ကျွန်တော် ဖြေပါရစေ

 ၁၂ ခုမြောက် မေးခွန်းဖြစ်ပါတယ်။ မဖြေပဲ စာပို့ပေးတာက နောက်ထပ် တဒါဇင်လောက်ရှိမယ်။

၁။ ဆရာ ကျွန်တော်လို့ ရေးတာနဲ့ ကျနော်လို့ရေးတာ ဘယ်ဟာက အမှန်လဲဆရာ ကျွန်တော်တို့ငယ်ငယ် က တည်းသင်လာတာက ကျွန်တော်လို့ဘဲ သင်လာဖူးတယ် ခုနောက်ပိုင်းတွေ့လာရတာ ကျနော်ဆိုပြီးတွေ့လာရလို့

၂။ မြန်မာစာနဲ့ မြန်မာစကားမှာ နာမ်စားအနေနဲ့ အသုံးအများဆုံး စကားလုံးတလုံး ဖြစ်တဲ့ ကျွန်တော် / ကျနော် ကျွန်မ/ ကျမ ကျွန်တော်မျိုး/ ကျေးတော်မျိုး လူကြီးမင်း အပေါင်းတို့သခင် မျိုးဟေ့/ ကျွန်တော် မျိုးဟေ့ ဒို့ဗမာဆိုတဲ့ အသုံးအနှုံးတွေနဲ့ ပတ်သတ်ပြီး အကျယ်တဝင် ရေးထားတာတွေရှိရင် မျှဝေပေးစေချင်ပါတယ် အခု ပညာတတ်အသိုင်းအဝိုင်းတွေ ကြားမှာပါ မသဲကွဲကြသေးတဲ့ အသုံးအနှုံး အရေးအသား အမြင်တွေ မရှင်းကြသေးတာကို တွေ့နေရပါတယ်ဆရာ

၃။ ဆရာ ကျွန်တော်လို့ သုံးတာ ရှားတယ်။ ဒီ post မှာတော့ သုံးထားတယ်။ Smile!

၎။ ကျော်အောင်ဘာသာပြန်တဲ့ Mikhail Sholokov ရဲ့Virgin Soil Upturned တောရိုင်းမြေဆိုတဲ့ စာအုပ်အညွှန်းရေးတော့ ကျနော် လို့သုံးမိတဲ့အတွက် လုံးဝမသုံးသင့်ပါဘူးတဲ့ ပြောကြတယ်။ ကျနော်ကလည်း ဆရာပြောတဲ့အတိုင်း ကျွန်ဆိုတဲ့ အသုံးကို မကြိုက်လို့ ဖြေလိုက်တယ်။ Smile!

၅။ ဆရာရှင့် ကျမနဲ့ ကျွန်မ ဘယ်လိုရေးတာအမှန်လဲပါလဲရှင့်။

၆။ ဆရာမင်္ဂလာပါ။ ကျွန်တော် ကျွန်နော် ကျနော် အသုံးဘယ်ဟာအမှန်လဲဆရာ။ ဗန်းမော်တင်အောင်ရဲ့စာမှာ ကျွန်နော်လို့ သုံးထားလို့ ဝါးတားတားဖြစ်သွားပြီဗျာ။

၇။ ကျနော်လို့ပဲရေးပါတယ် ကျွန်တော်လို့ရေးရတာ မကြိုက်လို့ပါ။

၈။ ကျွန်ဇာက်ကားကြောင့် ကျွန်ဆိုတဲ့ ဝေါဟာရကို အဓိပ္ပါယ် ဖွင့်ပေးစေချင်ပါတယ်။ ဘာကို ရည်ရွယ်၍ မေးရသလဲ ဆိုတော့ မြန်မာ့ယဉ်ကျေးမှုမှာ ခေါ်ဝေါ်သုံးစွဲနေတဲ့ ကျွန်တော်၊ ကျွန်မ ဆိုတာ အရင်ခေတ်က ကျွန်တွေကို ခေါ်လေသလား တွေ့မိလို့ပါဆရာ။

၉။ မြန်မာပြည်မှာအခု ကျွန်ဆိုတဲ့ရုပ်ရှင်နဲ့ပတ်သက်ပြီး အခြေအတင်ကိုဖြစ်နေကြတယ်။ ဘုရားကျွန်ကိစ္စပေါ့။

၁၀။ ကျွန်တော်၊ ကျွန်ုပ်၊ ကျွန်မ အသုံးနှုန်းတွေကိုတော့ မှန်ပေမယ့် သက်ဦးဆံပိုင်ခေတ်၊ ကိုလိုနီခေတ်တွေ ကြုံတွေ့ခဲ့ရတဲ့အတွက် ဘုရင်၊ သခင်၊ ကျွန် အဆက်အသုံးနူန်းတွေအဖြစ် ခံစားမိလို့ သိပ်သဘောမကျပါ။ လူကြီးတွေနဲ့ သုံးတာကလွဲပြီး တခြားအမြဲတမ်း ကျနော်လို့ပဲရေးဖြစ်ပါတယ်။ ကိုယ့်ဘာသာတွေးတာပါဆရာ။

၁၁။ ကျမရဲ့ ဆရာတယောက်က မိန်းကလေးအနေနဲ့ ကျွန်မလို့မရေးနဲ့ ကျမလို့ ရေးဆိုပြီးပြောဖူးပါတယ်။ အရေးအသား အနေနဲ့ ကျွန်မဆိုတဲ့အသုံးအနှုန်းကို မကြိုက်ဘူးလို့ ပြောဘူးပါတယ်ရှင့်။

၁၂။ ကျွန်တော်၊ ကျွန်ုပ်၊ ကျွန်မ အသုံးနှုန်းတွေကိုတော့ မှန်ပေမယ့် သက်ဦးဆံပိုင်ခေတ်၊ ကိုလိုနီခေတ်တွေ ကြုံတွေ့ခဲ့ရတဲ့အတွက် ဘုရင်၊ သခင်၊ ကျွန် အဆက်အသုံးနူန်းတွေအဖြစ် ခံစားမိလို့သိပ်သဘောမကျပါ။ လူကြီးတွေနဲ့ သုံးတာကလွဲပြီး တခြားအမြဲတမ်း ကျနော်လို့ပဲရေးဖြစ်ပါတယ်။ ကိုယ့်ဘာသာတွေးတာပါဆရာ။

ကျွန်ဆိုတာဘာလဲ။ ဘုရင့်ခေတ်ကကျွန်၊ ဘုရားကျွန်၊ ကိုလိုနီခေတ်ကကျွန်တွေ ရှိခဲ့ပါတယ်။ မတူကြပါ။ အရင်သတ်ပုံစာအုပ်တွေမှာ ကျွန်တော်လို့သာရှိပြီး ကျွန်မ မရှိခဲ့ပါ။ ကျွန်တော်မသာ ရှိခဲ့တယ်။

ကျွန် = အစေခံ
ကျွန်စနစ်
ကျွန်ယုံ
ကျွန်ရင်း
ကျွန်တော်
ကျွန်တော်မ
ကျွန်တော်မျိုး
ကျွန်ကြေး (ငွေ)
ကျွန်ရောင်းကျွန်ဝယ်
ကျွန်ုပ်
ဘုရားကျွန်
မကြားကျိုးကျွန်
မသိကျိုးကျွန်
ကျေးကျွန် = ငတ်မွတ်ခေါင်းပါး၍ ကျွန်ခံသောသူ
ကျောင်းကျွန်

ကျွန်တော်၊ ကျွန်မနဲ့ စခဲ့တာပါ။ ကျတော်၊ ကျနော်၊ ကျမလို့လည်း ရေးလာကြတယ်။ ကျွန်ုပ်က ခုထိ မပြောင်းသေးပါ။ သစ္စာအဓိဋ္ဌာန်ဆိုရင်ပါတယ်။ အကျွန်ကို စာမှာသာမက စကားအဖြစ် သုံးကြတာ ယောနယ်မှာ အခုထိပါ။

မြန်မာ့သမိုင်းမှာ ကျွန်ဆိုတာရှိခဲ့တယ်။ အပယ်ရတနာစာထဲမှာ ဘုရားကျွန်ကိုရေးထားပါတယ်။ ဇာတ်ပွဲတွေမှာတော့ ကျေးတော်မျိုး ကျွန်တော်မျိုးလို့ သုံးကြတယ်။ အိမ်တော်ပါငယ်ကျွန်လို့ စာအုပ်တွေထဲမှာ ဖတ်ရတယ်။ ဇာတ်ထဲမှာတော့ ဘုရင်က ငယ်ကျွန်ကြီးလို့ ခေါ်တယ်။ တကယ့်ဘုရင်တွေလက်ထက်မှာ အဲလိုတွေ ခေါ် မခေါ် မသိပါ။

ကိုလိုနီအရာရှိတွေကို သခင်ကြီးလို့ ခေါ်ရတယ်။ ဗမာတွေကပဲ စကားလုံးတီထွင်ပေးကြတာ။ သခင်ရဲ့ ဆန့်ကျင်ဖက်က ကျွန်။ အင်္ဂလိပ်တွေက ကိုလိုနီနိုင်ငံတွေမှာ နေထိုင်ကြသူတွေကို Subject ဆပ်ဂျက်လို့သုံးပါတယ်။ သူတပါး လက်အောက်ခံဖြစ်သောလို့ ဘာသာပြန်တယ်။ Slave ခေါ် ကျွန်လို့ မသုံးပါ။ အမေရိကဟာလည်း ဗြိတိသျှကိုလိုနီ ဖြစ်ခဲ့တယ်။ ဗြိတိသျှဘုရင်-ဘုရင်မရဲ့ ဆပ်ဂျက်တွေ ဖြစ်ပါတယ်။ သမတဂျက်ဖါဆန်ကနေ လွတ်လပ်ရေး ကြေညာစာတမ်းမှာ Citizens လို့ပြောင်းခဲ့ပါတယ်။

ကျွန်စော်နံလို့ ကျွန်တော်မသုံးသင့်ဘူးဆိုပြီး ဒေါသသံနဲ့ရေးကြတယ်။ ဗန်းမော်တင်အောင်က ကျွန်နော်လို့ ရေးခဲ့တယ်။ အဲဒီခေတ်မှာ ကိုလိုနီဆန့်ကျင်ရေးအပြီး အနောက်တိုင်း ဆန့်ကျင်ရေးတွေ ပူလောင်နေချိန်မှာ၊ ကျွန်စာလုံး သုံးပါတယ်။ စကားပြောသလို ရေးတယ်။

ကျွန်တော်ကတော့ ကိုယ့်ကိုယ်ကို နှိမ့်ချချင်လို့ဖြစ်ပါတယ်။ မန္တလေးသူတွေက ကျနော်လို့ ပြောကြတယ်။ ကျွန်တော့် နှမတွေ၊ သမီးနဲ့ မြေးမတို့က ကျနော်လို့သုံးကြတယ်။ ကျွန်စနစ်ဆန့်ကျင်ရေးရယ်လို့တော့ မဟုတ်ပါ။

ဝေါဟာရကို နိုင်ငံရေးလုပ်နေကြတယ်။ အခေါ်အဝေါ်နဲ့သာ မာန်တက်မနေသင့်ပါ။ ငါတော့ ကျွန်စနစ်မုန်းလို့ ကျွန်စာလုံး မရေးဘူးဆိုတာနဲ့တော့ သခင်ဖြစ်မသွားပါ။ ကျွန်တော်ကတော့ ကျွန်တော်လို့ ရေးပါတယ်။ လူထုဦးလှကလည်း ကျွန်တော်။ ဗန်းမောတင်အောင်က ကျွန်နော်။ စာရေးဆရာတွေရော ကျွန်တော်ပါ ကျွန်စနစ်တော့ မကြိုက်ကြပါ။ ဝေါဟာရကို နိုင်ငံရေးလုပ်နေကြတယ်။

• Slave and Subject ကျွန်ဆိုတာ ဘာလဲ https://doctortintswe.blogspot.com/2017/06/slave-and-subject.html
• I, Me, Mine, Myself ကျွန်တော် https://doctortintswe.blogspot.com/2016/12/i-me-mine-myself.html
• ကျွန်တော် ကျွန်နော် ကျနော် https://doctortintswe.blogspot.com/2017/06/blog-post_76.html
• ကျွန်တော် https://doctortintswe.blogspot.com/2015/05/i.html
• တို့ဗမာအစည်းအရုံး https://doctortintswe.blogspot.com/2016/07/blog-post_35.html
• I say …သပြေခက်တို့ခေတ် https://doctortintswe.blogspot.com/2016/09/i-say.html
• Pronoun နာမ်စား https://doctortintswe.blogspot.com/2017/04/pronoun.html
• တို့ နှင့် ဒို့ https://doctortintswe.blogspot.com/2017/08/blog-post_37.html
• You သင် https://doctortintswe.blogspot.com/2018/08/you.html
• ကျွန်မ နှင့် ကျမ https://doctortintswe.blogspot.com/2019/01/blog-post_96.html

ဒေါက်တာတင့်ဆွေ

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး