Obimin and Omega-3 (အိုဗီမင်) နဲ့ (အိုမီဂါ သရီး)

7:44AM ဆရာ မင်္ဂလာပါ။ သမီးသိချင်တာလေးရှိလို့ပါ။ သမီးကိုယ်ဝန်က ၅ လထဲမှာပါ။ အဲ့ဒါ mega 3 ဆိုတဲ့ဆေးကို သောက်လို့ရမလားရှင့်။ ကျေးဇူးပြု၍ ဖြေပေးပါရှင့်။
6:11PM အသက် မသိပါ။ ဘာအတွက်သောက်ချင်လည်း မသိပါ။ ကိုယ်ဝန်အပ် မအပ် မသိပါ။
8:45PM အသက်က ၂ဝ ပါ။ ကိုယ်ဝန်အပ်ထားပါတယ် OG က အိုဘီမင်ပေးတော့ မသောက်ရဲသေးလို့ပါ။ အဲ့ဒါ အိုဘီမင်အစား သောက်ချင်လို့ပါ။
Dr. Tint Swe အိုဂျီထက်ပိုပြီး ဘယ်သူ့ကို ယုံမှာလည်း။

Obimin (အိုဗီမင်) နဲ့ Omega-3 (အိုမီဂါ သရီး) မှာ (အို) ဆိုတာပဲတူတယ်။ အစားထိုးလို့မရပါ။ ဆောရီးဗျာ။

အိုဗီမင်ဆေးအညွှန်းမှာ ကိုယ်ဝန်ဆောင်တွေ မမွေးမီနဲ့မွေးပြီး တနေ့ ၁ လုံးသောက်ပါလို့ဆိုတယ်။ ဆေးထဲမှာ ဗီတာမင် အေ = 3000 IU
ဗီတာမင် ဒီ = 400 IU
ဗီတာမင် ဘီ ၁ = 10 mg
ဗီတာမင် ဘီ ၂ = 2.5 mg
ဗီတာမင် ဘီ ၆ = 15 mg
ဗီတာမင် ဘီ ၁၂ = 4 mcg
ဖေါလစ်အက်စစ် = 1,000 mcg
ကယ်လ်စီယမ် ပင်တိုသီနိတ် = 7.5 mg
နီကိုတင်နမိုက် = 20 mg
ဗီတာမင် စီ = 100 mg
အိုင်အိုဒင်း = 100 mcg
ကယ်လ်စီယမ် လက်တိတ် = 250 mg
ကြေးနီဓါတ် = 100 mcg နဲ့
သံဓါတ် = 30 mg တွေပါတယ်။

ကိုယ်ဝန်ဆောင်မှာလည်း (ဖေါလစ်အက်စစ်) နဲ့အတူ သံဓါတ်ပါလိုတယ်။ Ferrous Sulfate ဖဲရပ်စ်ဆာလ်ဖိတ် သံဓါတ်ဟာ သတ်မှတ်ချက်အရ
- ကိုယ်ဝန်ဆောင်ချိန်မှာ သံဓါတ် 30 mg သောက်ရမယ်။
- ကလေးနို့တိုက်ချိန်မှာ 15 mg သောက်ရမယ်။
- ယောက်ျားတွေက 10 mg နဲ့ အမျိုးသမီးတွေက 15 mg သောက်ရမယ်။
- သွေးဆုံးပြီး အမျိုးသမီးတွေက 10 mg လိုပါတယ်။

Folic acid (ဖေါလစ်အက်စစ်) ကို ကိုယ်ဝန် ပဌမ ၃ လ အတွင်း 400 (mcg) လိုတယ်။ ကလေးပျက်ကျမှာကိုလည်း တာဆီးပေးမယ်။ မွေးပြီး ကလေးနို့တိုက်ချိန် ၆ လအထိ သောက်သင့်တယ်။ အထဲကကလေးမှာ NTD ဆိုတာရှိနေတာကို ဆရာဝန်ကသိရင် ဆေးကိုများများပေးလိမ့်မယ်။ ကိုယ်ဝန်ရင့်လာရင် 1000 (UL) က လိုပြီး၊ ကလေးတွေ 150-800 (IU) နဲ့ လူကြီးတွေ 400 (UL) လိုနိုင်တယ်။ တကယ်လို့ မိသားစုထဲမှာ မွေးရာပါချို့ယွင်းချက်နဲ့ မွေးဘူးတဲ့ရာဇဝင်ရှိနေရင် 4000 micrograms အထိပေးနိုင်တယ်။

Omega-3 (အိုမီဂါ သရီး)
ငါးတွေကနေရတာများတယ်။ ဦးနှောက်အလုပ်တွေနဲ့ ကြီးထွားဘို့ (အိုမီဂါ သရီး) လိုအပ်တယ်။ နှလုံးရောဂါဖြစ်မှာကို တားပေးနိုင်လို့ ပေါ်ပြူလာဖြစ်လာတယ်။ (ဆာလ်မွန်)၊ (ကျူနာ)၊ (ဟာလီဘတ်) ငါးတွေ ငါးတမျိုးမျိုးကို တပါတ် ၂ ခါ စားသင့်တယ်။ ပင်လယ်စာတွေ၊ အပင်တွေနဲ့ အစေ့အဆံကရတဲ့ အဆီတွေမှာလဲပါတယ်။ နှမ်းကြတ်စေ့၊ နှမ်းကြတ်ဆီ၊ ပန်းနှမ်းဆီ၊ ပဲပုပ်စေ့၊ ပဲပုပ်စေ့ဆီ၊ ဖရုံစေ့၊ ဖရုံစေ့ဆီ၊ သစ်ကြားသီး၊ သစ်ကြားစေ့ဆီတွေကနေရတယ်။

နာတာရှည်ရောဂါတွေထဲက နှလုံးရောဂါ၊ ကင်ဆာ နဲ့ အဆစ်နာရောဂါတွေကို သက်သာစေမယ်လို့ ယူဆစရာအကြောင်း ရှိနိုင်တယ်။ စားတဲ့အထဲကပါတဲ့ ဒီဓါတ်ဟာ ဦးနှောက်မှာ အများကြီးလာစုနေတယ်။ ဒါ့ကြောင့် ဦးနှောက်မှတ်ဥာဏ်၊ စဉ်းစားမှုနဲ့ အမူအယာအလုပ်တွေအတွက်အရေးပါနိုင်တယ်။ မိခင်ဆီကနေ (အိုမီဂါ သရီး) အလုံအလောက်မရရင် ကလေးဟာ အမြင်ဆိုင်ရာနဲ့ အာရုံကြောတွေမှာ အားနည်းနိုင်တယ်။ ဒီဓါတ်နည်းရင် အားယုတ်မယ်၊ မှတ်ဥာဏ်နည်းမယ်၊ အရေပြား ခြောက်နေမယ်၊ နှလုံးရောဂါရမယ်၊ စိတ်မူပြောင်းမယ်၊ စိတ်ဓါတ်ကျမယ်၊ သွေးလှည့်တာ မကောင်းဘူး။

Omega-3 နဲ့ Omega-6 တွေ မျှတဘို့လိုတယ်။ Omega-6 အတော်များများက ရောင်ရမ်းဖြစ်စဉ်ကို အားပေးတယ်။ အမေရိကန်တွေအစာထဲမှာ (၆) က (၃) ထက် ၁၄-၂၅ ဆ ကဲနေတာ မကောင်းဘူး။ မြေထဲပင်လယ်ဒေသ အစားအစာမှာတော့ ၃ နဲ့ ၆ မျှတလို့ ကောင်းတယ်။

အိုမီဂါသရီးဟာ ကိုယ်ဝန်ဆောင်အားဆေး မဟုတ်ပါ။ ရောဂါတွေအများကြီးကို ပျောက်စေတဲ့ဆေးလည်း မဟုတ်ပါ။

ဒေါက်တာတင့်ဆွေ
၃-၆-၂ဝ၁၆