Health tourism နိုင်ငံခြားကို ဆေးကုသွားတဲ့ ခေါင်းဆောင်များ

၂၉-၈-၂ဝ၁၇ နေ့ကထွက်တဲ့သတင်းမှာ အာဖရိကတိုက်ကနိုင်ငံရေးခေါင်းဆောင်တွေ နိုင်ငံခြားသွားသွားပြီး ဆေးကုနေကြတာကို ပြစ်တင်ဝေဘန်လိုက်ပါတယ်။ အာဖရိကတိုက်နိုင်ငံများကျန်းမာရေးဝန်ကြီးများအစည်းအဝေးမှာ တောင်အာဖရိက ကျန်းမာရေးဝန်ကြီး ဒေါက်တာ အာရွန် မော့ဆိုလီဒီက ပြောလိုက်တာဖြစ်ပါတယ်။

သူပြောနေချိန်မှာ အသက် ၉၃ နှစ်ရှိပြီဖြစ်တဲ့ ဇင်ဘာဗွေသမတ ရောဘတ်မူဂါဘေဟာ စင်္ကာပူကိုဆေးစစ်ဘို့ ထွက်သွားပါတယ်။ မူဂါဘီရဲ့ပြောရေးဆိုခွင့်ရှိသူက မူဂါဘီကိုဆေးကုပေးတဲ့ဆရာဝန်ကလည်း အမည်း၊ အလွန်မည်း၊ တကယ်မည်းပါတယ်လို့ ခုခံကာကွယ်ပါတယ်။

နိုက်ဂျီးရီးယားသမတ မော်ဟာမဒူ ဘူဟာရီကတော့ ယူကေကိုဆေးသွားကုလေ့ရှိပါတယ်။ အင်ဂိုလာသမတ ဂျိုဆေး ဒူရာဒို ဆန်တို့စ်ကလည်း နိုင်ငံခြားပဲဆေးသွားကုတယ်။ ဘီနင်သမတ ပက်ထရစ် တာလုံလည်းအတူတူပဲ။

တောင်အာဖရိကကျန်းမာရေးဝန်ကြီးပြောတာတခု မှားတယ်။ သူက အဲလိုနိုင်ငံခြားဆေးသွားကုတဲ့တိုက်ဟာ အာဖရိကတိုက်တခုတည်းရှိတယ်တဲ့။ အာရှတိုက်ထဲကနိုင်ငံတခုအမည်နဲ့ စင်္ကာပူကို ဆေးသွားကုတဲ့လူကြီးတွေ အမည်တွေကိုတော့ ကျွန်တော့ထက် ပြည်တွင်းမှာနေသူတွေကပိုသိကြပါတယ်။ No Smile!

ဒေါက်တာတင့်ဆွေ
၃ဝ-၈-၂ဝ၁၇

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး