်ပြီး သတ်မှတ်ပေးတာကိုခေါ်တယ်။ အစိုးရကရော အစိုးရမဟုတ်တ…

Betel Teeth ကွမ်းသွား

ကနေ့ ဈေးရောင်းပွဲရှိလို့ ဘုန်းကြီးကျောင်းရောက်တယ်။ ဘုန်းကြီးက ကွမ်းအစ်ချပေးတယ်။ တယာစားတယ်။ ၁ဝဝ မဟုတ်၊ တစ်ယာမဟုတ်။
ကွမ်းအကြောင်း ပညာပေးရေးတဲ့ဆရာဝန် ကွမ်းစားတယ်ဆိုတော့ ပြောစရာဖြစ်တယ်။ ဆေးလိပ်ဖြတ်တော့မယ်ဆိုသူ တယောက်ပြောသလိုပေါ့။ ကိုယ့်ပိုက်ဆံနဲ့တော့ ဝယ်မသောက်တော့ဘူး၊ သူများတိုက်တာပဲ သောက်တော့တယ်တဲ့။
မြန်မာပြည်ကမထွက်ခင် ၃-၄ နှစ်က ကွမ်းယာစားခဲ့တယ်။ ဒေလီနေရတော့လည်း နည်းနည်းစားတယ်။ ထိုင်းသွာလို့ ကြုံတဲ့အခါ စားဖြစ်တယ်။ အခုဒီမှာလည်း ကြုံတဲ့အခါ။ တပတ်တခါတော့ မကြုံပါ။
ကျွန်တော့်သွားတွေအရောင်က မဖြူတော့လို့ ပါးစပ်ဟထားတဲ့အလေ့ နည်းတယ်။ အမေရိကန်ယဉ်ကျေးမှုက သွားပေါ်အောင်ပြုံးရသတဲ့။ ကျွန်တော်နဲ့ မကိုက်။
ဒေါက်တာတင့်ဆွေ
၂၈-၅-၂ဝ၁၇

Dinner ညနေစာ

ဒင်နာကိုပြောတာ မဟုတ်ပါ။ ညနေပိုင်း မေးခွန်းတွေဖြေချိန်တိုင်းမှာ အသက်-ကျား-မ-အချက်အလက်မပြောပဲ မေးကြတာတွေက နေ့တိုင်းလာလို့ နေ့တိုင်းစားရတဲ့ ညနေစာလိုပဲ။ ကျွန်တော်က ဥပုသ်ကလည်းစောင့်ဖြစ်ခဲလို့လားမသိ။ နေ့တိုင်း အဲလိုညနေစာတွေ လာတယ်။ ဘာဟင်းမှန်း မသိတော့ ဘာစားရမှန်း မသိ။

၁။ ဆရာရှင့် B ပိုးအတွက် သောက်ဆေးနဲ့ထိုးဆေးရဲ့ အကျိုးအပြစ်လေးတွေသိချင်ပါတယ်ရှင့်
ဘလော့မှာ ဖတ်နိုင်။

၂။ ဆရာ ခင်ဗျာ AB သွေးနဲ့ A သွေးပေါင်းရင် ဘာသွေးရလဲသိချင်ပါတယ်ခင်ဗျာ B သွေးက ဘာသွေး၂မျိုးပေါင်းမှBသွေးဖြစ်တာလဲခင်ဗျာ ကျေးဇူးပြု၍ဖြေကြားပေးပါရန် လေးစားစွာဖြင့် ဆရာ့ပရိသတ်တဦး
ဘလော့မှာ ဖတ်နိုင်။

၃။ ဆရာရှင့် ကျွန်မအသက် ၂၆ ပါ မျက်နှာမှာဝက်ခြံတွေတအားထွက်နေတာ ၃လလောက်တော့ရှိပါပြီ အခုထိလည်းမသက်သာသေးလို့ပါရှင့် ဘာဆေးလိမ်းရမလဲနှင့်ဆေးရောသောက်လို့ရလားသိချင်လို့ပါရှင့်
ရာသီ မသိ။ အိမ်ထောင်ရေး မသိ။ ဘလော့မှာ ဝက်ခြံစာ ၃-၄ ပုဒ်ဖတ်နိုင်။

၎။ ဆရာကြီးရှင့် B ပိုးအတွက် သောက်ဆေးနဲ့ထိုးဆေးရဲ့ အကျိုးအပြစ်လေးတွေသိချင်ပါတယ်ရှင့်
ဘလော့မှာ ဖတ်နိုင်။

၅။ ဆရာရှင့် Cytotec သောက်ပြီးကိုယ်ဝန် ပျက်မပျက် ဘယ်လိုနည်းနဲ့သိနိုင်ပါလဲရှင့် ဆီးစစ်တံနဲ့စမ်းကြည့်လို့ရော ရလားရ…

How much to reveal ဘယ်အထိဖေါ်မလဲ

ကျွန်တော့်ပို့စ်တခု One-Sided Arguments မဟာအမှားကြီးကိုတင်တော့ ကွန်မင့်အများဆုံးရေးလာကြတယ်။ ကျေးဇူးတင်ပါတယ်။ ရှင်းလင်းချက်လေးတော့ ရေးဘို့လိုတယ်ထင်လို့ ခပ်တိုတိုရေးပါရစေ။

သူများနိုင်ငံတွေမှာ ကိုယ့်တိုင်းပြည်အကြောင်းသွားပြောတာတွေ၊ မီဒီယာမှာ အင်္ဂလိပ်လိုဖြေတာတွေ၊ အင်္ဂလိပ်လို ဆောင်းပါးတွေကို ယေဘုယျခြုံကြည့်ပြီး သဘောမတွေ့တာကို စိတ်တိုမိတယ်။ ကျွန်တော်လည်း အဲလိုအလုပ်တွေ နှစ်ပေါင်းမနည်းမနောလုပ်ခဲ့သူဖြစ်လို့ ကောက်ချက်ချတာက ခပ်ပေါ့ပေါ့တော့ မဟုတ်ပါ။ စစ်အစိုးရတွေလက်ထက်မှာ အစ်ရှူးတိုင်းကို အချက်နဲ့အလက်နဲ့ ထောက်ပြခဲ့ပါတယ်။ တိုင်းပြည်နဲ့ လူမျိုးဂုဏ်ကိုတော့ မထိပါးစေရပါ။

အခုအစိုးရသစ်အကြောင်းပြောကြသူတွေ ဒေါ်စုကို ဖူးဖူးမှုတ်ဘို့မလိုပါ။ ပျက်နေ လွဲနေ မှားနေတာတွေက အနမတဂ္ဂ များလှတာကိုတော့ မသိချင်ယောင်မဆောင်သင့်ကြပါ။ ဥပမာပေးမယ်။ နာတာရှည် ကျိုးပဲ့ရွဲ့နေတဲ့လူနာတယောက် အထူးကုဆေးရုံကြီးရောက်တာနဲ့ ဗြုံးစားကြီးမကောင်းလို့ အထူးကုဆရာဝန်တွေကို အပြစ်အမြင်သင့်သလိုပေါ့။

မြန်မာပြည်နိုင်ငံရေးကိုသုံးသပ်တာ ပညာရှင်၊ ပညာတတ်တွေအတော်များများနဲ့ ကျွန်တော်က သဘောမတူခဲ့ပါ။ သူတို့က အများအားဖြင့် သီအိုရီတွေ၊ လေ့လာဆန်းစစ်မှုတွေကိုးကားပြီး က…

Spasmo Proxyvon စွဲတဲ့ဆေးတမျိုး

၂၅-၅-၂ဝ၁၃ နောင်ပိုအောင်ကျေးရွာ မူးယစ်ဆေးဝါးအန္တရာယ် ပပျောက်ရေးနှင့် ဆေးစွဲလူငယ်များဆေးဖြတ် သတင်းကိုကြည့်တော့ ရာဘဆေးပြားနဲ့ အပြောရောင် ဆေးတောင့်ပုံကိုပါ တွေ့ရလို့ ဒီစာလေးရေးပါတယ်။ အပြာရောင်ဆေးကပ်ဟာ Spasmo Proxyvon စပတ်စ်မို ပရောက်စီဗွန် ဆေးဖြစ်ပါတယ်။

• ဆေးတပြား-တတောင့်မှာ Dicyclomine hydrochloride 10 mg + Acetaminophen 400 mg နဲ့ Proproxyphene napsylate 100 mg ပါတယ်။
• Antispasmodics အတွင်းအင်္ဂါတွေ ညှစ်လို့ ရစ်ရစ်ပြီး နာတာကို သက်သာစေတဲ့ဆေးအမျိုးအစားဖြစ်တယ်။ အများအားဖြင့် အစာလမ်းက အူကနေတာစေတာကို သက်သာစေမယ်။
• Dicyloverine ပါပြီး ဒါကို Synthetic anticholinergic လို့ခေါ်တယ်။ ကြွက်သားတွေမှာရှိတဲ့ အာရုံကြောတွေကို သက်ရောက်စေရာကနေ နာတာကိုသက်သာစေတယ်။

ဆေးရဲ့ ဘေးထွက်သက်ရောက်မှုတွေက မဆိုးလှပါ။ ပျို့ချင်တာ၊ အာခေါင်ခြောက်တာဖြစ်နိုင်တယ်။ တချို့မှာ ရင်တုန်မယ်၊ နှလုံးခုန်မြန်မယ်၊ နှလုံးခုန် မမှန်ဖြစ်မယ်၊ စိတ်ရှုတ်ထွေးမယ်။ ပေးရမဲ့ဆေးအဆထက်များရင် စိတ်လှုတ်ရှားမှုတိုးလာမယ်၊ သူများမမြင်မကြားတာတွေ မြင်ကြားလာမယ်။ စိတ်ကယောင်ခြောက်ခြားဖြစ်မယ်။ ဒီသတ္တိအတွက် မူးယစ်ဆေးသဘော သုံးနေကြတာဖြစ်တယ်။ ဆေးစွဲစေမယ်။ ကျန်းမာရေးနောက…

The strongest armies in the world ကမ္ဘာ့အကြီးဆုံး စစ်တပ် ၄ဝ

နိုင်ငံရေးအခြေအနေဆိုးရင် စစ်တပ်ရဲ့အခန်းကဏ္ဍက ပိုအရေးကြီးတယ်။ ကမ္ဘာပေါ်ရှိစစ်တပ်တွေကို စစ်သည်အင်အားနဲ့ တွက်ချက်ပြီး အကြီးအသေးခွဲနိုင်တယ်။ စစ်တပ်ရဲ့အဓိကတာဝန်ဟာ တရားဝင်နယ်နိမိတ်အတွင်း သူ့တိုင်းပြည်ကို အပြင်ကအန္တရာယ်တွေကနေ ကာကွယ်ဘို့ ဖြစ်တယ်။ သမိုင်းထဲကစစ်ပွဲတွေကိုကြည့်ရင် ကိုယ်စစ်တပ်ကို ပိုပြီး အင်အားကြီးအောင် လုပ်ဆောင်ရမယ်ဆိုတဲ့ သင်ခန်းစာရတယ်။ ဒုတိယကမ္ဘာစစ်ကြောင့် အင်အားအကြီးဆုံး တိုင်ပြည်တွေမှာ ရင်းမြစ်တွေကုန်ခမ်းသွားခဲ့တယ်။ အဲတော့ ထုတ်လုပ်နိုင်စွမ်းကို တမျိုးတမည်ပြောင်းကြရတယ်။ ကနေ့ခေတ်မှာ စစ်သားဦးရေ၊ စစ်လေယာဉ်၊ စစ်သင်္ဘောာတွှေပြင် လျို့ဝှက်သတင်းအချက်အလက်နဲ့ နည်းပညာဖက်ကို ဦးတည်လာကြရတယ်။ စစ်သုံးဘတ်ဂျက်တွေ တိုးတိုးလာတယ်။

၎ဝ။ ဖိလစ်ပိုင်
စစ်သည် 220,000 + အရံအင်အား 430,000 + စစ်လေယာဉ် 135 + တင့်ကား 45 + စစ်သင်္ဘော 135 ရှိတယ်။

၃၉။ ဒိန်းမတ်
စစ်သည် 25,000 + အရံအင်အား 63,000  + စစ်လေယာဉ် 74  + တင့်ကား 57 + စစ်သင်္ဘော 90 ရှိတယ်။

၃၈။ စပိန်
စစ်သည် 125,000 + အရံအင်အား 430,000 + စစ်လေယာဉ် 540+ တင့်ကား 327 + စစ်သင်္ဘော 46ရှိတယ်။

၃၇။ နယ်သာလန်
စစ်သည် 50,000 + အရံအင်အား 32,000 + စစ်လေယာဉ် 164 + တင့်ကားမရှိ + စစ်သေ…

လဲ နှင့် လည်း

မင်္ဂလာပါဆရာ လဲ နဲ့ လည်း ရဲ့အသုံးအနှုန်းကွာခြားပုံကိုသိချင်လို့ပါ။

ကျွန်တော်လည်း ခဏခဏလွဲတယ်။ စာအဟောင်းတွေမှာ ပိုမှားခဲ့တယ်။ တွေ့တိုင်း ပြန်ပြင်နေရတယ်။

လဲ = အမေးသဘောသက်ရောက်သော ဝါကျအဆုံးစကားလုံး။ တိမ်းစောင်းကျသည်။

လည်း = အတူတူဖြစ်ကြောင်း၊ ပါဝင်ကြောင်း။

လဲ
ပင်းတလဲမြို့
ပုလဲမြို့
ပုလဲရတနာ
ဖက်လဲတကင်း
ဘာကိုလွမ်းနေသလဲ
ဘာဖြစ်နေတာလဲ
လှဲ၍လဲသွားသည်
လဲကျသည်
လဲချားမြို့
လဲမှို့
လဲလှယ်သည်
လဲလူရွက်
လဲဝါ
လဲအုံပင်
လဲခေါင်းအုံး
လဲမွေ့ရာ
လဲလျောင်းသည်
သစ်ပင်လဲပြိုသည်
အဖန်တလဲလဲ
အလူးအလဲခံနေရသည်
အဝတ်အစားလဲပါ
အဟောင်း အသစ် လဲလှယ်သည်း
ကောက်ကျစ်စဉ်းလဲ
ချော်လဲသည်
လျှောက်လဲချက်

လည်း
စားလည်းစား ပြောလည်းပြော
စုလည်းကြက်တောင်
ဆည်းလည်းသံ
ထိုနည်းတူ ဤနည်းလည်းကောင်း
နားလည်းနား
ပလလည်းဆင်
ပလလည်းတော
ရိုက်လည်းရိုက်
လည်းကောင်း (၎င်း ထို ယင်း အနှီ ဤ နည်းတူ)
လည်းလျောင်း (ယခင်သုံး)
လိပ်ခဲတည်းလည်း
လူးလည်း၍ငိုသည်
သွားလည်းသွား
ပြောရာတွင်လည်း
သော်လည်း
သော်လည်းကောင်း

ဖိုးသူတော်လဲ တောင်ဝှေးမထူနိုင်။
ဘုရားလည်းဖူးရင်း လိပ်ဥလည်းတူးရင်း။
သူလည်းလေ လောကီသားပေမို့ ကြွားချင်ရှာပေလိမ့်မည်။

ဒေါက်တာတင့်ဆွေ