Infections ရောဂါပိုးဝင်ခြင်းများ

အင်္ဂလိပ်စာလုံးတွေ မတည့်မဖြစ်ပါ။ ဆောရီး။ သေးငယ်တဲ့ရောဂါပိုးမွှားလေးတွေက လူ့ကိုယ်ထဲတနည်းနည်းနဲ့ဝင်လို့ လူ့ခန္ဓာကိုယ်ကို အသုံးပြုပြီး မျိုးပွားကြ၊ အုံကျင်းဖွဲ့ နေထိုင်လို့ လူကိုရောဂါရစေတယ်။ အဲလိုနည်းနဲ့ရတဲ့ရောဂါတွေကို Infectious diseases ကူးစက်ရောဂါတွေလို့ ခေါ်တယ်။ အဲလိုရောဂါတမျိုးရှိနေစဉ်မှာ ထပ်ရလာတဲ့ရောဂါသစ်ဝင်တာကို Secondary infection ဒုတိယပိုးဝင်ခြင်းလို့ခေါ်တယ်။ အဲလိုဖြစ်တဲ့အခါ လူရဲ့တုန့်ပြန်မှုကို Inflammation အင်ဖလမေးရှင်း ရောင်ခြင်းလို့ ခေါ်တယ်။

ရောင်ခြင်းဖြစ်ရင် လက္ခဏာကြီး ၅ မျိုးဖြစ်လာတယ်။
၁) နီခြင်း၊ Redness = Rubo
၂) ရောင်ခြင်း၊ Swelling = Tumor
၃) နာခြင်း၊ Pain = Dolor
၎) ပူခြင်း၊ Heat = Calor
၅) လုပ်ရမည့် အလုပ်ပျက်ခြင်း၊ Loss of function = Functio laesa တွေဖြစ်တယ်။

Acute infection ရက်တို ရုတ်တရက် အင်ဖက်ရှင်နဲ့ Chronic infection ရက်ရှည် အင်ဖက်ရှင်လို့နှစ်မျိုးရှိတယ်။ အင်ဖက်ရှင်ရတဲ့ရောဂါတွေအမည် အဆုံးတိုင်းမှာ –itis နဲ့ ဆုံးတယ်။ ဥပမာ Dermatitis အရေပြားရောင်ခြင်း၊ Appendicitis အူအတက်ရောင်ခြင်း၊ Meningitis ဦးနှောက်မြှေးရောင်ခြင်း၊ Tonsillitis အာသီးရောင်ခြင်း။

အင်ဖက်ရှင်ရစေတဲ့ပိုးတွေ
၁။ Bacteria ဗက်တီးရီးယား၊
၂။ Virus ဗိုင်းရပ်၊
၃။ Parasite ပါရာဆိုက်၊ နဲ့
၎။ Fungus ဖန်းဂတ်စ်။

၁။ Bacterial infectious diseases ဗက်တီးရီးယားကြောင့်ဖြစ်တဲ့ ရောဂါတွေ
Anthrax = နွားမှတဆင့် ကူးစက်တဲ့ ဒေါင့်သန်းရောဂါ၊ Antibiotic Diarrhea = ပဋိဇီဝဆေးကြောင့် ဝမ်းပျက်ခြင်း၊ Bacterial Meningitis = ဦးနှောက် အမြှေးရောင်၊ Bacterial Vaginosis = မွေးလမ်းရောင်ခြင်း၊ Brucellosis = တိရိစ္ဆာန် မှတဆင့် ကူးတဲ့ရောဂါ၊ Chancroid = ရှန်ကာ၊ Chlamydia = မွေးလမ်းရောင်ခြင်း၊ Cholera = ကာလဝမ်းရောဂါ၊ Clostridium botulinum = အစာဆိပ်သင့်ခြင်း၊ Conjunctivitis = မျက်စိနာခြင်း၊ Diphtheria= ဆုံဆို့နာ၊ Epididymitis = ကျားအစိ ရောင်ခြင်း၊ Food Poisoning = အစာဆိပ်သင့်ခြင်း၊ Gardnerella = မွေးလမ်းပိုးဝင်ခြင်း၊ Gas Gangrene = အနာပုတ်ခြင်း၊ Gonorrhea = ဂနိုရီးယား၊ H. Pylori = အစာအိမ်နာ၊ Impetigo = အရေပြား အနာရင်းခြင်း၊ Leprosy (Hansen's Disease) = အနာကြီးရောဂါ၊ Lyme Disease = လိုင်းမ်ရောဂါ၊ Orchitis = ကျားအကြောရောင်ခြင်း၊ Osteomyelitis = အရိုးတွင်းရောင်ခြင်း၊ Otitis Media = နားပြည်ယိုခြင်း၊ Pertussis (Whooping Cough) = ကြက်ညှာ ချောင်းဆိုး၊ Plague = ပလိပ်၊ Pneumonia = နူမိုးနီးယား၊ Prostatitis = ကျားဆီးကြိတ်ရောင်ခြင်း၊ Pyelonephritis = ကျောက်ကပ်ပြွန်ရောင်ခြင်း၊ Rheumatic Fever = ရူမက်တစ်အဖျား၊ Salmonellosis = ဆာလ်မိုနယ်လိုးဆစ်၊ Shigellosis = ရှီဂယ်လိုးဆစ်၊ Syphilis = ဆစ်ဖလစ်၊ Tetanus = မေးခိုင်၊ Trachoma= မျက်ခမ်းစပ်၊ Traveller's Diarrhea = ခရီးသွားဝမ်းပျက်၊ Tuberculosis (TB = Koch’s) = တီဘီ၊ Typhoid = တိုက်ဖွိုက်၊ Typhus Fever = တိုက်ဖတ်စ်ရောဂါ၊ Urinary Tract Infections = ဆီးလမ်းကြောင်းပိုးဝင်ခြင်း။

၂။ Viral infectious diseases ဗိုင်းရပ်စ်ကြောင့် ဖြစ်တဲ့ရောဂါတွေ
AIDS = အေအိုင်ဒီအက်စ်၊ Bronchiolitis = လေပြွန်ငယ်တွေရောင်ခြင်း၊ Chickenpox (Varicella) = ရေကျောက်၊ Common cold = အအေးမိ၊ Conjunctivitis = မျက်စိနာ၊ DHF = သွေးလွန်တုပ်ကွေး၊ Encephalitis = ဦးနှောက်ရောင်၊ Hepatitis = အသဲရောင်၊ Herpes = ရေယုံ၊ Herpes Zoster = ရေယုံ၊ Human Papilloma virus = ကြွက်နို့၊ Influenza (Flu) = တုပ်ကွေး၊ Measles (Rubeola) = ဝက်သက်၊ Measles = ဝက်သက်၊ Meningitis = ဦးနှောက်မြှေး ရောင်၊ Mumps = ပသိရောင်၊ Orchitis = ကျားအစိရောင်၊ Poliomyelitis = ပိုလီယို၊ Rabies = ခွေးရူး၊ Rubella (German Measles) = ဂျာမန် ဝက်သက်၊ Severe Acute Respiratory Syndrome (SARS) = ဆားစ်၊ Smallpox = ကျောက်ကြီး၊ Viral encephalitis = ဗိုင်းရပ်စ် ဦးနှောက်ရောင်၊ Viral gastroenteritis = ဗိုင်းရပ်စ် အစာလမ်းရောင်ခြင်း၊ Viral Pneumonia = ဗိုင်းရပ်စ် နူမိုးနီးယား၊ Viral pneumonia = ဗိုင်းရပ်စ် နူမိုးနီးယား။

၃။ Parasitic infectious diseases ပါရာဆိုက်ကြောင့်ဖြစ်တဲ့ ရောဂါတွေ
African Sleeping Sickness = အာဖရိကအိပ်ချင်ရောဂါ၊ Amebiasis = အမီးဘား ဝမ်းကိုက်၊ Ascariasis = သန်ကောင်၊ Bed Bugs = ကြမ်းပိုး၊ Enterobiasis (Pinworm) = စအိုယားစေတဲ့ သန်ကောင်၊ Filariasis = ဆင်ခြေထောက်၊ Giardiasis = ဂိုင်ယားဒီးရေးဆစ်၊ Hookworm = ချိတ်သန်ကောင်၊ Lice = သန်း၊ Malaria = ငှက်ဖျား၊ Pinworms = အပ်ပုံသန်ကောင်၊ Scabies = ဝဲ၊ Tapeworm = တိပ်ပြားပုံ သန်ကောင်၊ Trichinosis = ဝက်မှကူးတဲ့ သန်ကောင်၊ Trichomoniasis (ထွိုင်ကိုမိုးနပ်စ် = လိင်မှတဆင့် ကူးစက်တဲ့ မွေးလမ်း-ဆီးပြွန်ရောင်ခြင်း။

၎။ Fungal infectious diseases ဖန်းဂတ်စ်ကြောင့်ဖြစ်တဲ့ရောဂါတွေ
Aspergillosis အဆုပ်ထဲဝင်ခြင်း၊ Athlete's Foot အားကစားသမားခြေထောက်၊ Candidiasis = ကင်ဒီဒိုင်ရေးဆစ်၊ Thrush မှက်ခရု၊ အရေပြား၊ မွေးလမ်း၊ အစာမြိုပြွန်တို့၌ ဖြစ်တဲ့ရောဂါတွေ။ Histoplasmosis အဆုပ်ရောဂါတမျိုး၊ Pneumocystis Carinii Pneumonia (PCP) နူမိုးနီးယားတမျိုး၊ Sporotrichosis အရေပြားနာ၊ Yeast Infections (ရိစ်) = မွေးလမ်ကြောင်း ယားပြီးအဖြူဆင်းခြင်း။

၅။ Staphylococcal Infections စတက်ဖလိုကောကပ်စ် ဗက်တီးရီးယား အင်ဖက်ရှင်တွေ
Folliculitis, Furuncles အရေပြားရောင်ခြင်း အမျိုးမျိုး၊ Impetigo အရေပြားနာ၊ Wound infections, Soft-tissue infections အနာ-ဒဏ်ရာတွေ၊ Endocarditis နှလုံးအတွင်းသား ရောင်ခြင်း၊ Osteomyelitis အရိုးအတွင်း ရောင်ခြင်း၊ Pneumonia နူမိုးနီးယား၊ Food poisoning အစာဆိပ်သင့်ခြင်း၊ Infections related to prosthetic devices သွားအတု-အရိုးတုရောင်ခြင်း၊ Urinary tract infection ဆီးလမ်းရောင်ခြင်း။

စတက်ဖလိုကောကပ်စ်အတွက် ပိုးသေဆေးတွေ
• Clindamycin: လူကြီး 150-300 mg (၈) နာရီတကြိမ်၊ 300-600 mg IV (၈) နာရီတကြိမ်၊ ကလေး 25-40 mg/kg/d IV တနေ့ ၃ ကြိမ်၊
• Dicloxacillin: လူကြီး 500 mg ၆ နာရီတကြိမ်၊ ကလေး 25 mg/kg/d ၆ နာရီတကြိမ်၊
• Trimethoprim-sulfamethoxazole (Septrin): လူကြီး 160 mg TMP/800 mg SMZ တနေ့ ၂ ကြိမ်၊ ၁ဝ-၁၄ ရက်၊ ကလေး >2 years: 6-12 mg of trimethoprim/kg/d တနေ့ ၂ ကြိမ်၊
• Nafcillin: လူကြီး 1-2 g IV ၄ နာရီတကြိမ်၊ ကလေး 100-200 mg/kg/d IV ၄ နာရီတကြိမ်၊
• Vancomycin: လူကြီး 1 g or 15 mg/kg IV ၁၂ နာရီတကြိမ်၊ ကလေး 30-40 mg/kg/d IV ၁၂ နာရီတကြိမ်၊
• Cefazolin: လူကြီး 1 g IV (၈) နာရီတကြိမ်၊ ကလေး 50-100 mg/kg/d IV ၈ နာရီတကြိမ်၊
• Minocycline: လူကြီး 100 mg PO/IV q12-24h; ကလေး 2-4 mg/kg/d တနေ့ ၂ ကြိမ်၊

၆။ Streptococcus Group A Infections စတက်ပတိုကောကပ်စ် အေ ဗက်တီးရီးယားအင်ဖက်ရှင်တွေ
Pharyngitis အာခေါင်ရောင်ခြင်း၊ Tonsillopharyngeal cellulitis အာသီး-အာခေါင် ရောင်ခြင်း၊ Abscess ပြည်တည်နာ၊ Pneumonia နူမိုးနီးယား၊ Necrotizing fasciitis အရေပြား ပြည်တည်ခြင်း၊ Streptococcal bacteremia သွေးထဲပိုး ဝင်ခြင်း၊ Osteomyelitis အရိုးအတွင်းရောင်ခြင်း၊ Ottitis Media နားပြည်ယိုခြင်း၊ Sinusitis ဆိုင်းနပ်စ်၊ Meningitis ဦးနှောက်မြှေး ရောင်ခြင်း၊ or Brain Asscess ဦးနှောက် ပြည်တည်ခြင်း၊ Acute rheumatic fever လေးဘက်နာ ရုတ် တရက်ဖြစ်ခြင်း၊ Rheumatic Heart disease ရူမက်တစ် နှလုံးရောဂါ၊ Acute Glumerulo-nephritis ကျောက်ကပ် ရုတ်တရက်ရောင်ခြင်း၊ Scarlet fever စကားလက်ဖီဗာ။

စတက်ပတိုကောကပ်စ် အေအတွက် ပိုးသေဆေးတွေ
• Penicillin G: လူကြီး 2-4 million U IV တနေ့ ၄ ကြိမ်၊ ကလေး 150,000 U/kg/d IV ၄ နာရီတကြိမ်၊
• Penicillin VK: လူကြီး 500 mg တနေ့ ၂-၃-၄ ကြိမ်၊ ၁ဝ ရက်၊ ကလေး 250 mg တနေ့ ၂-၃ ၁ဝ ရက်၊
• Clindamycin: လူကြီး 600 mg IV တနေ့ ၃ ကြိမ်၊ (သို့) 300-450 mg တနေ့ ၄ ကြိမ်၊ ကလေး 25-40 mg/kg/d IV တနေ့ ၃-၄ ကြိမ်၊
• Vancomycin: လူကြီး 15 mg/kg IV ၁၂ နာရီတကြိမ်၊ (သို့) 22.5 mg/kg ၁၂ နာရီတကြိမ်၊ ဦးနှောက်ရောင် = ကလေး 40 mg/kg/d IV တနေ့ ၃ ကြိမ်၊/တနေ့ ၄ ကြိမ်၊ ၇-၁ဝ ရက်။
• Telavancin: လူကြီး 10 mg/kg IV OD ၇-၁ဝ ရက်။

၇။ Streptococcus Group B Infections စထွက်ပတိုကောကပ်စ် ဘီ ဗက်တီးရီးယား အင်ဖက်ရှင်တွေ
Pneumonia နူမိုးနီးယား၊ Meningitis ဦးနှောက်မြှေးရောင်ခြင်း၊ Bacteremia သွေးထဲပိုးရောက်ခြင်း၊ Endocarditis နှလုံး အတွင်းသားရောင်ခြင်း၊ Cellulitis, Skin and soft-tissue infection အရေပြားအနာတွေ၊ Osteomyelitis အရိုးအတွင်း ရောင်ခြင်း၊ Arthritis အဆစ်ရောင်ခြင်း၊ Urinary tract infection ဆီးလမ်းရောင်ခြင်း၊ Pelvic abscess တင်ပါးဆုံတွင်း အင်္ဂါတွေ ပြည်တည်ခြင်း။

စထွက်ပတိုကောကပ်စ် ဘီအတွက် ပိုးသေဆေးတွေ
• Penicillin G: လူကြီး 12-24 million U/d IV ၄ ပါတ်။
• Cefazolin: လူကြီး 1 g IV တနေ့ ၃ ကြိမ်၊
• Vancomycin: လူကြီး 1 g IV တနေ့ ၂ ကြိမ်၊
• Telavancin: လူကြီး 10 mg/kg IV ၇-၁၄ ရက်။
• Gentamicin: လူကြီး 60 mg IV တနေ့ ၃ ကြိမ်၊
• Clindamycin: လူကြီး 600 mg IV တနေ့ ၄ ကြိမ်၊ 900 mg IV တနေ့ ၃ ကြိမ်၊ 300 mg တနေ့ ၄ ကြိမ်။

၈။ Streptococcus Group D Infections စထွက်ပတိုကောကပ်စ် ဒီ ဗက်တီးရီးယားအင်ဖက်ရှင်တွေ
Meningitis ဦးနှောက်မြှေးရောင်ခြင်း၊ Peritonitis ဝမ်းဗိုက်အတွင်းဖုံးအလွှာရောင်ခြင်း၊ Septic arthritis အဆစ်ရောင် ခြင်း၊ Urinary tract infections ဆီးလမ်းရောင်ခြင်း၊ Neonatal sepsis မွေးစကလေးပိုးဝင်ခြင်း။

စထွက်ပတိုကောကပ်စ် ဒီအတွက် ပိုးသေဆေးတွေ
• Penicillin G လူကြီး 12-18 million U IV ကို ၂၄ နာရီအတွင်း ၄ ကြိမ်ခွဲပေးပါ။ ကလေး >4 weeks: 25,000-400,000 U/kg/d IV တနေ့ ၄ ကြိမ်။
• Ceftriaxone: လူကြီး 2 g IV တနေ့ ၁ ကြိမ်။ ကလေး >4 weeks: 50-100 mg/kg/d IV တနေ့ ၁-၂ ကြိမ်။
• Vancomycin: လူကြီး 30 mg/kg ကို တနေ့ ၂ ကြိမ်ခွဲပေး။ ကလေး >4 weeks 40 mg/kg/d IV တနေ့ ၃-၄ ကြိမ်။
Candidiasis Yeast like fungus ဖန်းဂန်စ် မှိုဝင်ခြင်းအမျိုးမျိုး
• Clotrimazole, Ciclopirox, Econazole, Intraconazole, Ketoconazole, Miconazole, Nystatin လိမ်းဆေး-ထည့်ဆေးတွေ။
• Candida esophagitis: Fluconazole 100-200 mg/d ၁၄-၂၁ ရက်၊
• Vulvovaginal candidiasis: Fluconazole 150 mg ၁ ကြိမ်တည်း။
• Candida cystitis: Fluconazole at 200 mg/d ၁ဝ-၁၄ ရက်အနည်းဆုံး၊
• Renal candidiasis: Fluconazole at 400 mg/d IV or orally ၂ ပါတ်အနည်းဆုံး။
• Chronic mucocutaneous candidiasis: Fluconazole 100-400 mg/d (သို့) Itraconazole 200-600 mg/d

ဆေးပေးနည်းတွေပါထည့်ရေးလို့ မထည့်သင့်ဘူးဆိုပြီး ဆုံးမမဲ့သူတွေ ပေါ်လာဦးမယ်။ မတတ်နိုင်။ ဆောရီး။

ဒေါက်တာတင့်ဆွေ

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး