The Effects of Opiate Use ဘိန်း၏သက်ရောက်မှုများ

မင်္ဂလာပါဒေါက်တာ ကျွန်တော့်အသက် ၂၈နှစ်ပါ။ သွေးတိုးရောဂါရှိတဲ့သူနဲ့ ဘိန်းနဲ့တည့်ပါသလားခင်ဗျာ။ ဘိန်းရဲ့အာနိသင်ကို ဒေါက်တာဘယ်လောက်ထိ နားလည်ထားလဲ ရှင်းပြပေးပါခင်ဗျာ။

မေးခွန်းကတော့ စာမေးပွဲစစ်သလို။

ဘိန်းဟာ မူးယစ်ဆေးအမျိုးမျိုးထဲမှာ တလွဲသုံးမှု အများဆုံးဖြစ်တယ်။ ဝယ်ရာတာလည်းလွယ်တယ်။ အလွန်စွဲစေတယ်။ ဘိန်းဆိုတာ heroin ဟီးရိုးအင်း၊ morphine မော်ဖိန်း၊ thebaine သီဘင်းစတာတွေဖြစ်တယ်။ သက်ရောက်မှုတွေ တူတယ်။

ဘိန်းမည်း ဘိန်းဖြူတွေသာမက ဘိန်းပါတဲ့ဆေးတွေလည်းရှိတယ်။ hydrocodone, oxycodone နဲ့ fentanyl ဆေးတွေ ဖြစ်တယ်။ ဘိန်းပါတဲ့ဆေးတွေဟာ အနာသက်သာဆေးအဖြစ်သုံးရာမှာ အလွန်ထိရောက်တယ်။ ချောင်းဆိုးသက်သာဆေးတွေထဲမှာလည်း ထည့်တယ်။

ဘိန်း ရေတိုသက်ရောက်မှုများ
စိတ်သာတောင့်သာယာဖြစ်စေတယ်။ ဟီးရိုးအင်း ဆေးဝါးဗေဒဝေါဟာရအရ သက်တမ်းဝက် ၁၅ မိနစ်ကနေ ၃ဝ မိနစ် ကြာပြီး မော်ဖိန်းက ၄ နာရီကနေ ၆ နာရီထိကြာတယ်။ နာတာကို သက်သာစေတယ်။ ဦးနှောက်ထဲကနေ Dopamine ဒိုပါမင်းဓါတ်ထွက်လာအောင် စေ့ဆော်ပေးတယ်။ စိတ်ထဲမှာ ကောင်းနေတယ်လို့ ထင်မြင်စေတယ်။ အိပ်ချင်တယ်။ ငြိမ်စေတယ်။ ဆေးစွဲတယ်။ မလုပ်ချင်မကိုင်ချင်ဖြစ်မယ်။ စိတ်ထဲမှာ ဟိုဟိုသည်သည်ထင်မြင်မယ်။ အသက်ရှူစနစ်ကို ပြောင်းပြန်အကျိုးသက်ရောက်တယ်။ ပျို့အန်ချင်တယ်။ သူငယ်အိမ်အလွန်ကျဉ်းမယ်။ ဒီအချက်ဟာ ဘိန်းသုံးထားတာကို ငြင်းမရတဲ့အချက်ဖြစ်တယ်။ သက်တောင့်သက်သာရှိခြင်း၊ နာတာ မသိခြင်း၊ စိုးရိမ်စိတ်မရှိခြင်း၊ အသက်ရှူနှေးခြင်း၊ ဘယ်နဲ့ညာ ပူးပေါင်းရွက်ဆောင်မှုနည်းခြင်း၊ သူငယ်အိမ်ကျဉ်းခြင်း၊ ပျို့ခြင်း၊ ဝမ်းချုပ်ခြင်း။

ဟီရိုးအင်း ရေတိုသက်ရောက်မှုများ
အစပိုင်းမှာ သာယာစိတ်သာရှိနေမယ်။ အိပ်တာနဲ့ နိုးတာ တလှည့်စီဖြစ်နေမယ်။အသားအရေ ပူနေမယ်။ အာခေါင်ခြောက်မယ်။ ပျို့မယ်။ သူငယ်အိမ်ကျဉ်းမယ်။ အသက်ရှူလမ်းပြောင်းပြန်သက်ရောက်မှုရှိမယ်။ ခြေလက်တွေ လေးလံနေမယ်။ သွေးကြောထဲထိုးသူ အသည်းရောင်စီပိုးကူးစက်ခံရနိုင်တယ်။

ဘိန်းနဲ့ ဟီးရိုးအင်း ရေရှည်သက်ရောက်မှုများ
အာခေါင်နဲ့ နှာခေါင်းထဲခြောက်နေမယ်။ အလွန်ဝမ်းချုပ်မယ်။ မျက်စိအမြင်အားနည်းမယ်။ ထိခိုက်ဒဏ်ရရာတာတွေဖြစ်နိုင်တယ်။ ယောက်ျားတွေ ပန်းသေဖြစ်မယ်။ မိန်းမတွေ ရာသီမမှန်ဖြစ်မယ်။ စိတ်ဓါတ်ကျမယ်။ ကိုယ့်ကိုယ်ကိုသတ်သေချင်စိတ်ဖြစ်မယ်။ ပျို့အန်ချင်တယ်။ ဗိုက်တင်း ဗိုက်ပွနေမယ်။ ဝမ်းချုပ်မယ်။ အသည်းထိခိုက်မယ်။ ဦးနှောက်ကို အောက်စီဂျင်ရတာနည်းလို့ ထိခိုက်မယ်။ ဆေးအဆ ပိုပိုရချင်လာမယ်။ စွဲမယ်။ ဘိန်းမရ မနေနိုင်ဖြစ်လာမယ်။

ဆေးဖြတ်ခြင်း
ဘိန်းမရတာကြောင့် ဖြစ်လာတဲ့ခံစားရမှာတွေခံရမယ်။ တုပ်ကွေးမိသလိုခံစားရမယ်။ စနစ်တကျဖြတ်ရင် အနည်းဆုံး ၃ လ အချိန်ယူတယ်။ ဘိန်းအဆိပ်တွေကို ရှင်းနေရချိန်အတွက် အစားထိုးဆေးတွေရှိတယ်။ buprenorphine နဲ့ methadone ဆေးတွေ။ ကောင်ဆယ်လင်း ခေါ် စိတ်ပိုင်းကုသမှုလိုတယ်။

ဒေါက်တာတင့်ဆွေ
၅-၇-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး