Country in the Cave ဂူထဲပိတ်မိနေတဲ့ တိုင်းပြည်
ထိုင်းနိုင်ငံနဲ့ မြန်မာပြည် ခပ်ဆင်ဆင်တူတာတွေရှိတယ်။ မွန်ဂိုလွိုက်လူမျိုးခြင်းတူတယ်။ အများစုကိုးကွယ်ရာဘာသာ တူတယ်။ စစ်တပ်တပိုင်းက အုပ်စိုးနေတယ်။ အယူသီးမှုတွေကလည်း သိပ်မကွာလှပါ။
ဒါပေမဲ့ သူတို့ဆီမှာ ဒီသတင်းအပေါ် အမြတ်ဝင်ထုတ်သူ ရှားတာတွေ့ရတယ်။ ဘယ်နိုင်ငံရေးပါတီကမှ အမှတ်ဝင်ယူတာ မတွေ့ပါ။ ပါတီနောက်လိုက်နောက်ပါ ဘုန်းကြီးတွေ လူတွေက အလံရှူးဝင်လုပ်တာ မြန်မာပြည်လိုမလုပ်ပါ။ ထိုင်းစစ်တပ်ကလည်း သူ့နေရာသူနေတယ်။
နိုင်ငံတကာကျွမ်းကျင်သူတွေ၊ ထိုင်းကယ်ဆယ်ရေးသမားတွေနဲ့ ထိုင်းနေဗီရေငုပ်သမားတွေ အတူတူလုပ်ကြတယ်။ စုံအောင်ပြောရရင် ဘုန်းကြီးတပါးသတင်းကို ဗမာပြည်က လူတွေလောက် အဖြစ်မသည်းကြပါ။
ကျွန်တော်တို့အားလုံးဟာ ထိုင်းကို မမီသေးပါ။ နေရာတကာ ကိုယ်ကျိုးရှာအမြတ်ဝင်ထုတ်သူတွေ နည်းပါစေ။ အလံရှူး နိုင်ငံရေးနောက်လိုက်တွေ ကျဆုံးပါစေ။ အယူသီးမှုတွေ ပျောက်ကင်းပါစေ။
သတင်းတွေ လာမတင် လိုက်မဝေစေလိုပါ။ ဂူထဲပိတ်မိနေတဲ့ တိုင်းပြည်ဘဝက လွတ်မြောက်ရပါလို၏။
ဒေါက်တာတင့်ဆွေ
၉-၇-၂ဝ၁၈
Comments
Post a Comment