ေက်ာ့ ႏွင့္ ေၾကာ့

၁။ တေက်ာ့ျပန္လား တေၾကာ့ျပန္လား ဆရာ။

၂။ မဂၤလာပါ ဆရာရွင့္။ ေၾကာ့ နဲ႔ ေက်ာ့ ဘယ္ေနရာမွာ ဘယ္လိုသံုးလဲ သိခ်င္လို႔ပါရွင့္။ သမီးေလးနာမည္ ေက်ာ့ေက်ာ့ ေပးထားတာကို တခ်ိဳ႕က ေၾကာ့ေၾကာ့ လို႔ေရးေနလို႔ အမွန္သိခ်င္လို႔ပါရွင့္။ ေလးစားလ်က္။




တေၾကာ့ႏွစ္ေၾကာ့ ေတးကိုသီ (မာမာေအး)။ ဂီတလုင္ေမာင္ကိုကိုရဲ႕သမီး မစႏၵာက တေၾကာ့ႏွစ္ေၾကာ့လို႔ေရးတယ္။
ရုပ္ရွင္မွာ တေက်ာ့ႏွစ္ေက်ာ့။ ကဗ်ာေတြမွာက ေက်ာ့ေရာ ေၾကာ့ပါ။

သတ္ပံုစာအုပ္ေဟာင္းေတြမွာ -
ေက်ာ့
ဆင္ေက်ာ့ဖမ္း
ဆန္စသည္ေက်ာ့ယူ
တပတ္ေက်ာ့
တေက်ာ့ႏွစ္ေက်ာ့၊
ထပ္ေက်ာ့သည္
ေက်ာ့ကြင္း
ေက်ာ့ခ်ည္

ေၾကာ့
ၾကမ္းေၾကာ့
လွပေၾကာ့ရွင္း
လူေပၚေၾကာ့
ေၾကာ့ၾကမ္း
ေၾကာ့ရွင္း
ေၾကာ့ေမာ့

ဟသၤာတထြန္းရင္သီခ်င္းက လွည္းယဥ္ေက်ာ့ေက်ာ့။ လွည္းယဥ္ေၾကာ့ေၾကာ့လို႔ ကဗ်ာေတြမွာေတြ႔တယ္။ မူကြဲလို႔ ယူဆရပါေတာ့တယ္။ တေက်ာ့ႏွစ္ေက်ာ့နဲ႔ တေၾကာ့ႏွစ္ေၾကာ့မွာ တေတြကို စမသတ္ပါ။ ႏွေက်ာ့နဲ႔ ႏွေၾကာ့လည္း မဟုတ္ပါ။ စသတ္ရမဲ့ေနရာ သတ္ရတယ္။

ေဒါက္တာတင့္ေဆြ
၁၉-၃-၂၀၂၀

Comments

Popular posts from this blog

က်န္းမာျခင္းသည္ လာဘ္တပါး

Furamin BC သံဓါတ္အားေဆး