Splenectomy ဘေလုံး ထုတ်ထားရသူ

ရောဂါတူ မေးခွန်းတူတွေ တရက်တည်းမှာ လာ့လေရှိတယ်။ နှစ်ပတ်လည်ပို့စ်တွေမှာပါ လာတူနေတာမျိုး မကြာခဏတွေ့ရတယ်။ ဒီမေးခွန်း ၂ ခုဟာ ၂ နှစ်တိတိမှာလာတူနေတယ်။ တခြားရောဂါတွေလည်း အဲလိုဖြစ်လေ့ရှိတယ်။

၁။ ဆရာ မင်္ဂလာပါရှင့်။ ကျွန်မအမျိုးသားကိုယ်စားမေးချင်ပါတယ်ရှင်။ အသက် ၅၀ Male အိမ်ထောင်ရှိ ရင်သွေး၂ဦး။ ဘေလုံးကြီးရောဂါခံစားနေရပြီး လက်ရှိသွေးအထူးကုနှင့် ၂လ ၁ကြိမ် ဆေးကုသမှုခံယူနေရ။ အထူးဆောင်ရန် ရှောင်ရန် အနေအထိုင် အစားအသောက် သိလိုပါတယ်။ ဘယ်လိုအခြေအနေမှာ ဘေလုံးကို ဖြတ်ထုတ်ပစ်ဖို့လိုအပ်လဲသိလိုပါတယ်။

၂။ အသက် ၂၈ ယောက်ကျားလေးတယောက်။ Spleen Enlarge သရက်ရွက်ကြီးနေတာလို့ ဆေးစစ်ချက်အဖြေ ထွက်ပါတယ်ဆရာရှင့်။ ခွဲစိတ်ကုသလို့စိုးရိမ်ရပါသလား သိချင်လို့ပါရှင့်။ အသည်းထိခိုက်မှုတွေ ဆိုးကျိုးရှိတယ် ကြားမိလို့ပါဆရာရှင့်။ တိုင်းတပါးရောက်နေလို့ အခု မြန်မာနိုင်ငံပြန်ပြီး ခွဲစိတ်ကုသရတော့မယ့် အခြေအနေမျိုးပါ ဆရာရှင့်။ အခုသွေးတွေအန်နေလို့ လည်ချောင်းသွေးကြောကို ကုသနေရတဲ့အခြေအနေပါ။ အစာမျိုပြွန်သွေးကြောပေါက်ခြင်း ခေါင်းစဉ် တင်ထားတာလဲ ဖတ်ရပါတယ်ဆရာ။ သရက်ရွက်ခွဲစိတ်ကုသမှုက အသက်ကို ထိခိုက်နိုင်ပါသလားရှင့်။

Spleen ဆိုရင် သရက်ရွက်လို့ မခေါ်သင့်။ ဘေလုံးလို့ခေါ်မှသာ မှန်တယ်။ သရက်ရွက်ဆိုတာ ဆီးချိုဟော်မုန်း ထုတ်ပေးနေတဲ့ Pancreas ကိုသာ သရက်ရွက်လို့ခေါ်တယ်။ (သတ်ပုံတွေ ပြင်လိုက်ပါတယ်။ ဆောရီး။)

ဘေလုံးထုတ်ထားသူလည်း အသက်ရှင်နေထိုင်နိုင်ပါတယ်။ ဘေလုံးခွဲထုတ်တာကို Splenectomy လို့ခေါ်ပါတယ်။ တစိတ်တပိုင်းထုတ်ရတာနဲ့ တခုလုံးထုတ်ရတာလို့ရှိတယ်။ အသည်းနဲ့မတူတာက ဘေလုံးက အသစ်ပြန်မဖြစ်နိုင်ပါ။ ဆောရီး။ လူ ၃ဝ% မှာ အစတည်းက ဘေလုံးအပိုပါနေတယ်။ သေးသေးလေး။

ထိခိုက်ဒဏ်ရာရခြင်းကနေ ဘေလုံးကွဲထွက်နိုင်တယ်။ ဆောရီး။ အထဲမှာ သွေးအလွန်ထွက်မယ်။ အဲလိုဖြစ်ရင် ထုတ်ရတာ များတယ်။ ရောဂါတွေကြောင့်လည်း ဘေလုံးကြီးနေရာနေ ခွဲထုတ်ဘို့လိုလာတတ်တယ်။ လူးပတ်စ်၊ ဆစ်ကယ်ဆဲလ် သွေးအားနည်းရောဂါတွေကနေ ဘေလုံးကို အလိုလိုသေးသွားစေနိုင်တယ်။

ဘေလုံးထုတ်ပေးရတဲ့ရောဂါတွေကတော့ -
Idiopathic thrombocytopenic purpura (ITP) သွေးအားနည်းရောဂါ၊
Hereditary elliptocytosis (ovalocytosis) မွေးရာဂါရောဂါ၊
Hereditary nonspherocytic hemolytic anemia မွေးရာဂါရောဂါ၊
Hereditary spherocytosis မွေးရာဂါရောဂါ၊
Thalassemia (Mediterranean anemia) မွေးရာဂါရောဂါ၊
Aneurysm in the spleen's artery သွေးကြောရောဂါ၊
Blood clot in the spleen's blood vessels သွေးခဲပိတ်ခြင်း၊
Leukemia လူကီးမီးယား သွေးကင်ဆာ၊
Lymphoma လင်ဖိုးမားကင်ဆာ၊
Cyst or abscess in the spleen ဘေလုံးထဲ ဆစ်စ်ခေါ် အိတ်ဖြင်ခြင်းနဲ့ ပြည်တည်ခြင်း။

သတိထားဘို့တွေတော့ရှိတယ်။ ဘေလုံးရဲ့အလုပ်က အဓိက ပိုးမွှားတွေဝင်လာရင် ခုခံကာကွယ်ပေးတယ်။ အဲတော့ ရောဂါပိုးတွေမဝင်အောင် သတိထားနေရမယ်။ Streptococcus pneumoniae နူမိုးနီးယား၊ Neisseria meningitides ဦးနှောက်အမြှေးရောင်၊ Haemophilus influenza တုပ်ကွေး။ အထူးသတိထားရမယ့်ပိုးတွေက Streptococcus pneumoniae, Neisseria meningitidis, and Haemophilus influenza ပိုးတွေဖြစ်တယ်။ ဒီကောင်တွေကနေ နူမိုးနီးယား၊ ဦးနှောက်မှေးရောင်တွေအထိဖြစ်နိုင်တယ်။ pneumococcal pneumonia ကာကွယ်ဆေးထိုးထားသင့်တယ်။

ခွဲစိတ်အပြီး သတိထားရမှာတွေရှိတယ်။ သွေးပြန်ကြောထဲ သွေးခဲပိတ်တာ၊ ခွဲထားတဲ့ဒဏ်ရာ အူကျွံတာ၊ ချုပ်ရိုးနေရာ ပိုးဝင်တာ၊ သရက်ရွက်ရောင်တာ၊ ခွဲစိတ်နေရင်း အစာအိမ်နဲ့ အူကိုထိခိုက်တာတွေဖြစ်တယ်။

ပိုးသေဆေးကိုတော့ စနစ်တကျသုံးရမယ်။ ဗိုင်းရပ်စ်ပိုးကို ဗက်တီးရီးယားဆေးနဲ့မရပါ။ မလိုပါ။ လိုရင်တော့သုံးဘို့ရာ ဆောင်ထားပါ။ ဘယ်ပိုးမဆို ကိုယ့်ထဲ ဝင်မလာဘို့က ပိုအရေးပါတယ်။ နှာခေါင်းစည်း၊ လက်အိတ်သုံးရမယ်။ လက်ကိုမကြာခဏ ဆေးရမယ်။ လူစည်စည်ရှိရာကို ရှောင်ရမယ်။ ချောင်းဆိုး-နှာခြေနေသူတွေနဲ့ ပူးကပ်မနေရပါ။ ကူးစက်ရောဂါရှိနေသူတွေနဲ့ ဝေးဝေးနေပါ။ ရာသီဥတုကနေဖြစ်တာကာကွယ်ဘို့ရာ အဝတ်အစား၊ အစားအသောက် ဂရုစိုက်ရမယ်။ တခြားတိုင်းပြည်ခရီးထွက်ရင် ကာကွယ်ဆေးထိုးရမယ်။

Ruptured Spleen ဘေလုံးကွဲခြင်း https://doctortintswe.blogspot.com/2018/02/ruptured-spleen.html
Spleen and Pancreas ဘေလုံး နဲ့ သရက်ရွက် https://doctortintswe.blogspot.com/2017/01/spleen-and-pancreas.html

ဒေါက်တာတင့်ဆွေ
၉-၁၂-၂ဝ၁၆
၉-၁၂-၂၀၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး