Ankle sprain ခြေခြင်းဝတ်ခေါက်လဲခြင်း

၁။ အသက် ၁၈ မ ကားပေါ်ကဆင်းတာခြေခေါက်လဲသွားလို့ပါ ခြေဖမိုးကိုကော့ရင်နာလာလို့ပါ ဆေးခန်းပြတော့အရွတ်ပြဲတာလို့လဲပြောပါတယ် ခြေထောက်နာသက်သာအောင်ဘယ်လိုလုပ်လို့ရပါသလဲ

၂။ ကျန်မနာမည့့် ပါ၊ အသက် ၃၂ နှစ်ပါ။့့ မှာ အလုပ်လာလုပ်နေတာပါ။ ခု ကိုယ်ဝန် ၂၁ ပတ်မှာ ညာဘက် ခြေထောက်ခေါက်လဲလို့ပါ။ ဆေးရုံသွားတော့ ဆေးရုံက Xray ရိုက်ပြီးမှ ကျောက်ပတ်တီးစီးရမလား operation လုပ်ရမလားသိနိုင်မယ်လို့ပြောပါတယ်။ ဆရာဝန်ကလဲ ကိုယ်ဝန်နဲ့ဆိုတော့ Xray တန်းမရိုက်ပဲ တပတ်လောက် စောင့်ကြည့်မလား မသက်သာမှ ပြန်လာရိုက်ချင်ရိုက်ဆိုလို့ တပတ်စောင့်ကြည့်မယ်ဆိုပြီး ချိုင်းထောက်ဝယ်ပြီး ပြန်လာခဲ့ပါတယ်။ ဆေးရုံသွားပြတဲ့နေ့က ခြေထောက်ကနာလို့ မထောက်နိုင်ဘူးဆရာ။ ခုခြေထောက်က ထောက်နိုင်လာပြီဆရာ။ လမ်းလဲလျောက်နိုင်တယ်။ ဒါပေမယ့် လမ်းလျှောက်ပြီးရင် ခြေထောက်က ဖောင်းပြီး ယောင်လာတယ်ဆရာ။ လက်နဲ့ဖိကြည့်ရင် ခြေမျက်စိအောက်ဘက်က နာတယ်ဆရာ။ လမ်းလျောက်နေတုန်းတော့ မနာပါဘူး။ လက်နဲ့ဖိမှနာတာပါ။ အဲဒါ ဆရာ့ဆီက အကြံတောင်းချင်တာက ဆေးရုံသွားပြီး Xray ရိုက်ကြည့်ရမလား ဒီအတိုင်းပဲ ထပ်စောင့်ကြည့်ရမလားဆရာ။ ဘာလုပ်ရမှန်းမသိဖြစ်နေလို့ပါ။

ဖြစ်တဲ့နေရာ အတိအကျ မသိရပါ။ ကျမလို့သာ ရေးသင့်။

ခြေခြင်းဝတ်ခေါက်လဲရင် ဘာလုပ်မလဲ
ရေခဲတင်ပါ။ ပထမ ၄၈-၇၂ နာရီအတွင်းမှာလိုမယ်။ ၁-၂ နာရီတခါ၊ နေ့ခင်းမှာ တခါလုပ် ၁ဝ-၂ဝ မိနစ်ကြာပါစေ။

ဖိထားပေးပါ။ Crepe bandage (Elastic compression wrap) ဆန့်နိုင်ကျုံ့နိုင်တဲ့ပတ်တီးသုံးနိုင်တယ်။ ပထမ ၂၄-၃၆ နာရီအတွင်းသုံးပါ။ ဒိနောက်မှာ Protective brace အဖုံးအကာလိုဖုံးထားပေးပါ။ သိပ်မတင်းစေပါနဲ့။ ခေါက်လဲတဲ့အနေအထားကို ပြောင်ပြန်ဖြစ်နေမှ သက်သာစေမယ်။ ပတ်တီးစီးရင် အဲလိုအနေအထားမှာစီးပါ။

ဖြစ်တဲ့ဖက်ကိုမြှင့်ထားပေးပါ။ တနေ့ ၂-၃ နာရီကြာပါစေ။

Paracetamol, Ibuprofen အနာသက်သာဆေးသောက်ပါ။ လိမ်းပါ။ နာတာနဲ့ ရောင်တာကိုပါသက်သာစေမယ်။

နားရမယ်။ Crutches ချိုင်းထောက်သုံးဖို့လိုမယ်။ Walker လမ်းလျှောက်အထောက်အကူသုံးနိုင်တယ်။

တချို့မှာ Torn ligaments စုပ်ပြဲသွားတဲ့အရွတ်ကို ခွဲစိတ်ပြုပြင်ပေးဖို့လိုနိုင်တယ်။ ရှားပါတယ်။

ချက်ချင်းဖြစ်တာကို အအေးကပ်၊ နောက်ရက်တွေမှာ အပူကပ်ပါ။

ဒေါက်တာတင့်ဆွေ
၁၈-၇-၂ဝ၁၇
၁၈-၇-၂ဝ၁၈
၂၅-၉-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး