မြန်မာ့စွယ်စုံကျမ်းများ၏ နိဂုံး

၁။ ဆရာခင်ဗျား ကျွန်တော် စွယ်စုံကျမ်းဖတ်ချင်လို့ ဘယ်ကထုတ်တဲ့ (သို့) ဘယ်စာရေးဆရာရေးတဲ့ စာအုပ်က ပြည့်စုံလဲ ညွှန်ပေးစေချင်ပါတယ် ခင်ဗျ။

မြန်မာ့စွယ်စုံကျမ်း ၁၅ အုပ်ရှိတယ်။ အွန်လိုင်းမှာ သတ်ပုံပြင်တင်ထားတာတွေများတယ်။ သာသနာရေးဝန်ကြီးဌာန စာကြည့်တိုက် ဝဘ်ဆိုက်က မှန်တယ်။ မူရင်အတိုင်း ဒေါင်းလုပ်ဒ် စာအုပ်တွေ တင်ထားတယ်။ ကျန်တာတွေက မစွံ။

နိုင်ငံတော်ပရိယတ္တိ သာသနာ့တက္ကသိုလ် (ရန်ကုန်) State Pariyatti Sasana University (Yangon) https://spsuygn.edu.mm/book/reference/10?page=2

၂။ ဆရာ မြန်မာ့စွယ်စုံကျမ်း စတင်ထုတ်ဝေတယ့် ခုနှစ်က ၁၉၄၇ ဦးနုဆိုတာ ဟုတ်ပါသလားခင်ဗျာ။

မြန်မာ့စွယ်စုံကျမ်းကို စာပေဗိမာန်ကနေ ထုတ်ဝေတယ်။ မြန်မာနိုင်ငံဘာသာပြန်စာပေအသင်းကနေ ပြုစုတယ်။ အတွဲ (၁) (က မှ ကုံ) ကို ၁၉၄၉ ခုမှာစပြီးပြုစုခဲ့တယ်။ မြန်မာ့စွယ်စုံကျမ်းအတွဲ (၁) ကို ၁၉၅၄ ခုနှစ်မှာ ထုတ်ခဲ့ပြီးနောက်၊ ဒုတိယအကြိမ် ပြင်ဆင်ပြီး ထုတ်ဝေခဲ့တယ်။ တခြားနိုင်ငံတွေက စွယ်စုံကျမ်းတွေနဲ့ ယင်ဘောင် (မူရင်းသတ်ပုံ) တန်းနိုင်အောင် ဘာသာရပ်ပေါင်းစုံ ပါဝင်ထားတယ်လို့ ရေးသားထားတယ်။ ဝိဇ္ဇာ၊ သိပံ္ပဘာသာရပ်တွေအပြင် မြန်မာနိုင်ငံအကြောင်းအရာတွေ ပါတယ်။ ပညာရပ်အလိုက်၊ ပညာရှင်တွေနဲ့ အစိုးရဌာနတွေနဲ့ တင်ပြခဲ့တယ်။ သက်ဆိုင်ရာပညာရှင်တွေကိုယ်တိုင် ရှာဖွေစုဆောင်းရေးသားတယ်လို့လဲပါတယ်။

၁၉၅၄ အတွဲ (၁)၊ ၁၉၅၅ အတွဲ (၂)၊ ၁၉၅၆ အတွဲ (၃)၊ ၁၉၆ဝ အတွဲ (၄)၊ နဲ့ ၁၉၆၁ အတွဲ (၅) တွေကို အင်္ဂလန်နိုင်ငံ၊ ဟေဇယ်ဝပ်ဆင် ဗိုင်းနေး လီမီတက် ပုံနှိပ်တိုက်မှာ ရိုက်နှိပ်ခဲ့တယ်။ ၁၉၅၆ မှာ မြန်မာနိုင်ငံဘာသာပြန်စာပေအသင်း (စာပေဗိမာန်) မှာ ထုတ်လုပ်ရေးဌာန ဖွဲ့စည်းခဲ့တယ်။ အတွဲ (၆) ကစပြီး စာပေဗိမာန်ပုံနှိပ်တိုက်မှာရိုက်ခဲ့တယ်။ ဒီကျမ်းဦးစကားကို စာပေဗိမာန်အုပ်ချုပ်ရေးအဖွဲ့၊ ပြန်ကြားရေးဝန်ကြီးဌာန၊ ပြည်ထောင်စုမြန်မာနိုင်ငံ၊ တော်လှန်ရေး ကောင်စီအစိုးရလို့ ပါတယ်။ ဦးနုရေးတာ မဟုတ်ပါ။ ဦးနုဝန်ကြီးချုပ်လုပ်နေစဉ်ကစခဲ့တာဖြစ်တယ်။ အတွဲ (၆) နောက်က ကျမ်းတွေကို နောက်အစိုးရလက်ထက်မှာထုတ်တယ်။

စွယ်စုံကျမ်း နှစ်ချုပ်တွေကို ၁၉၇၈ ခုနှစ်ကစပြီး ထုတ်တယ်။ နဝတ လက်ထက် ၂ဝဝ၁ ခုနှစ်ထုတ် မြန်မာ့စွယ်စုံကျမ်း နှစ်ချုပ် ပဌမဆုံးစာမျက်နှာမှာ ဒို့တာဝန်အရေးပါး (အရေးသုံးပါးလို့ မဟုတ်ပါ) ထည့်လာပြီ။ မြန်မာ့စွယ်စုံကျမ်း နှစ်ချုပ် အပါအဝင် မြန်မာ့ရည်ညွှန်းကျမ်းစာအုပ်များ စီစဉ်ရေးအဖွဲ့ကို ပြန်ကြားရေး ဝန်ကြီးဌာနက ၂ဝဝဝ ပြည့်နှစ်၊ မေလ (၂) ရက်နေ့မှာ ပြင်ဆင် ဖြည့်စွက် ဖွဲ့စည်းခဲ့တယ်လို့ ရေးထားတယ်။ အဲဒီ မြန်မာ့စွယ်စုံကျမ်း နှစ်ချုပ်တွေဆိုတာ ဝါဒဖြန့်ချိရေး စာအုပ်သာဖြစ်တယ်။ ဗခမက သန်းရွှေ၊ ဒဗခမက မောင်အေးတို့ ဓါတ်ပုံတွေကို ဦးစားပေးထားတယ်။ မြောက်ကိုရီးယား ခေါင်းဆောင် ကင်မ် ဂျုံအီးနဲ့ တရုပ်က ကျန်ဇီမင်းပုံတွေ များများတွေ့ရတယ်။

အခု စွယ်စုံကျမ်းတွေ အသစ်ထုတ်မယ်တဲ့။ တစ်သတ်ပုံဘုန်းတော်ဘွဲ့တွေ ဖြစ်မယ်ထင်တယ်။ အရင်ထုတ် ၁၅ အုပ်က မြစေတီကျောက်စာဘဝ ရောက်သွားမယ်။

ဒေါက်တာတင့်ဆွေ
၂၉-၇-၂ဝ၁၄
၁၃-၂-၂၀၂၀

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး