Deep Well ပညာတွင်း နက်ခြင်း

ကျွန်တော်က ပညာတွင်းကတော့ နက်တယ်ဆိုတဲ့အသုံးကို အတော်သဘောကျတယ်။ ဆရာဝန်ဘဝကိုရေးစဉ်က တခါသုံးတယ်။ ရှေးတုန်းက ကာကွယ်ဆေးတွေစာမှာ ထပ်သုံးတယ်။ အခုတခါသုံးရဦးမလို ဖြစ်လာတယ်။

ဖေ့စ်ဘွတ်ကို ၇ ရက်ကြာသုံးမရဖြစ်သွားလို့ အရာရာလက်ဝင်နေတယ်။ အများဆုံးမေးလေ့ရှိတဲ့နေရာကနေ မေးတာတွေကို ဖတ်သာဖတ်ရပြီး ပြန်ဖြေမရပါ။ တချို့မေးခွန်းတွေက အရေးကြီးပြီး အလောသုံးဆယ်ပြန်သင့်တာတွေ။ အဲတော့ စာပြန်မရတဲ့နေရာကို ဖွင့်၊ မက်ဆေးတွေ ဖတ်၊ ကူးယူပြီး သုံးရတဲ့အကောင့်ကနေ ပို့စ်အဖြစ်တင်တယ်။ မေးတဲ့သူ တွေက ဖတ်ရ မရတော့ မသိပါ။ ဆောရီး။

အဲတာနဲ့မရတာရှိသေးတယ်။ မေးတဲ့သူကို ဖွင့်ရတဲ့နေရာကနေ လိုက်ရှာပြီး အဖြေပို့ပေးရတယ်။ အကောင့်သစ်မှာ ဖရင်းရီကွက်စ်လုပ်ပြီ ဖြေရတယ်။ 

အဲတာနဲ့မပြီးသေးတာရှိသေးတယ်။ ယူအက်စ်ကနေမေးတဲ့တယောက်ရဲ့ဖုန်းနံပတ်လိုက်ရှာရတယ်။ သူ့ခင်ပွန်း ဖုန်းနံပတ်ရတော့ ဇနီးကိုပြောပေးပါ မက်ဆေ့ချဖွင့်ဖတ်ပါလို့ ရေးရတယ်။ မေးခွန်းက သူ့ခင်ပွန်းအတွက်မေးတာ။ ဇနီးကသာ ဖေ့စ်ဘွတ်သုံးတယ်။

ကျွန်တော့်မှာ ဘာလုပ်လုပ် ခက်တာတွေချည်းသာ လုပ်ရတဲ့ ဝဋ်ပါနေတယ်။ နိုင်ငံရေးလုပ်တော့လည်း ဒီအတိုင်းပဲ။ ခက်တာနဲ့သာ ညားတယ်။ ကျင့်သား တော်တော်ကိုရနေပါပြီ။ စိတ်မပျက်ပါ။ ခက်တာကို ဘယ်လိုကျော်လွှားမလဲ နည်းတွေရတာပေါ့။

ဒေါက်တာတင့်ဆွေ
၂၉-၉-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး