Hormones and Antibiotics in Meet လူတွေစားတဲ့ အသားတွေထဲပါဆေးများ
လူတွေစားသုံးကြတဲ့အသားတွေထဲမှာ ကျန်းမာရေးအတွက် သတိထားစရာတွေက ဟော်မုန်းနဲ့ ပိုးသေဆေးဆွေဖြစ်တယ်။ အသားတွေထဲမှာ သဘာဝဟော်မုန်းတွေလည်းပါနေတယ်။ estradiol, progesterone, testosterone တွေဖြစ်ကြတယ်။
ဓါတ်ခွဲခန်းထဲမှာ ထုတ်လုပ်တဲ့ trenbolone acetate, progestin -melengestrol acetate နဲ့ zeranol ဟော်မုန်းတွေ ကိုလည်း သုံးကြတယ်။ လူတွေစားသုံးတဲ့အကောင်တွေဟာ ကြီးထွားနှုန်းမြန်လာမယ်။ အသားတိုးမယ်။
နို့စားတိရစ္ဆာန်တွေကို recombinant bovine growth hormone (rBGH) ဆိုတာသုံးကြတယ်။ နို့ထွက်များစေတယ်။ နို့စားနွားတွေကို အဲလိုဆေးသုံးတော့ နို့ထွက်တာ ၁၅% ပိုတယ်။ အမဲသား ၂ဝ% ကြီးထွားမှုမြန်စေတယ်။
ပဋိဇီဝဆေးတွေလည်းသုံးကြတယ်။ အကောင်တွေကိုရောဂါမရအောင်သုံးပေမယ့် အသားထဲမှာပါလာတော့ လူ့ကိုယ်ထဲ ရောက်တယ်။ ယူအက်စ်မှာ ရောင်းရသမျှပဋိဇီဝဆေးတွေ ၈ဝ% က အစားအသောက်ထုတ်လုပ်ရာမှာ သုံးတယ်။
အဲလိုဟော်မုန်းတွေနဲ့ ပိုးသေဆေးတွေအပြင် တိရစ္ဆာန်တွေကြီးထွားစေအောင်နဲ့ အသားတိုအောင် Ractopamine ဆေးကိုလည်း သုံးသေးတယ်။
အသားတွေမှာသာမက ငါးတွေမှာလည်းဆေးသုံးကြတယ်။ ဥပမာ နာမည်ကြီး ဆယ်လမွန်ငါး။
သုံးကြတဲ့ဟော်မုန်းတွေဟာ မျိုးပွါးမှုဆိုင်ရင် လိင်ဟော်မုန်းတွေဖြစ်တယ်။ စားသုံးသူတွေမှာ အဲလိုဟော်မုန်းတွေ အချိုးအဆတွေ ပြောင်းကုန်စေတယ်။ မိန်းကလေးတွေ အသက်ငယ်ငယ်နဲ့ အပျိုဖြစ်စေတယ်။ ကင်ဆာဖြစ်စေသလား သံသယရှိတယ်။ ယောက်ျားတွေမှာလည်း မရေရာတဲ့သက်ရောက်မှုတွေရှိနိုင်တယ်။
ဘယ်အစားအစာမဆို အော်ဂဲနစ် ခေါ် ပြုပြင်စီမံမှုတွေကင်း၊ ပိုးသေဆေးတွေကင်း၊ စတီရွိုက်ဆေးတွေကင်းတာသာ ကျန်းမာရေးအတွက် ကောင်းပါတယ်။
ဒေါက်တာတင့်ဆွေ
၁၁-၁၂-၂ဝ၁၅
၁၁-၁၂-၂ဝ၁၈
Comments
Post a Comment